AtthaPali Vol.30

3. Paricchattakavagga 29. 1. Ularavimanavannana paricchattakavagge ularo te yaso vannoti ularavimanam. Tassa ka uppatti? bhagava rajagahe viharati veluvane kalandakanivape. Tena samayena rajagahe ayasmato mahamoggallanassa upatthakakule eka darika danajjhasaya danasamvibhagarata ahosi. Sa yam tasmim gehe purebhattam khadaniyabhojaniyam ^1- uppajjati, tattha attana laddhapativisato upaddham deti, upaddham attana paribhunjati, adatva pana na bhunjati, dakkhineyye apassantipi thapetva ditthakale deti, yacakanampi detiyeva. Athassa mata "mama dhita danajjhasaya danasamvibhagarata"ti hatthatuttha tassa digunam bhagam deti. Denti ca ekasmim bhage taya samvibhage kate puna aparam deti, sa tatopi samvibhagam karotiyeva. @Footnote: ¹ Si.,i. khadaniyabhojaniyadim

--------------------------------------------------------------------------------------------- page136.

Evam gacchante kale tam vayappattam matapitaro tasmimyeva nagare annatarasmim kule kumarassa adamsu. Tam pana kulam micchaditthikam hoti assaddham appasannam. Athayasma mahamoggallano rajagahe sapadanam pindaya caramano tassa darikaya sasurassa gehadvare atthasi. Tam disva sa darika pasannacitta "pavisatha bhante"ti pavesetva vanditva sassuya thapitam puvam tam apassanti "tassa kathetva anumodapessami"ti vissasena gahetva therassa adasi, thero anumodanam katva pakkami. Darika "tumhehi thapitam puvam mahamoggallanattherassa adasin"ti sassuya kathesi. Sa tam sutva "kinnamidam pagabbhiyam, ^1- ayam mama santakam anapucchitvava samanassa adasi"ti tam tatatatayamana kodhabhibhuta yuttayuttam acintenti purato thitam musalakhandam gahetva amsakute pahari. Sa sukhumalataya parikkhinayukataya ca teneva paharena balavadukkhabhibhuta hutva katipaheneva kalam katva tavatimsesu nibbatti. Tassa satipi annasmim sucaritakamme therassa katadanameva satisayam hutva upatthasi. Tam ayasma mahamoggallano hettha vuttanayeneva gantva:- [286] "ularo te yaso vanno sabba obhasate disa nariyo naccanti gayanti devaputta alankata. [287] Modenti parivarenti tava pujaya devate sovannani vimanani tavimani sudassane. [288] Tuvamsi issara tesam sabbakamasamiddhini abhijata mahantasi devakaye pamodasi devate pucchitacikkha kissa ^2- kammassidam phalan"ti. Tihi gathahi pucchi. @Footnote: ¹ Ma. pagabbiyam ² ka. yassa

--------------------------------------------------------------------------------------------- page137.

#[286] Tattha yasoti parivaro. Vannoti vannanibha sarirobhaso. "ularo"ti pana visesetva vuttatta tassa devataya parivarasampatti ca vanna- sampatti ca vutta ^1- hoti. Tasu "ularo te vanno"ti sankhepato vuttam vanna- sampattim visayavasena vittharato dassetum "sabba obhasate disa"ti vatva "ularo te yaso"ti vuttam parivarasampattim vatthuvasena vittharato dassetum "nariyo naccanti"tiadi vuttam. Tattha sabba obhasate disati sabbasu disasu ^2- vijjotate, sabba va disa obhasayate, vijjotayatiti attho. "obhasate"ti padassa "obhasante"ti keci vacanavipallasena attham vadanti, tehi "vannena"ti vibhatti viparinametabba. ^3- Vannenati ca hetumhi karanavacanam, vannena hetubhutenati attho. "sabba disa"ti ca jativasena disasamanne apekkhite vacanavipallasenapi payojanam natthi. Nariyoti etthapi "alankata"ti padam anetva sambandhitabbam. Devaputtati ettha casaddo luttaniddittho. Tena nariyo devaputta cati samuccayo veditabbo. #[287] Modentiti pamodayanti. Pujayati pujanattham pujanimittam va, naccanti gayantiti yojana. Tavimaniti tava vimani. #[288] Sabbakamasamiddhiniti sabbehi pancahi kamagunehi, sabbehi va taya kamitehi icchitehi vatthuhi samiddha. Abhijatati sujata. Mahantasiti mahati mahanubhava asi. Devakaye pamodasiti imasmim devanikaye dibbasampattihetukena paramena pamodanena pamodasi. Evam therena pucchita sa devata tamattham vissajjesi:- [289] "aham manussesu manussabhuta purimaya jatiya manussaloke @Footnote: ¹ Ma. yutta ² Ma. sabba disa ³ Ma. vibhattim parinamenti

--------------------------------------------------------------------------------------------- page138.

Dussilakule ^1- sunisa ahosim assaddhesu kadariyesu aham. [290] Saddha silena sampanna samvibhagarata sada pindaya caramanassa apuvam te adasaham. [291] Tadaham sassuya'cikkhim `samano agato idha tassa adasaham puvam pasanna sehi panibhi.' [292] Itissa sassu paribhasi avinitasi tvam vadhu ^2- na mam sampucchitum icchi `samanassa dadamaham.' [293] Tato me sassu kupita pahasi musalena mam kutangacchi avadhi mam nasakkhim jivitum ciram. [294] Sa aham kayassa bheda vippamutta tato cuta devanam tavatimsanam upapanna sahabyatam. [295] Tena me'tadiso vanno .pe. Vanno ca me sabbadisa pabhasati"ti. #[289] Tattha assaddhesuti ratanattayasaddhaya kammaphalasaddhaya ca abhavena assaddhesu, thaddhamacchariyataya kadariyesu sassuadisu aham saddha silena sampanna ahosinti yojana. #[290-1] Apuvanti kapallapuvam. Teti nipatamattam. Sassuya acikkhim gahitabhavanapanatthanca anumodanatthancati adhippayo. @Footnote: ¹ pali. dussile kule ² paliyam avinita tvam vadhu

--------------------------------------------------------------------------------------------- page139.

#[292] Itissati ettha assati nipatamattam. Samanassa dadamahanti aham samanassa apuvam dadamiti. Yasma na mam sampucchitum icchi, tasma tvam vadhu avinitasiti sassu paribhasiti yojana. #[293] Pahasiti pahari. Kutangacchi avadhi manti ettha kutanti amsakutam vuttam purimapadalopena, kutameva anganti kutangam, tam chindatiti kutangacchi. Evam kodha- bhibhuta hutva mam avadhi, mama amsakutam chindi, teneva upakkamena matatta mam maresiti attho. Tenaha "nasakkhim jivitum ciran"ti. #[294] Vippamuttati tato dukkhato sutthu mutta. Sesam vuttanayameva. Ularavimanavannana nitthita. ------------------

The Pali Atthakatha in Roman Book 30 page 135-139. http://84000.org/tipitaka/atthapali/rm_line.php?B=30&A=2886&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=2886&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=29 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=817 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=803 The Pali Tipitaka in Roman Character :- http://84000.org/tipitaka/read/roman_read.php?B=26&A=803 Contents of The Tipitaka Volume 26 http://84000.org/tipitaka/read/?index_26