พระไตรปิฎกเล่มที่ ๔๑ ภาษาบาลี อักษรไทย
พระอภิธรรมปิฎกเล่มที่ ๘ อภิ. ป.(๒) อนุโลมติกปฏฺฐานํ ปจฺฉิมํ

     [๑๓]   อวิตกฺกวิจารมตฺตญฺจ    อวิตกฺกอวิจารญฺจ   ธมฺมํ   ปฏิจฺจ
สวิตกฺกสวิจาโร  จ  อวิตกฺกอวิจาโร  จ  ธมฺมา  อุปฺปชฺชนฺติ  เหตุปจฺจยา
ปฏิสนฺธิกฺขเณ    วิตกฺกญฺจ   วตฺถุญฺจ   ปฏิจฺจ   สวิตกฺกสวิจารา   ขนฺธา
วิตกฺกญฺจ   มหาภูเต   จ   ปฏิจฺจ   กฏตฺตารูปํ  ฯ  อวิตกฺกวิจารมตฺตญฺจ
อวิตกฺกอวิจารญฺจ   ธมฺมํ  ปฏิจฺจ  อวิตกฺกวิจารมตฺโต  จ  อวิตกฺกอวิจาโร
จ   ธมฺมา   อุปฺปชฺชนฺติ   เหตุปจฺจยา  อวิตกฺกวิจารมตฺตํ  เอกํ  ขนฺธญฺจ
วิจารญฺจ  ปฏิจฺจ   ตโย   ขนฺธา   จิตฺตสมุฏฺฐานญฺจ  รูปํ  เทฺว ขนฺเธ จ
วิจารญฺจ   ปฏิจฺจ   เทฺว    ขนฺธา  จิตฺตสมุฏฺฐานญฺจ  รูปํ  ปฏิสนฺธิกฺขเณ
อวิตกฺกวิจารมตฺตํ  เอกํ  ขนฺธญฺจ  วิจารญฺจ  ปฏิจฺจ  ตโย  ขนฺธา กฏตฺตา
จ รูปํ  เทฺว  ขนฺเธ  จ  วิจารญฺจ  ปฏิจฺจ  เทฺว  ขนฺธา  กฏตฺตา จ รูปํ
ปฏิสนฺธิกฺขเณ    อวิตกฺกวิจารมตฺตํ    เอกํ    ขนฺธญฺจ   วตฺถุญฺจ  ปฏิจฺจ
ตโย   ขนฺธา  วิจาโร  จ  เทฺว  ขนฺเธ  จ  วตฺถุญฺจ ปฏิจฺจ เทฺว ขนฺธา
วิจาโร จ ฯ
     [๑๔]   สวิตกฺกสวิจารญฺจ    อวิตกฺกวิจารมตฺตญฺจ    ธมฺมํ  ปฏิจฺจ
สวิตกฺกสวิจาโร     ธมฺโม    อุปฺปชฺชติ    เหตุปจฺจยา   สวิตกฺกสวิจารํ
เอกํ   ขนฺธญฺจ   วิตกฺกญฺจ   ปฏิจฺจ   ตโย   ขนฺธา   เทฺว   ขนฺเธ จ
วิตกฺกญฺจ    ปฏิจฺจ    เทฺว    ขนฺธา    ปฏิสนฺธิกฺขเณ   สวิตกฺกสวิจารํ
เอกํ  ขนฺธญฺจ  วิตกฺกญฺจ  ปฏิจฺจ  ตโย  ขนฺธา  เทฺว  ขนฺเธ จ วิตกฺกญฺจ
ปฏิจฺจ   เทฺว  ขนฺธา  ฯ   สวิตกฺกสวิจารญฺจ  อวิตกฺกวิจารมตฺตญฺจ  ธมฺมํ
ปฏิจฺจ   อวิตกฺกอวิจาโร  ธมฺโม  อุปฺปชฺชติ  เหตุปจฺจยา  สวิตกฺกสวิจาเร
ขนฺเธ  จ  วิตกฺกญฺจ  ปฏิจฺจ  จิตฺตสมุฏฺฐานํ  รูปํ  ปฏิสนฺธิกฺขเณ  สวิตกฺก-
สวิจาเร ขนฺเธ จ วิตกฺกญฺจ ปฏิจฺจ กฏตฺตารูปํ ฯ
     [๑๕]   สวิตกฺกสวิจารญฺจ  อวิตกฺกวิจารมตฺตญฺจ ธมฺมํ ปฏิจฺจ สวิตกฺก-
สวิจาโร  จ   อวิตกฺกอวิจาโร   จ   ธมฺมา   อุปฺปชฺชนฺติ  เหตุปจฺจยา
สวิตกฺกสวิจารํ    เอกํ    ขนฺธญฺจ   วิตกฺกญฺจ   ปฏิจฺจ   ตโย   ขนฺธา
จิตฺตสมุฏฺฐานญฺจ   รูปํ   เทฺว   ขนฺเธ   จ  วิตกฺกญฺจ ปฏิจฺจ เทฺว ขนฺธา
จิตฺตสมุฏฺฐานญฺจ   รูปํ   ปฏิสนฺธิกฺขเณ   สวิตกฺกสวิจารํ   เอกํ   ขนฺธญฺจ
วิตกฺกญฺจ  ปฏิจฺจ  ตโย  ขนฺธา  กฏตฺตา  จ  รูปํ เทฺว ขนฺเธ จ วิตกฺกญฺจ
ปฏิจฺจ เทฺว ขนฺธา กฏตฺตา จ รูปํ ฯ
     [๑๖]   สวิตกฺกสวิจารญฺจ   อวิตกฺกวิจารมตฺตญฺจ  อวิตกฺกอวิจารญฺจ
ธมฺมํ    ปฏิจฺจ    สวิตกฺกสวิจาโร    ธมฺโม   อุปฺปชฺชติ    เหตุปจฺจยา
ปฏิสนฺธิกฺขเณ    สวิตกฺกสวิจารํ    เอกํ   ขนฺธญฺจ   วิตกฺกญฺจ   วตฺถุญฺจ
ปฏิจฺจ  ตโย   ขนฺธา   เทฺว   ขนฺเธ   จ   วิตกฺกญฺจ  วตฺถุญฺจ  ปฏิจฺจ
เทฺว   ขนฺธา   ฯ   สวิตกฺกสวิจารญฺจ   อวิตกฺกวิจารมตฺตญฺจ   อวิตกฺก-
อวิจารญฺจ    ธมฺมํ    ปฏิจฺจ    อวิตกฺกอวิจาโร    ธมฺโม   อุปฺปชฺชติ
เหตุปจฺจยา  สวิตกฺกสวิจาเร  ขนฺเธ  จ  วิตกฺกญฺจ  มหาภูเต  จ  ปฏิจฺจ
จิตฺตสมุฏฺฐานํ    รูปํ    ปฏิสนฺธิกฺขเณ    สวิตกฺกสวิจาเร    ขนฺเธ   จ
วิตกฺกญฺจ มหาภูเต จ ปฏิจฺจ กฏตฺตารูปํ ฯ
     [๑๗]   สวิตกฺกสวิจารญฺจ   อวิตกฺกวิจารมตฺตญฺจ  อวิตกฺกอวิจารญฺจ
ธมฺมํ  ปฏิจฺจ  สวิตกฺกสวิจาโร  จ  อวิตกฺกอวิจาโร  จ  ธมฺมา อุปฺปชฺชนฺติ
เหตุปจฺจยา   ปฏิสนฺธิกฺขเณ   สวิตกฺกสวิจารํ   เอกํ   ขนฺธญฺจ  วิตกฺกญฺจ
วตฺถุญฺจ  ปฏิจฺจ   ตโย   ขนฺธา  ตโย ขนฺเธ จ  วิตกฺกญฺจ วตฺถุญฺจ ปฏิจฺจ
เอโก  ขนฺโธ  เทฺว  ขนฺเธ  จ  วิตกฺกญฺจ  วตฺถุญฺจ ปฏิจฺจ  เทฺว  ขนฺธา
สวิตกฺกสวิจาเร ขนฺเธ จ วิตกฺกญฺจ มหาภูเต จ ปฏิจฺจ กฏตฺตารูปํ ฯ
     [๑๘]   สวิตกฺกสวิจารํ   ธมฺมํ   ปฏิจฺจ   สวิตกฺกสวิจาโร   ธมฺโม
อุปฺปชฺชติ   อารมฺมณปจฺจยา   สวิตกฺกสวิจารํ   เอกํ  ขนฺธํ  ปฏิจฺจ  ตโย
ขนฺธา  เทฺว  ขนฺเธ  ปฏิจฺจ  เทฺว  ขนฺธา ปฏิสนฺธิกฺขเณ ... ฯ สวิตกฺก-
สวิจารํ    ธมฺมํ    ปฏิจฺจ    อวิตกฺกวิจารมตฺโต    ธมฺโม   อุปฺปชฺชติ
อารมฺมณปจฺจยา   สวิตกฺกสวิจาเร   ขนฺเธ   ปฏิจฺจ  วิตกฺโก  ปฏิสนฺธิกฺ-
ขเณ ... ฯ
     [๑๙]   สวิตกฺกสวิจารํ    ธมฺมํ   ปฏิจฺจ   สวิตกฺกสวิจาโร   จ
อวิตกฺกวิจารมตฺโต     จ     ธมฺมา     อุปฺปชฺชนฺติ    อารมฺมณปจฺจยา
สวิตกฺกสวิจารํ   เอกํ   ขนฺธํ   ปฏิจฺจ  ตโย  ขนฺธา  วิตกฺโก  ฯ  เทฺว
ขนฺเธ ปฏิจฺจ เทฺว ขนฺธา วิตกฺโก จ ปฏิสนฺธิกฺขเณ ... ฯ
     [๒๐]   อวิตกฺกวิจารมตฺตํ  ธมฺมํ  ปฏิจฺจ  อวิตกฺกวิจารมตฺโต  ธมฺโม
อุปฺปชฺชติ    อารมฺมณปจฺจยา   อวิตกฺกวิจารมตฺตํ   เอกํ   ขนฺธํ   ปฏิจฺจ
ตโย  ขนฺธา   เทฺว   ขนฺเธ   ปฏิจฺจ  เทฺว ขนฺธา ปฏิสนฺธิกฺขเณ ... ฯ
อวิตกฺกวิจารมตฺตํ   ธมฺมํ   ปฏิจฺจ   สวิตกฺกสวิจาโร   ธมฺโม   อุปฺปชฺชติ
อารมฺมณปจฺจยา   วิตกฺกํ   ปฏิจฺจ  สวิตกฺกสวิจารา  ขนฺธา  ปฏิสนฺธิกฺขเณ
...   ฯ   อวิตกฺกวิจารมตฺตํ   ธมฺมํ   ปฏิจฺจ   อวิตกฺกอวิจาโร  ธมฺโม
อุปฺปชฺชติ    อารมฺมณปจฺจยา     อวิตกฺกวิจารมตฺเต     ขนฺเธ   ปฏิจฺจ
วิจาโร ปฏิสนฺธิกฺขเณ ... ฯ
     [๒๑]   อวิตกฺกวิจารมตฺตํ   ธมฺมํ   ปฏิจฺจ  อวิตกฺกวิจารมตฺโต  จ
อวิตกฺกอวิจาโร   จ   ธมฺมา   อุปฺปชฺชนฺติ   อารมฺมณปจฺจยา   อวิตกฺก-
วิจารมตฺตํ  เอกํ  ขนฺธํ  ปฏิจฺจ  ตโย  ขนฺธา  วิจาโร  จ  เทฺว ขนฺเธ
ปฏิจฺจ เทฺว ขนฺธา วิจาโร จ ปฏิสนฺธิกฺขเณ ... ฯ
     [๒๒]   อวิตกฺกอวิจารํ   ธมฺมํ   ปฏิจฺจ   อวิตกฺกอวิจาโร  ธมฺโม
อุปฺปชฺชติ     อารมฺมณปจฺจยา    อวิตกฺกอวิจารํ   เอกํ   ขนฺธํ   ปฏิจฺจ
ตโย    ขนฺธา    เทฺว   ขนฺเธ  ปฏิจฺจ   เทฺว   ขนฺธา  ปฏิสนฺธิกฺขเณ
อวิตกฺกอวิจารํ  เอกํ  ขนฺธํ  ปฏิจฺจ  ตโย  ขนฺธา เทฺว ขนฺเธ ปฏิจฺจ เทฺว
ขนฺธา   ปฏิสนฺธิกฺขเณ   วตฺถุํ  ปฏิจฺจ  ขนฺธา  วตฺถุํ  ปฏิจฺจ  วิจาโร  ฯ
อวิตกฺกอวิจารํ    ธมฺมํ    ปฏิจฺจ   สวิตกฺกสวิจาโร   ธมฺโม   อุปฺปชฺชติ
อารมฺมณปจฺจยา     ปฏิสนฺธิกฺขเณ    วตฺถุํ    ปฏิจฺจ    สวิตกฺกสวิจารา
ขนฺธา   ฯ   อวิตกฺกอวิจารํ   ธมฺมํ   ปฏิจฺจ  อวิตกฺกวิจารมตฺโต  ธมฺโม
อุปฺปชฺชติ     อารมฺมณปจฺจยา    วิจารํ    ปฏิจฺจ    อวิตกฺกวิจารมตฺตา
ขนฺธา    ปฏิสนฺธิกฺขเณ    วิจารํ   ปฏิจฺจ   อวิตกฺกวิจารมตฺตา   ขนฺธา
ปฏิสนฺธิกฺขเณ   วตฺถุํ   ปฏิจฺจ   อวิตกฺกวิจารมตฺตา  ขนฺธา  ปฏิสนฺธิกฺขเณ
วตฺถุํ ปฏิจฺจ วิตกฺโก ฯ
     [๒๓]   อวิตกฺกอวิจารํ   ธมฺมํ   ปฏิจฺจ   อวิตกฺกวิจารมตฺโต   จ
อวิตกฺกอวิจาโร      จ     ธมฺมา     อุปฺปชฺชนฺติ     อารมฺมณปจฺจยา
ปฏิสนฺธิกฺขเณ    วตฺถุํ    ปฏิจฺจ   อวิตกฺกวิจารมตฺตา   ขนฺธา   วิจาโร
จ   ฯ   อวิตกฺกอวิจารํ   ธมฺมํ   ปฏิจฺจ  สวิตกฺกสวิจาโร  จ  อวิตกฺก-
วิจารมตฺโต    จ   ธมฺมา   อุปฺปชฺชนฺติ   อารมฺมณปจฺจยา   ปฏิสนฺธิกฺ-
ขเณ วตฺถุํ ปฏิจฺจ สวิตกฺกสวิจารา ขนฺธา จ วิตกฺโก จ ฯ
     [๒๔]   สวิตกฺกสวิจารญฺจ    อวิตกฺกอวิจารญฺจ    ธมฺมํ   ปฏิจฺจ
สวิตกฺกสวิจาโร    ธมฺโม    อุปฺปชฺชติ   อารมฺมณปจฺจยา   ปฏิสนฺธิกฺขเณ
สวิตกฺกสวิจารํ  เอกํ  ขนฺธญฺจ  วตฺถุญฺจ  ปฏิจฺจ  ตโย  ขนฺธา เทฺว ขนฺเธ
จ  วตฺถุญฺจ  ปฏิจฺจ  เทฺว  ขนฺธา  ฯ  สวิตกฺกสวิจารญฺจ อวิตกฺกอวิจารญฺจ
ธมฺมํ   ปฏิจฺจ   อวิตกฺกวิจารมตฺโต   ธมฺโม   อุปฺปชฺชติ  อารมฺมณปจฺจยา
ปฏิสนฺธิกฺขเณ สวิตกฺกสวิจาเร ขนฺเธ จ วตฺถุญฺจ ปฏิจฺจ วิตกฺโก ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๔๑ หน้าที่ ๘-๑๒.
https://84000.org/tipitaka/read/pali_item.php?book=41&item=13&items=12
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=41&item=13&items=12&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=41&item=13&items=12
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=41&item=13&items=12
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=41&i=13
             สารบัญพระไตรปิฎกเล่มที่ ๔๑
https://84000.org/tipitaka/read/?index_41
https://84000.org/tipitaka/english/?index_41