9 Sujātājātakaṃ 3-
[406] Nahi vaṇṇena sampannā mañjukā piyadassanā
kharavācā piyā honti asmiṃ loke paramhi ca.
[407] Nanu passasimaṃ kāḷiṃ dubbaṇṇaṃ tilakāhataṃ
kokilaṃ saṇhavācena bahūnaṃ pāṇinaṃ piyaṃ.
[408] Tasmā sakhilavācassa mantabhāṇī anuddhato
atthaṃ dhammañca dīpeti madhurantassa bhāsitanti.
Sujātājātakaṃ navamaṃ.
---------
10 Ulūkajātakaṃ
[409] Sabbehi kira ñātīhi kosiyo issaro kato
sace ñātīhi anuññāto 4- bhaṇeyyāhaṃ ekavācikaṃ.
[410] Bhaṇa samma anuññāto atthaṃ dhammañca kevalaṃ
santi hi daharā pakkhī paññavanto jutindharā.
[411] Na me ruccati bhaddaṃ vo ulūkassābhisecanaṃ
@Footnote: 1 Sī. Ma. ye caññe . 2 Ma. visaseno va . 3 Ma. sujātajātakaṃ.
@4 Sī. Yu. ñātīhanuññāto.
Akkuddhassa mukhaṃ passa kathaṃ kuddho karissatīti.
Ulūkajātakaṃ dasamaṃ.
Padumavaggo dutiyo
--------
tassuddānaṃ
padumuttama nāgasirivhayano
samahaṇṇava yūpa khurappavaro
atha bhaddalī kuñjara rukkha puna
kharavāca ulūkavarena dasa.
---------
3 Udapānadūsakavaggo 1-
1 udapānadūsakajātakaṃ
[412] Āraññakassa 2- isino ciraṃ rattaṃ tapassino
kicchākataṃ udapānaṃ kathaṃ samma apāhasi 3-.
[413] Esa dhammo sigālānaṃ yaṃ pivitvā ohadāmase
pitupitāmahaṃ dhammo na taṃ ujjhātumarahasi.
[414] Yesaṃ vo ediso dhammo adhammo pana kīdiso
mā vo dhammaṃ adhammaṃ vā addasāma kudācananti.
Udapānadūsakajātakaṃ paṭhamaṃ.
@Footnote: 1 Ma. udapānavagga . 2 Ma. araññikassa . 3 Sī. Ma. avāhasi.
2 Byagghajātakaṃ
[415] Yena mittena saṃsaggā yogakkhemo vihīyati
pubbevajjhābhavantassa rakkhe akkhiṃva paṇḍito.
[416] Yena mittena saṃsaggā yogakkhemo pavaḍḍhati
kareyyattasamaṃ vuttiṃ sabbakiccesu paṇḍito.
[417] Etha byagghā nivattavho paccupetha 1- mahāvanaṃ
mā no 2- vanaṃ chindi nibyagghaṃ byagghā māhesu nibbanāti.
Byagghajātakaṃ dutiyaṃ.
---------
3 Kacchapajātakaṃ
[418] Ko nu vaḍḍhitabhattova 3- pūrahatthova brāhmaṇo
kahannu bhikkhaṃ acari kaṃ saddhaṃ upasaṅkami.
[419] Ahaṃ kapismi dummedho anāmāsāni āmasiṃ
tvaṃ maṃ mocaya bhaddante mutto gaccheyya pabbataṃ.
[420] Kacchapā kassapā honti koṇḍaññā honti makkaṭā
muñca kassapa koṇḍaññaṃ kataṃ methunakaṃ tayāti.
Kacchapajātakaṃ tatiyaṃ.
-------
4 Lolajātakaṃ
[421] Kāyaṃ balākā sikhinī corī laṅghīpitāmahā 4-
@Footnote: 1 Sī. Yu. paccametha . 2 Ma. ayaṃ saddo natthi . 3 Ma. uddhitabhattova.
@4 Ma. laṅghipitāmahā.
Oraṃ balāke āgaccha caṇḍo me vāyaso sakhā.
[422] Nāhaṃ balākā sikhinī ahaṃ lolasmi vāyaso
akatvā vacanaṃ tuyhaṃ passa lūnosmi āgato.
[423] Puna pāpajjasī samma sīlaṃ hi tava tādisaṃ
nahi mānusikā 1- bhogā subhuñjā honti pakkhināti.
Lolajātakaṃ catutthaṃ.
--------
5 Rucirajātakaṃ
[424] Kāyaṃ balākā rucirā kākaniṇḍasmi 2- macchati
caṇḍo kāko sakhā mayhaṃ yassa 3- cetaṃ kulāvakaṃ.
The Pali Tipitaka in Roman Character Volume 27 page 109-112.
http://84000.org/tipitaka/pali/roman_item_s.php?book=27&item=406&items=19
Classified by [Item Number] :-
http://84000.org/tipitaka/pali/roman_item_s.php?book=27&item=406&items=19&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=27&item=406&items=19
Compare with The Royal Version of Thai Tipitaka :-
http://84000.org/tipitaka/read/byitem_s.php?book=27&item=406&items=19
Study Atthakatha :-
http://84000.org/tipitaka/attha/attha.php?b=27&i=406
The Pali Atthakatha in Thai :-
http://84000.org/tipitaka/atthapali/read_th.php?B=38&A=1910
The Pali Atthakatha in Roman :-
http://84000.org/tipitaka/atthapali/read_rm.php?B=38&A=1910
Contents of The Tipitaka Volume 27
http://84000.org/tipitaka/read/?index_27
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
