พระไตรปิฎกเล่มที่ ๔๑ ภาษาบาลี อักษรไทย
พระอภิธรรมปิฎกเล่มที่ ๘ อภิ. ป.(๒) อนุโลมติกปฏฺฐานํ ปจฺฉิมํ

                           อภิธมฺมปิฏเก ปฏฺฐานํ
                                  ทุติโย ภาโค
                          อนุโลมติกปฏฺฐานํ ปจฺฉิมํ
                                      --------
            นโม ตสฺส ภควโต อรหโต สมฺมาสมฺพุทฺธสฺส ฯ
                                   วิตกฺกตฺติกํ
                                   ปฏิจฺจวาโร
     [๑]   สวิตกฺกสวิจารํ  ธมฺมํ  ปฏิจฺจ สวิตกฺกสวิจาโร ธมฺโม อุปฺปชฺชติ
เหตุปจฺจยา   สวิตกฺกสวิจารํ  เอกํ  ขนฺธํ ปฏิจฺจ ตโย ขนฺธา ตโย  ขนฺเธ
ปฏิจฺจ  เอโก  ขนฺโธ  เทฺว  ขนฺเธ  ปฏิจฺจ  เทฺว  ขนฺธา  ปฏิสนฺธิกฺขเณ
สวิตกฺกสวิจารํ  เอกํ  ขนฺธํ ปฏิจฺจ  ตโย  ขนฺธา เทฺว ขนฺเธ ปฏิจฺจ  เทฺว
ขนฺธา ฯ
     {๑.๑}   สวิตกฺกสวิจารํ  ธมฺมํ  ปฏิจฺจ   อวิตกฺกวิจารมตฺโต  ธมฺโม
อุปฺปชฺชติ    เหตุปจฺจยา    สวิตกฺกสวิจาเร   ขนฺเธ   ปฏิจฺจ   วิตกฺโก
ปฏิสนฺธิกฺขเณ   สวิตกฺกสวิจาเร   ขนฺเธ   ปฏิจฺจ  วิตกฺโก  ฯ  สวิตกฺก-
สวิจารํ   ธมฺมํ  ปฏิจฺจ  อวิตกฺกอวิจาโร  ธมฺโม  อุปฺปชฺชติ  เหตุปจฺจยา
สวิตกฺกสวิจาเร    ขนฺเธ   ปฏิจฺจ   จิตฺตสมุฏฺฐานํ   รูปํ   ปฏิสนฺธิกฺขเณ
สวิตกฺกสวิจาเร ขนฺเธ ปฏิจฺจ กฏตฺตารูปํ ฯ
     [๒]   สวิตกฺกสวิจารํ ธมฺมํ ปฏิจฺจ สวิตกฺกสวิจาโร จ อวิตกฺกอวิจาโร
อวิจาโร   จ   ธมฺมา   อุปฺปชฺชนฺติ  เหตุปจฺจยา   สวิตกฺกสวิจารํ  เอกํ
ขนฺธํ   ปฏิจฺจ  ตโย  ขนฺธา  จิตฺตสมุฏฺฐานญฺจ  รูปํ  เทฺว  ขนฺเธ  ปฏิจฺจ
เทฺว    ขนฺธา   จิตฺตสมุฏฺฐานญฺจ   รูปํ   ปฏิสนฺธิกฺขเณ   สวิตกฺกสวิจารํ
เอกํ  ขนฺธํ  ปฏิจฺจ  ตโย  ขนฺธา  กฏตฺตา  จ  รูปํ  เทฺว  ขนฺเธ ปฏิจฺจ
เทฺว ขนฺธา กฏตฺตา จ รูปํ ฯ
     {๒.๑}   สวิตกฺกสวิจารํ   ธมฺมํ   ปฏิจฺจ   อวิตกฺกวิจารมตฺโต   จ
อวิตกฺกอวิจาโร   จ   ธมฺมา   อุปฺปชฺชนฺติ  เหตุปจฺจยา  สวิตกฺกสวิจาเร
ขนฺเธ    ปฏิจฺจ    วิตกฺโก    จิตฺตสมุฏฺฐานญฺจ    รูปํ    ปฏิสนฺธิกฺขเณ
สวิตกฺกสวิจาเร  ขนฺเธ  ปฏิจฺจ  วิตกฺโก  กฏตฺตา  จ  รูปํ  ฯ  สวิตกฺก-
สวิจารํ   ธมฺมํ    ปฏิจฺจ    สวิตกฺกสวิจาโร   จ   อวิตกฺกวิจารมตฺโต
จ    ธมฺมา    อุปฺปชฺชนฺติ   เหตุปจฺจยา   สวิตกฺกสวิจารํ   เอกํ  ขนฺธํ
ปฏิจฺจ   ตโย   ขนฺธา  วิตกฺโก  จ  เทฺว  ขนฺเธ  ปฏิจฺจ  เทฺว  ขนฺธา
วิตกฺโก    จ    ปฏิสนฺธิกฺขเณ    สวิตกฺกสวิจารํ   เอกํ   ขนฺธํ  ปฏิจฺจ
ตโย ขนฺธา วิตกฺโก จ เทฺว ขนฺเธ ปฏิจฺจ เทฺว ขนฺธา วิตกฺโก จ ฯ
     [๓]   สวิตกฺกสวิจารํ  ธมฺมํ  ปฏิจฺจ  สวิตกฺกสวิจาโร  จ  อวิตกฺก-
วิจารมตฺโต   จ   อวิตกฺกอวิจาโร  จ  ธมฺมา  อุปฺปชฺชนฺติ  เหตุปจฺจยา
สวิตกฺกสวิจารํ    เอกํ   ขนฺธํ   ปฏิจฺจ   ตโย   ขนฺธา   วิตกฺโก   จ
จิตฺตสมุฏฺฐานญฺจ   รูปํ   เทฺว  ขนฺเธ  ปฏิจฺจ  เทฺว  ขนฺธา  วิตกฺโก  จ
จิตฺตสมุฏฺฐานญฺจ    รูปํ    ปฏิสนฺธิกฺขเณ   สวิตกฺกสวิจารํ   เอกํ   ขนฺธํ
ปฏิจฺจ  ตโย  ขนฺธา  วิตกฺโก   จ   กฏตฺตา   จ รูปํ เทฺว ขนฺเธ ปฏิจฺจ
เทฺว ขนฺธา วิตกฺโก จ กฏตฺตา จ รูปํ ฯ
     [๔]   อวิตกฺกวิจารมตฺตํ   ธมฺมํ  ปฏิจฺจ  อวิตกฺกวิจารมตฺโต  ธมฺโม
อุปฺปชฺชติ   เหตุปจฺจยา  อวิตกฺกวิจารมตฺตํ  เอกํ  ขนฺธํ ปฏิจฺจ ตโย ขนฺธา
เทฺว  ขนฺเธ  ปฏิจฺจ  เทฺว  ขนฺธา  ปฏิสนฺธิกฺขเณ อวิตกฺกวิจารมตฺตํ  เอกํ
ขนฺธํ  ปฏิจฺจ  ตโย ขนฺธา เทฺว ขนฺเธ ปฏิจฺจ เทฺว ขนฺธา ฯ อวิตกฺกวิจาร-
มตฺตํ  ธมฺมํ  ปฏิจฺจ  สวิตกฺกสวิจาโร  ธมฺโม อุปฺปชฺชติ เหตุปจฺจยา วิตกฺกํ
ปฏิจฺจ   สวิตกฺกสวิจารา   ขนฺธา  ปฏิสนฺธิกฺขเณ  วิตกฺกํ  ปฏิจฺจ สวิตกฺก-
สวิจารา  ขนฺธา  ฯ อวิตกฺกวิจารมตฺตํ ธมฺมํ ปฏิจฺจ อวิตกฺกอวิจาโร ธมฺโม
อุปฺปชฺชติ  เหตุปจฺจยา  อวิตกฺกวิจารมตฺเต  ขนฺเธ  ปฏิจฺจ  วิจาโร จิตฺต-
สมุฏฺฐานญฺจ   รูปํ  วิตกฺกํ   ปฏิจฺจ   จิตฺตสมุฏฺฐานํ   รูปํ  ปฏิสนฺธิกฺขเณ
อวิตกฺกวิจารมตฺเต  ขนฺเธ  ปฏิจฺจ  วิจาโร   กฏตฺตา จ รูปํ ปฏิสนฺธิกฺขเณ
วิตกฺกํ ปฏิจฺจ กฏตฺตารูปํ ฯ
     [๕]   อวิตกฺกวิจารมตฺตํ ธมฺมํ ปฏิจฺจ สวิตกฺกสวิจาโร จ อวิตกฺกอวิจาโร
จ  ธมฺมา  อุปฺปชฺชนฺติ  เหตุปจฺจยา  วิตกฺกํ  ปฏิจฺจ สวิตกฺกสวิจารา ขนฺธา
จิตฺตสมุฏฺฐานญฺจ   รูปํ  ปฏิสนฺธิกฺขเณ  วิตกฺกํ ปฏิจฺจ สวิตกฺกสวิจารา ขนฺธา
กฏตฺตา   จ   รูปํ ฯ  อวิตกฺกวิจารมตฺตํ ธมฺมํ ปฏิจฺจ อวิตกฺกวิจารมตฺโต จ
อวิตกฺกอวิจาโร  จ   ธมฺมา อุปฺปชฺชนฺติ เหตุปจฺจยา อวิตกฺกวิจารมตฺตํ เอกํ
ขนฺธํ ปฏิจฺจ  ตโย  ขนฺธา วิจาโร จ จิตฺตสมุฏฺฐานญฺจ รูปํ เทฺว ขนฺเธ ปฏิจฺจ
เทฺว  ขนฺธา วิจาโร จ จิตฺตสมุฏฺฐานญฺจ รูปํ ปฏิสนฺธิกฺขเณ อวิตกฺกวิจารมตฺตํ
เอกํ  ขนฺธํ ปฏิจฺจ ตโย ขนฺธา วิจาโร จ กฏตฺตา จ รูปํ เทฺว ขนฺเธ ปฏิจฺจ
เทฺว ขนฺธา วิจาโร จ กฏตฺตา จ รูปํ ฯ
     [๖]   อวิตกฺกอวิจารํ  ธมฺมํ ปฏิจฺจ อวิตกฺกอวิจาโร ธมฺโม  อุปฺปชฺชติ
เหตุปจฺจยา   อวิตกฺกอวิจารํ   เอกํ  ขนฺธํ  ปฏิจฺจ  ตโย  ขนฺธา  จิตฺต-
สมุฏฺฐานญฺจ   รูปํ   เทฺว  ขนฺเธ  ปฏิจฺจ  เทฺว  ขนฺธา จิตฺตสมุฏฺฐานญฺจ
รูปํ   วิจารํ  ปฏิจฺจ   จิตฺตสมุฏฺฐานํ  รูปํ  ปฏิสนฺธิกฺขเณ   อวิตกฺกอวิจารํ
เอกํ  ขนฺธํ   ปฏิจฺจ  ตโย  ขนฺธา กฏตฺตา จ รูปํ เทฺว ขนฺเธ ปฏิจฺจ เทฺว
ขนฺธา   กฏตฺตา  จ  รูปํ  ปฏิสนฺธิกฺขเณ   วิจารํ ปฏิจฺจ กฏตฺตารูปํ ขนฺเธ
ปฏิจฺจ  วตฺถุ  วตฺถุํ  ปฏิจฺจ  ขนฺธา วิจารํ ปฏิจฺจ วตฺถุ วตฺถุํ ปฏิจฺจ วิจาโร
เอกํ   มหาภูตํ  ปฏิจฺจ  ตโย  มหาภูตา  มหาภูเต  ปฏิจฺจ  จิตฺตสมุฏฺฐานํ
รูปํ กฏตฺตารูปํ อุปาทารูปํ ฯ
     {๖.๑}   อวิตกฺกอวิจารํ ธมฺมํ ปฏิจฺจ สวิตกฺกสวิจาโร ธมฺโม  อุปฺปชฺชติ
เหตุปจฺจยา   ปฏิสนฺธิกฺขเณ  วตฺถุํ   ปฏิจฺจ   สวิตกฺกสวิจารา  ขนฺธา  ฯ
อวิตกฺกอวิจารํ   ธมฺมํ   ปฏิจฺจ   อวิตกฺกวิจารมตฺโต   ธมฺโม   อุปฺปชฺชติ
เหตุปจฺจยา   วิจารํ   ปฏิจฺจ   อวิตกฺกวิจารมตฺตา  ขนฺธา  ปฏิสนฺธิกฺขเณ
วิจารํ   ปฏิจฺจ   อวิตกฺกวิจารมตฺตา  ขนฺธา  ปฏิสนฺธิกฺขเณ  วตฺถุํ  ปฏิจฺจ
อวิตกฺกวิจารมตฺตา ขนฺธา ปฏิสนฺธิกฺขเณ วตฺถุํ ปฏิจฺจ วิตกฺโก ฯ
     [๗]   อวิตกฺกอวิจารํ  ธมฺมํ  ปฏิจฺจ  สวิตกฺกสวิจาโร  จ  อวิตกฺก-
อวิจาโร   จ   ธมฺมา   อุปฺปชฺชนฺติ   เหตุปจฺจยา  ปฏิสนฺธิกฺขเณ  วตฺถุํ
ปฏิจฺจ   สวิตกฺกสวิจารา   ขนฺธา   มหาภูเต   ปฏิจฺจ   กฏตฺตารูปํ   ฯ
อวิตกฺกอวิจารํ   ธมฺมํ   ปฏิจฺจ   อวิตกฺกวิจารมตฺโต  จ  อวิตกฺกอวิจาโร
จ   ธมฺมา   อุปฺปชฺชนฺติ  เหตุปจฺจยา  วิจารํ  ปฏิจฺจ  อวิตกฺกวิจารมตฺตา
ขนฺธา     จิตฺตสมุฏฺฐานญฺจ    รูปํ    ปฏิสนฺธิกฺขเณ    วิจารํ    ปฏิจฺจ
อวิตกฺกวิจารมตฺตา   ขนฺธา   กฏตฺตา   จ   รูปํ   ปฏิสนฺธิกฺขเณ   วตฺถุํ
ปฏิจฺจ    อวิตกฺกวิจารมตฺตา    ขนฺธา   มหาภูเต   ปฏิจฺจ   กฏตฺตารูปํ
ปฏิสนฺธิกฺขเณ   วตฺถุํ   ปฏิจฺจ   วิตกฺโก   มหาภูเต   ปฏิจฺจ  กฏตฺตารูปํ
ปฏิสนฺธิกฺขเณ   วตฺถุํ   ปฏิจฺจ   อวิตกฺกวิจารมตฺตา   ขนฺธา  จ  วิจาโร
จ  ฯ  อวิตกฺกอวิจารํ  ธมฺมํ  ปฏิจฺจ  สวิตกฺกสวิจาโร  จ  อวิตกฺกวิจาร-
มตฺโต   จ    ธมฺมา   อุปฺปชฺชนฺติ   เหตุปจฺจยา  ปฏิสนฺธิกฺขเณ   วตฺถุํ
ปฏิจฺจ สวิตกฺกสวิจารา ขนฺธา จ วิตกฺโก จ ฯ
     [๘]   อวิตกฺกอวิจารํ ธมฺมํ ปฏิจฺจ สวิตกฺกสวิจาโร จ  อวิตกฺกวิจาร-
มตฺโต   จ   อวิตกฺกอวิจาโร   จ   ธมฺมา   อุปฺปชฺชนฺติ   เหตุปจฺจยา
  ปฏิสนฺธิกฺขเณ   วตฺถุํ   ปฏิจฺจ  สวิตกฺกสวิจารา  ขนฺธา  จ  วิตกฺโก  จ
  มหาภูเต ปฏิจฺจ กฏตฺตารูปํ ฯ
     [๙]   สวิตกฺกสวิจารญฺจ  อวิตกฺกอวิจารญฺจ  ธมฺมํ  ปฏิจฺจ สวิตกฺก-
สวิจาโร    ธมฺโม   อุปฺปชฺชติ   เหตุปจฺจยา   ปฏิสนฺธิกฺขเณ  สวิตกฺก-
สวิจารํ  เอกํ  ขนฺธญฺจ  วตฺถุญฺจ  ปฏิจฺจ  ตโย  ขนฺธา  เทฺว  ขนฺเธ จ
วตฺถุญฺจ   ปฏิจฺจ   เทฺว  ขนฺธา  ฯ  สวิตกฺกสวิจารญฺจ  อวิตกฺกอวิจารญฺจ
ธมฺมํ    ปฏิจฺจ    อวิตกฺกวิจารมตฺโต   ธมฺโม   อุปฺปชฺชติ   เหตุปจฺจยา
ปฏิสนฺธิกฺขเณ   สวิตกฺกสวิจาเร  ขนฺเธ  จ  วตฺถุญฺจ  ปฏิจฺจ  วิตกฺโก  ฯ
สวิตกฺกสวิจารญฺจ    อวิตกฺกอวิจารญฺจ   ธมฺมํ   ปฏิจฺจ   อวิตกฺกอวิจาโร
ธมฺโม  อุปฺปชฺชติ  เหตุปจฺจยา  สวิตกฺกสวิจาเร  ขนฺเธ  จ  มหาภูเต  จ
ปฏิจฺจ   จิตฺตสมุฏฺฐานํ   รูปํ   ปฏิสนฺธิกฺขเณ  สวิตกฺกสวิจาเร  ขนฺเธ  จ
มหาภูเต จ ปฏิจฺจ กฏตฺตารูปํ ฯ
     [๑๐]   สวิตกฺกสวิจารญฺจ    อวิตกฺกอวิจารญฺจ    ธมฺมํ   ปฏิจฺจ
สวิตกฺกสวิจาโร  จ  อวิตกฺกอวิจาโร  จ  ธมฺมา  อุปฺปชฺชนฺติ  เหตุปจฺจยา
ปฏิสนฺธิกฺขเณ   สวิตกฺกสวิจารํ   เอกํ   ขนฺธญฺจ   วตฺถุญฺจ  ปฏิจฺจ  ตโย
ขนฺธา  เทฺว  ขนฺเธ  จ  วตฺถุญฺจ  ปฏิจฺจ  เทฺว  ขนฺธา  สวิตกฺกสวิจาเร
ขนฺเธ จ มหาภูเต จ ปฏิจฺจ กฏตฺตารูปํ ฯ
     {๑๐.๑}   สวิตกฺกสวิจารญฺจ   อวิตกฺกอวิจารญฺจ   ธมฺมํ   ปฏิจฺจ
อวิตกฺกวิจารมตฺโต     จ    อวิตกฺกอวิจาโร   จ   ธมฺมา   อุปฺปชฺชนฺติ
เหตุปจฺจยา    ปฏิสนฺธิกฺขเณ    สวิตกฺกสวิจาเร   ขนฺเธ   จ   วตฺถุญฺจ
ปฏิจฺจ   วิตกฺโก  สวิตกฺกสวิจาเร   ขนฺเธ  จ   มหาภูเต   จ   ปฏิจฺจ
กฏตฺตารูปํ    ฯ   สวิตกฺกสวิจารญฺจ   อวิตกฺกอวิจารญฺจ   ธมฺมํ   ปฏิจฺจ
สวิตกฺกสวิจาโร    จ    อวิตกฺกวิจารมตฺโต    จ    ธมฺมา  อุปฺปชฺชนฺติ
เหตุปจฺจยา   ปฏิสนฺธิกฺขเณ   สวิตกฺกสวิจารํ   เอกํ   ขนฺธญฺจ   วตฺถุญฺจ
ปฏิจฺจ  ตโย  ขนฺธา  วิตกฺโก  จ  เทฺว  ขนฺเธ  จ  วตฺถุญฺจ ปฏิจฺจ เทฺว
ขนฺธา วิตกฺโก จ ฯ
     [๑๑]   สวิตกฺกสวิจารญฺจ    อวิตกฺกอวิจารญฺจ    ธมฺมํ   ปฏิจฺจ
สวิตกฺกสวิจาโร   จ  อวิตกฺกวิจารมตฺโต  จ  อวิตกฺกอวิจาโร  จ  ธมฺมา
อุปฺปชฺชนฺติ   เหตุปจฺจยา   ปฏิสนฺธิกฺขเณ   สวิตกฺกสวิจารํ  เอกํ  ขนฺธญฺจ
วตฺถุญฺจ   ปฏิจฺจ   ตโย  ขนฺธา  วิตกฺโก  จ  เทฺว  ขนฺเธ  จ  วตฺถุญฺจ
ปฏิจฺจ  เทฺว  ขนฺธา  วิตกฺโก จ สวิตกฺกสวิจาเร  ขนฺเธ  จ  มหาภูเต จ
ปฏิจฺจ กฏตฺตารูปํ ฯ
     [๑๒]   อวิตกฺกวิจารมตฺตญฺจ   อวิตกฺกอวิจารญฺจ   ธมฺมํ   ปฏิจฺจ
สวิตกฺกสวิจาโร     ธมฺโม    อุปฺปชฺชติ    เหตุปจฺจยา    ปฏิสนฺธิกฺขเณ
วิตกฺกญฺจ    วตฺถุญฺจ    ปฏิจฺจ   สวิตกฺกสวิจารา   ขนฺธา  ฯ  อวิตกฺก-
วิจารมตฺตญฺจ    อวิตกฺกอวิจารญฺจ   ธมฺมํ   ปฏิจฺจ   อวิตกฺกวิจารมตฺโต
ธมฺโม    อุปฺปชฺชติ    เหตุปจฺจยา   อวิตกฺกวิจารมตฺตํ   เอกํ   ขนฺธญฺจ
วิจารญฺจ   ปฏิจฺจ   ตโย   ขนฺธา   เทฺว   ขนฺเธ  จ  วิจารญฺจ ปฏิจฺจ
เทฺว    ขนฺธา    ปฏิสนฺธิกฺขเณ    อวิตกฺกวิจารมตฺตํ    เอกํ   ขนฺธญฺจ
วิจารญฺจ  ปฏิจฺจ  ตโย  ขนฺธา  เทฺว  ขนฺเธ  จ  วิจารญฺจ  ปฏิจฺจ เทฺว
ขนฺธา    ปฏิสนฺธิกฺขเณ    อวิตกฺกวิจารมตฺตํ   เอกํ   ขนฺธญฺจ   วตฺถุญฺจ
ปฏิจฺจ ตโย ขนฺธา เทฺว ขนฺเธ จ วตฺถุญฺจ ปฏิจฺจ เทฺว ขนฺธา ฯ
     {๑๒.๑}   อวิตกฺกวิจารมตฺตญฺจ   อวิตกฺกอวิจารญฺจ   ธมฺมํ  ปฏิจฺจ
อวิตกฺกอวิจาโร    ธมฺโม   อุปฺปชฺชติ   เหตุปจฺจยา   อวิตกฺกวิจารมตฺเต
ขนฺเธ  จ   วิจารญฺจ   ปฏิจฺจ   จิตฺตสมุฏฺฐานํ   รูปํ  อวิตกฺกวิจารมตฺเต
ขนฺเธ  จ  มหาภูเต  จ  ปฏิจฺจ  จิตฺตสมุฏฺฐานํ  รูปํ  วิตกฺกญฺจ  มหาภูเต
จ    ปฏิจฺจ    จิตฺตสมุฏฺฐานํ   รูปํ   ปฏิสนฺธิกฺขเณ   อวิตกฺกวิจารมตฺเต
ขนฺเธ     จ     วิจารญฺจ     ปฏิจฺจ     กฏตฺตารูปํ    ปฏิสนฺธิกฺขเณ
อวิตกฺกวิจารมตฺเต  ขนฺเธ  จ  มหาภูเต จ ปฏิจฺจ กฏตฺตารูปํ ปฏิสนฺธิกฺขเณ
วิตกฺกญฺจ  มหาภูเต  จ  ปฏิจฺจ กฏตฺตารูปํ ปฏิสนฺธิกฺขเณ อวิตกฺกวิจารมตฺเต
ขนฺเธ จ วตฺถุญฺจ ปฏิจฺจ วิจาโร ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๔๑ หน้าที่ ๑-๘.
https://84000.org/tipitaka/read/pali_item.php?book=41&item=1&items=12
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=41&item=1&items=12&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=41&item=1&items=12
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=41&item=1&items=12
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=41&i=1
             สารบัญพระไตรปิฎกเล่มที่ ๔๑
https://84000.org/tipitaka/read/?index_41
https://84000.org/tipitaka/english/?index_41