บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
พระไตรปิฎกเล่มที่ ๓๗ ภาษาบาลี อักษรไทย พระอภิธรรมปิฎกเล่มที่ ๔ อภิ. กถาวตฺถุ
สุญฺญตากถา [๑๗๗๕] สุญฺญตา สงฺขารกฺขนฺธปริยาปนฺนาติ ฯ อามนฺตา ฯ อนิมิตฺตํ สงฺขารกฺขนฺธปริยาปนฺนนฺติ ฯ น เหวํ วตฺตพฺเพ ฯเปฯ สุญฺญตา สงฺขารกฺขนฺธปริยาปนฺนาติ ฯ อามนฺตา ฯ อปฺปณิหิโต สงฺขารกฺขนฺธปริยาปนฺโนติ ฯ น เหวํ วตฺตพฺเพ ฯเปฯ อนิมิตฺตํ น วตฺตพฺพํ สงฺขารกฺขนฺธปริยาปนฺนนฺติ ฯ อามนฺตา ฯ สุญฺญตา น วตฺตพฺพา สงฺขารกฺขนฺธปริยาปนฺนาติ ฯ น เหวํ วตฺตพฺเพ ฯเปฯ อปฺปณิหิโต น วตฺตพฺโพ สงฺขารกฺขนฺธปริยาปนฺโนติ ฯ อามนฺตา ฯ {๑๗๗๕.๑} สุญฺญตา น วตฺตพฺพา สงฺขารกฺขนฺธปริยาปนฺนาติ ฯ น เหวํ วตฺตพฺเพ ฯเปฯ สุญฺญตา สงฺขารกฺขนฺธปริยาปนฺนาติ ฯ อามนฺตา ฯ สงฺขารกฺขนฺโธ น อนิจฺโจ น สงฺขโต น ปฏิจฺจสมุปฺปนฺโน ฯ ขยธมฺโม น วยธมฺโม น วิราคธมฺโม น นิโรธธมฺโม น วิปริณามธมฺโมติ ฯ น เหวํ วตฺตพฺเพ ฯเปฯ นนุ สงฺขารกฺขนฺโธ อนิจฺโจ สงฺขโต ปฏิจฺจสมุปฺปนฺโน ขยธมฺโม วยธมฺโม วิราคธมฺโม นิโรธธมฺโม วิปริณามธมฺโมติ ฯ อามนฺตา ฯ หญฺจิ สงฺขารกฺขนฺโธ อนิจฺโจ--------------------------------------------------------------------------------------------- หน้าที่ ๖๑๒.
ฯเปฯ วิปริณามธมฺโม โน วต เร วตฺตพฺเพ สุญฺญตา สงฺขารกฺขนฺธปริยาปนฺนาติ ฯ [๑๗๗๖] รูปกฺขนฺธสฺส สุญฺญตา สงฺขารกฺขนฺธปริยาปนฺนาติ ฯ อามนฺตา ฯ สงฺขารกฺขนฺธสฺส สุญฺญตา รูปกฺขนฺธปริยาปนฺนาติ ฯ น เหวํ วตฺตพฺเพ ฯเปฯ เวทนากฺขนฺธสฺส ฯเปฯ สญฺญากฺขนฺธสฺส ฯเปฯ วิญฺญาณกฺขนฺธสฺส สุญฺญตา สงฺขารกฺขนฺธปริยาปนฺนาติ ฯ อามนฺตา ฯ สงฺขารกฺขนฺธสฺส สุญฺญตา วิญฺญาณกฺขนฺธปริยาปนฺนาติ ฯ น เหวํ วตฺตพฺเพ ฯเปฯ [๑๗๗๗] สงฺขารกฺขนฺธสฺส สุญฺญตา น วตฺตพฺพา รูปกฺขนฺธ- ปริยาปนฺนาติ ฯ อามนฺตา ฯ รูปกฺขนฺธสฺส สุญฺญตา น วตฺตพฺพา สงฺขารกฺขนฺธปริยาปนฺนาติ ฯ น เหวํ วตฺตพฺเพ ฯเปฯ สงฺขารกฺขนฺธสฺส สุญฺญตา น วตฺตพฺพา เวทนากฺขนฺธปริยาปนฺนา ฯเปฯ สญฺญากฺขนฺธ- ปริยาปนฺนา ฯเปฯ วิญฺญาณกฺขนฺธปริยาปนฺนาติ ฯ อามนฺตา ฯ วิญฺญาณกฺขนฺธสฺส สุญฺญตา น วตฺตพฺพา สงฺขารกฺขนฺธปริยาปนฺนาติ ฯ น เหวํ วตฺตพฺเพ ฯเปฯ [๑๗๗๘] น วตฺตพฺพํ สุญฺญตา สงฺขารกฺขนฺธปริยาปนฺนาติ ฯ อามนฺตา ฯ นนุ วุตฺตํ ภควตา สุญฺญมิทํ ภิกฺขเว สงฺขารา อตฺเตน วา อตฺตนิเยน วาติ อตฺเถว สุตฺตนฺโตติ ฯ อามนฺตา ฯ เตน หิ สุญฺญตา สงฺขารกฺขนฺธปริยาปนฺนาติ ฯ สุญฺญตากถา ฯ --------เนื้อความพระไตรปิฎกฉบับภาษาบาลีอักษรไทย เล่มที่ ๓๗ หน้าที่ ๖๑๑-๖๑๒. http://84000.org/tipitaka/pali/pali_item_s.php?book=37&item=1775&items=4&pagebreak=1&modeTY=2 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pali/pali_item_s.php?book=37&item=1775&items=4&pagebreak=1&modeTY=2&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=37&item=1775&items=4&pagebreak=1&modeTY=2 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=37&item=1775&items=4&pagebreak=1&modeTY=2 ศึกษาอรรถกถานี้ได้ที่ :- http://84000.org/tipitaka/attha/attha.php?b=37&i=1775 The Pali Atthakatha in Thai :- http://84000.org/tipitaka/atthapali/read_th.php?B=55&A=6854 The Pali Atthakatha in Roman :- http://84000.org/tipitaka/atthapali/read_rm.php?B=55&A=6854 สารบัญพระไตรปิฎกเล่มที่ ๓๗ http://84000.org/tipitaka/read/?index_37
|
บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]