|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Atthakatha Book 32 : PALI ROMAN Thera.A.1 (paramatthadi.1)
157. 10. Ajitattheragathavannana marane me bhayam natthiti ayasmato ajitattherassa gatha. Ka uppatti? so kira ekanavute kappe vipassim bhagavantam passitva pasannacitto kapitthaphalam 7- adasi. Tato parampi tam tam punnam katva devamanussesu samsaranto imasmim kappe anuppanneeva amhakam satthari savatthiyam mahakosalaranno aggasaniyassa brahmanassa putto hutva nibbatti. Tassa ajitoti namam ahosi. Tasmim ca samaye savatthivasi bavari nama brahmano tihi mahapurisalakkhanehi samannagato tinnam vedanam paragu savatthito nikkhamitva tapasapabbajjam pabbajitva @Footnote: 1 Si. rukkhadoniyo 2 Ma. damayanti 3 Ma. damanavasena 4 Si. ujukam va karonti @5 cha.Ma. damenti 6 cha.Ma. ekantadanta 7 ka. kapittha... evamuparipi--------------------------------------------------------------------------------------------- page111.
Godhavaritire kapittharame 1- vasati. Atha ajito tassa santike pabbajito atthakamaya devataya coditena bavarina satthu santikam pesito tissametteyyadihi saddhim bhagavantam upasankamitva manasava panhe pucchitva tesu vissajjitesu pasannacitto satthu santike pabbajitva kammatthanam gahetva vipassanam vaddhetva arahattam papuni. Tena vuttam apadane 2-:- "suvannavannam sambuddham ahutinam patiggaham rathiyam patipajjantam kapittham adadim phalam. Ekanavutito kappe yam phalam adadim tada duggatim nabhijanami phaladanassidam phalam. Kilesa jhapita mayham .pe. Katam buddhassa sasanan"ti. Arahattam pana patto sihanadam nadanto:- 3- "marane me bhayam natthi nikanti natthi jivite sandeham nikkhipissami sampajano patissato"ti gatham abhasi. 3- [20] Tattha maraneti marananimittam maranahetu. Meti mayham, bhayam natthi ucchinnabhavamulataya parikkhinajatikatta. Anucchinnabhavamulanam hi "kidisi nu kho mayham ayatim uppatti"ti 4- maranato bhayam bhaveyya. Nikantiti apekkha tanha, sa natthi jivite suparimadditasankharataya 5- upadanakkhandhanam dukkhasarakadibhavena 6- sutthu upatthahanato. Evambhuto caham sandeham sariram, sakam va deham dehasankhatam dukkhabharam nikkhipissami chaddessami, nikkhipanto ca "imina sarirakena sadhetabbam sadhitam, @Footnote: 1 Si. kapitthatittharame 2 khu.apa. 33/102/153 kapitthaphaladayakattherapadana @3-3 cha.Ma. "marane me bhayam natthi"ti gatham abhasi 4 Ma. upapattiti 5 Si. @sa natthiti. jivite hi suparimadditasankharasankhatanam 6 Ma. dkkhabharakhadakadibhavena--------------------------------------------------------------------------------------------- page112.
Idani tam ekamsena chaddaniyameva"ti pannavepullappattiya sampajano sati- vepullappattiya patissato nikkhipissamiti. Imam pana gatham vatva thero jhanam samapajjitva tadanantaram parinibbayiti. Ajitattheragathavannana nitthita. Paramatdipaniya theragathavannanaya dutiyavaggavannana nitthita. ---------------------------------------------------------------------------------------------------------- page113.
3. TatiyavaggaThe Pali Atthakatha in Roman Book 32 page 110-113. http://84000.org/tipitaka/atthapali/rm_line.php?B=32&A=2510&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=2510&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=157 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5093 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5389 The Pali Tipitaka in Roman Character :- http://84000.org/tipitaka/read/roman_read.php?B=26&A=5389 Contents of The Tipitaka Volume 26 http://84000.org/tipitaka/read/?index_26
       |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]