Atthakatha Book 55 : PALI ROMAN
Panca.A. (paramatthadi.)

                         7. Ekaccamatthitikatha
                      1. Atitadiekaccakathavannana
     [299] Idani ekaccamatthitikatha nama hoti. 1- Tattha ye "ekaccam
atitam atthi"ti mannanti seyyathapi kassapika, tesam laddhibhindanattham atitam atthiti
puccha sakavadissa, ekaccam atthiti vissajjanam paravadissa. Ayanhissa 2-
adhippayo:- avipakkavipaka atthi, vipakkavipaka 3- natthiti. Ekaccam niruddhanti
anuyogo sakavadissa. Tassattho:- yadi te atitam ekaccam atthi ekaccam natthi,
evam sante ekaccam atitam niruddham, ekaccam atitam aniruddham, tatheva thitanti
apajjati. Vigatantiadisupi eseva nayo.
     Avipakkavipakadhamma ekacceti idam yasma yesam so avipakkavipakanam
atthitam icchati, tepi atitayeva dhamma. 4- Tasma yatha te atitam ekaccam atthi,
kim tatha avipakkavipakapi dhamma ekacce atthi ekacce natthiti codetum vuttam.
Vipakkavipakati idam yesam so natthitam icchati, tesam vasena codetum vuttam.
Avipakati idam abyakatanam vasena codetum vuttam. Iti imesam tinnam rasinam
vasena sabbesu anulomapatilomesu patinna ca patikkhepo ca veditabba. Atita
ekadesam vipakkavipaka, ekadesam avipakkavipakati vippakatavipaka vuccanti. Yena hi
kammena patisandhi nibbattita, bhavangampi cutipi tasseva vipako. Tasma patisandhito
yava cuti, tava tam vippakatavipakam nama hoti. Tatharupe dhamme sandhayetam vuttam.
@Footnote: 1 cha.Ma. ekaccam atthiti katha hoti     2 cha.Ma. ayanhi
@3 cha. vipakkavipakam, Ma. vipakkamavipakam   4 cha.Ma. ayam patho na dissati
---------------------------------------------------------------------------------------------
page179.
     Vipaccissantiti katva te atthiti puccha sakavadissa. Yatha dhammadharassa
puggalassa niddayantassapi bahupavattino dhamma atthiti vuccanti, evam
lokavoharavasena atthitam sandhaya patinna paravadissa. Vipaccissantiti katva
paccuppannati dutiyapanhe "kammanam avinasasankhato kammappaccayo 1- nameko
atthi"ti laddhiyam thatva patinna paravadissa.
                     2. Anagatadiekaccakathavannana
     [300] Anagatam atthitiadisupi ekaccam atthiti uppadino dhamme
sandhaya vadati. Sesam sabbattha hettha vuttanayatta uttanatthamevati.
                    Ekaccamatthitikathavannana nitthita.
                           -----------


             The Pali Atthakatha in Roman Book 55 page 178-179.
http://84000.org/tipitaka/atthapali/rm_line.php?B=55&A=3992&modeTY=2&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=55&A=3992&modeTY=2&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=37&i=408
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=37&A=4912
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=37&A=3415
             The Pali Tipitaka in Roman Character :-
http://84000.org/tipitaka/read/roman_read.php?B=37&A=3415
             Contents of The Tipitaka Volume 36
http://84000.org/tipitaka/read/?index_37