AtthaPali Vol.3

{316} Vippakatabhojaneti antaraghare va vihare va aranne va yattha katthaci bhunjamano bhikkhu anitthite bhojane na vutthapetabbo. Antaraghare paccha agatena bhikkham gahetva sabhagatthanam gantabbam. Sace manussa va bhikkhu va pavisathati vadanti mayi pavisante bhikkhu utthahissantiti vattabbam. Ettha bhante asanam atthiti vuttena pavisitabbam. Sace koci kinci na vadati asanasalaya gantva atisamipam agantva sabhagatthane thatabbam okase kate pavisathati vuttena pavisitabbam. Sace pana yam asanam tassa papunati tattha abhunjanto bhikkhu nisinno hoti tam utthapetum vattati. Yagukhajjakadisu pana yankinci pivitva va khaditva va yava anno agacchati tava nisinnam rittahatthampi utthapetum na vattati vippakatabhojanoyeva hi so hoti. Sace vutthapetiti sace sancicca apattim atikkamitvapi vutthapetiyeva. Pavarito ca Hotiti yam so vutthapeti ayance bhikkhu pavarito hoti tena vattabbo gaccha udakam aharati. Vuddhataram hi bhikkhum anapetum idamevaekatthananti. Sace so udakampi na aharati tato yam navakatarena kattabbam tam dassento sadhukam sitthani gilitvatiadimaha. Gilanassa patirupam seyyanti ettha yo kasagandasati- saradihi gilano hoti khelamallakavaccakapaladini thapetabbani honti. Kutthi va hoti senasanam duseti evarupassa hettha pasadamandapasaladisu annataram ekamantam senasanam databbam. Yasmim vasante senasanam na duseti tassa varaseyyapi databbava. Yopi sinehapanavirecananatthukammadisu yankinci bhesajjam karoti sabbo so gilanoyeva. Tassapi sallakkhetva patirupam senasanam databbam. Lesakappenati appakena sisabadhadimattena.

The Pali Atthakatha in Roman Book 3 page 361-362. http://84000.org/tipitaka/atthapali/rm_line.php?B=3&A=7404&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=7404&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=7&i=272 เนื้อความพระไตรปิฎกฉบับหลวง :- http://84000.org/tipitaka/read/r.php?B=7&A=2351 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=7&A=2450 The Pali Tipitaka in Roman Character :- http://84000.org/tipitaka/read/roman_read.php?B=7&A=2450 Contents of The Tipitaka Volume 4 http://84000.org/tipitaka/read/?index_7