บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
[447] Tena samayena buddho bhagava savatthiyam viharati jetavane anathapindikassa arame . tena kho pana samayena ayasma udayi pattho hoti civarakammam katum . annatara bhikkhuni yenayasma udayi tenupasankami upasankamitva ayasmantam udayim etadavoca sadhu me bhante ayyo civaram sibbetuti . athakho ayasma udayi tassa bhikkhuniya civaram sibbetva surattam suparikammakatam katva majjhe patibhanacittam vutthapetva samharitva nikkhipi. {447.1} Athakho sa bhikkhuni yenayasma udayi tenupasankami upasankamitva ayasmantam udayim etadavoca kaham tam bhante civaranti . handa bhagini imam civaram yathasamhatam haritva nikkhipitva yada bhikkhunisangho ovadam agacchati tada imam civaram parupitva bhikkhunisanghassa pitthito pitthito agacchati . athakho sa bhikkhuni tam civaram yathasamhatam haritva nikkhipitva yada bhikkhunisangho ovadam agacchati tada tam civaram parupitva bhikkhunisanghassa pitthito pitthito agacchati . manussa ujjhayanti khiyanti vipacenti yavacchinnika ima bhikkhuniyo dhuttika ahirikayo yatra hi nama civare patibhanacittam vutthapessantiti . bhikkhuniyo evamahamsu kassidam kammanti . ayyassa udayissati . yepi te chinnaka dhuttaka ahirika tesampi Evarupam na sobheyya kim pana ayyassa udayissati. Athakho ta bhikkhuniyo bhikkhunam etamattham arocesum. Ye te bhikkhu appiccha .pe. Te ujjhayanti khiyanti vipacenti katham hi nama ayasma udayi bhikkhuniya civaram sibbessatiti 1- .pe. saccam kira tvam udayi bhikkhuniya civaram sibbesiti. Saccam bhagavati . natika te udayi annatikati . annatika bhagavati . annatako moghapurisa annatikaya na janati patirupam va appatirupam va pasadikam va apasadikam va katham hi nama tvam moghapurisa annatikaya bhikkhuniya civaram sibbessasi netam moghapurisa appasannanam va pasadaya .pe. evanca pana bhikkhave imam sikkhapadam uddiseyyatha {447.2} yo pana bhikkhu annatikaya bhikkhuniya civaram sibbeyya va sibbapeyya va pacittiyanti. [448] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . annatika nama matito va pitito va yava sattama pitamahayuga asambaddha . bhikkhuni nama ubhatosanghe upasampanna . civaram nama channam civaranam annataram civaram vikappanupagam pacchimam . sibbeyyati sayam sibbeti arapathe arapathe apatti pacittiyassa . sibbapeyyati annam anapeti apatti pacittiyassa . sakim anatto bahukampi sibbeti apatti pacittiyassa. @Footnote: 1 Ma. sibbissatiti . 2 Ma. sibbasiti. evamuparipi. [449] Annatikaya annatikasanni civaram sibbeti va sibbapeti va apatti pacittiyassa . annatikaya vematiko civaram sibbeti va sibbapeti va apatti pacittiyassa . Annatikaya natikasanni civaram sibbeti va sibbapeti va apatti pacittiyassa . ekato upasampannaya civaram sibbeti va sibbapeti va apatti dukkatassa . natikaya annatikasanni apatti dukkatassa . natikaya vematiko apatti dukkatassa . Natikaya natikasanni anapatti. [450] Anapatti natikaya civaram thapetva annam parikkharam sabbeti va sibbapeti va sikkhamanaya samaneriya ummattakassa adikammikassati. Chatthasikkhapadam nitthitam ------- SattamasikkhapadamThe Pali Tipitaka in Roman Character Volume 2 page 287-290. http://84000.org/tipitaka/pali/roman_item_s.php?book=2&item=447&items=4&modeTY=2&mode=bracket Classified by content :- http://84000.org/tipitaka/pali/roman_item_s.php?book=2&item=447&items=4&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=447&items=4&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=447&items=4&modeTY=2&mode=bracket Study Atthakatha :- http://84000.org/tipitaka/attha/attha.php?b=2&i=447 The Pali Atthakatha in Thai :- http://84000.org/tipitaka/atthapali/read_th.php?B=2&A=7917 The Pali Atthakatha in Roman :- http://84000.org/tipitaka/atthapali/read_rm.php?B=2&A=7917 Contents of The Tipitaka Volume 2 http://84000.org/tipitaka/read/?index_2
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]