AtthaPali Vol.3

{319} Upanandavatthusmim. Tattha taya moghapurisa gahitam idha mukkam idha gahitam tatra mukkanti ettha ayamattho yam taya tattha senasanam gahitam tam te ganhanteneva idha mukkam hoti. Idha danaham avuso muncamiti vadantena pana tam tatrapi mukkam. Evam tvam ubhayattha paribahiroti. Ayam panettha vinicchayo. Gahanena gahanam patippassambhati. Gahanena alayo patippassambhati. Alayena gahanam patippassambhati. Alayena alayo patippassambhati. Katham. Idhekacco vassupanayikadivase ekasmim vihare senasanam gahetva samantaviharam gantva tatrapi ganhati tassa imina gahanena purimam gahanam patippassambhati. Aparo idha vasissamiti alayamattam katva samantaviharam gantva tattheva senasanam ganhati tassa imina gahanena purimo alayo patippassambhati. Eko idha vasissamiti senasanam va gahetva alayam va katva samantaviharam Gantva tattha senasanam ganhati idhevidani vasissamiti alayam va karoti iccassa alayena va gahanam alayena va alayo patippassambhati. Sabbattha pacchime pacchime gahane va alaye va titthati. Yo pana ekasmim vihare senasanam gahetva annasmim vihare vasissamiti gacchati tassa upacarasimatikkame senasanagaho patippassambhati. Yadi pana sace tattha phasum bhavissati vasissami no ce agamissamiti gantva aphasukabhavam natva paccha gacchati vattati.

The Pali Atthakatha in Roman Book 3 page 378-379. http://84000.org/tipitaka/atthapali/rm_line.php?B=3&A=7760&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=7760&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=7&i=283 เนื้อความพระไตรปิฎกฉบับหลวง :- http://84000.org/tipitaka/read/r.php?B=7&A=2464 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=7&A=2563 The Pali Tipitaka in Roman Character :- http://84000.org/tipitaka/read/roman_read.php?B=7&A=2563 Contents of The Tipitaka Volume 4 http://84000.org/tipitaka/read/?index_7