AtthaPali Vol.3

Ekam varaseyyanti ettha navakammadanatthane va vassaggena pattatthane va yam icchati labhati tam ekam varaseyyam anujanamiti attho. Pariyosite pakkamati tasseva tanti puna agantva vassam vasantassa antovassam tasseva tam. Anagacchantassa pana saddhiviharikadayo gahetum na labhanti. {324} Nabhiharantiti annatra haritva na paribhunjanti. Guttatthayati yam tattha mancapithadikam tassa guttatthaya tam annattha haritum anujanamiti attho. Tasma annattha haritva sanghikaparibhogena Paribhunjantassa nattham sunattham jinnam sujinnam sace arogam tasmim vihare patisankhate puna pakatikam katabbam. Puggalikaparibhogena paribhunjato nattham va jinnam va giva hoti tasmim patisankhate databbameva. Sace tato gopanasiadini gahetva annasmim sanghikavase yojenti yojitani suyojitani. Puggalikavase yojentehi pana mulam va databbam pakatikam va katabbam. Chadditaviharato mancapithadini theyyacittena ganhanto uddhareyeva bhandagghena karetabbo. Puna avasikakale dassamiti gahetva sanghikaparibhogena paribhunjantassa nattham sunattham jinnam sujinnam arogam ce pakatikam katabbam. Puggalikaparibhogena paribhunjantassa nattham giva hoti. Tato dvaravatapanadini sanghikavase va puggalikavase va yojitani patidatabbaniyeva. Phatikammatthayati vuddhikammatthaya. Phatikammam cettha samakam va atirekam va agghanakam mancapithadisenasanameva vattati.

The Pali Atthakatha in Roman Book 3 page 393-394. http://84000.org/tipitaka/atthapali/rm_line.php?B=3&A=8079&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=8079&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=7&i=296 เนื้อความพระไตรปิฎกฉบับหลวง :- http://84000.org/tipitaka/read/r.php?B=7&A=2699 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=7&A=2783 The Pali Tipitaka in Roman Character :- http://84000.org/tipitaka/read/roman_read.php?B=7&A=2783 Contents of The Tipitaka Volume 4 http://84000.org/tipitaka/read/?index_7