บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
ฉบับหลวง ฉบับมหาจุฬาฯ บาลีอักษรไทย PaliRoman |
พระไตรปิฎกเล่มที่ ๔๕ ภาษาบาลี อักษรไทย พระอภิธรรมปิฎกเล่มที่ ๑๒ อภิ. ป.(๖) ปจฺจนีย-อนุโลมปจฺจนีย-ปจฺจนียานุโลม
สปฺปจฺจยทุกกุสลตฺติเก นสปฺปจฺจยทุกนกุสลตฺติกํ [๒๖๙] สปฺปจฺจยํ กุสลํ ธมฺมํ ปฏิจฺจ นอปฺปจฺจโย นกุสโล ธมฺโม อุปฺปชฺชติ เหตุปจฺจยา: เอกํ ฯ สปฺปจฺจยํ อกุสลํ ธมฺมํ ปฏิจฺจ นอปฺปจฺจโย นอกุสโล ธมฺโม อุปฺปชฺชติ เหตุปจฺจยา: เอกํ ฯ สปฺปจฺจยํ อพฺยากตํ ธมฺมํ ปจฺจยา นอปฺปจฺจโย นอพฺยากโต ธมฺโม อุปฺปชฺชติ เหตุปจฺจยา: เอกํ ฯ สงฺขตํ สปฺปจฺจยสทิสํ ฯ สนิทสฺสนทุกกุสลตฺติเก นสนิทสฺสนทุกนกุสลตฺติกํ [๒๗๐] อนิทสฺสนํ กุสลํ ธมฺมํ ปฏิจฺจ นอนิทสฺสโน นกุสโล ธมฺโม อุปฺปชฺชติ เหตุปจฺจยา: ตีณิ ฯ อกุสลํ กุสลสทิสํ ฯ อนิทสฺสนํ อพฺยากตํ ธมฺมํ ปจฺจยา นสนิทสฺสโน นอพฺยากโต ธมฺโม อุปฺปชฺชติ เหตุปจฺจยา: ฯ สปฺปฏิฆทุกกุสลตฺติเก นสปฺปฏิฆทุกนกุสลตฺติกํ [๒๗๑] อปฺปฏิฆํ กุสลํ ธมฺมํ ปฏิจฺจ นอปฺปฏิโฆ นกุสโล ธมฺโม อุปฺปชฺชติ เหตุปจฺจยา: ตีณิ ฯ อปฺปฏิฆํ อกุสลํ ธมฺมํ ปฏิจฺจ นอปฺปฏิโฆ นอกุสโล ธมฺโม อุปฺปชฺชติ เหตุปจฺจยา: ตีณิ ฯ อพฺยากเต เอกํ ฯ รูปีทุกกุสลตฺติเก นรูปีทุกนกุสลตฺติกํ [๒๗๒] อรูปึ กุสลํ ธมฺมํ ปฏิจฺจ นอรูปี นกุสโล ธมฺโม อุปฺปชฺชติ เหตุปจฺจยา: เอกํ ฯ อรูปี อกุสลํ ธมฺมํ ปฏิจฺจ นอรูปี นอกุสโล ธมฺโม อุปฺปชฺชติ เหตุปจฺจยา: เอกํ ฯ รูปึ อพฺยากตํ ธมฺมํ ปจฺจยา นอรูปี นอพฺยากโต ธมฺโม อุปฺปชฺชติ เหตุปจฺจยา: เอกํ ฯ โลกิยทุกกุสลตฺติเก นโลกิยทุกนกุสลตฺติกํ [๒๗๓] โลกิยํ กุสลํ ธมฺมํ ปฏิจฺจ นโลกุตฺตโร นกุสโล ธมฺโม อุปฺปชฺชติ เหตุปจฺจยา: เทฺว ฯ โลกิยํ อกุสลํ ธมฺมํ ปฏิจฺจ นโลกุตฺตโร นอกุสโล ธมฺโม อุปฺปชฺชติ เหตุปจฺจยา: เอกํ ฯ โลกิยํ อพฺยากตํ ธมฺมํ ปจฺจยา นโลกิโย นอพฺยากโต ธมฺโม อุปฺปชฺชติ เหตุปจฺจยา: เทฺว ฯ เกนจิวิญฺเยฺยทุกกุสลตฺติเก นเกนจิวิญฺเยฺยทุกนกุสลตฺติกํ [๒๗๔] เกนจิวิญฺเยฺยํ กุสลํ ธมฺมํ ปฏิจฺจ นเกนจิวิญฺเยฺโย นกุสโล ธมฺโม อุปฺปชฺชติ เหตุปจฺจยา: นว ฯ เกนจิวิญฺเยฺยํ อกุสลํ ธมฺมํ ปฏิจฺจ นเกนจิวิญฺเยฺโย นอกุสโล ธมฺโม อุปฺปชฺชติ เหตุปจฺจยา: นว ฯ เกนจิวิญฺเยฺยํ อพฺยากตํ ธมฺมํ ปจฺจยา นเกนจิวิญฺเยฺโย นอพฺยากโต ธมฺโม อุปฺปชฺชติ เหตุปจฺจยา: นว ฯ อาสวทุกกุสลตฺติเก โนอาสวทุกนกุสลตฺติกํ [๒๗๕] โนอาสวํ กุสลํ ธมฺมํ ปฏิจฺจ นโนอาสโว นกุสโล ธมฺโม อุปฺปชฺชติ เหตุปจฺจยา: เอกํ ฯ อาสวํ อกุสลํ ธมฺมํ ปฏิจฺจ โนอาสโว นอกุสโล ธมฺโม อุปฺปชฺชติ เหตุปจฺจยา: ตีณิ ฯ โนอาสวํ อพฺยากตํ ธมฺมํ ปจฺจยา นโนอาสโว นอพฺยากโต ธมฺโม อุปฺปชฺชติ เหตุปจฺจยา: ตีณิ ฯ สาสวทุกกุสลตฺติเก นสาสวทุกนกุสลตฺติกํ [๒๗๖] สาสวํ กุสลํ ธมฺมํ ปฏิจฺจ นอนาสโว นกุสโล ธมฺโม อุปฺปชฺชติ เหตุปจฺจยา: อนาสวํ กุสลํ ธมฺมํ ปฏิจฺจ นอนาสโว นกุสโล ธมฺโม อุปฺปชฺชติ เหตุปจฺจยา: เทฺว ฯ สาสวํ อกุสลํ ธมฺมํ ปฏิจฺจ นอนาสโว นอกุสโล ธมฺโม อุปฺปชฺชติ เหตุปจฺจยา: เอกํ ฯ สาสวํ อพฺยากตํ ธมฺมํ ปจฺจยา นสาสโว นอพฺยากโต ธมฺโม อุปฺปชฺชติ เหตุปจฺจยา: เทฺว ฯ อาสวสมฺปยุตฺตทุกกุสลตฺติเก นอาสวสมฺปยุตฺตทุกนกุสลตฺติกํ [๒๗๗] อาสววิปฺปยุตฺตํ กุสลํ ธมฺมํ ปฏิจฺจ นอาสวสมฺปยุตฺโต นกุสโล ธมฺโม อุปฺปชฺชติ เหตุปจฺจยา: เอกํ ฯ อาสวสมฺปยุตฺตํ อกุสลํ ธมฺมํ ปฏิจฺจ นอาสวสมฺปยุตฺโต นอกุสโล ธมฺโม อุปฺปชฺชติ เหตุปจฺจยา: ตีณิ ฯ อาสววิปฺปยุตฺตํ อพฺยากตํ ธมฺมํ ปจฺจยา นอาสวสมฺปยุตฺโต นอพฺยากโต ธมฺโม อุปฺปชฺชติ เหตุปจฺจยา: ตีณิ ฯ อาสวสาสวทุกกุสลตฺติเก นอาสวสาสวทุกนกุสลตฺติกํ [๒๗๘] สาสวญฺเจวโนจอาสวํ กุสลํ ธมฺมํ ปฏิจฺจ นอาสโว- เจวนอนาสโวจ นกุสโล ธมฺโม อุปฺปชฺชติ เหตุปจฺจยา: เอกํ ฯ อาสวญฺเจวสาสวญฺจ อกุสลํ ธมฺมํ ปฏิจฺจ นอาสโวเจว- นอนาสโวจ นอกุสโล ธมฺโม อุปฺปชฺชติ เหตุปจฺจยา: ตีณิ ฯ สาสวญฺเจวโนจอาสวํ อพฺยากตํ ธมฺมํ ปจฺจยา นอนาสโวเจว นโนจอาสโว นอพฺยากโต ธมฺโม อุปฺปชฺชติ เหตุปจฺจยา: ตีณิ ฯ อาสโวเจวอาสวสมฺปยุตฺตทุกํ นวโคจฺฉกํ อนฺตรา โลกุตฺตรปริยาเยน ปญฺเห นลพฺภติเม ปญฺจ นหิเม นตฺถิ นสนฺทิสฺสนฺติ ฯ อาสววิปฺปยุตฺตสาสวทุกกุสลตฺติเก อาสววิปฺปยุตฺตนสาสวทุกนกุสลตฺติกํ [๒๗๙] อาสววิปฺปยุตฺตํ สาสวํ กุสลํ ธมฺมํ ปฏิจฺจ อาสว- วิปฺปยุตฺโต นอนาสโว นกุสโล ธมฺโม อุปฺปชฺชติ เหตุปจฺจยา: เอกํ ฯ อาสววิปฺปยุตฺตํ อนาสวํ กุสลํ ธมฺมํ ปฏิจฺจ อาสววิปฺปยุตฺโต นอนาสโว นกุสโล ธมฺโม อุปฺปชฺชติ เหตุปจฺจยา: เอกํ ฯ อาสววิปฺปยุตฺตํ สาสวํ อกุสลํ ธมฺมํ ปฏิจฺจ อาสววิปฺปยุตฺโต นอนาสโว นอกุสโล ธมฺโม อุปฺปชฺชติ เหตุปจฺจยา: เอกํ ฯ อาสววิปฺปยุตฺตํ สาสวํ อพฺยากตํ ธมฺมํ ปจฺจยา อาสววิปฺปยุตฺโต นสาสโว นอพฺยากโต ธมฺโม อุปฺปชฺชติ เหตุปจฺจยา: เทฺว ฯ
เนื้อความพระไตรปิฎกฉบับภาษาบาลี อักษรไทย เล่มที่ ๔๕ หน้าที่ ๒๐๐-๒๐๔. https://84000.org/tipitaka/read/pali_read.php?B=45&A=3940&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=45&A=3940&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=45.2&item=269&items=11 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=45&siri=62 ศึกษาอรรถกถานี้ได้ที่ :- https://84000.org/tipitaka/attha/attha.php?b=45&i=789 สารบัญพระไตรปิฎกเล่มที่ ๔๕ https://84000.org/tipitaka/read/?index_45 https://84000.org/tipitaka/english/?index_45
|
บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]