บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
พระไตรปิฎกเล่มที่ ๓๒ ภาษาบาลี อักษรไทย พระสุตตันตปิฎกเล่มที่ ๒๔ สุตฺต. ขุ. อปทานํ (๑)
สตฺตตฺตึโส มนฺทารวปุปฺผิยวคฺโค ปฐมํ มนฺทารวิยตฺเถราปทานํ (๓๖๑) [๓๖๓] |๓๖๓.๑| ตาวตึสา อิธาคนฺตฺวา มงฺคโล นาม มาณโว มนฺทารวํ คเหตฺวาน วิปสฺสิสฺส มเหสิโน ฯ |๓๖๓.๒| สมาธินา นิสินฺนสฺส มตฺถเก ธารยึ อหํ สตฺตาหํ ธารยิตฺวาน เทวโลกํ ปุนาคมึ ฯ |๓๖๓.๓| เอกนวุเต อิโต กปฺเป ยํ พุทฺธํ ๑- อภิปูชยึ ทุคฺคตึ นาภิชานามิ พุทฺธปูชายิทํ ผลํ ฯ |๓๖๓.๔| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา มนฺทารวิโย เถโร อิมา คาถาโย อภาสิตฺถาติ ฯ มนฺทารวิยตฺเถรสฺส อปทานํ สมตฺตํ ฯ ทุติยํ กกฺการุปุปฺผิยตฺเถราปทานํ (๓๖๒) [๓๖๔] |๓๖๔.๕| ยามา เทวา อิธาคนฺตฺวา โคตมํ สิริวจฺฉยํ ๒- กกฺการุปุปฺผํ ๓- ปคฺคยฺห พุทฺธสฺส อภิโรปยึ ฯ |๓๖๔.๖| เทฺวนวุเต อิโต กปฺเป ยํ ปุปฺผํ ๔- อภิปูชยึ ทุคฺคตึ นาภิชานามิ พุทฺธปูชายิทํ ผลํ ฯ @เชิงอรรถ: ๑ ม. ... ปุปฺผมภิปูชยึ ฯ ๒ ม. ยุ. สิริวจฺฉสํ ฯ ๓ ม. กกฺการุมาลํ ฯ @ยุ. เกกฺขารุปุปฺผํ ฯ ๔ ม. ยุ. พุทฺธํ ฯ |๓๖๔.๗| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา กกฺการุปุปฺผิโย เถโร อิมา คาถาโย อภาสิตฺถาติ ฯ กกฺการุปุปฺผิยตฺเถรสฺส อปทานํ สมตฺตํ ฯ ตติยํ ภิสมุฬาลทายกตฺเถราปทานํ (๓๖๓) [๓๖๕] |๓๖๕.๘| ผุสฺโส นามาสิ สมฺพุทฺโธ สพฺพธมฺมาน ปารคู วิเวกกาโม สปฺปญฺโญ ๑- อาคจฺฉิ มม สนฺติเก ฯ |๓๖๕.๙| ตสฺมึ จิตฺตํ ปสาเทตฺวา มหาการุณิเก ชิเน ภิสมุฬาลํ ปคฺคยฺห พุทฺธเสฏฺฐสฺสทาสหํ ฯ |๓๖๕.๑๐| เทฺวนวุเต อิโต กปฺเป ยํ ภิสํ อททึ ตทา ทุคฺคตึ นาภิชานามิ ภิสทานสฺสิทํ ผลํ ฯ |๓๖๕.๑๑| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ภิสมุฬาลทายโก เถโร อิมา คาถาโย อภาสิตฺถาติ ฯ ภิสมุฬาลทายกตฺเถรสฺส อปทานํ สมตฺตํ ฯ @เชิงอรรถ: ๑ ม. สพฺพญฺญู ฯ ยุ. สุปญฺโญ ฯ จตุตฺถํ เกสรปุปฺผิยตฺเถราปทานํ (๓๖๔) [๓๖๖] |๓๖๖.๑๒| วิชฺชาธโร ตทา อาสึ หิมวนฺตมฺหิ ปพฺพเต อทฺทสํ วิรชํ พุทฺธํ จงฺกมนฺตํ มหายสํ ฯ |๓๖๖.๑๓| ตีณิ เกสรปุปฺผานิ สีเส กตฺวานหํ ตทา อุปสงฺกมฺม สมฺพุทฺธํ เวสฺสภุํ อภิปูชยึ ฯ |๓๖๖.๑๔| เอกตฺตึเส อิโต กปฺเป ยํ กมฺมมกรึ ตทา ทุคฺคตึ นาภิชานามิ พุทฺธปูชายิทํ ผลํ ฯ |๓๖๖.๑๕| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา เกสรปุปฺผิโย เถโร อิมา คาถาโย อภาสิตฺถาติ ฯ เกสรปุปฺผิยตฺเถรสฺส อปทานํ สมตฺตํ ฯ ปญฺจมํ องฺโกลปุปฺผิยตฺเถราปทานํ (๓๖๕) [๓๖๗] |๓๖๗.๑๖| ปทุโม นาม สมฺพุทฺโธ จิตฺตกูเฏ วสี ตทา ทิสฺวาน ตมหํ พุทฺธํ สยมฺภุํ อุปคญฺฉหํ ๑- ฯ |๓๖๗.๑๗| องฺโกลํ ปุปฺผิตํ ทิสฺวา โอจินิตฺวานหํ ตทา อุปคนฺตฺวาน สมฺพุทฺธํ ปูเชสึ ปทุมํ ชินํ ฯ |๓๖๗.๑๘| เอกตฺตึเส อิโต กปฺเป ยํ กมฺมมกรึ ๒- ตทา ทุคฺคตึ นาภิชานามิ พุทฺธปูชายิทํ ผลํ ฯ @เชิงอรรถ: ๑ ม. อปราชิตํ ฯ ๒ ม. ยุ. ... ปุปฺผมภิปูชยึ ฯ |๓๖๗.๑๙| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา องฺโกลปุปฺผิโย เถโร อิมา คาถาโย อภาสิตฺถาติ ฯ องฺโกลปุปฺผิยตฺเถรสฺส อปทานํ สมตฺตํ ฯ ฉฏฺฐํ กทมฺพปุปฺผิยตฺเถราปทานํ (๓๖๖) [๓๖๘] |๓๖๘.๒๐| สุวณฺณวณฺณํ สมฺพุทฺธํ คจฺฉนฺตํ อนฺตราปเณ กญฺจนคฺฆิยสงฺกาสํ ทฺวตฺตึสวรลกฺขณํ ฯ |๓๖๘.๒๑| นิสชฺช ปาสาทวเร อทฺทสํ โลกนายกํ กทมฺพปุปฺผํ ปคฺคยฺห วิปสฺสึ อภิปูชยึ ฯ |๓๖๘.๒๒| เอกนวุเต อิโต กปฺเป ยํ ปุปฺผมภิปูชยึ ๑- ทุคฺคตึ นาภิชานามิ พุทฺธปูชายิทํ ผลํ ฯ |๓๖๘.๒๓| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา กทมฺพปุปฺผิโย เถโร อิมา คาถาโย อภาสิตฺถาติ ฯ กทมฺพปุปฺผิยตฺเถรสฺส อปทานํ สมตฺตํ ฯ @เชิงอรรถ: ๑ ม. ... พุทฺธมภิปูชยึ ฯ สตฺตมํ อุทฺทาลกปุปฺผิยตฺเถราปทานํ (๓๖๗) [๓๖๙] |๓๖๙.๒๔| สุชาโต ๑- นาม สมฺพุทฺโธ คงฺคากูเล วสี ตทา อุทฺทาลกํ คเหตฺวาน ปูชยึ อปราชิตํ ฯ |๓๖๙.๒๕| เอกตฺตึเส อิโต กปฺเป ยํ ปุปฺผํ อภิปูชยึ ทุคฺคตึ นาภิชานามิ พุทฺธปูชายิทํ ผลํ ฯ |๓๖๙.๒๖| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา อุทฺทาลกปุปฺผิโย เถโร อิมา คาถาโย อภาสิตฺถาติ ฯ อุทฺทาลกปุปฺผิยตฺเถรสฺส อปทานํ สมตฺตํ ฯ อฏฺฐมํ เอกจมฺปกปุปฺผิยตฺเถราปทานํ (๓๖๘) [๓๗๐] |๓๗๐.๒๗| อุปสนฺโต จ ๒- สมฺพุทฺโธ วสติ ปพฺพตนฺตเร เอกจมฺปกมาทาย อุปคญฺฉึ นรุตฺตมํ ฯ |๓๗๐.๒๘| ปสนฺนจิตฺโต สุมโน ปจฺเจกมุนิมุตฺตมํ อุโภหตฺเถหิ ปคฺคยฺห ปูชยึ อปราชิตํ ฯ |๓๗๐.๒๙| เอกตฺตึเส ๓- อิโต กปฺเป ยํ ปุปฺผมภิปูชยึ ทุคฺคตึ นาภิชานามิ พุทฺธปูชายิทํ ผลํ ฯ @เชิงอรรถ: ๑ ม. อโนโม นาม ฯ ยุ. อนาโถ ฯ ๒ ยุ. ว ฯ ๓ ม. ปญฺจสฏฺฐิมฺหิโต กปฺเป ฯ |๓๗๐.๓๐| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา เอกจมฺปกปุปฺผิโย เถโร อิมา คาถาโย อภาสิตฺถาติ ฯ เอกจมฺปกปุปฺผิยตฺเถรสฺส อปทานํ สมตฺตํ ฯ นวมํ ติมิรปุปฺผิยตฺเถราปทานํ (๓๖๙) [๓๗๑] |๓๗๑.๓๑| จนฺทภาคานทีตีเร อนุโสตํ วชามหํ อทฺทสํ วิรชํ พุทฺธํ สาลราชํว ปุปฺผิตํ ๑- ฯ |๓๗๑.๓๒| ปสนฺนจิตฺโต สุมโน ปจฺเจกมุนิมุตฺตมํ คเหตฺวา ติมิรํ ปุปฺผํ มตฺถเก โอกิรึ อหํ ฯ |๓๗๑.๓๓| เอกนวุเต อิโต กปฺเป ยํ ปุปฺผมภิปูชยึ ทุคฺคตึ นาภิชานามิ พุทฺธปูชายิทํ ผลํ ฯ |๓๗๑.๓๔| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ติมิรปุปฺผิโย เถโร อิมา คาถาโย อภาสิตฺถาติ ฯ ติมิรปุปฺผิยตฺเถรสฺส อปทานํ สมตฺตํ ฯ @เชิงอรรถ: ๑ ม. ยุ. ผุลฺลิตํ ฯ ทสมํ สลฬปุปฺผิยตฺเถราปทานํ (๓๗๐) [๓๗๒] |๓๗๒.๓๕| จนฺทภาคานทีตีเร อโหสึ กินฺนโร ตทา อถทฺทสํ ๑- เทวเทวํ จงฺกมนฺตํ นราสภํ ฯ |๓๗๒.๓๖| โอจินิตฺวาน สลฬํ พุทฺธเสฏฺฐสฺสทาสหํ ๒- อุปสิงฺฆิ มหาวีโร สลฬํ เทวคนฺธิกํ ฯ |๓๗๒.๓๗| ปฏิคฺคเหตฺวา สมฺพุทฺโธ วิปสฺสี โลกนายโก อุปสิงฺฆิ มหาวีโร เปกฺขมานสฺส เม ตทา ๓- ฯ |๓๗๒.๓๘| ปสนฺนจิตฺโต สุมโน วนฺทิตฺวา ทิปทุตฺตมํ อญฺชลึ ปคฺคเหตฺวาน ปุน ปพฺพตมารุหึ ฯ |๓๗๒.๓๙| เอกนวุเต อิโต กปฺเป ยํ ปุปฺผมภิปูชยึ ทุคฺคตึ นาภิชานามิ พุทฺธปูชายิทํ ผลํ ฯ |๓๗๒.๔๐| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา สลฬปุปฺผิโย เถโร อิมา คาถาโย อภาสิตฺถาติ ฯ สลฬปุปฺผิยตฺเถรสฺส อปทานํ สมตฺตํ ฯ อุทฺทานํ มนฺทารวญฺจ กกฺการุ ภิสเกสรปุปฺผิโย @เชิงอรรถ: ๑ ม. ตตฺถทฺทสํ ฯ ๒ ม. ยุ. ปุปฺผํ พุทฺธสฺสทาสหํ ฯ ๓ ม. สโต ฯ องฺโกลโก กทมฺพี จ อุทฺทาลํ เอกจมฺปโก ติมิรํ สลฬญฺเจว คาถา ตาฬีสเมว จ ฯ มนฺทารวปุปฺผิยวคฺโค สตฺตตฺตึโส ฯ -----------เนื้อความพระไตรปิฎกฉบับภาษาบาลีอักษรไทย เล่มที่ ๓๒ หน้าที่ ๔๔๖-๔๕๓. http://84000.org/tipitaka/pali/pali_item_s.php?book=32&item=363&items=10&modeTY=2 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pali/pali_item_s.php?book=32&item=363&items=10&modeTY=2&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=32&item=363&items=10&modeTY=2 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=32&item=363&items=10&modeTY=2 ศึกษาอรรถกถานี้ได้ที่ :- http://84000.org/tipitaka/attha/attha.php?b=32&i=363 สารบัญพระไตรปิฎกเล่มที่ ๓๒ http://84000.org/tipitaka/read/?index_32
|
บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]