paliTIPITAKA Volume 22 - Sutta Pitaka 14

[376] 105 Tayome bhikkhave bhavā pahātabbā tīsu sikkhāsu sikkhitabbaṃ katame tayo bhavā pahātabbā kāmabhavo rūpabhavo arūpabhavo ime tayo bhavā pahātabbā katamāsu tīsu sikkhāsu sikkhitabbaṃ adhisīlasikkhāya adhicittasikkhāya adhipaññāsikkhāya imāsu tīsu sikkhāsu sikkhitabbaṃ yato kho bhikkhave bhikkhuno ime tayo bhavā pahīnā honti imāsu ca tīsu sikkhāsu sikkhitasikkho hoti ayaṃ vuccati bhikkhave bhikkhu acchejji taṇhaṃ vivattayi saññojanaṃ sammā mānābhisamayā antamakāsi dukkhassāti. [377] 106 Tisso imā bhikkhave taṇhā pahātabbā tayo ca mānā katamā tisso taṇhā pahātabbā kāmataṇhā bhavataṇhā vibhavataṇhā imā tisso taṇhā pahātabbā katame tayo mānā māno omāno atimāno ime tayo mānā ^[1]- yato kho bhikkhave bhikkhuno imā tisso taṇhā pahīnā honti ime ca tayo mānā ayaṃ vuccati bhikkhave bhikkhu acchejji taṇhaṃ vivattayi saññojanaṃ sammā mānābhisamayā antamakāsi dukkhassāti. Ānisaṃsavaggo pañcamo. @Footnote: ¹ Ma. Yu. pahātabbā. Tassuddānaṃ pātubhāvo ānisaṃso aniccaṃ dukkhamanattato ^1- nibbānaṃ tayo anodisaṃ vuttā bhavā taṇhāya ^2- te dasāti. Dutiyapaṇṇāsako niṭṭhito. --------- @Footnote: ¹ Ma. aniccadukkhaanattato . ² Yu. bhavataṇhāya ....

The Pali Tipitaka in Roman Character Volume 22 page 494-495. http://84000.org/tipitaka/pali/roman_item_s.php?book=22&item=376&items=2 Classified by [Item Number] :- http://84000.org/tipitaka/pali/roman_item_s.php?book=22&item=376&items=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=22&item=376&items=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=22&item=376&items=2 Study Atthakatha :- http://84000.org/tipitaka/attha/attha.php?b=22&i=376 Contents of The Tipitaka Volume 22 http://84000.org/tipitaka/read/?index_22