AtthaPali Vol.32

page556.

317. 11. Upalittheragathavannana saddhaya abhinikkhammati ayasmato upalittherassa gatha. Ka uppatti? ayampi padumuttarassa bhagavato kale hamsavatinagare kulaghare nibbatto ekadivasam satthu dhammam sunanto sattharam ekam bhikkhum vinayadharanam aggatthane thapentam disva adhikarakammam katva tam thanantaram patthesi. So yavajivam kusalam katva devamanussesu samsaranto imasmim buddhuppade kappakagehe patisandhim ganhi, upalitissa namam akamsu. So vayappatto anuruddhadinam channam khattiyanam pasadako hutva tathagate anupiyambavane viharante pabbajanatthaya nikkhamantehi chahi khattiyehi saddhim nikkhamitva pabbaji. Tassa pabbajjavidhanam paliyam agatameva. ^1- So pabbajitva upasampanno satthu santike kammatthanam gahetva "mayham bhante arannavasam anujanatha"ti aha. Bhikkhu tava aranne vasantassa ekameva dhuram vaddhissati, amhakam pana santike vasantassa ganthadhuranca vipassanadhuranca paripuressatiti. Thero satthu vacanam sampaticchitva vipassanaya kammam karonto na cirasseva arahattam papuni. Tena vuttam apadane ^2- :- "nagare hamsavatiya sujato nama brahmano asitikotisannicayo ^3- pahutadhanadhannava. Ajjhayako mantadharo tinnam vedana paragu lakkhane itihase ca saddhamme paramim gato. Paribbaja ^4- ekasikha gotama buddhasavaka caraka ^5- tapasa ceva caranti mahiya tada. @Footnote: ¹ vinaYu.cula. 7/331/115 samghabhedakkhandhaka ² khu.apa. 32/441/53 upalittherapadana @³ cha.Ma. asitikotinicayo ⁴ cha.Ma. paribbaja ⁵ Si. varana

--------------------------------------------------------------------------------------------- page557.

Tepi mam parivarenti brahmano vissuto iti bahu jana mam pujenti ^1- naham pujemi kincanam. Pujaraham na passami manatthaddho aham tada buddhoti vacanam natthi tava nuppajjate jino. Accayena ahorattam padumuttaranayako ^2- sabbam tamam vinodetva loke uppajji cakkhuma. Vittharike ^3- bahujanne puthubhute ca sasane upagami tada buddho nagaram hamsasavhayam. Pitu atthaya so buddho dhammam desesi cakkhuma tena kalena parisa samanta yojanam tada. Sammato manujanam no ^4- sunando nama tapaso yavata budadhaparisa pupphehicchadayi ^5- tada. Catusaccam pakasento ^6- setthe ca pupphamandape kotisatasahassanam dhammabhisamayo ahu. Sattarattindivam buddho vassitva dhammavutthiya ^7- atthame divase patte sunandam kittayi jino. Devaloke manusse va samsaranto ayam bhave sabbesam pavaro hutva bhavesu samsarissati. Kappasatasahassamhi okkakakulasambhavo gotamo nama namena ^8- sattha loke bhavissati. Tassa dhammesu dayado oraso dhammanimmito mantaniputto punnoti hessati satthu savako. @Footnote: ¹ cha.Ma. bahujjano mam pujeti ² cha.Ma....namako ³ Ma. vittharite @⁴ cha.Ma. so ⁵ cha.Ma. pupphehacchadayi ⁶ cha.Ma. pakasente @⁷ cha.Ma. vassetva dhammavutthiyo ⁸ cha.Ma. gottena

--------------------------------------------------------------------------------------------- page558.

Evam kittayi sambuddho sunandam tapasam tada hasayanto janam sabbam dassayanto sakam balam. Katanjali namassanti sunandam tapasam tada ^1- buddhe karam karitvana sodhesi gatimattano. Tattha me ahu sankappo sutvana munino vacam aham karam karissami ^2- yatha passami gotamam. Evaham cintayitvana kiriyam cintayim mamam kyaham kammam acarami punnakkhette anuttare. Ayanca pathiko bhikkhu sabbapathina ^3- sasane vinaye agganikkhitto tam thanam patthayim ^4- aham. Idam me amitam bhogam akkhobham sagarupamam tena bhogena buddhassa aramam mapaye aham. Sobhanam nama aramam nagarassa puratthato katva ^5- satasahassena samgharamam amapayim. Kutagare ca pasade mandape hammiye guha cankame sukate katva samgharame ^6- amapayim. Jantagharam aggisalam atho udakamalakam nhanagharam mapayitva bhikkhusamghassadasaham. Asandiyo pithake ca paribhoge ca bhajane aramikanca bhesajjam sabbametam adasaham. Arakkham patthapetvana pakaram karayim dalham ma nam koci vihethesi santacittana tadinam. Avase satasahasse ^7- samgharame amapayim @Footnote: ¹ cha.Ma. jana ² cha.Ma. ahampi karam kassami ³ cha.Ma. sabbapathissa ⁴ cha.Ma. patthaye @⁵ cha.Ma. kinitva ⁶ cha.Ma. samgharamam ⁷ cha.Ma. satasahassenavasam

--------------------------------------------------------------------------------------------- page559.

Vepullam tam mapayitva ^1- sambuddham upanamayim. Nitthapito mayaramo sampaticcha tuvam muni niyyadessami tam dhira ^2- adhivasehi cakkhuma. Padumuttaro lokavidu ahutinam patiggaho mama sankappamannaya adhivasesi nayako. Adhivasanamannaya sabbannussa mahesino bhojanam patiyadetva kalamarocayim aham. Arocitamhi kalamhi padumuttaranayako khinasavasahassehi aramam me upagami. Nisinnakalamannaya annapanena tappayim bhuttavikalamannaya ^3- idam vacanamabravim. Kito satasahassena tattakeneva karito sobhano nama aramo sampaticcha tuvam muni. Iminaramadanena cetanapanidhihi ca bhave nibbattamanoham labhami mama patthitam. Patiggahetva sambuddho samgharamam sumapitam bhikkhusamghe nisiditva idam vacanamabravi. Yo so buddhassa padasi samgharamam sumapitam tamaham kittayissami sunatha mama bhasato. Hatthi assa ratha patti sena ca caturangini parivaressantimam nicca samgharamassidam phalam. Satthi turiyasahassani ^4- bheriyo samalankata parivaressantimam niccam samgharamassidam phalam. @Footnote: ¹ Si. papayitva ² cha.Ma. vira @³ cha.Ma. bhuttavim kalamannaya ⁴ cha.Ma. satthi turasahassani

--------------------------------------------------------------------------------------------- page560.

Chalasitisahassani nariyo samalankata vicittavatthabharana amuttamanikundala. Alaramukha ^1- hasula susanna tanumajjhima parivaressantimam niccam samgharamassidam phalam. Timsakappasahassani devaloke ramissati sahassakkhattum devindo devarajjam karissati. Devarajena pattabbam sabbam patilabhissati anunabhogo hutvana devarajjam karissati. Sahassakkhattum cakkavatti raja ratthe bhavissati pathabya rajjam vipulam gananato asankhiyam. Kappasatasahassamhi okkakakulasambhavo gotamo nama gottena sattha loke bhavissati. Tassa dhammesu dayado oraso dhammanimmito upali nama namena hessati satthu savako. Vinaye paramim patva ^2- thanathane ca kovido jinasasanam dharayanto ^3- viharissatinasavo. Sabbametam abhinnaya gotamo sakyapungavo bhikkhusamghe nisiditva etadagge thapessati. Aparimeyyupadaya patthemi tava sasanam so me attho anuppatto sabbasamyojanakkhayo. Yatha sulavuto poso rajadandena tajjito sule satam avindanto parimuttimva icchati. Tathevaham mahavira bhavadandena tajjito @Footnote: ¹ cha.Ma. alarapamha ² Si. paramim patto ³ cha.Ma. dharento, Si. jotayanto

--------------------------------------------------------------------------------------------- page561.

Kammasulavuto santo pipasavedanattito. ^1- Bhave satam na vindami dayhanto tihi aggibhi parimuttim gavesami yathapi rajadandito. Yatha visado puriso visena paripilito agadam so gaveseyya visaghatayupayanam. ^2- Gavesamano passeyya agadam visaghatakam tam pivitva sukhi assa ^3- visamha parimuttiya. Tathevaham mahavira yatha visahato naro sampilito avijjaya saddhammagadamesaham. Dhammagadam ^4- gavesanto addakkhim sakyasasanam aggasabbosathanantam ^5- sabbasallavinodanam. Dhammosatham ^6- pivitvana visam sabbam samuhanim ^7- ajaramaram sitibhavam nibbanam phassayim aham. Yatha bhutattito poso bhutaggahena pilito bhutavejjam gaveseyya bhutasma parimuttiya. Gavesamano passeyya bhutavijjasu kovidam tassa so vihanne ^8- bhutam samulanca vinasaye. Tathevaham mahavira tamaggahena pilito nanalokam gavesami tamato parimuttiya. Athaddasam sakyamunim kilesatamasodhanam so me tamam vinodesi bhutavejjova bhutakam. Samsarasotam sanchindim tanhasotam nivarayim @Footnote: ¹ Ma. pipasabhavena attito ² cha.Ma. visaghatayupalanam ³ Si. pivitvana sukhi assa @⁴ Si. dhammosadham ⁵ cha.Ma. aggam sabbosadhanam tam ⁶ cha.Ma. dhammosadham ⁷ Si. samuhatam @⁸ Si. vihite, cha.Ma. vihane

--------------------------------------------------------------------------------------------- page562.

Bhavam ugghatayim sabbam bhutavejjova mulato. Garulo yatha opatati ^1- pannagam bhakkhamattano samanta yojanasatam vikkhobheti mahasaram. Pannagam so gahetvana adhosisam vihethayam ^2- adaya so pakkamati yenakamam vihangamo. Tathevaham mahavira yathapi garulo bali ^3- asankhatam gavesanto dose vikkhalayim aham. Dittho aham dhammavaram santipadamanuttaram adaya viharametam garulo pannagam yatha. Asavati nama lata jata cittalatavane tassa vassasahassena ekam nibbattate phalam. Tam deva payirupasanti tavaduraphale sati devanam sa piya evam asavati latuttama. Satasahassupadaya taham paricare muni sayam patam namassami deva asavatim yatha. Avanjha paricariya ^4- amogha ca namassana duragatampi mam santam khano mam ^5- na viradhayi. Patisandhim na passami vicinanto bhave aham nirupadhi vippamutto upasanto caramaham. Yathapi padumam nama suriyaramsena pupphati tathevaham mahavira buddharamsena pupphito. Yatha balakayonimhi na vijjati puma ^6- sada meghesu gajjamanesu gabbham ganhanti ta sada. @Footnote: ¹ Si. opatitam ² Si. vipothayam ³ Si. balam ⁴ Si. paricariya me @⁵ cha.Ma. khanoyam ⁶ cha.Ma. pumo

--------------------------------------------------------------------------------------------- page563.

Cirampi gabbham dharenti yava megho na gajjati bharato parimuccanti yada megho pavassati. Padumuttarabuddhassa dhammameghena gajjato ^1- saddena dhammameghassa dhammagabbham aganhaham. Satasahassupadaya punnagabbham dharemaham nappamuccami bharato dhammamegho na gajjati. Yada tuvam sakyamuni ramme kapilavatthave gajjasi ^2- dhammameghena bharato parimuccaham. Sunnatam animittanca athapanihitampi ^3- ca caturo ca phale sabbe dhammam vijati tampiham. ^4- Aparimeyyupadaya patthemi tava sasanam so me attho anuppatto santipadamanuttaram. Vinaye paramim patto yathapi pathiko isi na me samasamo atthi ^5- dharemi sasanam aham. Vinaye khandhake capi tikacchede ca pancake ettha me ^6- vimati natthi akkhare byanjanepi va. Niggahe patikamme ca thanathane ca kovido osarane vutthapane sabbattha paramim gato. Vinaye khandhake vapi nikkhipitva padam aham ubhato vibhange ceva ^7- rasato osareyyaham. Niruttiya ca kusalo ^8- atthanatthe ca kovido anannatam maya natthi ekaggo satthu sasane. @Footnote: ¹ Si. gajjito ² Si. gajjito ³ cha.Ma. tathappanihitampi @⁴ Si. dhammagabbhe vijayaham, cha.Ma. dhammevam vijanayim aham ⁵ Si. na me so idanatthi @⁶ Si. ettake me ⁷ cha.Ma. vinivethetva ⁸ cha.Ma. sukusalo

--------------------------------------------------------------------------------------------- page564.

Rupadakkho aham ajja sakyaputtassa sasane kankham sabbam vinodemi chindami sabbasamsayam. Padam anupadancapi akkharancapi byanjanam nidane pariyosane sabbattha kovido aham. Yathapi raja balava nigganhitva parantape ^1- vijinitvana sangamam nagaram tattha mapaye. Pakaram parikkhancapi esikam dvarakotthakam attalake ca vividhe karaye nagare bahu. Singhatakam paccuranca ^2- suvibhattantarapanam karapeyya ^3- sabham tattha atthanatthavinicchayam. Nigghatattham amittanam chiddachiddanca janitum balakayassa rakkhaya ^4- senamaccam ^5- thapeti so. Arakkhatthaya bhandassa nidhanakusalam naram ma me bhandam vinassiti bhandarakkham thapeti so. Samaggo ^6- hoti so ^7- ranno vuddhim yassa ca icchati tassadhikaranam deti mittassa patipajjitum. Uppadesu ^8- nimittesu lakkhanesu ca kovidam ajjhayakam mantadharam porohicce thapeti so. Etehangehi sampanno khattiyoti pavuccati sada rakkhanti rajanam cakkavakova dukkhinam. ^9- Tatheva tvam mahavira hatamittova ^10- khattiyo sadevakassa lokassa dhammarajati vuccati. @Footnote: ¹ Si. parakhattiye ² Si. ovaram ca, cha.Ma. caccaranca ³ cha.Ma.,i. karayeyya @⁴ Si. sametum balakayassa ⁵ cha.Ma.,i. senapaccam ⁶ ka. samatto, cha.Ma. mamatto, @i. samako ⁷ Po.,cha.Ma.,i. yo ⁸ Po.,cha.Ma. uppatesu ⁹ cha.Ma.,i. dukkhitam @¹⁰ Si. mahamittova

--------------------------------------------------------------------------------------------- page565.

Titthiye niharitvana ^1- marancapi sasenakam tamandhakaram vidhamsetva ^2- dhammanagaram amapayi. Silam pakarikam ^3- tattha nanante dvarakotthakam saddha te esika vira dvarapalo ca samvaro. Satipatthanamattalam panna te caccaram mune iddhipadanca singhatam dhammavithi ^4- sumapitam. ^5- Suttantam abhidhammanca vinayam capi kevalam navangam buddhavacanam esa dhammasabha tava. Sunnatam animittanca viharancapanihitam anejo ca ^6- nirodho ca esa dhammakuti tava. Pannaya aggo nikkhitto patibhane ca kovido sariputtoti namena dhammasenapati tava. Cutupapatakusalo iddhiya paramim gato kolito nama namena porohicco tavam mune. Poranakavamsadharo uggatejo durasado dhutavadigune aggo akkhadasso tavam mune. Bahussuto dhammadharo sabbapathi ca sasane anando nama namena dhammarakkho ^7- tavam mune. Ete sabbe atikkamma mahesi ^8- bhagava mamam vinicchayam me padasi vinaye vinnudesitam. ^9- Yo koci vinaye panham pucchati buddhasavako tattha me cintana natthi tannevattham kathemaham. @Footnote: ¹ cha.Ma. nihanitvana ² cha.Ma.,i. vidhamitva ³ cha.Ma. pakarakam ⁴ i. dhammavithim @⁵ cha.Ma. sumapita ⁶ cha.Ma. anenjanca ⁷ cha.Ma. dhammarakkho @⁸ cha.Ma. pamesi ⁹ Si. vinayannuna desitam

--------------------------------------------------------------------------------------------- page566.

Yavata buddhakhettamhi thapetva ca mahamuni ^1- vinaye madiso natthi kuto bhiyyo bhavissati. Bhikkhusamghe nisiditva evam gajjati gotamo upalissa samo natthi vinaye khandhakesu ca. Yavata buddhabhanitam navangam satthusasanam vinaye kathitam sabbam ^2- vinayamulapassino. ^3- Mama kammam saritvana gotamo sakyapungavo bhikkhusamghe nisiditva etadagge thapesi mam. Satasahassam upadaya imam thanam apatthayim so me attho anuppatto vinaye paramim gato. Sakyanam nandijanako ^4- kappako asiham pure vijahitvana tam jatim putto jato mahesino. Ito dutiyake kappe anjaso nama khattiyo anantatejo amitayaso bhumipalo mahaddhano. Tassa ranno aham putto candano nama ^5- khattiyo jatimadena patthaddho yasobhogamadena ca. Nagasatasahassani sabbalankarabhusita tidha pabhinna matanga parivarenti mam sada. Sabalehi paretoham uyyanam gantukamako aruyha sirikam nagam nagara nikkhamim tada. Caranena ca sampanno guttadvaro susamvuto devalo nama sambuddho agacchi purato mamam. @Footnote: ¹ ka. tam mahamunim ² cha.Ma.,i. vinayogadham tam sabbam ³ Si. vinayo mulam tapassino @⁴ cha.Ma.,i. nandijanano ⁵ Si. sunando nama

--------------------------------------------------------------------------------------------- page567.

Pesetva sirikam nagam buddham asadayim tada tato sanjatakopova ^1- nago nuddharako ^2- padam. Nagam runnamanam ^3- disva buddhe kodham akasaham vihethayitva sambuddham uyyanam agamasaham. Satam tattha na vindami siro pajjalito yatha parilahena dayhami macchova balisadako. Sasagaranta pathavi ^4- aditta viya hoti me pitu santikupagamma idam vacanamabravim. Asivisamva kupitam aggikkhandhamva agatam mattamva kunjaram dantim yam sayambhum asadayim. Asadito maya buddho ghoro uggatapo jino pura sabbe vinassama khamapessama tam munim. No ce tam nijjhapessama ^5- attadantam samahitam orena sattame divase ^6- ratthamme vidhamissati. Sumekhalo kosiyo ca siggavo capi sattako ^7- asadayitva isayo duggata te sasenaka. ^8- Yada kuppanti isayo sannata brahmacarino sadevakam vinasenti sasagaram sapabbatam. Tiyojanasahassamhi purise sannipatayim accayam desanatthaya sayambhum upasankamim. Allavattha allasira sabbeva panjalikata buddhassa pade nipatitva idam vacanamabravum. @Footnote: ¹ Si. sanjatasamkopo, cha.Ma.,i. sanjatakopo so ² Si. vuddharate, cha.Ma.,i. nuddharate @³ i. dutthamanam ⁴ Si. puthuvi ⁵ Si. nikkhamessami ⁶ cha.Ma. orena sattadivasa @⁷ Si. sattuko ⁸ cha.Ma. saratthaka

--------------------------------------------------------------------------------------------- page568.

Khamassu tvam mahavira abhiyacati tam jano parilaham vinodehi ma ca ^1- rattham vinasaya. Sadevamanusa sabbe sadanava sarakkhasa ayomayena kutena siram bhindeyyu me sada. Udake ^2- aggi na santhati vijam sele na ruhati agade kimi na santhati kopo buddhe na jayati. Yatha ca bhumi acala appameyyo ca sagaro anantako ca akaso evam buddha akhobhiya. ^3- Attadanta ^4- mahavira khamita ca tapassino khantanam khamitanam ca gamanam vo ^5- na vijjati. Idam vatvana sambuddho parilaham vinodayi ^6- mahajanassa purato nabham abbhuggami tada. Tena kammenaham vira ^7- hinattam ajjhupagato samatikkamma tam jatim pavisim abhayam puram. Tadapi mam mahavira dayhamanam susanthitam ^8- parilaham vinodesi sayambhum ca khamapayim. Ajjapi mam mahavira dayhamanam tihaggibhi nibbapesi tayo aggi sitibhavanca papayim. Yesam sotavadhanatthi ^9- sunatha mama bhasato attham tuyham pavakkhami yatha dittham padam mamam. Sayambhum tam vimanetva ^10- santacittam samahitam tena kammenaham ajja jatomhi nicayoniyam. @Footnote: ¹ cha.Ma. no ² cha.Ma. dake ³ i. buddho akhobhiyo ⁴ cha.Ma.,i. sada khanta @⁵ ka. te, cha.Ma. tam ⁶ cha.Ma. vinodayam ⁷ i. dhira ⁸ ka. sakhe thitam, Ma. dusanthitam @⁹ Si. sotapatha atthi ¹⁰ Si. khamapetva

--------------------------------------------------------------------------------------------- page569.

Ma vo khanam viradhetha khanatita ^1- hi socare sadatthe vayameyyatha khano vo patipadito. Ekaccananca vamanam ekaccanam virecanam visam halahalam eke ^2- ekaccananca osatham. ^3- Vamanam patipannanam phalatthanam virecanam osatham ^3- phalalabhinam punnakkhettam gavesinam. Sasanena viruddhanam visam halahalam yatha asiviso dutthaviso ^4- ekam ^5- jhapeti tam naram. Sakim pitam halahalam uparuddheti ^6- jivitam sasanena virujjhitva kappakotimhi ^7- dayhati. Khantiya avihimsaya mettacittavataya ca sadevakam so tarati ^8- tasma te ^9- avirodhiya. ^10- Labhalabhe na sajjanti sammanane vimanane ^11- pathavisadisa buddha tasma te na virodhiya. Devadatte ca vadhake core angulimalake rahule dhanapale ca sabbesam samako muni. Etesam patigho natthi ragomesam na vijjati sabbesam samako buddho vadhakassorasassa ca. Panthe disvana kasavam chadditam milhamakkhitam sirasa ^12- anjalim katva vanditabbam isiddhajam. ^13- Abbhatita ca ye buddha vattamana anagata dhajenanena sujjhanti tasma ete namassiya. @Footnote: ¹ Si. khanatiga ² i. ete ³ cha.Ma. osadham ⁴ cha.Ma.,i. ditthaviso ⁵ cha.Ma.,i. evam @⁶ cha.Ma. uparundhati ⁷ Ma. kappakotimpi ⁸ cha.Ma. tareti ⁹ i. vo ¹⁰ cha.Ma. aviradhiya @¹¹ cha.Ma. sammananavimanane ¹² cha.Ma. sirasmim ¹³ Si. vanditabbo isiddhajo

--------------------------------------------------------------------------------------------- page570.

Satthukappam suvinayam dharemi hadayenaham namassamano vinayam viharissami sabbada. Vinayo asayo ^1- mayham vinayo thanacankamam kappemi vinaye vasam vinayo mayha ^2- gocaro. Vinaye paramippatto samathe ^3- capi kovido upali tam mahavira pade vandati satthuno. So aham vicarissami gama gamam pura puram namassamano sambuddham dhammassa ca sudhammatam. Kilesa jhapita mayham bhava sabbe samuhata sabbasava parikkhina natthi dani punabbhavo. Svagatam vata me asi buddhasetthassa santike tisso vijja anuppatta katam buddhassa sasanam. Patisambhida catasso vimokkhapica atthime chalabhinna sacchikata katam buddhassa sasanan"ti. Tattha hi nam sattha sayameva sakalam vinayapitakam ugganhapesi. So aparabhage bharukacchakavatthum ^4- ajjukavatthum ^5- kumarakassapavatthunti imani tini vatthuni vinicchayi. ^6- Sattha ekekasmim vinicchite sadhukaram datva tayopi vinicchaye atthuppattim katva theram vinayadharanam aggatthane thapesi. So aparabhage ekasmim uposathadivase patimokkhuddesasamaye bhikkhu ovadanto:- [249] "saddhaya abhinikkhamma navapabbajito navo mitte bhajeyya kalyane suddhajive atandite. @Footnote: ¹ Si. asayam ² cha.Ma. mama ³ Si. samaye ⁴ vinaYu.mahavi. 1/78/52 @⁵ vinaYu.mahavi. 1/158/91 ⁶ i. vinicchini

--------------------------------------------------------------------------------------------- page571.

[250] Saddhaya abhinikkhamma navapabbajito navo samghasmim viharam bhikkhu sikkhetha vinayam budho. [251] Saddhaya abhinikkhamma navapabbajito navo kappakappesu kusalo careyya apurakkhato"ti tisso gatha abhasi. Tattha saddhayati saddhanimittam, na jivikatthanti attho. Saddhayati va kammaphalani ratanattayagunanca saddahitva. Abhinikkhammati gharavasato nikkhamitva. Navapabbajitoti navo hutva pabbajito, pathamavayeeva pabbajito. Navoti sasane sikkhaya abhinavo daharo. Mitte bhajeyya kalyane, suddhajive atanditeti "piyo ^1- garu bhavaniyo"tiadina ^2- vuttalakkhane kalyanamitte, micchajivavivajjanena suddhajive, araddhaviriyataya atandite bhajeyya upasankameyya, tesam ovadanusasanipatiggahanavasena seveyya. Samghasmim viharanti samghe bhikkhusamuhe vattapativattapuranavasena viharanto. Sikkhetha vinayam budhoti bodhananatasukusalo hutva vinayapariyattim sikkheyya. Vinayo hi sasanassa ayu, tasmim thite sasanam thitam hoti. "buddho"ti ca pathanti, so evattho. Kappakappesuti kappiyakappiyesu kusalo suttavasena suttanulomavasena ca nipuno cheko. Apurakkhatoti na purakkhato tanhadihi kutoci ^3- purekkharam apaccasisanto ^4- hutva vihareyya. Upalittheragathavannana nitthita. --------------- @Footnote: ¹ pali.,Si.,i. piyo ca ² an.sattaka. 23/34/33 dutiyamittasutta (sya) @³ Si. tato ca, Ma. tatopi ⁵ Si.,i. apaccasimsanto

The Pali Atthakatha in Roman Book 32 page 556-571. http://84000.org/tipitaka/atthapali/rm_line.php?B=32&A=12448&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=12448&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=317 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6136 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6253 The Pali Tipitaka in Roman Character :- http://84000.org/tipitaka/read/roman_read.php?B=26&A=6253 Contents of The Tipitaka Volume 26 http://84000.org/tipitaka/read/?index_26