พระไตรปิฎกเล่มที่ ๑๑ ภาษาบาลี อักษรไทย
พระสุตตันตปิฎกเล่มที่ ๓ สุตฺต. ที. ปาฏิกวคฺโค

หน้าที่ ๒๕๔.
     [๓๐๒]  ปญฺจ   วิมุตฺตายตนานิ   อิธาวุโส  ภิกฺขุโน  สตฺถา  ธมฺมํ
เทเสติ   อญฺญตโร  วา  ครุฏฺฐานิโย  ๑-  สพฺรหฺมจารี  ฯ  ยถา  ยถา
อาวุโส  ภิกฺขุโน  สตฺถา  ธมฺมํ  เทเสติ  อญฺญตโร  วา  ครุฏฺฐานิโย ๑-
สพฺรหฺมจารี   ตถา   ตถา   โส  ตสฺมึ  ธมฺเม  อตฺถปฏิสํเวที  จ  โหติ
ธมฺมปฏิสํเวที   จ  ฯ  ตสฺส  อตฺถปฏิสํเวทิโน  ธมฺมปฏิสํเวทิโน  ปาโมชฺชํ
ชายติ  ปมุทิตสฺส  ปีติ  ชายติ  ปีติมนสฺส  กาโย  ปสฺสมฺภติ  ปสฺสทฺธกาโย
สุขํ เวเทติ สุขิโน จิตฺตํ สมาธิยติ อิทํ ปฐมํ วิมุตฺตายตนํ ฯ
     {๓๐๒.๑}  ปุน  จปรํ  อาวุโส  ภิกฺขุโน  น  เหว โข สตฺถา ธมฺมํ
เทเสติ   อญฺญตโร   วา   ครุฏฺฐานิโย   ๒-   สพฺรหฺมจารี  อปิจ  โข
ยถาสุตํ  ยถาปริยตฺตํ  ธมฺมํ  วิตฺถาเรน  ปเรสํ  เทเสติ  ฯ  สงฺขิตฺตํ  ฯ
อปิจ   โข   ยถาสุตํ   ยถาปริยตฺตํ   ธมฺมํ  วิตฺถาเรน  สชฺฌายํ  กโรติ
ฯเปฯ   อปิจ   โข   ยถาสุตํ  ยถาปริยตฺตํ  ธมฺมํ  เจตสา  อนุวิตกฺเกติ
อนุวิจาเรติ   มนสานุเปกฺขติ   ฯเปฯ   อปิจ   ขฺวาสฺส   ๒-   อญฺญตรํ
สมาธินิมิตฺตํ   สุคฺคหิตํ   โหติ   สุมนสิกตํ   สูปธาริตํ   ๓-   สุปฺปฏิวิทฺธํ
ปญฺญาย   ฯ   ยถา   ยถา   อาวุโส   ภิกฺขุโน   อญฺญตรํ  สมาธินิมิตฺตํ
สุคฺคหิตํ   โหติ   สุมนสิกตํ   สูปธาริตํ   ๓-  สุปฺปฏิวิทฺธํ  ปญฺญาย  ตถา
ตถา   โส   ตสฺมึ   ธมฺเม   อตฺถปฏิสํเวที   จ   โหติ   ธมฺมปฏิสํเวที
จ   ฯ   ตสฺส   อตฺถปฏิสํเวทิโน   ธมฺมปฏิสํเวทิโน   ปาโมชฺชํ   ชายติ
ปมุทิตสฺส   ปีติ   ชายติ   ปีติมนสฺส   กาโย   ปสฺสมฺภติ   ปสฺสทฺธกาโย
สุขํ เวเทติ สุขิโน จิตฺตํ สมาธิยติ อิทํ ปญฺจมํ วิมุตฺตายตนํ ฯ
@เชิงอรรถ: ๑ ม. ยุ. ครุฏฺฐานิโก ฯ ๒ ม. ขฺวสฺส ฯ ยุ. โข อสฺส ฯ ๓ ยุ. สุปธาริตํ ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๑๑ หน้าที่ ๒๕๔.
https://84000.org/tipitaka/read/pali_item.php?book=11&item=302&items=1&pagebreak=1&modeTY=2
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=11&item=302&items=1&pagebreak=1&modeTY=2&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=11&item=302&items=1&pagebreak=1&modeTY=2
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=11&item=302&items=1&pagebreak=1&modeTY=2
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=11&i=302
             สารบัญพระไตรปิฎกเล่มที่ ๑๑
https://84000.org/tipitaka/read/?index_11
https://84000.org/tipitaka/english/?index_11