รูปาวจรทุกํ
ปฏิจฺจวาโร
[๗๕๑] รูปาวจรํ ธมฺมํ ปฏิจฺจ รูปาวจโร ธมฺโม อุปฺปชฺชติ
เหตุปจฺจยา: รูปาวจรํ เอกํ ขนฺธํ ปฏิจฺจ ตโย ขนฺธา เทฺว
ขนฺเธ ... ปฏิสนฺธิ ฯ รูปาวจรํ ธมฺมํ ปฏิจฺจ นรูปาวจโร ธมฺโม
อุปฺปชฺชติ เหตุปจฺจยา: รูปาวจเร ขนฺเธ ปฏิจฺจ จิตฺตสมุฏฺฐานํ
รูปํ ปฏิสนฺธิ ฯ รูปาวจรํ ธมฺมํ ปฏิจฺจ รูปาวจโร จ นรูปาวจโร
จ ธมฺมา อุปฺปชฺชนฺติ เหตุปจฺจยา: รูปาวจรํ เอกํ ขนฺธํ ปฏิจฺจ
ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ ... ปฏิสนฺธิ ฯ
{๗๕๑.๑} นรูปาวจรํ ธมฺมํ ปฏิจฺจ นรูปาวจโร ธมฺโม อุปฺปชฺชติ
เหตุปจฺจยา: นรูปาวจรํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ
รูปํ เทฺว ขนฺเธ ... ปฏิสนฺธิ ฯ นรูปาวจรํ ธมฺมํ ปฏิจฺจ รูปาวจโร
ธมฺโม อุปฺปชฺชติ เหตุปจฺจยา: ปฏิสนฺธิกฺขเณ วตฺถุํ ปฏิจฺจ รูปาวจรา
ขนฺธา ฯ นรูปาวจรํ ธมฺมํ ปฏิจฺจ รูปาวจโร จ นรูปาวจโร จ
ธมฺมา อุปฺปชฺชนฺติ เหตุปจฺจยา: ปฏิสนฺธิกฺขเณ วตฺถุํ ปฏิจฺจ
รูปาวจรา ขนฺธา มหาภูเต ปฏิจฺจ กฏตฺตารูปํ ฯ รูปาวจรญฺจ
นรูปาวจรญฺจ ธมฺมํ ปฏิจฺจ รูปาวจโร ธมฺโม อุปฺปชฺชติ เหตุปจฺจยา:
ปฏิสนฺธิกฺขเณ รูปาวจรํ เอกํ ขนฺธญฺจ วตฺถุญฺจ ปฏิจฺจ ตโย
ขนฺธา เทฺว ขนฺเธ ... ฯ รูปาวจรญฺจ นรูปาวจรญฺจ ธมฺมํ
ปฏิจฺจ นรูปาวจโร ธมฺโม อุปฺปชฺชติ เหตุปจฺจยา: รูปาวจเร
ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํ ปฏิสนฺธิกฺขเณ
รูปาวจเร ขนฺเธ จ มหาภูเต จ ปฏิจฺจ กฏตฺตารูปํ ฯ รูปาวจรญฺจ
นรูปาวจรญฺจ ธมฺมํ ปฏิจฺจ รูปาวจโร จ นรูปาวจโร จ ธมฺมา
อุปฺปชฺชนฺติ เหตุปจฺจยา: ปฏิสนฺธิกฺขเณ รูปาวจรํ เอกํ ขนฺธญฺจ
วตฺถุญฺจ ปฏิจฺจ ตโย ขนฺธา เทฺว ขนฺเธ ... รูปาวจเร ขนฺเธ จ
มหาภูเต จ ปฏิจฺจ กฏตฺตารูปํ ฯ สงฺขิตฺตํ ฯ
[๗๕๒] เหตุยา นว อารมฺมเณ จตฺตาริ อธิปติยา ปญฺจ
อนนฺตเร จตฺตาริ สมนนฺตเร จตฺตาริ สหชาเต นว อญฺญมญฺเญ
ฉ นิสฺสเย นว อุปนิสฺสเย จตฺตาริ ปุเรชาเต เทฺว อาเสวเน
เทฺว กมฺเม นว วิปาเก นว ฌาเน นว มคฺเค นว สมฺปยุตฺเต
จตฺตาริ วิปฺปยุตฺเต นว อตฺถิยา นว นตฺถิยา จตฺตาริ วิคเต
จตฺตาริ อวิคเต นว ฯ
[๗๕๓] นรูปาวจรํ ธมฺมํ ปฏิจฺจ นรูปาวจโร ธมฺโม อุปฺปชฺชติ
นเหตุปจฺจยา: อเหตุกํ นรูปาวจรํ เอกํ ขนฺธํ ปฏิจฺจ ตโย ขนฺธา
จิตฺตสมุฏฺฐานญฺจ รูปํ เทฺว ขนฺเธ ... อเหตุกปฏิสนฺธิกฺขเณ ขนฺเธ
ปฏิจฺจ วตฺถุ วตฺถุํ ปฏิจฺจ ขนฺธา เอกํ มหาภูตํ ยาว อสญฺญสตฺตา
วิจิกิจฺฉาสหคเต อุทฺธจฺจสหคเต ขนฺเธ ปฏิจฺจ วิจิกิจฺฉาสหคโต
อุทฺธจฺจสหคโต โมโห ฯ ... นอารมฺมณปจฺจยา: ตีณิ ฯ
[๗๕๔] รูปาวจรํ ธมฺมํ ปฏิจฺจ รูปาวจโร ธมฺโม อุปฺปชฺชติ
นอธิปติปจฺจยา: รูปาวจเร ขนฺเธ ปฏิจฺจ รูปาวจรา อธิปติ
วิปากํ รูปาวจรํ เอกํ ขนฺธํ ปฏิจฺจ ตโย ขนฺธา เทฺว ขนฺเธ ...
ปฏิสนฺธิ ฯ รูปาวจรํ ธมฺมํ ปฏิจฺจ นรูปาวจโร ธมฺโม อุปฺปชฺชติ
นอธิปติปจฺจยา: วิปาเก รูปาวจเร ขนฺเธ ปฏิจฺจ จิตฺตสมุฏฺฐานํ
รูปํ ปฏิสนฺธิ ฯ รูปาวจรํ ธมฺมํ ปฏิจฺจ รูปาวจโร จ นรูปาวจโร
จ ธมฺมา อุปฺปชฺชนฺติ นอธิปติปจฺจยา: วิปากํ รูปาวจรํ
เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ เทฺว
ขนฺเธ ... ปฏิสนฺธิ ฯ
{๗๕๔.๑} นรูปาวจรํ ธมฺมํ ปฏิจฺจ นรูปาวจโร ธมฺโม อุปฺปชฺชติ
นอธิปติปจฺจยา: นรูปาวจรํ เอกํ ขนฺธํ ปฏิจฺจ ตโย ขนฺธา จิตฺต-
สมุฏฺฐานญฺจ รูปํ ฯ ตีณิ นกามาวจรํ ปฏิจฺจสทิสํ นินฺนานํ อิธ สพฺเพ
มหาภูตา กาตพฺพา ฯ รูปาวจรญฺจ นรูปาวจรญฺจ ธมฺมํ ปฏิจฺจ
รูปาวจโร ธมฺโม อุปฺปชฺชติ นอธิปติปจฺจยา: ปฏิสนฺธิกฺขเณ รูปาวจรํ
เอกํ ขนฺธญฺจ วตฺถุญฺจ ปฏิจฺจ ตโย ขนฺธา ฯ รูปาวจรญฺจ นรูปาวจรญฺจ
ธมฺมํ ปฏิจฺจ นรูปาวจโร ธมฺโม อุปฺปชฺชติ นอธิปติปจฺจยา: วิปาเก
รูปาวจเร ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํ ปฏิสนฺธิ ฯ
{๗๕๔.๒} รูปาวจรญฺจ นรูปาวจรญฺจ ธมฺมํ ปฏิจฺจ รูปาวจโร จ
นรูปาวจโร จ ธมฺมา อุปฺปชฺชนฺติ นอธิปติปจฺจยา: ปฏิสนฺธิกฺขเณ
รูปาวจรํ เอกํ ขนฺธญฺจ วตฺถุญฺจ ปฏิจฺจ ตโย ขนฺธา เทฺว ขนฺเธ ...
รูปาวจเร ขนฺเธ จ มหาภูเต จ ปฏิจฺจ กฏตฺตารูปํ ฯ ... นอนนฺตรปจฺจยา:
นอุปนิสฺสยปจฺจยา: ฯ
[๗๕๕] รูปาวจรํ ธมฺมํ ปฏิจฺจ รูปาวจโร ธมฺโม อุปฺปชฺชติ
นปุเรชาตปจฺจยา: ปฏิสนฺธิกฺขเณ รูปาวจรํ เอกํ ขนฺธํ ปฏิจฺจ
ตโย ขนฺธา เทฺว ขนฺเธ ... ฯ รูปาวจรํ ธมฺมํ ปฏิจฺจ นรูปาวจโร
ธมฺโม อุปฺปชฺชติ นปุเรชาตปจฺจยา: รูปาวจเร ขนฺเธ ปฏิจฺจ
จิตฺตสมุฏฺฐานํ รูปํ ปฏิสนฺธิ ฯ รูปาจวรํ ธมฺมํ ปฏิจฺจ รูปาวจโร
จ นรูปาวจโร จ ธมฺมา อุปฺปชฺชนฺติ นปุเรชาตปจฺจยา: ปฏิสนฺธิกฺขเณ
รูปาวจรํ เอกํ ขนฺธํ ปฏิจฺจ ตโย ขนฺธา กฏตฺตา จ รูปํ เทฺว ขนฺเธ
... ฯ นรูปาวจรํ ธมฺมํ ปฏิจฺจ นรูปาวจโร ธมฺโม อุปฺปชฺชติ
นปุเรชาตปจฺจยา: อรูเป นรูปาวจรํ เอกํ ขนฺธํ ปฏิจฺจ ตโย
ขนฺธา เทฺว ขนฺเธ ... นรูปาวจเร ขนฺเธ ปฏิจฺจ จิตฺตสมุฏฺฐานํ
รูปํ ปฏิสนฺธิ ยาว อสญฺญสตฺตา ฯ อิตเร ปญฺจปิ ปญฺหา
อนุโลมํ กาตพฺพํ ฯ ... นปจฺฉาชาตปจฺจยา: นว ฯ
[๗๕๖] รูปาวจรํ ธมฺมํ ปฏิจฺจ รูปาวจโร ธมฺโม อุปฺปชฺชติ
นอาเสวนปจฺจยา: วิปากํ รูปาวจรํ เอกํ ขนฺธํ ปฏิจฺจ ตโย ขนฺธา
ปฏิสนฺธิ ฯ รูปาวจรํ ธมฺมํ ปฏิจฺจ นรูปาวจโร ธมฺโม อุปฺปชฺชติ
นอาเสวนปจฺจยา: รูปาวจเร ขนฺเธ ปฏิจฺจ จิตฺตสมุฏฺฐานํ รูปํ
ปฏิสนฺธิ ฯ รูปาวจรํ ธมฺมํ ปฏิจฺจ รูปาวจโร จ นรูปาวจโร จ
ธมฺมา อุปฺปชฺชนฺติ นอาเสวนปจฺจยา: วิปากํ รูปาวจรํ เอกํ
ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ ...
ปฏิสนฺธิ ฯ นรูปาวจรํ ธมฺมํ ปฏิจฺจ นรูปาวจโร ธมฺโม อุปฺปชฺชติ
นอาเสวนปจฺจยา: ตีณิ ฯ รูปาวจรญฺจ นรูปาวจรญฺจ ธมฺมํ ปฏิจฺจ
รูปาวจโร ธมฺโม อุปฺปชฺชติ นอาเสวนปจฺจยา: ฯ สงฺขิตฺตํ ฯ มูลํ
อิตเรปิ ปญฺหา กาตพฺพา ฯ ... นกมฺมปจฺจยา: เทฺว สงฺขิตฺตํ ฯ
... นสมฺปยุตฺตปจฺจยา: ฯ
[๗๕๗] นรูปาวจรํ ธมฺมํ ปฏิจฺจ นรูปาวจโร ธมฺโม อุปฺปชฺชติ
นวิปฺปยุตฺตปจฺจยา: อรูเป นรูปาวจรํ เอกํ ขนฺธํ ปฏิจฺจ ตโย
ขนฺธา เทฺว ขนฺเธ ... พาหิรํ ... อาหารสมุฏฺฐานํ ... อุตุสมุฏฺฐานํ ...
อสญฺญสตฺตานํ สงฺขิตฺตํ ฯ
[๗๕๘] นเหตุยา เอกํ นอารมฺมเณ ตีณิ นอธิปติยา นว
นอนนฺตเร ตีณิ นสมนนฺตเร ตีณิ นอุปนิสฺสเย ตีณิ นปุเรชาเต
นว นปจฺฉาชาเต นว นอาเสวเน นว นกมฺเม เทฺว นวิปาเก
ปญฺจ นอาหาเร เอกํ นอินฺทฺริเย เอกํ นฌาเน เอกํ นมคฺเค
เอกํ นสมฺปยุตฺเต ตีณิ นวิปฺปยุตฺเต เอกํ โนนตฺถิยา ตีณิ
โนวิคเต ตีณิ ฯ
อิตเร เทฺว คณนาปิ สหชาตวาโรปิ กาตพฺพา ฯ
ปจฺจยวาโร
[๗๕๙] รูปาวจรํ ธมฺมํ ปจฺจยา รูปาวจโร ธมฺโม อุปฺปชฺชติ
เหตุปจฺจยา: ตีณิ ปฏิจฺจสทิสา ฯ นรูปาวจรํ ธมฺมํ ปจฺจยา
นรูปาวจโร ธมฺโม อุปฺปชฺชติ เหตุปจฺจยา: นรูปาวจรํ เอกํ ขนฺธํ
ปจฺจยา ตโย ขนฺธา จิตฺตสมุฏฺฐานญฺจ รูปํ ยาว อชฺฌตฺติกา มหาภูตา
วตฺถุํ ปจฺจยา นรูปาวจรา ขนฺธา ฯ นรูปาวจรํ ธมฺมํ ปจฺจยา
รูปาวจโร ธมฺโม อุปฺปชฺชติ เหตุปจฺจยา: วตฺถุํ ปจฺจยา รูปาวจรา
ขนฺธา ปฏิสนฺธิ ฯ นรูปาวจรํ ธมฺมํ ปจฺจยา รูปาวจโร จ นรูปาวจโร
จ ธมฺมา อุปฺปชฺชนฺติ เหตุปจฺจยา: วตฺถุํ ปจฺจยา รูปาวจรา ขนฺธา
มหาภูเต ปจฺจยา จิตฺตสมุฏฺฐานํ รูปํ ปฏิสนฺธิ ฯ
{๗๕๙.๑} รูปาวจรญฺจ นรูปาวจรญฺจ ธมฺมํ ปจฺจยา รูปาวจโร
ธมฺโม อุปฺปชฺชติ เหตุปจฺจยา: รูปาวจรํ เอกํ ขนฺธญฺจ วตฺถุญฺจ
ปจฺจยา ตโย ขนฺธา เทฺว ขนฺเธ ... ปฏิสนฺธิ ฯ รูปาวจรญฺจ
นรูปาวจรญฺจ ธมฺมํ ปจฺจยา นรูปาวจโร ธมฺโม อุปฺปชฺชติ
เหตุปจฺจยา: รูปาวจเร ขนฺเธ จ มหาภูเต จ ปจฺจยา จิตฺตสมุฏฺฐานํ
รูปํ ปฏิสนฺธิ ฯ รูปาวจรญฺจ นรูปาวจรญฺจ ธมฺมํ ปจฺจยา
รูปาวจโร จ นรูปาวจโร จ ธมฺมา อุปฺปชฺชนฺติ เหตุปจฺจยา:
รูปาวจรํ เอกํ ขนฺธญฺจ วตฺถุญฺจ ปจฺจยา ตโย ขนฺธา เทฺว
ขนฺเธ ... รูปาวจเร ขนฺเธ จ มหาภูเต จ ปจฺจยา จิตฺตสมุฏฺฐานํ
รูปํ ปฏิสนฺธิ ฯ สงฺขิตฺตํ ฯ
[๗๖๐] เหตุยา นว อารมฺมเณ จตฺตาริ อธิปติยา นว อนนฺตเร
จตฺตาริ สมนนฺตเร จตฺตาริ สหชาเต นว อญฺญมญฺเญ ฉ นิสฺสเย
นว อุปนิสฺสเย จตฺตาริ ปุเรชาเต จตฺตาริ อาเสวเน จตฺตาริ กมฺเม
นว อวิคเต นว ฯ
[๗๖๑] นรูปาวจรํ ธมฺมํ ปจฺจยา นรูปาวจโร ธมฺโม อุปฺปชฺชติ
นเหตุปจฺจยา: อเหตุกํ นรูปาวจรํ เอกํ ขนฺธํ ปจฺจยา ตโย ขนฺธา
จิตฺตสมุฏฺฐานญฺจ รูปํ เทฺว ขนฺเธ ... อเหตุกปฏิสนฺธิ ยาว
อสญฺญสตฺตา จกฺขายตนํ ปจฺจยา จกฺขุวิญฺญาณํ กายายตนํ ...
วตฺถุํ ปจฺจยา อเหตุกา นรูปาวจรา ขนฺธา วิจิกิจฺฉาสหคเต
อุทฺธจฺจสหคเต ขนฺเธ จ วตฺถุญฺจ ปจฺจยา วิจิกิจฺฉาสหคโต
อุทฺธจฺจสหคโต โมโห ฯ
[๗๖๒] รูปาวจรํ ธมฺมํ ปจฺจยา รูปาวจโร ธมฺโม อุปฺปชฺชติ
นอธิปติปจฺจยา: ตีณิ ปฏิจฺจสทิสา ฯ นรูปาวจรํ ธมฺมํ ปจฺจยา
นรูปาวจโร ธมฺโม อุปฺปชฺชติ นอธิปติปจฺจยา: ปฏิจฺจสทิสํ ฯ
นรูปาวจรํ ธมฺมํ ปจฺจยา รูปาวจโร ธมฺโม อุปฺปชฺชติ
นอธิปติปจฺจยา: วตฺถุํ ปจฺจยา รูปาวจรา อธิปติ วตฺถุํ ปจฺจยา
วิปากา รูปาวจรา ขนฺธา ปฏิสนฺธิ ฯ นรูปาวจรํ ธมฺมํ ปจฺจยา
รูปาวจโร จ นรูปาวจโร จ ธมฺมา อุปฺปชฺชนฺติ นอธิปติปจฺจยา:
วตฺถุํ ปจฺจยา วิปากา รูปาวจรา ขนฺธา มหาภูเต ปจฺจยา
จิตฺตสมุฏฺฐานํ รูปํ ปฏิสนฺธิ ฯ
{๗๖๒.๑} รูปาวจรญฺจ นรูปาวจรญฺจ ธมฺมํ ปจฺจยา รูปาวจโร
ธมฺโม อุปฺปชฺชติ นอธิปติปจฺจยา: รูปาวจเร ขนฺเธ จ วตฺถุญฺจ
ปจฺจยา รูปาวจรา อธิปติ วิปากํ รูปาวจรํ เอกํ ขนฺธญฺจ
วตฺถุญฺจ ปจฺจยา ตโย ขนฺธา เทฺว ขนฺเธ ... ปฏิสนฺธิกฺขเณ
รูปาวจรํ เอกํ ขนฺธญฺจ วตฺถุญฺจ ปจฺจยา ตโย ขนฺธา
เทฺว ขนฺเธ ... ฯ รูปาวจรญฺจ นรูปาวจรญฺจ ธมฺมํ ปจฺจยา
นรูปาวจโร ธมฺโม อุปฺปชฺชติ นอธิปติปจฺจยา: วิปาเก รูปาวจเร
ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ ปฏิสนฺธิ ฯ
รูปาวจรญฺจ นรูปาวจรญฺจ ธมฺมํ ปจฺจยา รูปาวจโร จ
นรูปาวจโร จ ธมฺมา อุปฺปชฺชนฺติ นอธิปติปจฺจยา: วิปากํ
รูปาวจรํ เอกํ ขนฺธญฺจ วตฺถุญฺจ ปจฺจยา ตโย ขนฺธา เทฺว
ขนฺเธ ... วิปาเก รูปาวจเร ขนฺเธ จ มหาภูเต จ ปจฺจยา
จิตฺตสมุฏฺฐานํ รูปํ ปฏิสนฺธิ ฯ สงฺขิตฺตํ ฯ
[๗๖๓] นเหตุยา เอกํ นอารมฺมเณ ตีณิ นอธิปติยา นว
นอนนฺตเร ตีณิ นอุปนิสฺสเย ตีณิ นปุเรชาเต นว นปจฺฉาชาเต
นว นอาเสวเน นว สุทฺธเก อรูเป จ มิสฺสเก จ วิปากนฺติ
นิยาเมตพฺพํ ฯ นกมฺเม จตฺตาริ นวิปาเก นว นอาหาเร เอกํ
นอินฺทฺริเย เอกํ นฌาเน เอกํ นมคฺเค เอกํ นสมฺปยุตฺเต
ตีณิ นวิปฺปยุตฺเต เอกํ โนนตฺถิยา ตีณิ โนวิคเต ตีณิ ฯ
อิตเร เทฺว คณนาปิ นิสฺสยวาโรปิ กาตพฺพา ฯ
สํสฏฺฐวาโร
[๗๖๔] รูปาวจรํ ธมฺมํ สํสฏฺโฐ รูปาวจโร ธมฺโม อุปฺปชฺชติ
เหตุปจฺจยา: รูปาวจรํ เอกํ ขนฺธํ สํสฏฺฐา ตโย ขนฺธา เทฺว
ขนฺเธ ... ปฏิสนฺธิ ฯ นรูปาวจรํ ธมฺมํ สํสฏฺโฐ นรูปาวจโร
ธมฺโม อุปฺปชฺชติ เหตุปจฺจยา: นรูปาวจรํ เอกํ ขนฺธํ สํสฏฺฐา
ตโย ขนฺธา เทฺว ขนฺเธ ... ปฏิสนฺธิ ฯ
เนื้อความพระไตรปิฎกฉบับภาษาบาลีอักษรไทย เล่มที่ ๔๓ หน้าที่ ๔๖๔-๔๗๒.
https://84000.org/tipitaka/read/pali_item.php?book=43&item=751&items=14
อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=43&item=751&items=14&mode=bracket
อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=43&item=751&items=14
อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=43&item=751&items=14
ศึกษาอรรถกถานี้ได้ที่ :-
https://84000.org/tipitaka/attha/attha.php?b=43&i=751
สารบัญพระไตรปิฎกเล่มที่ ๔๓
https://84000.org/tipitaka/read/?index_43
https://84000.org/tipitaka/english/?index_43
บันทึก ๒ ธันวาคม พ.ศ. ๒๕๕๙.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย.
หากพบข้อผิดพลาด กรุณาแจ้งได้ที่ [email protected]
