Atthakatha Book 2 : PALI ROMAN
Vinaya.A. (samanta.2)

     {335} Tatiyasikkhapade. Appakatannunoti yam bhagavata pakatam pannattam
tam na janantiti attho. {336} Udake hassadhammoti udakakilika
vuccati. Uparigopphaketi gopphakanam uparibhagappamane.
Hassadhippayoti kiladhippayo. Nimujjati vati adisu nimujjanatthaya
orohantassa padavare padavare dukkatam. Nimujjanummujjanesu
payoge payoge pacittiyam. Nimujjitva antoudakeyeva gacchantassa
hatthavarapadavaresu sabbattha pacittiyam. Palavatiti tarati.
Hatthehi tarantassa hatthavare hatthavare pacittiyam. Padesupi
eseva nayo. Yena yena angena tarati tassa tassa payoge
payoge pacittiyam. Tirato va rukkhato va udake patati
pacittiyameva. Navaya kilatiti phiyarittadihi navam pajento va
---------------------------------------------------------------------------------------------
page453.
Tire ussadento va navaya kilati dukkatam. Hatthena vati
adisupi payoge payoge dukkatam. Keci hatthena udake khittaya
kathalaya patanuppatanavaresu dukkatanti vadanti tam na gahetabbam.
Tattha hi ekappayogatta ekameva dukkatam. Apica uparigopphake
vuttani ummujjanadini thapetva annena yenakenaci akarena
udakam otaritva va anotaritva va yattha katthaci thitam udakam
antamaso bindum gahetva khipanakilayapi kilantassa dukkatameva.
Atthajotakam pana akkharam likhitum vattati. Ayamettha vinicchayo.
Sesamettha uttanameva. Pathamaparajikasamutthanam kiriya
sannavimokkham sacittakam lokavajjam kayakammam akusalacittam tivedananti.
                  Hassadhammasikkhapadam tatiyam.


             The Pali Atthakatha in Roman Book 2 page 452-453.
http://84000.org/tipitaka/atthapali/rm_line.php?B=2&A=9543&modeTY=2&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=2&A=9543&modeTY=2&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=2&i=586
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=2&A=12045
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=2&A=6976
             The Pali Tipitaka in Roman Character :-
http://84000.org/tipitaka/read/roman_read.php?B=2&A=6976
             Contents of The Tipitaka Volume 1
http://84000.org/tipitaka/read/?index_2