paliTIPITAKA Volume 2 - Vinaya Pitaka 2

Pacittiyakandam ime kho panayasmanto dvenavuti pacittiya dhamma uddesam agacchanti. Musavadavaggassa pathamasikkhapadam [173] Tena samayena buddho bhagava savatthiyam viharati jetavane anathapindikassa arame . tena kho pana samayena hatthako sakyaputto vadakkhitto hoti . so titthiyehi saddhim sallapanto avajanitva patijanati patijanitva avajanati annenannam paticarati sampajanamusa bhasati sanketam katva visamvadeti . titthiya ujjhayanti khiyanti vipacenti katham hi nama hatthako sakyaputto amhehi saddhim sallapanto avajanitva patijanissati patijanitva avajanissati annenannam paticarissati sampajanamusa bhasissati sanketam katva visamvadessatiti. {173.1} Assosum kho bhikkhu tesam titthiyanam ujjhayantanam khiyantanam vipacentanam . athakho te bhikkhu yena hatthako sakyaputto tenupasankamimsu upasankamitva hatthakam sakyaputtam etadavocum saccam kira tvam avuso hatthaka titthiyehi saddhim sallapanto avajanitva patijanasi patijanitva avajanasi annenannam paticarasi sampajanamusa bhasasi sanketam katva visamvadesiti . ete kho avuso titthiya nama yena kenaci jetabba na ^1- tesam @Footnote: ¹ Ma. neva. Jayo databboti . ye te bhikkhu appiccha .pe. Te ujjhayanti khiyanti vipacenti katham hi nama hatthako sakyaputto titthiyehi saddhim sallapanto avajanitva patijanissati patijanitva avajanissati annenannam paticarissati sampajanamusa bhasissati sanketam katva visamvadessatiti . Athakho te bhikkhu ^[1]- bhagavato etamattham arocesum. Athakho bhagava etasmim nidane etasmim pakarane bhikkhusangham sannipatapetva hatthakam sakyaputtam patipucchi saccam kira tvam hatthaka titthiyehi saddhim sallapanto avajanitva patijanasi patijanitva avajanasi annenannam paticarasi sampajanamusa bhasasi sanketam katva visamvadesiti . saccam bhagavati . vigarahi buddho bhagava katham hi nama tvam moghapurisa titthiyehi saddhim sallapanto avajanitva patijanissasi patijanitva avajanissasi annenannam paticarissasi sampajanamusa bhasissasi sanketam katva visamvadessasi netam moghapurisa appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {173.2} sampajanamusavade pacittiyanti.

The Pali Tipitaka in Roman Character Volume 2 page 153-154. http://84000.org/tipitaka/pali/roman_item_s.php?book=2&item=173&items=1&modeTY=2 Classified by [Item Number] :- http://84000.org/tipitaka/pali/roman_item_s.php?book=2&item=173&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=173&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=173&items=1&modeTY=2 Study Atthakatha :- http://84000.org/tipitaka/attha/attha.php?b=2&i=173 The Pali Atthakatha in Thai :- http://84000.org/tipitaka/atthapali/read_th.php?B=2&A=5955 The Pali Atthakatha in Roman :- http://84000.org/tipitaka/atthapali/read_rm.php?B=2&A=5955 Contents of The Tipitaka Volume 2 http://84000.org/tipitaka/read/?index_2