บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[1537] Kapilavatthunidanam . tena kho pana samayena sarakani sakko kalakato hoti . so bhagavata byakato sotapanno avinipatadhammo niyato sambodhiparayanoti . tatra sudam sambahula sakka sangamma samagamma ujjhayanti khiyanti vipacenti acchariyam vata bho abbhutam vata bho etthadani ko na sotapanno bhavissati yatra hi nama sarakani sakko kalakato bhagavata byakato sotapanno avinipatadhammo niyato sambodhiparayanoti . sarakani sakko sikkhaya aparipurikari ahositi. [1538] Atha kho mahanamo sakko yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho mahanamo sakko bhagavantam etadavoca idha bhante sarakani sakko kalakato so bhagavata byakato sotapanno avinipatadhammo niyato sambodhiparayanoti . tatra sudam bhante sambahula sakka sangamma samagamma ujjhayanti khiyanti vipacenti acchariyam vata bho abbhutam vata bho etthadani ko na sotapanno bhavissati yatra hi nama sarakani sakko kalakato so bhagavata byakato sotapanno avinipatadhammo niyato sambodhiparayanoti . Sarakani sakko sikkhaya aparipurikari ahositi. @Footnote: 1 Ma. kimangam. 2 Ma. saranani. evamuparipi. [1539] Yo so mahanama digharattam upasako buddham saranam gato dhammam saranam gato sangham saranam gato so katham vinipatam gaccheyya . yanhi tam mahanama samma vadamano vadeyya digharattam upasako buddham saranam gato dhammam saranam gato sangham saranam gatoti sarakanim sakkam samma vadamano vadeyya sarakani mahanama sakko digharattam upasako buddham saranam gato dhammam saranam gato sangham saranam gato so katham vinipatam gaccheyya. [1540] Idha mahanama ekacco puggalo buddhe ekantagato hoti abhippasanno itipi so bhagava .pe. sattha devamanussanam buddho bhagavati . dhamme sanghe . hasapanno javanapanno vimuttiya ca samannagato . so asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharati . ayampi kho mahanama puggalo parimutto niraya parimutto tiracchanayoniya parimutto pittivisaya parimutto apayaduggativinipata. [1541] Idha pana mahanama ekacco puggalo buddhe ekantagato hoti abhippasanno itipi so bhagava .pe. sattha devamanussanam buddho bhagavati . dhamme sanghe . hasapanno javanapanno na ca vimuttiya samannagato . so pancannam orambhagiyanam sannojananam parikkhaya antaraparinibbayi hoti upahaccaparinibbayi hoti asankharaparinibbayi hoti sasankharaparinibbayi hoti uddhamsoto Hoti akanitthagami . ayampi kho mahanama puggalo parimutto niraya parimutto tiracchanayoniya parimutto pittivisaya parimutto apayaduggativinipata. [1542] Idha pana mahanama ekacco puggalo buddhe ekantagato hoti abhippasanno itipi so bhagava .pe. sattha devamanussanam buddho bhagavati . dhamme sanghe . na hasapanno na javanapanno na ca vimuttiya samannagato . so tinnam sannojananam parikkhaya ragadosamohanam tanutta sakadagami hoti sakideva imam lokam agantva dukkhassantam karoti . ayampi kho mahanama puggalo parimutto niraya parimutto tiracchanayoniya parimutto pittivisaya parimutto apayaduggativinipata. [1543] Idha pana mahanama ekacco puggalo buddhe ekantagato hoti abhippasanno itipi so bhagava .pe. sattha devamanussanam buddho bhagavati . dhamme sanghe . na hasapanno na javanapanno na ca vimuttiya samannagato . so tinnam sannojananam parikkhaya sotapanno hoti avinipatadhammo niyato sambodhiparayano . ayampi kho mahanama puggalo parimutto niraya parimutto tiracchanayoniya parimutto pittivisaya parimutto apayaduggativinipata. [1544] Idha pana mahanama ekacco puggalo na heva kho buddhe ekantagato hoti abhippasanno . na dhamme . na sanghe. Na hasapanno na javanapanno na ca vimuttiya samannagato . Apicassa ime dhamma honti saddhindriyam .pe. pannindriyam . Tathagatappavedita cassa dhamma pannaya mattaso nijjhanam khamanti . Ayampi kho mahanama puggalo aganta nirayam aganta tiracchanayonim aganta pittivisayam aganta apayaduggativinipatam. [1545] Idha pana mahanama ekacco puggalo na heva kho buddhe ekantagato hoti abhippasanno . na dhamme . na sanghe. Na hasapanno na javanapanno na ca vimuttiya samanannagato . Apicassa ime dhamma honti saddhindriyam .pe. pannindriyam . Tathagate cassa saddhamattam hoti pemamattam . ayampi kho mahanama puggalo aganta nirayam aganta tiracchanayonim aganta pittivisayam aganta apayaduggativipatam. [1546] Seyyathapi mahanama dukkhettam dubbhumim avihatakkhanukam bijani cassu khandani putini vatatapahatani asaradani asukhasayitani 1- devo pana 2- samma dharam anuppaveccheyya . api nu tani bijani vuddhim virulhim vepullam apajjeyyunti . no hetam bhante. Evameva kho mahanama idha dhammo durakkhato 3- hoti duppavedito aniyyaniko anupasamasamvattaniko asammasambuddhappavedito idamaham dukkhettasmim vadami . tasmim ca dhamme savako viharati dhammanudhammapatipanno @Footnote: 1 Si. evam. 2 Si. Ma. Yu. ca na samma .... 3 Ma. durakkhato. Yu. dvakkhato. Samicipatipanno anudhammacari idamaham dubbijasmim vadami. [1547] Seyyathapi mahanama sukkhettam subhumim suvihatakkhanukam bijani cassu akkhandani aputini avatatapahatani saradani sukhasayitani devo cassa 1- samma dharam anuppaveccheyya . api nu tani bijani vuddhim virulhim vepullam apajjeyyunti . evam bhante . evameva kho mahanama idha dhammo svakkhato hoti suppavedito niyyaniko upasamasamvattaniko sammasambuddhappavedito idamaham sukkhettasmim vadami . tasmim ca dhamme savako viharati dhammanudhammapatipanno samicipatipanno anudhammacari idamaham subijasmim vadami . kimanga 2- pana sarakanim sakkam sarakani mahanama sakko maranakale sikkhaya paripurikari ahositi.The Pali Tipitaka in Roman Character Volume 19 page 474-478. https://84000.org/tipitaka/english/roman_read.php?B=19&A=9236&modeTY=2 Compare with The Pali Tipitaka in Thai Character :- https://84000.org/tipitaka/english/pali_read.php?B=19&A=9236&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=1537&items=11 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=343 Study Atthakatha :- https://84000.org/tipitaka/attha/attha.php?b=19&i=1537 The Pali Atthakatha in Thai :- https://84000.org/tipitaka/atthapali/read_th.php?B=13&A=8054 The Pali Atthakatha in Roman :- https://84000.org/tipitaka/atthapali/read_rm.php?B=13&A=8054 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]