AtthaPali Vol.30

59. 9. Dutiyasūcivimānavaṇṇanā uccamidaṃ maṇithūṇanti dutiyasūcivimānaṃ. Tassa kā uppatti? bhagavā rājagahe viharati veḷuvane. Tena samayena rājagahavāsī eko tunnakārako vihārapekkhako hutvā veḷuvanaṃ gato tattha aññataraṃ bhikkhuṃ veḷuvane katasūciyā cīvaraṃ sibbantaṃ disvā sūcigharena saddhiṃ sūciyo adāsi. Sesaṃ sabbaṃ vuttanayameva. [952] "uccamidaṃ maṇithūṇaṃ vimānaṃ samantato dvādasa yojanāni kūṭāgārā sattasatā uḷārā veḷuriyathambhā rucakatthatā subhā. @Footnote: ¹ cha.Ma. sūcivimānavaṇṇanā

--------------------------------------------------------------------------------------------- page292.

[953] Tatthacchasi pivasi khādasi ca dibbā ca vīṇā pavadanti vaggū dibbā rasā kāmaguṇettha pañca nāriyo ca naccanti suvaṇṇachannā. [954] Kena te'tādiso vaṇṇo kena te idha mijjhati uppajjanti ca te bhogā ye keci manaso piyā. [955] Pucchāmi taṃ deva mahānubhāva manussabhūto kimakāsi puññaṃ kenāsi evañjalitānubhāvo vaṇṇo ca te sabbadisā pabhāsatī"ti pucachi. [956] So devaputto attamano moggallānena pucchito pañhaṃ puṭṭho viyākāsi yassa kammassidaṃ phalaṃ. [957] "ahaṃ manussesu manussabhūto purimāya jātiyā manussaloke. [958] Addasaṃ virajaṃ bhikkhuṃ vippasannamanāvilaṃ tassa adāsahaṃ sūciṃ pasanno sehi ^1- pāṇibhi. [959] Tena me'tādiso vaṇṇo tena me idha mijjhati uppajjanti ca me bhogā ye keci manaso piyā. [960] Akkhāmi te bhikkhu mahānubhāva manussabhūto yamakāsi puññaṃ @Footnote: ¹ ka. sakehi

--------------------------------------------------------------------------------------------- page293.

Tenamhi evañjalitānubhāvo vaṇṇo ca me sabbadisā pabhāsatī"ti. Taṃ sabbaṃ heṭṭhā vuttanayameva. Dutiyasūcivimānavaṇṇanā niṭṭhitā. ------------------

The Pali Atthakatha in Roman Book 30 page 291-293. http://84000.org/tipitaka/atthapali/rm_line.php?B=30&A=6149&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=6149&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=59 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=2072 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=2071 The Pali Tipitaka in Roman Character :- http://84000.org/tipitaka/read/roman_read.php?B=26&A=2071 Contents of The Tipitaka Volume 26 http://84000.org/tipitaka/read/?index_26