TIPITAKA Volume 26 : PALI ROMAN
Sutta Pitaka Vol 18 : Sutta. Khu. vimāna-petavatthu thera-therīgāthā

     [333] |333.307| 11 Yadā balākā sucipaṇḍaracchadā
                    kāḷassa meghassa bhayena tajjitā
                    palehiti ālayamālayesinī
                    tadā nadī ajakaraṇī rameti maṃ.
      |333.308| Yadā balākā suvisuddhapaṇḍarā
                    kāḷassa meghassa bhayena tajjitā
                    pariyesati leṇamaleṇadassinī
                    tadā nadī ajakaraṇī rameti maṃ.
      |333.309| Kannu tattha na ramenti     jambuyo ubhato tahiṃ
                         sobhenti āpagākūlaṃ      mahāleṇassa 3- pacchato.
      |333.310| Tāmatamadasaṅghasuppahīnā
@Footnote: 1 Ma. Yu. suggatiṃ .   2 Ma. ...siyanti .   3 Ma. mama leṇassa.
                    Bhekā mandavatī panādayanti.
                    Nājja girinadīhi vippavāsasamayo
                    khemā ajakaraṇī sivā surammāti.
                     Sappako thero.
     [334] |334.311| 12 Pabbajiṃ jīvikatthohaṃ   laddhāna upasampadaṃ
                      tato saddhaṃ paṭilabhiṃ           daḷhaviriyo parakkamiṃ.
   |334.312| Kāmaṃ bhijjatuyaṃ kāyo        maṃsapesī visīyaruṃ
                      ubho jannukasandhīhi          jaṅghāyo papatantu me.
   |334.313| Nāsissaṃ na pivissāmi      vihārā ca na nikkhame
                      napi passaṃ nipātessaṃ       taṇhāsalle anūhate.
   |334.314| Tassa mevaṃ viharato           passa viriyaparakkamaṃ
                     tisso vijjā anuppattā  kataṃ buddhassa sāsananti.
                                            Mudito thero.
                                              Uddānaṃ
                    nāgasamālo bhagu ca           sabhiyo nandakopi ca
                    jambuko senako thero        sambhūto rāhulopi ca
                    bhavati candano thero          dasete buddhasāvakā.
                    Dhammiko sappako thero      mudito cāpi te tayo
                    gāthāyo dve ca paññāsa   therā sabbepi terasāti.
                                  Catukkanipāto niṭṭhito.
                                           ---------------


             The Pali Tipitaka in Roman Character Volume 26 page 315-316.
http://84000.org/tipitaka/pali/roman_item_s.php?book=26&item=333&items=2
             Classified by [Item Number] :-
http://84000.org/tipitaka/pali/roman_item_s.php?book=26&item=333&items=2&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=26&item=333&items=2
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=26&item=333&items=2
             Study Atthakatha :-
http://84000.org/tipitaka/attha/attha.php?b=26&i=333
             The Pali Atthakatha in Thai :-
http://84000.org/tipitaka/atthapali/read_th.php?B=33&A=743
             The Pali Atthakatha in Roman :-
http://84000.org/tipitaka/atthapali/read_rm.php?B=33&A=743
             Contents of The Tipitaka Volume 26
http://84000.org/tipitaka/read/?index_26