บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
พระไตรปิฎกเล่มที่ ๓๒ ภาษาบาลี อักษรไทย พระสุตตันตปิฎกเล่มที่ ๒๔ สุตฺต. ขุ. อปทานํ (๑)
ทสมํ ปพฺภารทายกตฺเถราปทานํ (๓๑๐) [๓๑๒] |๓๑๒.๔๗| ปิยทสฺสิโน ภควโต ปพฺภาโร โสธิโต มยา ฆฏกญฺจ อุปฏฺฐาสึ ปริโภคาย ตาทิโน ฯ |๓๑๒.๔๘| ตํ เม พุทฺโธ วิยากาสิ ปิยทสฺสี มหามุนิ สหสฺสกณฺโฑ สตเคณฺฑุ ๑- ธชาลุ หริตามโย ฯ @เชิงอรรถ: ๑ ม. สตเภณฺฑุ ฯ |๓๑๒.๔๙| นิพฺพตฺติสฺสติ โส ยูโป รตนญฺจ อนปฺปกํ ปพฺภารทานํ ทตฺวาน กปฺปํ สคฺคมฺหิ โมทหํ ฯ |๓๑๒.๕๐| อิโต พตฺตึสกปฺปมฺหิ สุพุทฺโธ ๑- นาม ขตฺติโย สตฺตรตนสมฺปนฺโน จกฺกวตฺติ มหพฺพโล ฯ |๓๑๒.๕๑| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ปพฺภารทายโก เถโร อิมา คาถาโย อภาสิตฺถาติ ฯ ปพฺภารทายกตฺเถรสฺส อปทานํ สมตฺตํ ฯ อุทฺทานํ เกสรํ คนฺธมนฺนญฺจ ธมฺมสญฺญาผเลน จ ปสาทารามทายี จ เลปโก พุทฺธสญฺญิโก ปพฺภารโท จ คาถาโย เอกปญฺญาส กิตฺติตา ฯ ปทุมเกสริยวคฺโค เอกตฺตึสติโม ฯ -------------- @เชิงอรรถ: ๑ โป. ม. ยุ. สุสุทฺโธ ฯ พตฺตึโส อารกฺขทายกวคฺโค ปฐมํ อารกฺขทายกตฺเถราปทานํ (๓๑๑) [๓๑๓] |๓๑๓.๑| ธมฺมทสฺสิสฺส มุนิโน วติ การาปิตา มยา อารกฺโข จ มยา ทินฺโน ทิปทินฺทสฺส ตาทิโน ฯ |๓๑๓.๒| อฏฺฐารเส กปฺปสเต ยํ กมฺมมกรึ ตทา เตน กมฺมาวเสเสน ๑- ปตฺโต เม อาสวกฺขโย ฯ |๓๑๓.๓| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา อารกฺขทายโก เถโร อิมา คาถาโย อภาสิตฺถาติ ฯ อารกฺขทายกตฺเถรสฺส อปทานํ สมตฺตํ ฯเนื้อความพระไตรปิฎกฉบับภาษาบาลีอักษรไทย เล่มที่ ๓๒ หน้าที่ ๓๘๖-๓๘๘. http://84000.org/tipitaka/pali/pali_item_s.php?book=32&item=312&items=2&modeTY=2 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pali/pali_item_s.php?book=32&item=312&items=2&modeTY=2&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=32&item=312&items=2&modeTY=2 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=32&item=312&items=2&modeTY=2 ศึกษาอรรถกถานี้ได้ที่ :- http://84000.org/tipitaka/attha/attha.php?b=32&i=312 สารบัญพระไตรปิฎกเล่มที่ ๓๒ http://84000.org/tipitaka/read/?index_32
|
บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]