AtthaPali Vol.2

{508} Tena samayenati civarapatiggahanasikkhapadam. Tattha pindapatapatikkantati pindapatato patikkanta. Yena andhavanam tenupasankamiti appannatte sikkhapade yena andhavanam tenupasankami. Katakammati katacorakamma. Sandhicchedanadihi kammehi parabhandam haritvati vuttam hoti. Coragamanikoti corajetthako. So kira pubbe therim janati tasma coranam purato gacchanto tam disva ito ma gacchatha sabbe ito ethati te gahetva annena maggena agamasi. Samadhimha vutthahitvati theri kira paricchinnavelayamyeva samadhimha vutthahitva. Sopi tasmimyeva khane evam avaca tasma sa assosi. Tam sutva ca natthidani anne ettha samano va brahmano va annatra mayati tam mamsam aggahesi. Tena vuttam athakho uppalavanna bhikkhuniti adi. Ohiyakoti avahiyako avaseso viharavaram patva ekova vihare thitoti attho. Sace me tvam antaravasakam dadeyyasiti kasma aha.

--------------------------------------------------------------------------------------------- page191.

Sanham ghanamattham antaravasakam disva lobhena. Apica appako tassa antaravasake lobho theriya pana sikhappatta kotthasasampatti tenassa sariraparipurim passissamiti visamalobham uppadetva evamaha. Antimanti pancannam civaranam sabbapariyantam hutva antimam pacchimam. Annam lesenapi vikappetva va paccuddharitva va thapitam civaram natthiti evam yathaanunnatanam pancannam civaranam dharanavaseneva aha na lobhena. Na hi khinasavanam lobho atthi. Nippiliyamanati upamam dassetva galham piliyamana. Antaravasakam datva agamasiti sankaccikam nivasetva yatha tassa manoratho na purati evam hatthataleyeva dassetva agamasi. {510} Kasma parivattakacivaram apatigganhante ujjhayimsu. Sace ettakopi amhesu ayyanam vissaso natthi katham mayam yapessamati vihatthataya samabhitunnatta. Anujanami bhikkhave imesam pancannanti imesam pancannam sahadhammikanam samasaddhanam samasilanam samaditthinam parivattakam gahetum anujanamiti attho. {512} Payoge dukkatanti gahanatthaya hatthappasaranadisu dukkatam. Patilabhenati patiggahanena. Tattha ca hatthena va hatthe detu padamule va thapetu upari va khipatu sace sadiyati gahitameva hoti. Sace pana sikkhamanasamanerasamaneriupasakaupasikadinam hatthe pesitam patigganhati anapatti. Dhammakatham kathentassa catassopi parisa civarani ca nanaviragavatthani ca anetva padamule thapenti upacare va thatva upacaram va muncitva khipanti.

--------------------------------------------------------------------------------------------- page192.

Yam tattha bhikkhuninam santakam tam annatra parivattaka ganhantassa apattiyeva. Atha pana rattibhage khittani honti idam bhikkhuniya idam annesam santakanti natum na sakka parivattakakiccam natthiti mahapaccariyam ca kurundiyam ca vuttam. Tam acittakabhavena na sameti. Sace bhikkhuni vassavasikam deti parivattakameva katabbam. Sace pana sankarakutadisu thapeti pamsukulam ganhissantiti pamsukulam adhitthahitva gahetum vattati. {513} Annatikaya annatikasanniti tikapacittiyam. Ekato upasampannayati bhikkhuninam santike upasampannaya hatthato ganhantassa dukkatam. Bhikkhunam santike upasampannaya pana pacittiyameva. {514} Parittena va vipulanti appagghena civarena va upahanatthavikapattatthavikaamsabandhakakaya- bandhanadina va mahaggham sacepi ticivaram patigganhati anapatti. Mahapaccariyam pana antamaso haritakikhandenapiti vuttam. Vipulena va parittanti idam vuttavipallasena veditabbam. Annam parikkharanti pattatthavikadim yankinci. Vikappanupagapacchimacivarappamanam pana parissavanampi na vattati. Yam neva adhitthanupagam na vikappanupagam tam sabbam vattati. Sacepi mancappamana bhisicchavi hoti vattatiyeva. Ko pana vado pattatthavikadisu. Sesam uttanatthameva. Samutthanadisu idam chassamutthanam kiriyakiriyam nosannavimokkham acittakam pannattivajjam kayakammam vacikammam ticittam

--------------------------------------------------------------------------------------------- page193.

Tivedananti. Civarapatiggahanasikkhapadavannana nitthita.

The Pali Atthakatha in Roman Book 2 page 190-193. http://84000.org/tipitaka/atthapali/rm_line.php?B=2&A=3991&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=3991&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=2&i=46 เนื้อความพระไตรปิฎกฉบับหลวง :- http://84000.org/tipitaka/read/r.php?B=2&A=752 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=2&A=489 The Pali Tipitaka in Roman Character :- http://84000.org/tipitaka/read/roman_read.php?B=2&A=489 Contents of The Tipitaka Volume 1 http://84000.org/tipitaka/read/?index_2