บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Sihanadavagga 1. Sihanadasuttavannana [11] Dutiyassa pathame yena bhagava tenupasankamiti "sace sattha carikam pakkamitukamo assa, imasmim kale pakkameyya. Handaham carikagamanatthaya sattharam apucchami"ti cintetva bhikkhusamghaparivuto upasankami. Ayasma mam bhanteti so kira bhikkhu theram mahata bhikkhuparivarena agacchantam 1- disva "ime bhikkhu tathagatam pahaya sariputtam parivaretva nikkhanta, gamanavicchedamassa karissami"ti atthanakopam bandhitva evamaha. Tattha asajjati ghattetva. Appatinissajjati akkhamapetva accayam adassetva. Kismim pana so karane aghatam bandhiti? therassa kira dasabalam vanditva utthaya gacchato civarakanno tassa sariram phusi, vato paharitipi vadanti. Ettakena aghatam bandhitva theram mahata parivarena gacchantam disva usuyamano "gamanavicchedamassa karissami"ti evamaha. Ehi tvam bhikkhuti sattha tassa bhikkhuno vacanam sutva "na tam bhikkhu sariputto pahariti vutte `bhante tumhe attano aggasavakasseva pakkham vahatha, na mayhan'ti mayi manopadosam katva @Footnote: 1 cha.Ma. gacchantam--------------------------------------------------------------------------------------------- page292.
Apaye nibbatteyya"ti natva "sariputtam pakkosapetva imamattham pucchissami"ti ekam bhikkhum amantetva evamaha. Apapuranam adayati kuncikam gahetva. Sihanadanti setthanadam sammukhanadam appativattiyanadam. Evam dvihi mahatherehi arocito bhikkhusamgho rattitthanadivatthanani pahaya satthu santikam agamasi. Khiyadhammanti 1- kathadhammam. Guthagatanti guthameva. Sesesupi eseva nayo. Pathavisamenati akujjhanatthena adussanatthena 2- pathaviya samanena. Na hi pathavi "mayi sucim nikkhipanti"ti somanassam karoti, na "asucim nikkhipanti"ti domanassam. Mayhampi evarupam cittanti dasseti. Vipulenati aparittena. Mahaggatenati mahantabhavam gatena. Appamanenati vaddhitap- pamanena. Averenati akusalaverapuggalaverarahitena. Abyapajjhenati niddukkhena vigata- domanassena. So idhati so anupatthitakayanupassanasatipatthano bhikkhu evam kareyya, madiso katham evarupam karissati bhanteti pathamam sihanadam nadi. Evam sabbattha yojana veditabba. Rajoharananti rajasammajjanacolakam, padapunchananti 3- tassetam namam. Kalopihatthoti pacchihattho ukkhalihattho va. Nantikavasiti 4- antacchinnapilotikavasano. Suratoti sucisilo soraccena samannagato. Sudantoti sutthu damatham upagato. Susikkhitoti sutthu sikkhito. Na kinci himsatiti visanadisu ganhantampi pitthim parimajjantampi na kanci vihetheti. Usabhacchinnavisanasamenati usabhassa chinnavisanassa cittasadisena. Attiyeyyati atto pilito bhaveyya. Harayeyyati lajjeyya. Jiguccheyyati jiguccham apajjeyya. @Footnote: 1 cha.Ma. khiyanadhammanti 2 cha.Ma. ayam patho na dissati @3 ka. rajakulanam na sammajjaniya sammajjanti colakena pana punchanti @4 cha.Ma. nantakavasiti--------------------------------------------------------------------------------------------- page293.
Medakathalikanti medakathalika vuccati sunakarakehi yusanikkhamanatthaya tattha tattha katachidda thalika. Parihareyyati mamsassa puretva ukkhipitva gaccheyya. Chiddavachiddanti parittamahantehi chiddehi samannagatam. Uggharantanti uparimukhehi chiddehi nikkhamamanayusam. Paggharantanti adhomukhehi nikkhamamanayusam. Evamassa sakalasariram yusamakkhitam bhaveyya. Chiddavachiddanti navahi vanamukhehi parittamahantachiddam. Evamettha atthamanavamehi dvihi angehi thero attano sarire nicchandaragatam kathesi. Athakho so bhikkhuti evam therena navahi karanehi sihanade nadite athakho so bhikkhu. Accayoti aparadho. Mam accagamati mam atikkamma abhibhavitva pavatto. Patigganhatuti khamatu. Ayatim samvarayati anagate samvaranatthaya, puna evarupassa aparadhassa akaranatthaya. Tagghati ekamsena. Yathadhammam patikarositi yatha dhammo thito, tatheva karosi, khamapesiti vuttam hoti. Tante mayam patigganhamati tam tava aparadham mayam khamama. Vuddhi hesa bhikkhu ariyassa vinayeti esa bhikkhu ariyassa vinaye buddhassa bhagavato sasane vuddhi nama. Katama? accayam accayato disva yathadhammam patikaritva ayatim samvarapajjana. Desanam pana puggaladhitthanam karonto yo accayam accayato disva yathadhammam patikaroti, ayatim samvaram apajjiti aha. Phalatiti sace hi thero na khameyya, tassa bhikkhuno tattheva sattadha muddha phaleyya. Tasma bhagava evamaha. Sace mam soti sace mam ayam bhikkhu khamahiti evam vadati. Khamatu ca me soti ayampi cayasma mayham khamatuti evam thero tassa accayam patigganhitva sayampi tam satthu sammukhe khamapesiti.The Pali Atthakatha in Roman Book 16 page 291-293. http://84000.org/tipitaka/atthapali/rm_line.php?B=16&A=6548&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=6548&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=23&i=215 เนื้อความพระไตรปิฎกฉบับหลวง :- http://84000.org/tipitaka/read/r.php?B=23&A=7916 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=23&A=8172 The Pali Tipitaka in Roman Character :- http://84000.org/tipitaka/read/roman_read.php?B=23&A=8172 Contents of The Tipitaka Volume 22 http://84000.org/tipitaka/read/?index_23
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]