|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Atthakatha Book 11 : PALI ROMAN Sam.A. (sarattha.1)
10. Yakkhasamyutta 10. Yakkhasamyutta 1. Indakasuttavannana [235] Yakkhasamyuttassa pathame indakassati indakutanivasino yakkhassa. Yakkhato hi kutena, kutato ca yakkhena namam laddham. Rupam na jivanti vadantiti yadi buddha rupam jivanti na vadanti, yadi rupam satto puggaloti evam na vadantiti attho. Katham nvayanti katham nu ayam. Kutassa atthiyakapindametiti assa sattassa atthi yakapindanca 1- kuto agacchati. Ettha ca atthiggahanena tini atthisatani, yakapindaggahanena nava mamsapesisatani gahitani. Yadi rupam na jivo, athassa imani ca atthini ima ca mamsapesiyo kuto agacchantiti pucchati. Katham nvayam sajjati gabbhasminti 2- kena nu karanena ayam satto matu kucchismim sajjati laggati nibbattati. 3- Puggalavadi kiresa yakkho, "ekappahareneva satto matu kucchismim nibbattati"ti gahetva gabbhaseyyakasattassa mata macchamamsadini khadati, sabbani ekarattivasena pacitva phenum 4- viya viliyanti. Yadi rupam satto na bhaveyya, evameva viliyeyyati laddhiya evamaha. Athassa bhagava "na matu kucchismim ekappahareneva nibbattati, anupubbena pana vaddhati"ti dassento pathamam kalalam hotitiadimaha. Tattha pathamanti pathamena patisandhivinnanena saddhim tissoti va pussoti va namam natthi. Athakho tihi jatiunnamsuhi katasuttagge santhitatelabinduppamanam kalalam hotiti, 5- yam sandhaya vuttam:- "tilatelassa yatha bindu sappi mando anavilo evam vannapatibhagam kalalam sampavuccati"ti. Kalala hoti abbudanti tasma kalala sattahaccayena mamsadhovanaudakavannam abbudam nama hoti, kalalanti namam antaradhayati. Vuttampi cetam:- @Footnote: 1 cha.Ma. atthiyakapindanca 2 cha.Ma. gabbharasminti 3 cha.Ma. titthatiti @4 cha.Ma. phenam 5 cha.Ma. hoti--------------------------------------------------------------------------------------------- page285.
"sattaham kalalam hoti paripakkam samuhatam vivattamanam tam bhavam 1- abbudam nama jayati"ti. Abbuda jayate pesiti tasmapi abbuda sattahaccayena vilinatipusadisa pesi nama sanjayati. Sa maricaphanitena dipetabba. Gamadaraka 2- hi supakkani maricani gahetva satakante bhandikam katva piletva mandam adaya kapale pakkhipitva atape thapenti, tam sukkhamanam sabbabhagehi muccati. Evarupa pesi hoti, abbudanti namam antaradhayati. Vuttampi cetam:- "sattaham abbudam hoti paripakkam samuhatam vivattamanam tam bhavam 1- pesi ca nama jayati"ti. 3- Pesi nibbattati ghanoti tato pesito sattahaccayena kukkutandasanthano ghano nama mamsapindo nibbattati, pesiti namam antaradhayati. Vuttampi cetam:- "sattaham pesi bhavati paripakkam samuhatam vivattamanam tam bhavam ghano ca nama jayati. Yatha kukkutiya andam samanta parimandalam evam ghanassa santhanam nibbattam kammapaccaya"ti. Ghana pasakha jayantiti pancame sattahe dvinnam hatthapadanam sisassa catthaya panca pilaka jayanti, yam sandhaya 4- vuttam "pancime bhikkhave sattahe panca pilaka santhahanti kammato"ti. Ito param chatthasattamadini sattahani atikkamma desanam sankhipitva dvacattalise 5- sattahe parinatakalam gahetva dassento kesatiadimaha. Tattha kesa loma nakhapi cati dvacattalise sattahe etani jayanti. Tena so tattha yapetiti tassa hi nabhito utthitanalo matu udarapatalena ekabaddho hoti, so uppaladandako viya chiddo, tena ahararaso samsaritva aharasamutthanam rupam samutthapeti. Evam so dasa mase yapeti. Matu kucchigato @Footnote: 1 cha.Ma. tabbhavam, evamuparipi 2 cha.Ma. gamadarika 3 cha.Ma. pesi nama pajayati, @Si., i, pesi nama ca jayati 4 cha.Ma., i. sandhayetam 5 Ma. dvacattalisame--------------------------------------------------------------------------------------------- page286.
Naroti matu naro kucchigato, 1- kucchiya abbhantaragatoti attho. Iti bhagava "evam kho yakkha ayam satto anupubbena matu kucchiyam vaddhati, na ekappahareneva nibbattati"ti dasseti. Pathamam.The Pali Atthakatha in Roman Book 11 page 284-286. http://84000.org/tipitaka/atthapali/rm_line.php?B=11&A=7325&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=7325&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=801 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=6627 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=5919 The Pali Tipitaka in Roman Character :- http://84000.org/tipitaka/read/roman_read.php?B=15&A=5919 Contents of The Tipitaka Volume 15 http://84000.org/tipitaka/read/?index_15
       |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]