|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Atthakatha Book 16 : PALI ROMAN An.A. (manoratha.3)
6. Atthakanagarasuttavannana [16] Chatthe dasamoti jatigottavasena ceva sarappattakulagananaya ca dasame thane ganiyati, tenassa dasamotveva namam jatam. Atthakanagaroti atthakanagaravaSi. Kukkutarameti kukkutasetthina karite arame. Tena bhagavata .pe. Sammadakkhatoti ettha ayam sankhepattho:- yo so bhagava samatimsa paramiyo puretva sabbakilese bhanjitva anuttaram sammasambodhim abhisambuddho, tena bhagavata tesam tesam sattanam asayanusayam janata, hatthatale thapitam amalakam viya sabbaneyyadhamme passata, apica pubbenivasadihi janata, dibbena cakkhuna passata, tihi va vijjahi chahi va pana abhinnahi janata, sabbattha appatihatena samantacakkhuna passata, sabbadhammajananasamatthaya pannaya janata, sabbasattanam cakkhuvisayatitani tirokuddadigatani capi rupani ativisuddhena mamsacakkhuna va passata, attahitasadhikaya samadhipadatthanaya pativedhapannaya janata, parahitasadhikaya karuna- padatthanaya desanapannaya passata, antarayikadhamme va janata, niyyanikadhamme passata, kilesarinam 1- hatatta arahata, samma samam sabbadhammanam buddhatta samma- sambuddhenati evam catuvesarajjavasena catuhi karanehi thomitena atthi nu kho ekadhammo akkhatoti. Abhisankhatanti katam uppaditam. Abhisancetayitanti cetitam kappitam. 2- So tattha thitoti so tasmim samathavipassanadhamme thito. Dhammaragena dhammanandiyati padadvayenapi samathavipassanasu chandarago vutto. Samathavipassanasu hi sabbena sabbam chandaragam pariyadiyitum sakkonto araha hoti, asakkonto anagami hoti. So samathavipassanasu chandaragassa appahinatta catutthajjhanacetanaya suddhavase nibbattati. Ayam acariyanam samanatthakatha. @Footnote: 1 cha.Ma. arinam 2 cha.Ma. cetayitam kappayitam--------------------------------------------------------------------------------------------- page387.
Vitandavadi panaha "teneva dhammaragenati vacanato akusalena suddhavase nibbattati"ti. So "suttam aharahi"ti vattabbo. Addha annam apassanto idameva aharissati. Tato vattabbo "kim panidam suttam nitattham, udahu neyyatthan"ti. Addha "nitatthan"ti vakkhati. Tato vattabbo:- evam sante anagamiphalatthikena samathavipassanasu chandarago kattabbo bhavissati, chandarage uppadite anagamiphalam patiladdham bhavissati, ma "suttam me laddhan"ti yam va tam va dipehi. Panham pucchantehi 1- acariyassa santike uggahetva attharasam pativijjhitva kathetum vattati. Akusalena hi sagge kusalena ca apaye patisandhi nama natthi. Vuttanhetam bhagavata:- "na bhikkhave lobhajena kammena dosajena kammena mohajena kammena deva pannayanti, manussa pannayanti, ya va panannapi kaci sugatiyo. Athakho bhikkhave lobhajena kammena dosajena kammena mohajena kammena nirayo pannayati, tiracchanayoni pannayati, pittivisayo pannayati, ya va panannapi kaci duggatiyo"ti 2- evam sannapetabbo. Sace sanjanati. Sanjanatu. No ce sanjanati, "gaccha patova viharam pavisitva yagum pivahi"ti uyyojetabbo. Ayampi kho gahapati ekadhammo sammadakkhatoti 3- ekadhammam pucchitena "ayampi ekadhammo akkhato, ayampi ekadhammo akkhato"ti evam pucchavasena kathitatta ekadasapi dhamma ekadhammo nama kato. Amatuppattiatthena va sabbepi ekadhammoti vattum vattati. Nidhimukham gavesantoti nidhim pariyesanto. Sakidevati ekappayogeneva. Katham pana ekappayogeneva ekadasannam nidhinam adhigamo hotiti? idhekacco aranne jivitavuttim @Footnote: 1 cha.Ma. kathentena hi 2 an. chakka. 22/310/378 (sya) 3 cha.Ma. akkhatoti--------------------------------------------------------------------------------------------- page388.
Gavesamano carati. Tamenam annataro atthacarako disva "kim bho carasi"ti pucchati. So "jivitavuttim pariyesami"ti aha. Itaro "tenahi samma agaccha, etam pasanam pavattehi"ti 1- aha. So tam pavattetva 2- uparuparitthita va kucchiya kucchim ahacca thita va ekadasa kumbhiyo passati. Evam ekappayogena ekadasannam adhigamo hotiti. Acariyadhanam pariyesissantiti annatitthiya hi yassa santike sippam ugganhanti, tassa sippuggahanato pure va paccha va antarantara va gehato niharitva dhanam denti. Yesam gehe natthi, te natisabhagato pariyesanti. Yesam tampi natthi, te sabhagato pariyesanti. Tatha alabhamana bhikkhampi caritva dentiyeva. Tam sandhayetam vuttam. Kim panahanti bahiraka tava aniyyanikepi sasane sippamattadayakassa dhanam pariyesanti, aham pana evamvidhe niyyanikasasane ekadasavidham amatuppattipatipadam desentassa acariyassa pujam kim na karissami, karissamiyevati vadati. Pacceka- dussayugena acchadesiti ekamekassa bhikkhuno ekekam dussayugam adasiti attho. Samudacaravacanam panettha evarupam hoti, tasma acchadesiti vuttam. Pancasatam viharanti pancasatagghanikam pannasalam karesiti attho.The Pali Atthakatha in Roman Book 16 page 386-388. http://84000.org/tipitaka/atthapali/rm_line.php?B=16&A=8642&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=8642&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=24&i=223 เนื้อความพระไตรปิฎกฉบับหลวง :- http://84000.org/tipitaka/read/r.php?B=24&A=8310 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=24&A=7823 The Pali Tipitaka in Roman Character :- http://84000.org/tipitaka/read/roman_read.php?B=24&A=7823 Contents of The Tipitaka Volume 22 http://84000.org/tipitaka/read/?index_24
       |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]