บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 27 : PALI ROMAN Sutta Pitaka Vol 19 : Sutta. Khu. Jā.(1): Eka-Cattālīsanipātajātakaṃ
2 Sarabhangajatakam [2446] Alankata kundalino suvattha veluriyamuttatharukhaggabandha rathesabha titthatha ke nu tumhe katham vo jananti manussaloke. [2447] Ahamatthako bhimaratho panayam kalingaraja pana uggatoyam susannatanam isinam 3- dassanaya idhagata pucchitayemha panhe. [2448] Vehayasam titthasi 4- antalikkhe pathaddhuno pannaraseva cando pucchami tam yakkha mahanubhavam kathantam jananti manussaloke. [2449] Yamahu devesu sujampatiti @Footnote: 1 Ma. sainda . 2 Yu. pamado . 3 Yu. susannatanisinam . 4 Yu. titthati. Maghavati tam ahu manussaloke sa devaraja idamajja patto susannatanam isinam dassanaya. [2450] Dure suta no isayo samagata mahiddhika iddhigunupapanna vandami te ayire pasannacitto ye jivalokettha manussasettha. [2451] Gandho isinam ciradakkhitanam 1- kaya cuto gacchati malutena ito patikkamma sahassanetta gandho isinam asuci devaraja. [2452] Gandho isinam ciradakkhitanam 2- kaya cuto gacchatu malutena vicitrapuppham surabhimva malam gandhanca etam patikankhama bhante nahettha deva patikkulasannino. [2453] Purindado bhutapati yasassi devanamindo [3]- maghava sujampati sa devaraja asura (gana) ppamaddano okasamakankhati panha pucchitum. @Footnote: 1-2 Ma. ciradikkhitanam . 3 Ma. sakko. Ko nevimesam idha panditanam panhe puttho nipune byakarissati tinnanca rannam manujadhipanam devanamindassa ca vasavassa. [2454] Ayam isi sarabhango tapassi yato jato virato methunasma aceraputto 1- suvinitarupo so tesam panhani viyakarissati. [2455] Kondanna panhani viyakarohi yacanti tam isayo sadhurupa kondanna eso manujesu dhammo yam vuddhamagacchati esa bharo. [2456] Katavakasa pucchantu bhonto yankinci panham manasabhipatthitam aham hi tam tam vo viyakarissam natva sayam lokamimam paranca. [2457] Tato ca maghava sakko atthadassi purindado apucchi pathamam panham yancasi abhipatthitam. Kimsu vadhitva na kadaci socati kissappahanam isayo vannayanti @Footnote: 1 Yu. acariyaputto. Kassidha vuttam pharusam khametha akkhahi me kondanna etamattham [2458] Kodham vadhitva na kadaci socati makkhappahanam isayo vannayanti sabbesam vuttam pharusam khametha etam khantim uttamamahu santo. [2459] Sakka ubhinnam vacanam titikkhitum sadisassa va setthatarassa 1- vapi katham nu hinassa vaco khametha akkhahi me kondanna etamattham. [2460] Bhaya hi setthassa vaco khametha sarambhahetu pana sadisassa yo cidha hinassa vaco khametha etam khantim uttamamahu santo. [2461] Katham vijanna catumattharupam 2- settham sarikkham athavapi hinam viruparupena caranti santo tasma hi sabbesa vaco khametha. [2462] Na hetamattham mahatipi sena sarajika yujjhamana labhetha @Footnote: 1 Yu. setthanarassa . 2 Ma. catupattharupam. Yam khantima sappuriso labhetha khantibalassupasamanti vera. [2463] Subhasitante anumodiyana annantam pucchami tadingha bruhi yatha ahu 1- dandaki nalikiro 2- athajjuno kalabu capi raja tesam gatim bruhi supapakamminam katthupapanna isinam vihethaka. [2464] Kisam hi vaccham avakriya dandaki ucchinnamulo sajano sarattho kukkulaname nirayamhi paccati tassa phullinga nipatanti 3- kaye. Yo sannate pabbajite ahethayi 4- dhammam bhanante samane adusake tam nalikiram sunakha parattha sangamma khadanti viphandamanam. Athajjuno niraye sattisule avamsiro patito uddhapado 5- angirasam gotamam hethayitva khantim tapassim cirabrahmacarim. @Footnote: 1 Ma. ahum . 2 Ma. nalikero . 3 Ma. phulingani patanti . 4 Yu. avancasi. @5 Ma. uddhampado. Yo khandaso pabbajitam achedayi khantim vadantam samanam adusakam kalabuvicim upapajja paccati mahapatapam 1- katukam bhayanakam. Etani sutva nirayani pandito annani papitthatarani cettha dhammancare samanabrahmanesu evankaro saggamupeti thanam. [2465] Subhasitante anumodiyana annantam pucchami tadingha bruhi kathamvidham silavantam vadanti kathamvidham pannavantam vadanti kathamvidham sappurisam vadanti kathamvidham no siri no jahati. [2466] Kayena vacaya ca yodha 2- sannato manasa ca kinci na karoti papam na attahetu alikam bhanati 3- tathavidham silavantam vadanti. Gambhirapanham manasabhicintayam 4- naccahitam kamma karoti luddam @Footnote: 1 Yu. mahabhitayam . 2 Yu. yo ca . 3 Ma. bhaneti . 4 Si. manasa vicintayam. Kalagatam 1- atthapadam na rincati tathavidham pannavantam vadanti. Yo ve katannu katavedi dhiro kalyanamitto dalhabhatti ca hoti dukkhitassa sakkacca karoti kiccam tathavidham sappurisam vadanti. Etehi sabbehi gunehupeto saddho mudu 2- samvibhagi vadannu sangahakam sakhilam sanhavacam tathavidham no siri no jahati. [2467] Subhasitante anumodiyana annantam pucchami tadingha bruhi silam sirincapi satanca dhammam pannanca kam setthataram vadanti. [2468] Panna hi settha kusala vadanti nakkhattarajariva tarakanam silam siri capi satanca dhammo 3- anvayika pannavato bhavanti. [2469] Subhasitante anumodiyana annantam pucchami tadingha bruhi @Footnote: 1 Yu. kalabhatam . 2 Ma. mudu . 3 Yu. dhamma. Kathankaro kintikaro kimacaram kim sevamano labhatidha pannam pannayadanippatipadam 1- vadehi kathankaro pannava hoti macco. [2470] Sevetha buddhe 2- nipune bahussute uggahako capparipucchako siya suneyya sakkacca subhasitani evankaro pannava hoti macco. Sa pannava kamagune avekkhati aniccato dukkhato rogato ca evamvipassi pajahati chandam dukkhesu kamesu mahabbhayesu. Sa vitarago sa vineyya 3- dosam mettacittam bhaveyya 4- appamanam sabbesu bhutesu nidhaya dandam anindito brahmamupeti thanam. [2471] Mahiddhiyam 5- agamanam ahosi tavamatthaka 6- bhimarathassa capi kalingarajassa ca uggatassa @Footnote: 1 Ma. pannaya danippatipam . 2 Ma. vuddhe . 3 pavineyya . 4 Ma. mettam cittam @bhavaye . 5 Ma. mahatthiyam . 6 Ma. tavamatthaka. Sabbesa vo kamarago pahino. [2472] Evametam paracittavedi sabbesa no kamarago pahino karohi okasamanuggahaya yatha gatinte abhisambhavema. [2473] Karomi okasamanuggahaya tathahi vo kamarago pahino pharatha kayam vipulaya pitiya yatha gatim me abhisambhavetha. [2474] Sabbam karissama tavanusasanim yam yam tuvam vakkhasi bhuripanna pharama kayam vipulaya pitiya yatha gatinte abhisambhavema. [2475] Kataya 1- vacchassa kisassa puja gacchantu bhonto isayo sadhurupa jhane rata hotha sada samahita esa rati pabbajitassa settha. [2476] Sutvana gatha paramatthasanhita subhasita isina panditena te vedajata anumodamana @Footnote: 1 Si. Yu. katayam. Pakkamu deva devapuram yasassino. Gatha ima atthavati subyanjana subhasita isina panditena yokocima atthikatva suneyya labhetha pubbapariyam visesam laddhana pubbapariyam visesam adassanam maccurajassa gacche. [2477] *- salissaro sariputto mendissaro ca kassapo pabbato anuruddho ca kaccayano ca devilo 1- anusisso ca anando kisavaccho ca kolito (narado udayi thero 2- parisa buddhaparisa) sarabhango bodhisatto 3- evam dharetha jatakanti *-. Sarabhangajatakam dutiyam. --------------The Pali Tipitaka in Roman Character Volume 27 page 535-544. http://84000.org/tipitaka/pali/roman_item_s.php?book=27&item=2446&items=32&modeTY=2 Classified by [Item Number] :- http://84000.org/tipitaka/pali/roman_item_s.php?book=27&item=2446&items=32&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=27&item=2446&items=32&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=27&item=2446&items=32&modeTY=2 Study Atthakatha :- http://84000.org/tipitaka/attha/attha.php?b=27&i=2446 The Pali Atthakatha in Thai :- http://84000.org/tipitaka/atthapali/read_th.php?B=41&A=7328 The Pali Atthakatha in Roman :- http://84000.org/tipitaka/atthapali/read_rm.php?B=41&A=7328 Contents of The Tipitaka Volume 27 http://84000.org/tipitaka/read/?index_27
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]