บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 16 : PALI ROMAN Sutta Pitaka Vol 8 : Sutta. Saṃ. Ni.
[667] Sāvatthiyaṃ viharati ... yo bhikkhave pubbaṇhasamayaṃ okkhāsataṃ 2- dānaṃ dadeyya yo majjhantikasamayaṃ okkhāsataṃ dānaṃ dadeyya yo sāyaṇhasamayaṃ okkhāsataṃ dānaṃ dadeyya yo vā pubbaṇhasamayaṃ antamaso gaddūhanamattampi mettacittaṃ bhāveyya yo vā majjhantikasamayaṃ antamaso gaddūhanamattampi mettacittaṃ bhāveyya @Footnote: 1 Ma. Yu. appitthikāni . 2 ukkāsatantipi pāṭho. Yo vā sāyaṇhasamayaṃ antamaso gaddūhanamattampi mettacittaṃ bhāveyya idaṃ tato mahapphalataraṃ . tasmātiha bhikkhave evaṃ sikkhitabbaṃ mettā no cetovimutti bhāvitā bhavissati bahulīkatā yānīkatā vatthukatā anuṭṭhitā paricitā susamāraddhāti evañhi vo bhikkhave sikkhitabbanti. Catutthaṃ. [668] Sāvatthiyaṃ viharati ... seyyathāpi bhikkhave satti tiṇhaphalā atha puriso āgaccheyya ahaṃ imaṃ sattiṃ tiṇhaphalaṃ pāṇinā vā muṭṭhinā vā paṭileṇissāmi paṭikoṭṭessāmi 1- paṭivaṭṭessāmīti . Taṃ kiṃ maññatha bhikkhave bhabbo nu kho so puriso amuṃ sattiṃ tiṇhaphalaṃ pāṇinā vā muṭṭhinā vā paṭileṇetuṃ paṭikoṭṭetuṃ paṭivaṭṭetunti . no hetaṃ bhante . taṃ kissa hetu . asu hi bhante satti tiṇhaphalā na sukarā pāṇinā vā muṭṭhinā vā paṭileṇetuṃ paṭikoṭṭetuṃ paṭivaṭṭetuṃ yāvadeva ca pana so puriso kilamathassa vighātassa bhāgī assāti.The Pali Tipitaka in Roman Character Volume 16 page 308-309. http://84000.org/tipitaka/pali/roman_item_s.php?book=16&item=667&items=2 Classified by [Item Number] :- http://84000.org/tipitaka/pali/roman_item_s.php?book=16&item=667&items=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=16&item=667&items=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=16&item=667&items=2 Study Atthakatha :- http://84000.org/tipitaka/attha/attha.php?b=16&i=667 The Pali Atthakatha in Thai :- http://84000.org/tipitaka/atthapali/read_th.php?B=12&A=5469 The Pali Atthakatha in Roman :- http://84000.org/tipitaka/atthapali/read_rm.php?B=12&A=5469 Contents of The Tipitaka Volume 16 http://84000.org/tipitaka/read/?index_16
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]