Suttantapitake khuddakanikayassa
apadanam
-----
namo tassa bhagavato arahato sammasambuddhassa.
Pathamo buddhavaggo
pathamam buddhapadanam
[1] |1.1| Tathagatam jetavane vasantam
apucchi vedehamuni natango
sabbannubuddha kira nama honti
bhavanti te hetuhi kehi dhira 1-.
|1.2| Tadaha sabbannuvaro mahesi
anandabhaddam madhurassarena
ye sabbabuddhesu katadhikara
aladdhamokkha jinasasanesu.
|1.3| Teneva sambodhimukhena dhira
ajjhasayenapi mahabalena
pannaya tejena sutikkhapanna
sabbannubhavam anupapunanti.
@Footnote: 1 Ma. dhira.
|1.4| Ahampi pubbabuddhesu buddhattam abhipatthayim
timsa parami sampunna [1]- dhammaraja asankhiya.
|1.5| Sambodhim buddhasetthanam sasanghe lokanayake
dasanguli namassitva sirasa abhivadaye 2-.
|1.6| Yavata buddhakhettesu ratana vijjantisankhiya
akasattha ca bhummattha manasa sabbamahare 3-.
|1.7| Tattha rupiyabhumiyam pasadam mapaye aham
nekabhummam ratanamayam 4- ubbiddham nabhamuggatam.
|1.8| Vicittathamabham sukatam suvibhattam maharaham
kanakamayasanghatam 5- kontacchattehi manditam.
|1.9| Pathama veluriya bhumi vimalabbhasama subha
nalinajalajakinna 6- varakancanabhumiya.
|1.10| Pahatthasakhapavala- vanna lohitaka subha 7-
indagopakavannabha bhumi obhasati disa.
|1.11| Suvibhatta gharamukha niyyuha 8- sihapanjara
caturo vedika jala gandhavela manorama.
|1.12| Nila pita lohitaka odata suddhakalaka
kutagaravarupeta sattaratanabhusita.
|1.13| Olokamaya paduma valavihangasobhita
nakkhattatarakakinna candasuriyehi 9- mandita.
@Footnote: 1 Ma. manasayeva hutvana dhammaraja asankhiya.
@ atha buddhapadanani sunatha suddhamanasa.
@2 Ma. abhivadayim. 3. Ma. sabbamaharim. 4 Ma. ratanamayam. 5 Ma. kanakamaya-.
@6 Ma. nalinajalajakinna. 7 Ma. pavalasa pavalavanna kaci lohitaka subha.
@8 Ma. niyyuha. 9 Ma. candasurehi.
|1.14| Hemajalena sanchanna sonnakimkinikayuta
vatavegena kujjanti sonnajala 1- manorama.
|1.15| Manjetthakam lohitakam pitakam haripanjaram
nanarangehi samcittam 2- ussitaddhajamalini.
|1.16| Nana 3- bahunekasata phalaka 4- rajatamaya
manimaya lohitanka masaragallamaya tatha.
Nanasayanacittita 5- sanhakasikasanthata
|1.17| kambala dukula cina pattunna pandupavura.
Vividhattharanam sabbam manasa pannapemaham
|1.18| tasu tasveva bhumisu ratanakutalankata.
Maniverocana ukka dharayanta sutitthare
|1.19| sobhanti esika thambha subha kancanatorana.
Jambonada saramaya atho rajatamayapica
|1.20| nekasandhi suvibhatta kavataggalacittita.
Ubhato punnaghataneka padumuppalasamyuta
|1.21| atite sabbabuddhe ca sasanghe lokanayake.
Pakativannarupena nimminitva sasavake
|1.22| tena dvarena pavisitva sabbabuddha sasavaka.
Sabbasovannamaye pithe nisinna ariyamandala
|1.23| ye ca etarahi atthi buddha loke anuttara.
@Footnote: 1 Ma. sonnamala. 2 Ma. sampitam. 3 Ma. na nam. 4 Ma. phalika.
@5 Ma. nanasayanavicitta.
Atita 1- vattamana ca bhavanam sabbe samaruhum
|1.24| paccekabuddhenekasate sayambhu aparajite.
Atite vattamane ca bhavanam sabbe samaruhum
|1.25| kapparukkha bahu atthi ye dibba ye ca manusa.
Sabbam dussam samahantva acchademi ticivaram
|1.26| khajjabhojjam sayaniyam sampannam panabhojanam.
Manimaye subhe patte sampuretva adasaham
|1.27| dibbavattha samahutva mattha civarasamyuta.
Madhura sakkhara ceva tela ca madhuphanita
|1.28| tappita paramannena sabbe ariyamandala.
Ratanagabbham pavisitva kesariva guhasaye
|1.29| maharahamhi sayane sihaseyyamakappayum.
Sampajana samutthaya seyye pallankamabhajum
|1.30| gocaram sabbabuddhanam jhanaratisamappita.
Anne dhammani desenti anne kilanti iddhiya
|1.31| appanayapi kilanti abhinnavasibhavita.
Vikubbana vikubbanti anekasatasahassiyo
|1.32| buddhapi buddhe pucchanti visayam sabbannumalayam.
Gambhiram nipunam thanam pannaya vinibujjhare
|1.33| savaka buddhe pucchanti buddha pucchanti savake.
@Footnote: 1 Ma. atite. 2 samaharim.
Annamannanca pucchanti 1- annamannam byakaronti te
|1.34| buddha paccekabuddha ca savaka paricaraka.
Evam ratisu ramamana pasadebhiramanti te
|1.35| chattatichatta titthanti ratanavelusannibha 2-.
Suvannajalasamyuttam rajatajalakhacitam 3-
muttajalaparikkhittam 4- sabbe dharentu matthake.
|1.36| Bhavanti 5- celavitana sonnatarakacittita
vicitta malayavitata sabbe dharentu matthake.
|1.37| Vitata malayadamehi gandhadamehi sobhita
dussadamehi parikinna ratanadamabhusita.
|1.38| Pupphabhikinna suvicitta surabhigandhadhupita
gandhapancangulankata hemacchadanachadita.
|1.39| Catuddisa pokkharanno padumuppalasanthata
sovannarupe khayantu padumarenurajuggata.
|1.40| Pupphantu padapa sabbe pasadassa samantato
sayanca puppha muncitva gantva bhavanamokirum.
|1.41| Sikhino tattha naccantu dibba hamsa pakujjare
karavika ca gayantu dijasangha samantato.
|1.42| Bheriyo sabba vajjantu vina sabba ravantu ta 6-
sabba sangiti vattantu pasadassa samantato.
@Footnote: 1 Ma. pucchitva. 2 Ma. chatta titthantu ratana kancanavethapantika. 3 Ma.
@ayam upaddhagatha natthi. 4 Ma. muttajalaparikkhitta. 5 Ma. bhavantu.
@6 Ma. rasantu ta.
|1.43| Yavata buddhakhettamhi cakkavala 1- camupari
mahanta jotisampanna acchidda ratanamaya.
|1.44| Titthantu sonnapallanka diparukkha jalantu te
bhavantu ekapajjota dasasahassaparampara.
|1.45| Ganika lasika ceva naccantu accharagana
nanaranga padissantu pasadassa samantato.
|1.46| Dumagge pabbatagge va sinerugirimuddhane
ussapemi dhajam sabbam vicittam pancavannikam.
|1.47| Nara naga ca gandhabba sabbe deva upentu te
namassanta panjalika pasadam parivarayum.
|1.48| Yankinci kusalam kammam kattabbam kiriyam mama
kayena vacamanasa tidase sugatam katam.
|1.49| Ye satta sannino atthi ye ca satta asannino
katam punnaphalam mayham sabbe bhagi bhavantu te.
|1.50| Ye 2- tam katam suviditam dinnam punnaphalam maya
ye ca tattha na jananti deva gantva nivedayum.
|1.51| Sabbe lokamhi ye satta jivantaharahetuka
manunnam bhojanam sabbe 3- labhantu mama cetasa.
|1.52| Manasa danam maya dinnam manasa pasadamadayim 4-
pujitva 5- sabbasambuddham paccekananca pujayim.
@Footnote: 1 Ma. cakkavale tato pare. 2 Ma. yesam. 3 Ma. sabbam. 4 Ma. pasadamavahim.
@5 Ma. pujita sabbasambuddha pacceka jinasavaka.
|1.53| Tena kammena sukatena cetanapanidhihi ca
jahetva manusam deham tavatimsam aganchaham.
|1.54| Duve bhave pajanami devattam atha manusam
annam gatim na janami manasa patthanaphalam.
|1.55| Devanam adhiko homi bhavami manujadhipo
rupalakkhanasampanno pannaya asamo bhave.
|1.56| Bhojanam vividham settham ratananca anappakam
nanavidhani vatthani nabhasa khippam upenti mam.
|1.57| Pathabya pabbate ceva akase udake vane
yattha 1- hattham pasaremi dibba bhakkha upenti mam.
|1.58| Pathabya pabbate ceva akase udake vane
yattha hattham pasaremi ratana sabbe upenti me.
|1.59| Pathabya pabbate ceva akase udake vane
yattha hattham pasaremi sabbe gandha upenti me.
|1.60| Pathabya pabbate ceva akase udake vane
yattha hattham pasaremi sabbe yana upenti me.
|1.61| Pathabya pabbate ceva akase udake vane
yattha hattham pasaremi sabbe mala upenti me.
|1.62| Pathabya pabbate ceva akase udake vane
yattha hattham pasaremi alankara upenti me.
@Footnote: 1 Ma. yam yam. sabbattha idisameva.
|1.63| Pathabya pabbate ceva akase udake vane
yattha hattham pasaremi sabba kanna upenti me.
|1.64| Pathabya pabbate ceva akase udake vane
yattha hattham pasaremi madhusakkhara upenti me.
|1.65| Pathabya pabbate ceva akase udake vane
yattha hattham pasaremi sabbe khajja upenti me.
|1.66| Adhane addhike jane yacake ca pathavino
dadami tam danavaram sambodhivarapattiya.
|1.67| Nadento pabbatam selam gajjento bahalam girim
sadevakam hasayanto buddho loke bhavamaham.
|1.68| Disa dasavidha loke yayato natthi antakam
tasminca disabhagamhi buddhakhetta asankhiya.
|1.69| Pabha pakittita mayham yamaka ramsivahana
etthantare ramsijalam aloko vipulo bhave.
|1.70| Ettake lokadhatumhi sabbe passantu mam jana
sabbeva 1- sumana hontu sabbe mam anuvattare.
|1.71| Visitthamadhuranadena amatam bherimahare 2-
etthantare jana sabbe sunantu madhuram giram.
|1.72| Dhammameghena vassante sabbe hontu anasava
ye tattha pacchimaka satta sotapanna bhavantu te.
@Footnote: 1 Ma. sabbe mam anuvattantu yava brahmanivesanam. 2 Ma. bherimahanim.
|1.73| Datva databbakam danam silam pure 1- asesato
nekkhammaparamim gantva patto sambodhimuttamam.
|1.74| Pandite paripucchitva katva viriyamuttamam
khantiya paramim gantva patto sambodhimuttamam.
|1.75| Katva dalhamadhitthanam saccaparami puraye
mettaya paramim gantva patto sambodhimuttamam.
|1.76| Labhalabhe sukhadukkhe sammanane vimanane
sabbattha samako hutva patto sambodhimuttamam.
|1.77| Kosajjam bhayato disva viriyancapi khemato
araddhaviriya hotha esa buddhanusasani.
|1.78| Vivadam bhayato disva avivadanca khemato
samagga sakhila hotha esa buddhanusasani.
|1.79| Pamadam bhayato disva appamadanca khemato
bhavethatthangikam maggam esa buddhanusasani.
|1.80| Samagata bahu buddha arahanto ca sabbaso
sambuddhe arahante ca vandamana namassatha.
|1.81| Evam acintiya buddha buddhadhamma acintiya
acintiyesu pasannanam vipako hotyacintiyoti.
Ittham sudam bhagava attano buddhacaritam sambodhayamano 2-
buddhapadaniyam nama dhammapariyayam abhasitthati.
Buddhapadanam samattam.
@Footnote: 1 Ma. puretva. 2 Ma. sambhavayamano.
Dutiyam paccekabuddhapadanam
[2] |2.82| Atha paccekabuddhapadanam sunatha.
Tathagatam jetavane vasantam
apucchi vedehamuni natango
paccekabuddha kira nama honti
bhavanti te hetuhi kehi dhira 1-.
|2.83| Tadaha sabbannuvaro mahesi
anandabhaddam madhurassarena
ye sabbabuddhesu 2- katadhikara
aladdhamokkha jinasasanesu.
|2.84| Teneva samvegamukhena dhira
vinapi buddhehi sutikkhapanna
arammanenapi parittakena
paccekabodhim anupapunanti.
|2.85| Sabbamhi lokamhi mamam thapetva
paccekabuddhana 3- samova natthi
tesam imam vannapadesamattam
vakkhamaham sadhu mahamuninam.
@Footnote: 1 Ma. vira. 2 Ma. pubbabuddhesu. 3 Ma. paccekabuddhehi.
|2.86| Sayameva buddhana mahaisinam
sadhuni vakyani madhumva khuddam
anuttaram bhesajjam patthayanta
sunatha sabbe supasannacitta.
|2.87| Paccekabuddhana samagatanam
paramparam byakaranani yani
adinavo yanca viragavatthum
yatha ca bodhim anupapunimsu.
|2.88| Saragavatthusu viragasanni
rattamhi lokamhi virattacitta
hitva papancam 1- jitaphanditani
tattheva bodhim anupapunimsu.
|2.89| Sabbesu bhutesu nidhaya dandam
avihethayam annatarampi tesam
mettena cittena hitanukampi
eko care khaggavisanakappo.
|2.90| Sabbesu bhutesu nidhaya dandam
avihethayam annatarampi tesam
na puttamiccheyya kuto sahayam
eko care khaggavisanakappo.
@Footnote: 1 Ma. papance.
|2.91| Samsaggajatassa bhavanti sneha
snehanvayam dukkhamidam pahoti
adinavam snehajam pekkhamano
eko care khaggavisanakappo.
|2.92| Mitte suhajje anukampamano
hapeti attham patibandhacitto
etam bhayam santhave pekkhamano
eko care khaggavisanakappo.
|2.93| Vamso visalova yatha visatto
puttesu daresu ca ya apekkha
vamsakkalirova asajjamano
eko care khaggavisanakappo.
|2.94| Migo arannamhi yatha abandho
yenicchakam gacchati gocaraya
vinnu naro seritam pekkhamano
eko care khaggavisanakappo.
|2.95| Amantana hoti sahayamajjhe
vase thane gamane carikaya
anabhijjhitam seritam pekkhamano
eko care khaggavisanakappo.
|2.96| Khidda rati hoti sahayamajjhe
puttesu pemam vipulanca hoti
piyavippayogam vijigucchamano
eko care khaggavisanakappo.
|2.97| Catuddiso appatigho ca hoti
santussamano itaritarena
parissayanam sahita achambhi
eko care khaggavisanakappo.
|2.98| Dussangaha pabbajitapi eke
atho gahattha gharamavasanta
appossukko paraputtesu hutva
eko care khaggavisanakappo.
|2.99| Oropayitva gihibyanjanani
sanchinnapatto yatha kovilaro
chetvana viro gihibandhanani
eko care khaggavisanakappo.
|2.100| Sace labhetha nipakam sahayam
saddhincaram sadhuviharidhiram
abhibhuyya sabbani parissayani
careyya tenattamano satima.
|2.101| No ce labhetha nipakam sahayam
saddhincaram sadhuviharidhiram
rajava rattham vijitam pahaya
eko care matangaranneva nago.
|2.102| Addha pasamsama sahayasampadam
settha sama sevitabba sahaya
ete aladdha anavajjabhoji
eko care khaggavisanakappo.
|2.103| Disva suvannassa pabhassarani
kammaraputtena sunitthitani
sanghattamanani duve bhujasmim
eko care khaggavisanakappo.
|2.104| Evam dutiyena saha mamassa
vacabhilapo abhisajjana va
etam bhayam ayati pekkhamano
eko care khaggavisanakappo.
|2.105| Kama hi citra madhura manorama
viruparupena mathenti cittam
adinavam kamagunesu disva
eko care khaggavisanakappo.
|2.106| Iti ca gando ca upaddavo ca
rogo ca sallanca bhayanca metam
etam bhayam kamagunesu disva
eko care khaggavisanakappo.
|2.107| Sitanca unhanca khudam pipasam
vatatape damsasirimsape ca
sabbanipetani abhibhavitva
eko care khaggavisanakappo.
|2.108| Nagova yuthani vivajjayitva
sanjatakhandho padumi ularo
yathabhirantam viharam aranne
eko care khaggavisanakappo.
|2.109| Atthanatam sanganikaratassa
yam phussaye 1- samayikam vimuttim
adiccabandhussa vaco nisamma
eko care khaggavisanakappo.
|2.110| Ditthivisukani upativatto
patto niyamam patiladdhamaggo
uppannananomhi anannaneyyo
eko care khaggavisanakappo.
@Footnote: 1 Ma. phassaye.
|2.111| Nillolupo nikkuho nippipaso
nimmakkho niddhantakasavamoho
nirasayo sabbaloke bhavitva
eko care khaggavisanakappo.
|2.112| Papam sahayam parivajjayetha
anatthadassim visame nivittham
sayam na seve pasutam pamattam
eko care khaggavisanakappo.
|2.113| Bahussutam dhammadharam bhajetha
mittam ularam patibhanavantam
annaya atthani vineyya kankham
eko care khaggavisanakappo.
|2.114| Khiddam ratim kamasukhanca loke
analankaritva anapekkhamano
vibhusanatthana virato saccavadi
eko care khaggavisanakappo.
|2.115| Puttanca daram pitaranca mataram
dhanani dhannani ca bandhavani
hitvana kamani yathodhikani
eko care khaggavisanakappo.
|2.116| Sango eso parittamettha sokhyam
appassado dukkhamevettha bhiyyo
kando eso iti natva matima
eko care khaggavisanakappo.
|2.117| Sandalayitvana samyojanani
jalamva bhitva salilambucari
aggiva daddham anivattamano
eko care khaggavisanakappo.
|2.118| Okkhittacakkhu na ca padalolo
guttindriyo rakkhitamanasano
anavassuto apparidayhamano
eko care khaggavisanakappo.
|2.119| Oharayitva gihibyanjanani
sanchinnapatto yatha parichatto
kasayavattho abhinikkhamitva
eko care khaggavisanakappo.
|2.120| Rasesu gedham akaram alolo
anannaposi sapadanacari
kule kule appatibaddhacitto
eko care khaggavisanakappo.
|2.121| Pahaya pancavaranani cetaso
upakkilese byapanujja sabbe
anissito chejja sinehadosam
eko care khaggavisanakappo.
|2.122| Vipitthikatvana sukhanca dukkham
pubbeva somanassam domanassam
laddhanupekkham samatham visuddham
eko care khaggavisanakappo.
|2.123| Araddhaviriyo paramatthapattiya
alinacitto akusitavutti
dalhanikkamo thamabalupapanno
eko care khaggavisanakappo.
|2.124| Patisallanam jhanamarincamano
dhammesu niccam anudhammacari
adinavam sammasita bhavesu
eko care khaggavisanakappo.
|2.125| Tanhakkhayam patthayamappamatto
anelamugo sutava satima
sankhatadhammo niyato padhanava
eko care khaggavisanakappo.
|2.126| Sihova saddesu asantasanto
vatova jalamhi asajjamano
padumamva toyena alimpamano
eko care khaggavisanakappo.
|2.127| Siho yatha dathabali pasayha
raja miganam abhibhuyyacari
sevetha pantani senasanani
eko care khaggavisanakappo.
|2.128| Mettam upekkham karunam vimuttim
asevamano muditanca kale
sabbena lokena avirujjhamano
eko care khaggavisanakappo.
|2.129| Raganca dosanca pahaya moham
sandalayitvana samyojanani
asantasam jivitasankhayamhi
eko care khaggavisanakappo.
|2.130| Bhajanti sevanti ca karanattha
nikkarana dullabha ajja mitta
attatthapanna asuci manussa
eko care khaggavisanakappo.
|2.131| Visuddhasila suvisuddhapanna
samahita jagariyanuyutta
vipassaka dhammavisesadassi
maggangabojjhangagate vijanna.
|2.132| Sunnappanidhinca tathanimittam
asevayitva jinasasanamhi
ye savakattam na vajanti dhira
bhavanti paccekajina sayambhu.
|2.133| Mahantadhamma bahudhammakaya
cittissara sabbadukkhoghatinna
udaggacitta paramatthadassi
sihopama khaggavisanakappa.
|2.134| Santindriya santamana samadhi
paccantasattesu matippacara
dipa parattha idha vijjalanta
paccekabuddha sattahitame 1-.
|2.135| Pahinasabbavarana janinda
lokappadipa ghanakancanabha
nissamsayam lokasudakkhineyya
paccekabuddha satatappitame.
@Footnote: 1 Ma. satatam hita me.
|2.136| Paccekabuddhana subhasitani
caranti lokamhi sadevakamhi
sutva tatha ye na karonti bala
vajjanti 1- dukkhesu punappunante.
|2.137| Paccekabuddhana subhasitani
madhum yatha khuddamivassavantam
sutva tatha ye patipattiyutta
bhavanti te saccadasa sapanna.
|2.138| Paccekabuddhehi jinehi bhasita
gatha 2- ulara abhinikkhamitva
ta sakyasihena naruttamena
pakasita dhammavijananattham.
|2.139| Lokanukampaya imani tesam
paccekabuddhana vikubbitani
samvegasangamativaddhanattham
sayambhusihena pakasitaniti.
Paccekabuddhapadanam samattam.
Dutiyam.
@Footnote: 1 Ma. caranti. 2 Ma. katha.
Tatiyam sariputtattherapadanam (1)
atha therapadanam sunatha
[3] |3.140| Himavantassa avidure lambako nama pabbato
assamo sukato mayham pannasala sumapita.
|3.141| Uttanakula nadika supatittha manorama
susuddhapulinakinna avidure mamassamam.
|3.142| Asakkhara apabbhara sadu appatigandhika
sandanti nadika tattha sobhayanta mamassamam.
|3.143| Kumbhila makara cettha sumsumara ca kacchapa
sandanti 1- nadiya tattha sobhayanta mamassamam.
|3.144| Pathina pavusa maccha valaja munjarohita
vaggula papatayanti sobhayanta mamassamam.
|3.145| Ubhokulesu nadiya pupphino phalino duma
ubhato atilambanti sobhayanta mamassamam.
|3.146| Amba sala ca tilaka patali sinduvarita
dibba gandha sampavanti pupphita mama assame.
|3.147| Campaka salala nipa nagapunnagaketaka
dibba gandha sampavanti pupphita mama assame.
@Footnote: 1 Ma. caranti.
|3.148| Atimutta asoka ca bhaginimala ca pupphita
ankola bimbijala ca pupphita mama assame.
|3.149| Ketaka kadali ceva kebuka tinasulika
dibba 1- gandha sampavanti sobhayanta mamassamam.
|3.150| Kanika kannikara ca asana anjana bahu
dibba 1- gandha sampavanti sobhayanta mamassamam.
|3.151| Punnava 2- giripunnava 3- kovilara ca pupphita
dibba 1- gandha sampavanti sobhayanta mamassamam.
|3.152| Uddalaka ca kutaja kadamba bakula bahu
dibba 1- gandha sampavanti sobhayanta mamassamam.
|3.153| Alaka isimugga ca kadali matulungiyo
gandhodakena samvaddha phalani dharayanti te.
|3.154| Anne pupphanti paduma anne jayanti kesari
anne opuppha paduma pupphita talake tada.
|3.155| Gabbham ganhanti paduma niddhavanti mulaliyo
singhatapattamakinna sobhayanti talake tada.
|3.156| Nayita ambagandi ca uttara 4- hi bandhujivaka
dibba gandha sampavanti pupphita talake tada.
|3.157| Pathina pavusa maccha valaja munjarohita
sankula maggura ceva vasanti talake tada.
@Footnote: 1 Ma. dibbagandham sambhavanta sobhayanti mamassamam. 2-3 Ma. punnaga. girapunnaga.
@4 Ma. uttari.
|3.158| Kumbhila sumsumara ca tantiggaha ca rakkhasa
ogaha 1- ajagara ca vasanti talake tada.
|3.159| Parevata ravihamsa cakkavaka nadicara
kokila suvasalika upajivanti tam saram.
|3.160| Kukkutthaka kuliraka vane pokkharasataka
dindibha suvapota ca upajivanti tam saram.
|3.161| Hamsa konca mayura ca kokila lambaculaka 2-
campaka jivajiva ca upajivanti tam saram.
|3.162| Kosika potthasisa ca kurara senaka bahu
mahakala ca sakuna upajivanti tam saram.
|3.163| Pasada 3- miga varaha ca vaka bherandaka bahu
rohicca suttapota 4- ca upajivanti tam saram.
|3.164| Siha byaggha ca dipi ca acchakokataracchabhi 5-
tidhappabhinna matanga upajivanti tam saram.
|3.165| Kinnara vanara ceva athopi vanakammika
ceta ca luddaka ceva upajivanti tam saram.
|3.166| Tindukani piyalani madhuka kasamariyo
dhuvam phalani dharenti avidure mamassamam.
|3.167| Kosumbha 6- salala nipa 7- saraphalasamayuta
dhuvam phalani dharenti avidure mamassamam.
@Footnote: 1 Ma. oguha. 2 Ma. tammaculaka . 3 Ma. pasada ca varaha ca camara kandaka
@bahu. 4 Ma. sukapota. 5 Ma. acchakokataracchika. 6 Ma. kosambha.
@7 Ma. nibba.
|3.168| Haritaka amalaka amba jambu vibhedaka
kola bhallataka billa phalani dharayanti te.
|3.169| Aluva ca kalamba ca bilalitakkalani ca
jivaka sambaka ceva bahuka mama assame.
|3.170| Assamassaviduramhi talakasi 1- sunimmita
acchodaka sitajala supatittha manorama.
|3.171| Padumuppalasanchanna pundarikasamayuta
mandalakehi sanchanna dibbo gandho pavayati.
|3.172| Evam sabbangasampanne pupphite phalite vane
sukate assame ramme viharami aham tada.
|3.173| Silava vattasampanno jhayi jhanarato sada
pancabhinnabalappatto suruci nama tapaso.
|3.174| Catubbisasahassani sissa mayham upatthahum
sabbeva brahmana ete jatimanto yasassino.
|3.175| Lakkhane itihase ca sanighandusaketubhe
padaka veyyakarana saddhamme paramim gata.
|3.176| Uppatesu nimittesu lakkhanesu ca kovida
pathabya bhummantalikkhe mama sissa susikkhita.
|3.177| Appiccha nipaka ete appahara alolupa
labhalabhena santuttha parivarenti mam sada.
@Footnote: 1 Ma. talakasum.
|3.178| Jhayi jhanarata dhira santacitta samahita
akincannam patthayanta parivarenti mam sada.
|3.179| Abhinnaparamippatta pettike gocare rata
antalikkhacara dhira parivarenti mam sada.
|3.180| Samvuta chasu dvaresu anenja rakkhitindriya
asamsattha ca te dhira mama sissa durasada.
|3.181| Pallankena nisajjaya thana cankamanena ca
vitinamenti te rattim mama sissa durasada.
|3.182| Rajjaniye na rajjanti dosaniye na dussare
mohaniye na muyhanti mama sissa durasada.
|3.183| Iddhim vimamsamana te vattanti niccakalikam
pathavim te pakampenti sarambhena durasada.
|3.184| Kilamanava te sissa kilanti jhanakilitam
jambuto phalamanenti mama sissa durasada.
|3.185| Anne gacchanti goyanam anne pubbavidehanam
anne ca uttarakurum mama sissa durasada.
|3.186| Purato pesenti te kharim pacchato ca vajanti te
catubbisasahassehi chaditam hoti ambaram.
|3.187| Aggipakam 1- anaggim ca dantodukkhalikapica
ambana kotika keci pavattaphalabhojana.
@Footnote: 1 Ma. aggapaki anaggi ca.
|3.188| Udakorohaka keci sayam pato sucirata
toyabhisekacarana 1- mama sissa durasada.
|3.189| Parulhakacchanakhaloma pankadanta rajassira
gandhita silagandhena mama sissa durasada.
|3.190| Patova sannipatetva jatila uggatapana
labhalabham pakittetva gacchanti ambare tada.
|3.191| Etesam pakkamantanam mahasaddo pavattati
ajinacammasaddena modita honti devata.
|3.192| Disodisa pakkamanti antalikkhacara isi
sakabalenupatthaddha te gacchanti yathicchakam.
|3.193| Pathavikampaka ete sabbeva nabhacarino
uggateja duppasaha sagarova akhobhiya.
|3.194| Thanacankamiya keci keci nesajjika isi
pavattabhojana keci mama sissa durasada.
|3.195| Mettaviharino ete hitesi sabbapaninam
anattukkamsaka sabbe na te vambhenti kassaci.
|3.196| Siharajava sambhita gajarajava thamava
durasada byagghariva agacchanti mamantike.
|3.197| Vijjadhara devata ca nagagandhabbarakkhasa
kumbhanda danava garula upajivanti tam saram.
@Footnote: 1 Ma. toyabhisecanakara.
|3.198| Te jatakharibharita ajinuttaravasino
antalikkhacara sabbe upajivanti tam saram.
|3.199| Tadanucchavika ete annamannam sagarava
catubbisasahassanam khittasaddo na vijjati.
|3.200| Pade padam nikkhipanta appasadda susamvuta
upasankamma sabbe te sirasa vandare mamam.
|3.201| Tehi sissehi parivuto santehi ca tapassibhi
vasami assame tattha jhayi jhanarato aham.
|3.202| Isinam silagandhena pupphagandhena cubhayam
phalinam phalagandhena gandhito hoti assamo.
|3.203| Rattindivam na janami arati me na vijjati
sake sisse ovadanto bhiyyo hasam labhamaham.
|3.204| Pupphanam pupphamananam phalananca vipaccatam
dibba gandha pavayanti sobhayanta mamassamam.
|3.205| Samadhimha vutthahitva atapi nipako aham
kharibharam gahetvana vanam ajjhogahim aham.
|3.206| Uppate supine capi lakkhanesu susikkhito
pavattamanam mantapadam dharayami aham tada.
|3.207| Anomadassi bhagava lokajettho narasabho
vivekakamo sambuddho himavantam upagami.
|3.208| Ajjhogahetva himavantam aggo karuniko muni
pallankam abhujitvana nisidi purisuttamo.
|3.209| Tamaddasaham sambuddham sappabhasam manoramam
indivaramva jalitam adittamva hutasanam.
|3.210| Jalantam diparukkhamva vijjumva 1- gagane yatha
suphullam salarajamva addasam lokanayakam.
|3.211| Ayam nago mahaviro dukkhassantakaro muni
imam dassanamagamma sabbadukkha pamuccare.
|3.212| Disvanaham devadevam lakkhanam upadharayim
buddho nu kho na va buddho handa passami cakkhumam.
|3.213| Sahassarani cakkani dissanti caranuttame
lakkhananissa disvana nittham ganchim tathagate.
|3.214| Sammajjanim gahetva sammajjitvanaham tada
attha pupphe samanetva buddhasettham apujayim.
|3.215| Pujayitvana tam buddham oghatinnamanasavam
ekamsam ajinam katva namassim lokanayakam.
|3.216| Yena nanena sambuddho viharati anasavo
tam nanam kittayissami sunatha mama bhasato.
|3.217| Samuddharayimam lokam sayambhu amitodaya
tava dassanamagamma kankhasotam taranti te.
@Footnote: 1 Ma. vijjutam.
|3.218| Tuvam sattha ca ketu ca dhajo yupo ca paninam
parayano patittha ca dipo ca dipaduttamo.
|3.219| Sakka samudde udakam pametum alhakena va
na tveva tava sabbannu nanam sakka pametave.
|3.220| Dharetum pathavim sakka thapetva tulamandale
na tveva tava sabbannu nanam sakka pametave.
|3.221| Akasam minitum sakka rajjuna 1- angulena va
na tveva tava sabbannu nanam sakka pametave.
|3.222| Mahasamudde udakam pathavincakhilanjahe
buddhananam upadaya upamato na yujjare.
|3.223| Sadevakassa lokassa cittam yesam pavattati
antojaligata ete tava nanamhi cakkhuma.
|3.224| Yena nanena pattosi kevalam bodhimuttamam
tena nanena sabbannu maddasi paratitthiye.
|3.225| Ima gatha pathetvana suruci nama tapaso
ajinam pattharitvana pathaviyam nisidi so.
|3.226| Cullasitisahassani ajjhogalho mahannave
accuggato tavadeva giriraja pavuccati.
|3.227| Tava accuggato neru ayato vitthato ca so
cunnito sankhabhedena 2- kotisatasahassiyo.
@Footnote: 1 Ma. rajjuya. 2 Ma. anubhedena.
|3.228| Lakkhe thapiyamanamhi parikkhayamagacchatha
na tveva tava sabbannu nanam sakka pametave.
|3.229| Sukhumacchikena jalena udakam yo parikkhipe
ye keci udake pana antojaligata siyum.
|3.230| Tatheva hi mahavira ye keci puthutitthiya
ditthiggahanapakkhanta paramasena mohita.
|3.231| Tava suddhena nanena anavaranadassina
antojaligata ete nanante nativattare.
|3.232| Bhagava ca tamhi samaye anomadassi mahayaso
vutthahitva samadhimha disam olokayi jino.
|3.233| Anomadassimunino nisabho nama savako
parivuto satasahassehi santacittehi tadibhi.
|3.234| Khinasavehi suddhehi chalabhinnehi tadihi 1-
cittamannaya buddhassa upesi lokanayakam.
|3.235| Antalikkhe thita tattha padakkhinamakamsu te
namassanta panjalika oruhum 2- buddhasantike.
|3.236| Amodassi bhagava lokajettho narasabho
bhikkhusanghe nisiditva sitam patum kari jino.
|3.237| Varuno namupatthako anomadassissa satthuno
ekamsam civaram katva apucchi lokanayakam.
@Footnote: 1 Ma. jhayibhi. 2 Ma. otarum.
|3.238| Ko nu kho bhagava hetu sitakammassa satthuno
na hi buddha ahetuhi sitam patum karonti te.
|3.239| Anomadassi bhagava lokajettho narasabho
bhikkhumajjhe nisiditva imam gatham abhasatha.
|3.240| Yo mam pupphena pujesi nanancapi anutthavi
tamaham kittayissami sunatha mama bhasato.
|3.241| Buddhassa giramannaya sabbe deva samanusa 1-
saddhammam sotukama te sambuddham upasankamum.
|3.242| Dasasu lokadhatusu devakaya mahiddhika
saddhammam sotukama te sambuddham upasankamum.
|3.243| Hatthi assa ratha patti sena ca caturangini
parivaressantimam niccam buddhapujayidam phalam.
|3.244| Satthi turiyasahassani bheriyo samalankata
upatthissantimam niccam buddhapujayidam phalam.
|3.245| Solasitthisahassani nariyo samalankata
vicittavatthabharana amuttamanikundala.
|3.246| Alaramukha 2- hasula susanna tanumajjhima
parivaressantimam niccam buddhapujayidam phalam.
|3.247| Kappasatasahassani devaloke ramissati
sahassakkhattum cakkavatti raja ratthe bhavissati.
@Footnote: 1 Ma. samagata. 2 Po. alarapamha.
|3.248| Sahassakkhattum devindo devarajjam karissati
padesarajjam vipulam gananato asankhayam.
|3.249| Pacchime bhavasampatte manussattam gamissati
brahmanisariya nama dharayissati kucchina.
|3.250| Matuya namagottena pannayissatiyam naro
sariputtoti namena tikkhapanno bhavissati.
|3.251| Asitikoti chaddetva pabbajissatikincano
gavesanto santipadam carissati mahim imam.
|3.252| Aparimeyye ito kappe okkakakulasambhavo
gotamo nama gottena sattha loke bhavissati.
|3.253| Tassa dhammesu dayado oraso dhammanimmito
sariputtoti namena hessati aggasavako.
|3.254| Ayam bhagirasi ganga himavanta pabhavita
mahasamuddamappeti tappayanti mahodadhim.
|3.255| Tathevayam sariputto sakko tisu visarado
pannaya paramim gantva tappayissati panino.
|3.256| Himavantam upadaya sagaranca mahodadhim
etthantare yam pulinam gananato asankhayam.
|3.257| Tampi sakka asesena sankhyatum ganana yatha
na tveva sariputtassa pannayanto bhavissati.
|3.258| Lakkhe thapiyamanamhi khiye gangaya valuka
na tveva sariputtassa pannayanto bhavissati.
|3.259| Mahasamudde umiyo gananato asankhaya
tatheva sariputtassa pannayanto na hessati.
|3.260| Aradhayitva sambuddham gotamam sakyapungavam
pannaya paramim gantva hessati aggasavako.
|3.261| Pavattitam dhammacakkam sakyaputtena tadina
anvattissati samma vassanto dhammavutthiyo.
|3.262| Sabbametam abhinnaya gotamo sakyapungavo
bhikkhusanghe nisiditva aggatthane thapessati.
|3.263| Aho me sukatam kammam anomadassissa satthuno
yassadhikaram 1- katvana sabbattha paramim gato.
|3.264| Aparimeyye katam kammam phalam dassesi me idha
sumutto saravegova kilese jhapayim aham.
|3.265| Asankhatam gavesanto nibbanam acalam padam
vicinam titthiye sabbe esaham samsarim bhave.
|3.266| Yathapi byadhiko poso pariyeseyya osatham
vicineyya dhanam sabbam byadhito parimuttiya.
|3.267| Asankhatam gavesanto nibbanam amatam padam
abbokinnam pancasatam pabbajim isipabbajam.
@Footnote: 1 Ma. yassaham karam.
|3.268| Jataya bharabharito ajinuttaranivasaham 1-
abhinnaparamim gantva brahmalokam aganchaham.
|3.269| Natthi bahirake suddhi thapetva jinasasanam
ye keci buddhima satta sujjhanti jinasasane.
|3.270| Atthakamam 2- mamametam na hi nisim aham iti
asankhatam gavesanto kutittham sancarim aham.
|3.271| Yatha saratthiko poso kadalim chetvana phalaye
na tattha saram vindeyya sarena rittako hi so.
|3.272| Tatheva titthiya loke nanaditthi bahu jana
asankhatena ritta te sarena kadali yatha.
|3.273| Pacchime bhavasampatte brahmabandhu ahosaham
mahabhogam chaddayitvana pabbajim anagariyam.
Pathamabhanavaram.
|3.274| Ajjhayako mantadharo tinnam vedana paragu
brahmano sanjayo nama tassa mule vasamaham.
|3.275| Savako te mahavira assaji nama brahmano
durasado uggatejo pindaya carati tada.
|3.276| Tamaddasasim sappannam munim mone samahitam
santacittam mahanagam suphullam padumam yatha.
@Footnote: 1 Ma. ajinuttaranivasano. 2 Ma. atthakamamayam etam na yidam itihitiham.
|3.277| Disva me cittamuppajji sudantam suddhamanasam
usabham pavaram viram arahayam bhavissati.
|3.278| Pasadiko iriyati abhirupo susamvuto
uttame damathe danto amatadassi bhavissati.
|3.279| Yannunaham uttamattham puccheyyam tutthamanasam
so ce 1- puttho kathissati patipucchamahantada.
|3.280| Pindacaram 2- carantassa pacchato agamasaham
okasam patimanento pucchitum amatam padam.
|3.281| Vithantare anuppattam upagantvana pucchaham
katham gottosi tvam vira 3- kassa sissosi marisa.
|3.282| So me puttho viyakasi asambhitova kesari
buddho loke samuppanno tassa sissomhi avuso 4-.
|3.283| Kidisante mahavira anujata mahayasa 5-
buddhassa sasanam dhammam sadhu me kathayassu bho.
|3.284| So me puttho kathi sabbam gambhiram nipunam padam
tanhasallassa hantaram sabbadukkhapanudanam.
|3.285| Ye dhamma hetupabhava tesam hetum tathagato aha
tesanca yo nirodho evamvadi mahasamano.
|3.286| Soham vissajjite panhe pathamam phalamajjhagam
virajo vimalo asim sutvana jinasasanam.
@Footnote: 1 Ma. Yu. me. 2 Ma. pindapatam. 3 Yu. dhira. 4 Yu. savako. 5 Yu. mahayaso.
|3.287| Sutvana munino vakyam passitva dhammamuttamam
pariyogalhasaddhammo imam gatham abhasaham.
|3.288| Eseva dhammo yadi tavadeva paccabyatha padamasokam
adittham abbhatitam bahukehi kappanahutehi.
|3.289| Yoham dhammam gavesanto kutitthe sancarim aham
so me attho anuppatto kalo me nappamajjitum.
|3.290| Tositoham assajina patvana acalam padam.
Sahayakam gavesanto assamam agamasaham
|3.291| duratova mamam disva sahayo me susikkhito
iriyapathasampanno idam vacanamabravi.
|3.292| Pasannamukhanettosi munibhavova dissati
amatadhigato kacci nibbanam accutam padam.
|3.293| Subhanurupo ayasi anenjakarito viya
dantova 1- dantadamathe 2- upasantosi brahmana.
|3.294| Amatam maya adhigatam sokasallavinodanam
tuvampi tam adhigacchehi 3- gacchama buddhasantikam.
|3.295| Sadhuti so patissutva sahayo me susikkhito
hatthena hattham ganhitva upagamma tavantikam 4-.
|3.296| Ubhopi pabbajissama sakyaputta tavantike.
Tava sasanamagamma viharama anasava.
@Footnote: 1 Yu. ca. 2 Ma. dantadamatho. Yu. uttadamathe. 3 Ma. adhigacchesi.
@4 Yu. upagami satthu santikam.
|3.297| Kolito iddhiya settho aham pannaya parago
ubhova ekato hutva sasanam sobhayama se.
|3.298| Apariyositasankappo kutitthe sancarim aham
tava dassanamagamma sankappo purito mama.
|3.299| Pathaviyam patitthaya pupphanti samaye duma
dibba gandha sampavanti tosenti sabbapaninam.
|3.300| Tathevaham mahavira sakyaputta mahayasa
sasane vo 1- patitthaya samayesami pupphitum.
|3.301| Vimuttipupphamesanto bhavasamsaramocanam
vimuttipupphalabhena tosemi sabbapaninam.
|3.302| Yavata buddhakhettamhi thapetvana mahamunim
pannaya sadiso natthi tava puttassa cakkhuma.
|3.303| Suvinita ca te sissa parisa ca susikkhita
uttame damathe danta parivarenti tam sada.
|3.304| Jhayi jhanarata dhira santacitta samahita
muni moneyyasampanna parivarenti tam sada.
|3.305| Appiccha nipaka dhira appahara alolupa
labhalabhena santuttha parivarenti tam sada.
|3.306| Arannika dhutarata jhayino lukhacivara
vivekabhirata dhira parivarenti tam sada.
@Footnote: 1 Ma. Yu. te.
|3.307| Patipanna phalattha ca sekha phalasamangino
asimsaka 1- uttamattham parivarenti tam sada.
|3.308| Sotapanna ca vimala sakadagamino ca ye
anagami ca araha parivarenti tam sada.
|3.309| Satipatthanakusala bojjhangabhavanarata
savaka vo 2- bahu sabbe parivarenti tam sada.
|3.310| Iddhipadesu kusala samadhibhavanarata
sammappadhanamanuyutta parivarenti tam sada.
|3.311| Tevijja chalabhinna ca iddhiya paramim gata
pannaya paramimpatta parivarenti tam sada.
|3.312| Idisa 3- vo 2- mahavira tava sissa susikkhita
durasada uggateja parivarenti tam sada.
|3.313| Tehi sissehi parivuto sannatehi tapassibhi
migarajavasambhito ulurajava sobhasi.
|3.314| Pathaviyam patitthaya ruhanti kharaniruha
vepullattam papunanti phalanca dassayanti te.
|3.315| Pathavisadiso tvamsi sakyaputta mahayasa.
Sasane te patitthaya labhanti amatam phalam.
|3.316| Sindhu sarassati ceva nadiyo candabhagika 4-
ganga ca yamuna ceva sarabhu ca atho mahi.
@Footnote: 1 Ma. asisaka. 2 Ma. Yu. te. 3 Ma. Yu. edisa. 4 Yu. nadiya candabhagiyo.
|3.317| Etasam sandamananam sagaro sampaticchati
jahanti purimam namam sagarotveva nayati.
|3.318| Tathevime catuvanna pabbajitva tavantike
jahanti purimam namam buddhaputtati nayare.
|3.319| Yathapi cando vimalo gaccham akasadhatuya
sabbe taragane loke abhaya atirocati.
|3.320| Tatheva tvam mahavira parivuto devamanuse
buddhakkhettam atikkamma jalasi sabbada tuvam.
|3.321| Gambhire utthita umi na velam ativattati
sabbavelam paphussanti sancunna vikiranti ta.
|3.322| Tatheva titthiya loke nanaditthi bahu jana
dhammam taritukama te nativattanti tam munim.
|3.323| Sace ca 1- tam papunanti pativarehi 2- cakkhuma
tavantikam upagantva sancunnava bhavanti te.
|3.324| Yathapi udake jata kumuda mandalaka 3- bahu
upalimpanti toyena kaddamakalalena ca.
|3.325| Tatheva bahuka satta loke jata viruhare
addita ragadosena kaddame kumudam yatha.
|3.326| Yatha padumam jalajam jalamajjhe virocati 4-
na so limpati toyena parisuddho hi kesari.
@Footnote: 1 Yu. va. 2 Ma. Yu. pativadehi. 3 Yu. maddalaka. 4 Ma. Yu. viruhati.
|3.327| Tatheva tvam mahavira loke jato mahamuni
nopalimpasi lokena toyena padumam yatha.
|3.328| Yatha hi rammake mase bahu pupphanti varija
natikkamanti tam masam samayo pupphanaya so.
|3.329| Tatheva tvam sakyaputta 1- pupphito te vimuttiya
sasanam nativattanti padumam varina yatha.
|3.330| Supupphito salarajava dibbagandham pavayati
annasalehi parivuto salarajatisobhati 2-.
|3.331| Tatheva tvam mahavira buddhananena pupphito
bhikkhusanghena parivuto salarajava sobhasi.
|3.332| Yathapi selo himava osatho sabbapaninam
naganam asurananca devanam alayopica.
|3.333| Tatheva tvam mahavira osatho viya paninam
tevijja chalabhinna ca iddhiya paramim gata.
|3.334| Anusittha mahavira taya karunikena te
ramanti dhammaratiya vasanti tava sasane.
|3.335| Migaraja yatha siho abhinikkhamma asaya
catuddisa 3- viloketva tikkhattum abhinadati 4-.
|3.336| Sabbe miga uttasanti migarajassa gajjato
tatha hi jatima eso pasum 5- taseti sabbada.
@Footnote: 1 Ma. mahavira. 2 Ma. Yu. salarajava sobhati. 3 Ma. catuddisanuviloketva.
@4 Yu. abhinadayi. 5 Ma. Yu. pasu.
|3.337| Gajjato te mahavira basudhayam pakampati
bodhaneyya pabujjhanti tasanti marakayika.
|3.338| Tasanti titthiya sabbe nadato te mahamuni
kakasenava vibbhanta migaranna yatha miga.
|3.339| Ye keci ganino loke sattharoti pavuccare
paramparabhatam dhammam desenti parisaya te.
|3.340| Na heva tvam mahavira dhammam desesi paninam
samam saccani bujjhitva kevalam bodhipakkhikam.
|3.341| Asayanusayam natva indriyanam balabalam
bhabbabhabbe viditvana mahameghova gajjasi.
|3.342| Cakkavalapariyanta nisinna parisa bhave
nanaditthi vicintenti vimaticchedanaya tam.
|3.343| Sabbesam cittamannaya opammakusalo muni
ekam panham kathentova vimatim chindi paninam.
|3.344| Upadisasadiseheva 1- vasudha purita bhave
sabbeva te panjalika kittayum lokanayakam.
|3.345| Kappam va te kittayanta nanavannehi kittayum
parimetum na kappeyyum 2- appameyyo tathagato.
|3.346| Tatha 3- sakena thamena kittito hi mahajino 4-
kappakoti pakittenta evamevam pakittayum.
@Footnote: 1 Ma. upatissasadiseheva. 2 Ma. sakkeyyam. Yu. pappayuyam. 3 Yu. yatha.
@4 Ma. maya jino.
|3.347| Sace hi koci devo va manusso va susikkhito
pametum parikappeyya 1- vighatamva labheyya so.
|3.348| Sasane te patitthaya sakyaputta mahayasa
pannaya paramim gantva viharami anasavo.
|3.349| Titthiye sampamaddami vattemi jinasasanam
dhammasenapati ajja sakyaputtassa sasane.
|3.350| Aparimeyye katam kammam phalam dassesi me idha
sumutto 2- saravegova kilese jhapayim mamam.
|3.351| Yo koci manujo bharam dhareyya matthake sada
bharena dukkhito assa bharo hi bharito tatha.
|3.352| Dayhamano tihaggihi bhavesu samsarim aham
bharito bhavabharena neru uddharito yatha 3-.
|3.353| Oropito ca me bharo bhava ugghatita maya
karaniyam katam sabbam sakyaputtassa sasane.
|3.354| Yavata buddhakhettamhi thapetva sakyapungavam
aham aggomhi pannaya sadiso me na vijjati.
|3.355| Samadhimhi sukusalo iddhiya paramim gato
icchamano aham 4- ajja sahassam abhinimmine.
|3.356| Anupubbaviharassa vasibhuto mahamuni
kathesi sasanam mayham nirodho sayanam mama.
@Footnote: 1 Yu. puritam parikaddheyya. 2 Ma. sukhitto. yu sukhito. 3 Ma. Yu. girim
@uccarito yatha. 4 Ma. caham. Yu. vaham.
|3.357| Dibbacakkhum visuddham me samadhikusalo aham
sammappadhanamanuyutto bojjhangabhavanarato.
|3.358| Savakena hi pattabbam sabbameva katam mama 1-
lokanatham thapetvana sadiso me na vijjati.
|3.359| Samapattimhi 2- kusalo jhanavimokkhanam khippam patilabhi
bojjhangabhavanarato savakagunaparamim gatosmi.
|3.360| Savakagunaphussena 3- buddhiya purisuttamagarava 4-
saddhasangahitam cittam [5]- sada sabrahmacarisu.
|3.361| Uddhatadadhova 6- sappo chinnavisanova usabho
nikkhittamanadappova upemi garugaravena ganam.
|3.362| Yadi rupini bhaveyya panna me vasu patinam 7- sameyya
anomadassissa bhagavato phalametam nanathavanaya.
|3.363| Pavattitam dhammacakkam sakyaputtena tadina
anuvattemaham samma nanathavanayidam phalam.
|3.364| Ma me kadaci papiccho sameto hinaviriyo
appassuto anacaro 8- sameto katthaci ahu.
|3.365| Bahussuto ca medhavi silesu susamahito
cetosamathanuyutto api muddhani titthatu.
|3.366| Tam vo vadami bhaddam vo 9- yavantettha samagata
appiccha hotha santuttha danam datva sada ahu 10-.
@Footnote: 1 Ma. maya. Yu. mamam. 2 Ma. samapattinam. Yu. samapattivinayakusalo. 3 Ma. Yu.
@savakagunenapi phussena. 4 Ma. purisuttamabharava. 5 (yam). 6 Ma. Yu. uddhavisova.
@7 Ma. vasumatipi na sameyya. 8 Ma. anadaro. 9 Ma. Yu. bhadante.
@10 Ma. Yu. jhayi nanarata sada.
|3.367| Yamaham pathamam disva virajo vimalo ahu 1-
so me acariyo dhiro 2- assaji nama savako.
|3.368| Tassaham savako ajja 3- dhammasenapati ahu 1-
sabbattha paramim patva viharami anasavo.
|3.369| Yo me acariyo asi assaji nama savako
yassam disayam vasati ussisamhi karomaham.
|3.370| Mama kammam saritvana gotamo sakyapungavo
bhikkhusanghe nisiditva aggatthane thapesi mam.
[4]- |3.371| Patisambhida catasso vimokkhapica atthame
chalabhinna sacchikata katam buddhassa sasananti 5-.
Ittham sudam ayasma sariputto thero ima gathayo abhasitthati.
Sariputtattherassa apadanam samattam.
Catuttham mahamoggallanattherapadanam (2)
[4] |4.372| Anomadassi bhagava lokajettho narasabho
vihasi himavantamhi devasanghapurakkhato.
|4.373| Varuno nama namena nagaraja aham tada
kamarupi vikubbami mahodadhinivasaham.
@Footnote: 1 Ma. Yu. aham . 2 Yu. viro . 3 Ma. Yu. tassaham ahasa ajja.
@4 Ma. kilesa jhapita mayham bhava sabbe samuhata
@ magova bandhanam hitva viharami anasavo
@ svagatam vata me asi buddhasetthassa santike
@ tisso vijja anuppatta katam buddhassa sasanam.
@5 Ma. sabbattha itisaddo natthi.
|4.374| Anganiyaganam hitva turiyam patthapesaham
sambuddham parivaretva vadesum acchara tada.
|4.375| Vijjamanesu 1- turiyesu devaturiyani vajjayum
ubhinnam saddam sutvana buddhopi sampabujjhatha.
|4.376| Nimantayitva sambuddham sakam bhavanamupagamim
asanam pannapetvana kalamarocayim aham.
|4.377| Khinasavasahassehi purito 2- lokanayako
obhasento disa sabba bhavanamme upagami.
|4.378| Upavittham mahaviram devadevam narasabham
bhikkhusangham santappesim 3- annapanenaham tada.
|4.379| Anumodi mahaviro sayambhu aggapuggalo
bhikkhusanghe nisiditva ima gatha abhasatha.
|4.380| Yo so sangham apujesi buddhanca lokanayakam
tena cittappasadena devalokam gamissati.
|4.381| Sattasattatikkhattunca devarajjam karissati
pathabya rajjam atthasatam vasudham avasissati.
|4.382| Pancapannasakkhattum ca cakkavatti bhavissati
bhoga asankhaya tassa uppajjissanti tavade.
|4.383| Aparimeyye ito kappe okkakakulasambhavo
gotamo nama gottena sattha loke bhavissati.
@Footnote: 1 Ma. vajjamanesu turesu deva turani vajjayu. Yu. ajjamanesu. 2 Ma. parivuto.
@Yu. purato. 3 Ma. sa bhikkhusangham tappesim.
|4.384| Niraya so cavitvana manussattam gamissati
kolito nama namena brahmabandhu bhavissati.
|4.385| So paccha pabbajitvana kusalamulena codito
gotamassa bhavato dutiyo hessati savako.
|4.386| Araddhaviriyo pahitatto iddhiya paramim gato
sabbasave parinnaya nibbayissatyanasavo.
|4.387| Papamittopanissaya kamaragavasam gato
mataram pitarancapi ghatayim dutthamanaso.
|4.388| Yam yam yonupapajjami nirayam atha manusam
papakammasamangitam 1- bhinnasiso maramaham 2-.
|4.389| Idam pacchimakam mayham carimo vattate bhavo
idhapi idisam mayham maranakale bhavissati.
|4.390| Pavivekamanuyutto samadhibhavanarato
sabbasave parinnaya viharami anasavo.
|4.391| Dharanimpi sugambhiram bahalam duppadhamsiyam
vamangutthena caleyyam 3- iddhiya paramim gato.
|4.392| Asmimanam na passami mano mayham na vijjati
samanere upadaya garucittam karomaham.
|4.393| Aparimeyye ito kappe yam kammam abhiniharam
tamaham bhumim anuppatto pattomhi asavakkhayam.
@Footnote: 1 Ma. papakammasamangita. Yu. papakammasamanginam. 2 Yu. bhavamaham.
@3 Ma. Yu. khobheyyam.
|4.394| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma mahamoggallano thero ima gathayo
abhasitthati.
Mahamoggallanattherassa apadanam samattam.
Pancamam mahakassapattherapadanam (3)
[5] |5.395| Padumuttarassa bhagavato lokajetthassa tadino
nibbute lokanathasmim pujam kubbanti satthuno.
|5.396| Udaggacitta janata amoditappamodita
tesu samvegajatesu piti me upapajjatha 1-.
|5.397| Natimitte samanetva idam vacanamabravim
parinibbuto mahaviro handa pujam karoma se.
|5.398| Sadhuti te patissutva bhiyyo hasam janimsu me
buddhasmim lokanathasmim kahama punnasancayam.
|5.399| Agghiyam sukatam katva satahattham samuggatam
diyaddham hatthasatampi vimanam nabhamuggatam.
|5.400| Katvana agghiyam tattha kusalapantihi cittitam
sakam cittam pasadetva cetiyam pujayuttamam.
@Footnote: 1 Ma. Yu. udapajjatha.
|5.401| Aggikkhandhova jalati salarajava phullito 1-
indalatthiva akase obhasati 2- catuddisa.
|5.402| Tattha cittam pasadetva katvana kusalam bahum
pubbakammam saritvana tidasam upapajjaham.
|5.403| Sahassayuttam hayavahim dibbayanam adhitthito
ubbiddham bhavanam mayham sattabhummam samuggatam.
|5.404| Kutagarasahassani sabbasonnamaya ahu 3-
jalanti sakatejena disa sabba pabhasayum 4-.
|5.405| Santi annepi niyyuha lohitankamaya 5- tada
tepi jotanti abhaya samanta caturo disa.
|5.406| Punnakammabhinibbatta kutagara sunimmita
manimayapi jotanti disodisam 6- samantato.
|5.407| Tesam ujjotamananam obhaso vipulo ahu
sabbe deve abhibhomi punnakammassidam phalam.
|5.408| Satthikappasahassamhi ubbiddho nama khattiyo
caturanto vijitavi pathavim avasim aham
|5.409| tatheva bhaddake kappe timsakkhattum ahosaham.
Sakakammabhiraddhomhi cakkavatti mahabbalo.
|5.410| Sattaratanasampanno catudipamhi issaro
tatthapi bhavanam mayham indalatthiva uggatam.
@Footnote: 1 Ma. aggikkhandhova jalito kimsukoiva phullito. Yu... jalito.... 2 Ma. obhaseti.
@3 Ma. aham. Yu. sabbe sovannamaya aham. 4 Ma. Yu. pabhasayam.
@5 Ma. niyyuha lohitangamaya. 6 Ma. Yu. disa dasa.
|5.411| Ayamato catubbisa vittharena ca dvadasa
rammakam 1- nama nagaram dalhapakaratoranam.
|5.412| Ayamato pancasatam vittharena tadaddhakam
akinnam janakayehi tidasanam puram viya.
|5.413| Yatha sucighare suci pakkhitta pannavisati
annamannam paghattenti akinna hoti satata 2-.
|5.414| Evampi nagaram mayham hatthassarathasankulam 3-
manussehi tadakinnam rammakam 1- nagaruttamam.
|5.415| Tattha bhutva pivitva ca puna devattatam gato
bhave pacchimake mayham ahosi kulasampada.
|5.416| Brahmannakulasambhuto maharatanasancayo
asitikotiyo hitva hirannassa paribbajim 4-.
|5.417| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma mahakassapo thero ima gathayo abhasitthati.
Mahakassapattherassa apadanam samattam.
@Footnote: 1 Ma. rammanam. 2 Ma. akinnam hoti lankatam. Yu. .. hoti tam tada.
@3 Ma. hatthissarathasankulam. 4 Ma. hirannassapi pabbajim.
Chattham anuruddhattherapadanam (4)
[6] |6.418| Sumedham bhagavantaham lokajettham narasabham
vupakattham viharantam addasam lokanayakam.
|6.419| Upagantvana sambuddham sumedham lokanayakam
anjalim paggahetvana buddhasettham ayacaham.
|6.420| Anukampa mahavira lokajettha narasabha
padipante padassami rukkhamulamhi jhayato.
|6.421| Adhivasesi so dhiro sayambhu vadatam varo
dumesu vinivijjhitva yantam yojetvahantada 1-.
|6.422| Sahassavattipadasim buddhassa lokabandhuno
sattaham pajjalitvana padipa vupasammisum 2-.
|6.423| Tena cittappasadena cetanapanidhihi ca
jahitva manusam deham vimanam upapajjaham.
|6.424| Upapannassa devattam byamho 3- asi sunimmito
samantato pajjalati dipadanassidam phalam.
|6.425| Atthavisatikkhattunca cakkavatti ahosaham
divarattinca passami samanta yojanantada.
|6.426| Samanta yojanam sabbam virocemi aham tada
sabbe deve abhibhomi dipadanassidam phalam.
@Footnote: 1 Ma. yojiyaham tada. 2 Ma. dipa vupasamimsu me. 3 Ma. byamham asi sunimmitam.
@Yu. thambho.
|6.427| Timsakappani devindo deve rajjamakarayim
na mam kecatimannanti dipadanassidam phalam.
|6.428| Sahassalokam nanena passami satthusasane
dibbacakkhum anuppatto dipadanassidam phalam.
|6.429| Sumedho nama sambuddho timsakappasahassiko 1-
tassa dipo maya dinno vippasannena cetasa.
|6.430| Patisambhida catasso vimokkhapi ca atthime
chalabhinna sacchikata katam buddhassa sasananti.
Ittham sudam ayasma anuruddho thero ima gathayo
abhasitthati.
Anuruddhattherassa apadanam samattam.
Sattamam punnamantaniputtattherapadanam (5)
[7] |7.431| Ajjhanako mantadharo tinnam vedana paragu
purakkhatomhi sissehi upaganchim naruttamam.
|7.432| Padumuttaro lokavidu ahutinam patiggaho
mama kammam pakittesi sankhittena mahamuni.
|7.433| Taham dhammam sunitvana abhivadetvana satthuno
anjalim paggahetvana pakkamim 2- dakkhinamukho.
@Footnote: 1 Ma. Yu. timsakappasahassito. 2 Ma. pakkamim.
|7.434| Sankhittena sunitvana vittharena adesayim 1-
sabbe sissa attamana sutvana mama bhasato.
Sakam ditthim vinodetva buddhe cittam pasadayum
|7.435| sankhittenapi desemi vittharena tathevaham.
Abhidhammanayannoham kathavatthuvisuddhiya
sabbesam vinnapetvana viharami anasavo.
|7.436| Ito pancasate kappe caturo suppakasaka
sattaratanasampanna catudipamhi issara.
|7.437| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma punno mantaniputto thero ima
gathayo abhasitthati.
Punnassa mantaniputtattherassa apadanam samattam.
Atthamam upalittherapadanam (6)
[8] |8.438| Nagare hamsavatiya sujato nama brahmano
asitikotisannicayo 2- pahutadhanadhannava.
|8.439| Ajjhayako mantadharo tinnam vedana paragu
lakkhane itihase ca saddhamme paramim gato.
@Footnote: 1 Ma. abhasayim.. 2 Ma. Yu. asitikotinicayo.
|8.440| Paribbaja ekasikha gotama buddhasavaka
caraka tapasa ceva caranti mahiya tada.
|8.441| Tepi mam parivarenti brahmano vissuto iti
bahu jana mam pujenti 1- naham pujemi kincinam.
|8.442| Pujaraham na passami manathaddho aham tada
buddhoti vacanam natthi tava nuppajjate jino.
|8.443| Accayena ahorattam padumuttaranayako 2-
sabbam tamam vinodetva loke uppajji cakkhuma.
|8.444| Vittharike bahu janne puthubhute ca sasane
upagami tada buddho nagaram hamsasavhayam.
|8.445| Pitu atthaya so buddho dhammam desesi cakkhuma
tena kalena parisa samanta yojanam tada.
|8.446| Sammato manujanam yo 3- sunando nama tapaso
yavata buddhaparisa pupphehicchadayi tada.
|8.447| Catusaccam pakasento setthe ca pupphamandape
kotisatasahassanam dhammabhisamayo ahu.
|8.448| Sattarattindivam buddho vassitva dhammavutthiya
atthame divase patte sunandam kittayi jino.
|8.449| Devaloke manusse va samsaranto ayam bhave
sabbesam pavaro hutva bhavesu samsarissati.
@Footnote: 1 Ma. Yu. bahujjano mam pujeti. 2 Ma. padumuttaranamako. 3 Ma. Yu. so.
|8.450| Kappasatasahassamhi okkakakulasambhavo
gotamo nama namena sattha loke bhavissati.
|8.451| Tassa dhammesu dayado oraso dhammanimmito
mantaniputto punnoti hessati satthu savako.
|8.452| Evam kittayi sambuddho sunandam tapasam tada
hasayanto janam sabbam dassayanto sakam balam.
|8.453| Katanjali namassanti sunandam tapasam tada 1-
buddhe karam karitvana sodhesi gatimattano.
|8.454| Tattha me ahu sankappo sutvana munino vacam
aham 2- karam karissami yatha passami gotamam.
|8.455| Evaham cintayitvana kiriyam cintayim mamam
kyaham kammam acarami punnakkhette anuttare.
|8.456| Ayanca pathiko bhikkhu sabbapathina 3- sasane
vinaye agganikkhitto tam thanam patthayim 4- aham.
|8.457| Idam me amitam bhogam akkhobham sagarupamam
tena bhogena buddhassa aramam mapaye aham.
|8.458| Sobhanam nama aramam nagarassa puratthato
katva 5- satasahassena sangharamam amapayim.
|8.459| Kutagare ca pasade mandape hammiye guha
cankame sukate katva sangharame 6- amapayim.
@Footnote: 1 Ma. jana. 2 Ma. ahampi karam kassami. 3 Ma. sabbapathissa. Yu. sabbapathikasasane.
@4 Ma. Yu. patthaye. 5 Ma. kinitva. 6 Ma. sangharamam.
|8.460| Jantagharam aggisalam atho udakamalakam
nhanagharam mapayitva bhikkhusanghassadasaham.
|8.461| Asandiyo ca pithake paribhoge ca bhajane
aramikanca bhesajjam sabbametam adasaham.
|8.462| Arakkham patthapetvana pakaram karayim dalham
ma nam koci vihethesi santacittana tadinam.
|8.463| Avase 1- satasahasse sangharame 2- amapayim
vepullatam mapayitva sambuddham upanamayim.
|8.464| Nitthapito mayaramo sampaticcha tuvam muni
niyyadessami tam 3- dhira adhivasehi cakkhuma.
|8.465| Padumuttaro lokavidu ahutinam patiggaho
mama sankappamannaya adhivasehi nayako.
|8.466| Adhivasanamannaya sabbannussa mahesino
bhojanam patiyadetva kalamarocayim aham.
|8.467| Arocitamhi kalamhi padumuttaranayako
khinasavasahassehi aramam me upagami.
|8.468| Nisinnakalamannaya annapanena tappayim
bhuttavikalamannaya idam vacanamabravim.
|8.469| Kito satasahassena tattakeneva karito
sobhano nama aramo sampaticcha tuvam muni.
@Footnote: 1 Ma. satasahassenavasam. 2 Yu. sangharamam. 3 Yu. te vira. Ma. tam vira.
|8.470| Imina bhumidanena cetanapanidhihi ca
bhave nibbattamanoham labhami mama patthitam.
|8.471| Patiggahetva sambuddho sangharamam sumapitam
bhikkhusanghe nisiditva idam vacanamabravi.
|8.472| Yo so buddhassa padasi sangharamam sumapitam
tamaham kittayissami sunatha mama bhasato.
|8.473| Hatthi assa ratha patti sena ca caturangini
parivarentimam niccam sangharamassidam phalam.
|8.474| Satthi turiyasahassani bheriyo samalankata
parivarentimam niccam sangharamassidam phalam.
|8.475| Chalasitisahassani nariyo samalankata
vicittavatthabharana amuttamanikundala.
|8.476| Alaramukha 1- hasula susanna tanumajjhima
parivaressantimam niccam sangharamassidam phalam.
|8.477| Timsakappasahassani devaloke ramissati
sahassakkhattum devindo devarajjam karissati.
|8.478| Devarajena pattabbam sabbam patilabhissati
anunabhogo hutvana devarajjam karissati.
|8.479| Sahassakkhattum cakkavatti raja ratthe bhavissati.
Pathabya rajjam vipulam gananato asankhayam 2-.
@Footnote: 1 Ma. Yu. alarapamha. 2 Po. Ma. Yu. asankhiyam.
|8.480| Kappasatasahassamhi okkakakulasambhavo
gotamo nama gottena sattha loke bhavissati.
|8.481| Tassa dhammesu dayado oraso dhammanimmito
upali nama namena hessati satthu savako.
|8.482| Vinaye paramim patva thanathane ca kovido
jinasasanam dharayanto viharissatinasavo.
|8.483| Sabbametam abhinnaya gotamo sakyapungavo
bhikkhusanghe nisiditva etadagge thapessati.
|8.484| Aparimeyyam upadaya patthemi tava sasanam
so me attho anuppatto sabbasamyojanakkhayo.
|8.485| Yatha sulavuto poso rajadandena tajjito
sule satam avindanto parimuttimva icchati.
|8.486| Tathevaham mahavira bhavadandena tajjito
kammasulavuto santo pipasavedanatthito.
|8.487| Bhave satam na vindami dayhanto tihi aggihi
parimuttim gavesami yatha ca rajadandato.
|8.488| Yatha visarado puriso visena paripilito
agadam so gaveseyya visaghatayupayanam 1- .
|8.489| Gavesamano passeyya agadam visaghatakam
tam pivitva sukhi assa visamha parimuttiya.
@Footnote: 1 Ma. visaghatayupalanam. Yu. .. payaso.
|8.490| Tathevaham mahavira yatha visagato 1- naro
sampilito avijjaya saddhammagadamesaham.
|8.491| Dhammagadam gavesanto addakkhim sakyasasanam
aggasaccosathanantam 2- sabbasallavinodanam.
|8.492| Dhammosatham pivitvana visam sabbam samuhanim
ajaramaram sitibhavam nibbanam passayim 3- aham.
|8.493| Yatha bhutatajjito poso bhutaggahena pilito
bhutavejjam gaveseyya bhutasma parimuttiya.
|8.494| Gavesamano passeyya bhutavijjasu kovidam
tassa so vihanne bhutam samulanca vinasaye.
|8.495| Tathevaham mahavira tamaggahena pilito
nanalokam gavesami tamato parimuttiya.
|8.496| Athaddasam sakyamunim kilesatamasodhanam
so me tamam vinodesi bhutavejjova bhutikam 4-.
|8.497| Samsarasotam sanchindim tanhasotam nivarayim
bhavam ugghatayim sabbam bhutavejjova mulato.
|8.498| Garulo yatha opatati pannagam bhakkhamattano
samanta yojanasatam vikkhobheti mahasaram.
|8.499| Pannagam so gahetvana adhosisam vihethayam
adaya so pakkamati yena kamam vihangamo.
@Footnote: 1 Ma. Yu. visahato. 2 Ma. aggam sabbosadhanam tam . Yu. aggasabbo ....
@3 Po. phussayim. Ma. phassayim. 4 Ma. bhutakam.
|8.500| Tathevaham mahavira yathapi garulo bali
asankhatam gavesanto dose vikkhalayim aham.
|8.501| Dittho aham dhammavaram santipadam anuttaram
adaya viharametam garulo pannagam yatha.
|8.502| Asavati nama lata jata cittalatavane
tassa vassasahassena ekam nibbattate phalam.
|8.503| Tam deva payirupasanti tava duraphalam 1- sakim
devanam sa piya evam asavati phaluttama 2-.
|8.504| Satasahassam upadaya taham paricare munim 3-
sayam patam namassami deva asavatim yatha.
|8.505| Avanjha paricariya amogha ca namassana
duragatampi mam santam khano mam 4- na viradhayi.
|8.506| Patisandhim na passami vicinanto bhave aham
nirupadhi vippamutto upasanto caramaham.
|8.507| Yathapi padumam nama suriyaramsena pupphati
tathevaham mahavira buddharamsena pupphito.
|8.508| Yatha balakayonimhi na vijjati puma 4- sada
meghesu gajjamanesu gabbham ganhanti ta sada.
|8.509| Cirampi gabbham dharenti yava megho na gajjati
bharato parimuccanti yada megho pavassati.
@Footnote: 1 Ma. tava duraphale sati. 2 Ma. Yu. latuttama. 3 Ma. muni. 4 Ma. yam.
@5 Po. Ma. pumo.
|8.510| Padumuttarabuddhassa dhammameghena gajjato 1-
saddena dhammameghassa dhammagabbham aganhaham.
|8.511| Satasahassam upadaya punnagabbham dharemaham
nappamuncami bharato dhammamegho na gajjati.
|8.512| Yada tuvam sakyamuni ramme kapilavatthave
gajjasi dhammameghena bharato parimuccaham.
|8.513| Sunnatam animittanca athapanihitampi 2- ca
caturo ca phale sabbe dhammam 3- vijati tampiham.
Dutiyabhanavaram.
|8.514| Aparimeyyam upadaya patthemi tava sasanam
so me attho anuppatto santipadam anuttaram.
|8.515| Vinaye paramim patto yathapi pathiko isi
na me samasamo atthi dharemi sasanam aham.
|8.516| Vinaye khandhake capi tikacchedeva pancake
ettha me vimati natthi akkhare byanjanepi va.
|8.517| Niggahe patikamme ca thanathane ca kovido
osarane vutthapane sabbattha paramim gato.
|8.518| Vinaye khandhake capi 4- nikkhipitva padam aham
ubhato 5- vibhange ceva rasato osareyyaham.
@Footnote: 1 Po. gajjito. 2 Ma. Yu. tathappanihitampi ca. 3 Ma. dhammevam vijanayim aham.
@Yu. ... vijatayaham. 4 Ma. vapi. 5 Ma. Yu. ubhato vinivethetva.
|8.519| Niruttiya ca kusalo 1- atthanatthe ca kovido
anannatam maya natthi ekaggo satthu sasane.
|8.520| Rupadakkho aham ajja sakyaputtassa sasane
kankham sabbam vinodemi chindami sabbasamsayam.
|8.521| Padam anupadancapi akkharancapi byanjanam
nidane pariyosane sabbattha kovido aham.
|8.522| Yathapi raja balava nihanitva 2- parantape
vijinitvana sangamam nagaram tattha mapaye.
|8.523| Pakaram parikkhancapi esikam dvarakotthakam
attalake ca vividhe karaye nagare bahu.
|8.524| Simghatakam paccuranca 3- suvibhattantarapanam
karapeyya 4- sabham tattha atthanatthavinicchayam.
|8.525| Nigghatattham amittanam chiddachiddanca janitum
balakayassa rakkhaya senamaccam 5- thapeti so.
|8.526| Arakkhatthaya bhandassa nidhanakusalam naram
ma me bhandam vinassiti bhandarakkham thapeti so.
|8.527| Samaggo 6- hoti so 7- ranno vuddhim yassa ca icchati
tassadhikaranam deti mittassa patipajjitum.
|8.528| Uppadesu 8- nimittesu lakkhanesu ca kovidam
ajjhayakam mantadharam porohicce thapeti so.
@Footnote: 1 Ma. sukusalo. 2 Ma. Yu. nigganhitva. 3 Ma. Yu. simghatakam caccaranca.
@4 Ma. Yu. karayeyya. 5 Ma. Yu. senapaccam. 6 Po. samatto. Ma. mamatto.
@Yu. samako. 7 Po. Ma. Yu. yo. 8 Po. Ma. uppatesu.
|8.529| Etehangehi sampanno khattiyoti pavuccati
sada rakkhanti rajanam cakkavakova dukkhinam 1-.
|8.530| Tatheva tvam mahavira hatamittova khattiyo
sadevakassa lokassa dhammarajati vuccati.
|8.531| Titthiye niharitvana 2- marancapi sasenakam
tamandhakaram vidhamsetva 3- dhammanagaram amapayi.
|8.532| Silam pakarikam tattha nanante dvarakotthakam
saddha te esika dhira dvarapalo ca samvaro.
|8.533| Satipatthanamattalam panna te caccaram mune
iddhipadanca singhatam dhammavithi 4- sumapitam 5-.
|8.534| Suttantam abhidhammanca vinayam capi kevalam
navangam buddhavacanam esa dhammasabha tava.
|8.535| Sunnatam animittanca viharancapanihitam
anejo ca nirodho ca esa dhammakuti tava.
|8.536| Pannaya aggo nikkhitto patibhane ca kovido
sariputtoti namena dhammasenapati tava.
|8.537| Cutupapatakusalo iddhiya paramim gato
kolito nama namena porohicco tava 6- mune.
|8.538| Poranakavamsadharo uggatejo durasado
dhutavadigune aggo akkhadasso tava mune.
@Footnote: 1 Ma. Yu. dukkhitam. 2 Ma. nihanitvana. 3 Ma. Yu. vidhamitva. 4 Yu. dhammavithim.
@5 Ma. sumapita. 6 Po. tuvam.. Ma. tvam. ito param idisameva.
|8.539| Bahussuto dhammadharo sabbapathi ca sasane
anando nama namena dhammarakkho tava mune.
|8.540| Ete sabbe atikkamma mahesi bhagava mama
vinicchayam me padasi vinaye vinnudesitam.
|8.541| Yo koci vinaye panham pucchati buddhasavako
tattha me cintana natthi tannevattham kathemaham.
|8.542| Yavata buddhakhettamhi thapetva ca 1- mahamunim
vinaye madiso natthi kuto bhiyyo bhavissati.
|8.543| Bhikkhusanghe nisiditva evam gajjati gotamo
upalissa samo natthi vinaye khandhakesu ca.
|8.544| Yavata buddhabhanitam navangam satthusasanam
vinaye 2- kathitam sabbam vinayamulapassino.
|8.545| Mama kammam saritvana gotamo sakyapungavo
bhikkhusanghe nisiditva etadagge thapesi mam.
|8.546| Satasahassam upadaya imam thanam apatthayim
so me attho anuppatto vinaye paramim gato.
|8.547| Sakyanam nandijanako 3- kappako asiham pure
vijahitvana tam jatim putto jato mahesino.
|8.548| Ito dutiyake kappe anjaso nama khattiyo
anantatejo amitayaso bhumipalo mahaddhano.
@Footnote: 1 Ma. Yu. tam mahamuni. 2 Ma. Yu. vinayogadham tam sabbam. 3 Ma. Yu. nandijanano.
|8.549| Tassa ranno aham putto candano nama khattiyo
jatimadena patthaddho yasobhogamadena ca.
|8.550| Nagasatasahassani sabbalankarabhusita
tidha pabhinna matanga parivarenti mam sada.
|8.551| Sabalehi paretoham uyyanam gantukamako
aruyha sirikam nagam nagara nikkhamim tada.
|8.552| Caranena ca sampanno guttadvaro susamvuto
devalo nama sambuddho agacchi purato mamam.
|8.553| Pesetva sirikam nagam buddham asadayim tada
tato sanjatakopova 1- nago nuddharako 2- padam.
|8.554| Nagam runnamanam 3- disva buddhe kopam akasaham
vihethayitva sambuddham uyyanam agamasaham.
|8.555| Satam tattha na vindami siro pajjalito yatha
parilahena dayhami macchova balisadako.
|8.556| Sasagaranta pathavi aditta viya hoti me
pitu santikupagamma idam vacanamabravim.
|8.557| Asivisamva kupitam aggikkhandhamva agatam
mattamva kunjaram dantim yam sayambhum asadayim.
|8.558| Asadito maya buddho ghoro uggatapo jino
pura sabbe vinassama khamapessama tam munim.
@Footnote: 1 Ma. Yu. sanjatakopo so. 2 Ma. Yu. nuddharate. 3 Yu. dutthamanam.
|8.559| No ce tam nijjhapessama attadantam samahitam
orena 1- sattame divase ratthamme vidhamissati.
|8.560| Sumekhalo kosiyo ca siggavo capi sattako
asadayitva isayo duggata te sasenaka.
|8.561| Yada kuppanti isayo sannata brahmacarino
sadevakam vinasenti sasagaram sapabbatam.
|8.562| Tiyojanasahassamhi purise sannipatayim
accayam desanatthaya sayambhum upasankamim.
|8.563| Allavattha allasira sabbeva panjalikata
buddhassa pade nipatitva idam vacanamabravum.
|8.564| Khamassu tvam mahavira abhiyacati tam jano
parilaham vinodehi ma ca 2- rattham vinasaye.
|8.565| Sadevamanusa sabbe sadanava sarakkhasa
ayomayena kutena siram bhindeyyu me sada.
|8.566| Udake aggi na santhati vijam sele na ruhati
agade kimi na santhati kopo buddhe na jayati.
|8.567| Yatha ca bhumi acala appameyyo ca sagaro
anantako ca akaso evam buddha 3- akhobhiya.
|8.568| Attadanta 4- mahavira khamita ca tapassino
khantanam khamitanam ca gamanam vo 5- na vijjati.
@Footnote: 1 Ma. orena sattadivasa. 2 Ma. no. 3 Yu. buddho akhobhiyo.
@4 Ma. Yu. sada khanta. 5 Po. te. Ma. tam.
|8.569| Idam vatvana sambuddho parilaham vinodayi 1-
mahajanassa purato nabham abbhuggami tada.
|8.570| Tena kammenaham vira 2- hinattam ajjhupagato
samatikkamma tam jatim pavisim abhayam puram.
|8.571| Tadapi mam mahavira dayhamanam susanthitam 3-
parilaham vinodesi sayambhum ca khamapayim.
|8.572| Ajjapi mam mahavira dayhamanam tihaggibhi
nibbapesi tayo aggi sitibhavanca papayim.
|8.573| Yesam 4- sotavadhanatthi sunatha mama bhasato
attham tuyham pavakkhami yathadittham padam mamam.
|8.574| Sayambhum tam vimanetva santacittam samahitam
tena kanmenaham ajja jatomhi nicayoniyam.
|8.575| Ma vo khanam viradhetha khanatita hi socare
sadatthe vayameyyatha khano vo patipadito.
|8.576| Ekaccananca vamanam ekaccanam virecanam
visam halahalam eke 5- ekaccananca osatham.
|8.577| Vamanam patipannanam phalatthanam virecanam
osatham phalalabhinam punnakkhettam gavesinam.
|8.578| Sasanena viruddhanam visam halahalam yatha
asiviso dutthaviso 6- ekam 7- jhapeti tam naram.
@Footnote: 1 Ma. vinodayam. 2 Yu. dhira. 3 Po. sukhe thitam. 4 Po. samsare sassata natthi.
@5 Yu. ete. 6 Ma. ditthaviso. Yu. datthaviso. 7 Po. Ma. Yu. evam.
|8.579| Sakim pitam halahalam uparuddheti jivitam
sasanena virujjhitva kappakotimhi dayhati.
|8.580| Khantiya avihimsaya mettacittavataya ca
sadevakam so tarati tasma te 1- avirodhiya 2-.
|8.581| Labhalabhe na sajjanti sammanane vimanane
pathavisadisa buddha tasma te na virodhiya 3-.
|8.582| Devadatte ca vadhake core cangulimalake
rahule dhanapale ca sabbesam samako muni.
|8.583| Etesam patigham natthi ragomesam na vijjati
sabbesam samako buddho vadhakassorasassa ca.
|8.584| Panthe disvana kasavam chadditam milhamakkhitam
sirasa 4- anjalim katva vanditabbam isiddhajam.
|8.585| Abbhatita ca ye buddha vattamana anagata
dhajenanena sujjhanti tasma ete namassiya.
|8.586| Satthukappam suvinayam dharemi hadayenaham
namassamano vinayam viharissami sabbada.
|8.587| Vinayo asayo mayham vinayo thanacankamam
kappemi vinaye vasam vinayo mayha gocaro.
|8.588| Vinaye paramippatto samathe capi kovido
upali tam mahavira pade vandati satthuno.
@Footnote: 1 Yu. vo. 2-3 Ma. aviradhiya. 4 Ma. sirasmim.
|8.589| So aham vicarissami gama gamam pura puram
namassamano sambuddham dhammassa ca sudhammatam.
|8.590| Kilesa jhapita mayham bhava sabbe samuhata
sabbasava parikkhina natthi dani punabbhavo.
|8.591| Svagatam vata me asi buddhasetthassa santike
tisso vijja anuppatta katam buddhassa sasanam.
|8.592| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma upali thero ima gathayo
abhasitthati.
Upalittherassa apadanam samattam.
Navamam annakondannattherapadanam (7)
[9] |9.593| Padumuttarasambuddham lokajettham vinayakam
buddhabhumim anuppattam pathamam addasam aham.
|9.594| Yavata bodhiya mule yakkha sabbe samagata
sambuddham parivaretva vandanti panjalikata.
|9.595| Sabbe deva tutthamana akase sancaranti te
buddho ayam anuppatto andhakaratamonudo.
|9.596| Tesam hasaparetanam mahanado avattatha
kilese jhapayissama sammasambuddhasasane.
|9.597| Devanam giramannaya vacaya 1- samudiritam
hattho hatthena cittena adibhikkhamadasaham.
|9.598| Mama sankappamannaya sattha loke anuttaro
devasanghe nisiditva ima gatha abhasatha.
|9.599| Sattaham abhinikkhamma bodhim ajjhagamam aham
idam me pathamam bhattam brahmacarissa yapanam.
|9.600| Tusitahi idhagantva yo me bhikkham upanayi
tamaham kittayissami sunatha mama bhasato.
|9.601| Timsamatte 2- kappasahasse devarajjam karissati
sabbe deve abhibhotva tidivam avasissati.
|9.602| Devaloka cavitvana manussattam gamissati
sahassadha 3- cakkavatti tattha rajjam karissati.
|9.603| Kappasatasahassamhi okkakakulasambhavo
gotamo nama gottena sattha loke bhavissati.
|9.604| Tidasa so cavitvana manussattam gamissati
agara pabbajitvana chabbassani vasissati.
|9.605| Tato sattamake vasse buddho saccam kathessati
kondanno nama namena pathamam sacchikahiti.
@Footnote: 1 Ma. Yu. vacasabhimudiritam. 2 Ma. timsakappasahassani. 3 Yu. sahassamva.
|9.606| Nikkhantenanupabbajjim padhanam sukatam maya
kilese jhapanatthaya pabbajim anagariyam.
|9.607| Adhigantvana sabbannu buddho loke sadevake
imina 1- me maharannam 2- amatabherimahani.
|9.608| Sodani patto amatam santam 3- padamanuttaram
sabbasave parinnaya viharami anasavo.
|9.609| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma annakondanno 4- thero ima gathayo
abhasitthati.
Annakondannattherassa apadanam samattam.
Dasamam pindolabharadvajattherapadanam (8)
[10] |10.610| Padumuttaro nama jino sayambhu aggapuggalo
purato himavantassa cittakute vasi tada.
|10.611| Abhitarupo tatthasim migaraja catukkamo
yassa 5- saddam sunitvana vikkhambhanti bahu jana.
|10.612| Suphullam padumam gayha upaganchim narasabham
vutthitassa samadhimha buddhassa abhiropayim.
@Footnote: 1 Ma. isiname migaranne. 2 Yu. migaranne. 3 Ma. santipadamanuttaram.
@4 Po. annatakondanno. Ma. annasikondanno. 5 Ma. tassa.
|10.613| Catuddisam namassitva buddhasettham naruttamam
sakam cittam pasadetva sihanadam nadim tada 1-.
|10.614| Padumuttaro lokavidu ahutinam patiggaho
sakasane nisiditva ima gatha abhasatha.
|10.615| Buddhassa giramannaya sabbe deva samagata
agato vadatam settho dhammam sossama tam mayam.
|10.616| Tesam hasaparetanam purato lokanayako
mama saddam pakittesi dighadassi mahamuni.
|10.617| Yenidam padumam dinnam sihanado ca nadito
tamaham kittayissami sunatha mama bhasato.
|10.618| Ito atthamake kappe cakkavatti bhavissati
sattaratanasampanno catudipamhi issaro.
|10.619| Karayissati issaram 2- mahiya catusatthiya
padumo nama namena cakkavatti mahabalo.
|10.620| Kappasatasahassamhi okkakakulasambhavo
gotamo nama gottena sattha loke bhavissati.
|10.621| Pakasite pavacane brahmabandhu bhavissati
brahmanna abhinikkhamma pabbajissati tavade.
|10.622| Padhanam pahitatto so upasanto nirupadhi
sabbasave parinnaya nibbayissatinasavo.
@Footnote: 1 Ma. aham. Yu. adasaham. 2 Po. Ma. issariyam.
|10.623| Vijjane 1- pantaseyyamhi valamigasamakule
sabbasave parinnaya nibbayissatinasavo.
|10.624| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma pindolabharadvajo thero ima gathayo
abhasitthati.
Pindolabharadvajattherassa apadanam samattam.
Ekadasamam khadiravaniyarevatattherapadanam (9)
[11] |11.625| Ganga bhagirasi 2- nama himavanta pabhavita
kutitthe naviko asim orimam 3- ca tare aham.
|11.626| Padumuttaranayako sambuddho dipaduttamo
visasatasahassehi gangasotam 4- tarissati.
|11.627| Bahu nava samanetva vaddhakihi susankhatam
navaya chadanam katva patimanim narasabham.
|11.628| Agantvana ca sambuddho aruyhi 5- navalanjakam
varimajjhe thito sattha ima gatha abhasatha.
|11.629| Yo so taresi sambuddham sangham capi anasavam
tena cittappasadena devaloke ramissati.
|11.630| Nibbattissati te byamham sukatam navasanthitam
akase pupphachadanam dharayissati sabbada.
@Footnote: 1 Ma. vijane. Yu. vipine. 2 Ma. bhagirathi. 3 Ma. Yu. orime ca tarim aham.
@4 Ma. gangatiramupagato. 5 Ma. aruhi tancanavakam.
|11.631| Atthapannasakappamhi tarano 1- nama khattiyo
caturanto vijitavi cakkavatti bhavissati.
|11.632| Sattapannasakappamhi cambako nama khattiyo
uggacchantova suriyo jotissati mahabalo.
|11.633| Kappasatasahassamhi okkakakulasambhavo
gotamo nama gottena sattha loke bhavissati.
|11.634| Tidasava 2- cavitvana manussattam gamissati
revato nama namena brahmabandhu bhavissati.
|11.635| Agara nikkhamitvana sukkamulena codito
gotamassa bhagavato sasane pabbajissati.
|11.636| So paccha pabbajitvana yuttayogo vipassako
sabbasave parinnaya nibbayissatyanasavo.
|11.637| Viriyam me dhuradhorayham yogakkhemadhivahanam
dharemi antimam deham sammasambuddhasasane.
|11.638| Patisambhida catasso [3]- vimokkhapica atthime
chalabhinna sacchikata katam buddhassa sasananti.
Ittham sudam ayasma khadiravaniyo revatatthero ima gathayo
abhasitthati.
Khadiravaniyarevatattherassa apadanam samattam.
@Footnote: 1 Ma. tarako nama. 2 Ma. Yu. tidasa so.
@3 Ma. satasahasse katam kammam phalam dassesi me idha
@ sumutto saravegova kilese jhapayi mama
@ tatomam vananiratam disva lokantagu muni
@ vanavasi bhikkhunaggam pannapesi mahamati.
Dvadasamam anandattherapadanam (10)
[12] |12.639| Aramadvara nikkhamma padumuttaro mahamuni
vassanto amatavutthim nibbapesi mahajanam.
|12.640| Satasahassa 1- te dhira chalabhinna mahiddhika
parivarenti sambuddham chayava anupayini.
|12.641| Hatthikkhandhagato asim setacchattam varuttamam
sutanurupam 2- disvana piti me upapajjatha.
|12.642| Oruyha hatthikkhandhamha upaganchim narasabham
ratanamayam chattam me buddhasetthassa dharayim.
|12.643| Mama sankappamannaya padumuttaro mahaisi
tam katham thapayitvana ima gatha abhasatha.
|12.644| Yo so chattam adharayi sonnalankarabhusitam
tamaham kittayissami sunatha mama bhasato.
|12.645| Ito gantva ayam poso tusitam avasissati
anubhossati sampattim accharahi purakkhato.
|12.646| Catuttimsatikkhattum ca devarajjam karissati
naradhipo 3- atthasatam vasudham avasissati.
|12.647| Atthapannasakkhattum ca cakkavatti bhavissati
padesarajjam vipulam mahiya karayissati.
@Footnote: 1 Ma. satasahassam. 2 Ma. Yu. sucarurupam. 3 Ma. Yu. baladhipo.
|12.648| Kappasatasahassamhi okkakakulasambhavo
gotamo nama gottena sattha loke bhavissati.
|12.649| Sakyanam kulaketussa natibandhu bhavissati
anando nama namena upatthako mahesino.
|12.650| Atapi nipako capi bahusaccesu kovido
nivatavutti atthaddho sabbapathi bhavissati.
|12.651| Padhanam pahitatto so upasanto nirupadhi
sabbasave parinnaya nibbayissatyanasavo.
|12.652| Santi arannaka naga kunjara satthihayana
tidhappabhinna matanga isadanta urulhava.
|12.653| Anekasatasahassa panditapi mahiddhika
sabbe te buddhanagassa na honti 1- parivimbhita.
|12.654| Adiyame namassami majjhime atha pacchime
pasannacitto sumano buddhasettham upatthahim.
|12.655| Atapi nipako capi sampajano patissato
sotapattiphalam patto sekhabhumisu kovido.
|12.656| Kappeto satasahasse yam kammamabhiniharim
taham bhumim anuppatto thita 2- saddha mahapphala.
|12.657| Svagatam vata me asi buddhasetthassa santike
tisso vijja anuppatta katam buddhassa sasanam.
@Footnote: 1 Ma. na hontu. 2 Ma. thita saddhammamacala. Yu. thito sangamamacalo.
|12.658| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma anando thero ima gathayo
abhasitthati.
Anandattherassa apadanam samattam.
Uddanam
buddho paccekasambuddho sariputto ca kolito
kassapo anuruddho ca punnatthero upali ca.
Kondanno capi pindolo revatonandapandito
cha satani ca pannasa gathayo sabbapindita.
Apadane buddhavaggo pathamo.
-------------
Dutiyo sihasaniyavaggo
pathamam sihasanadayakattherapadanam (11)
[13] |13.1| Nibbute lokanathamhi siddhatthe dipaduttame
vittharite pavacane bahujannamhi sasane.
|13.2| Pasannacitto sumano sihasanamakasaham
sihasanam karitvana padapithamakasaham.
|13.3| Sihasane ca vassante gharam tattha akasaham
tena cittappasadena tusitam upapajjaham.
|13.4| Ayamena catubbisa 1- yojanasimsu 2- tavade
vimanam sukatam mayham vittharena catuddasam.
|13.5| Satta kannasahassani parivarenti mam sada
sonnamayanca pallankam byamhe asi sunimmitam.
|13.6| Hatthiyanam assayanam dibbayanam upatthitam
pasada sivika ceva nibbattanti yadicchakam.
|13.7| Manimaya ca pallanka anne saramaya bahu
nibbattanti mamam sabbe sihasanassidam phalam.
|13.8| Sonnamaya rupimaya phalika veluriyamaya
paduka abhiruyhami padapithassidam phalam.
|13.9| Catunavute ito kappe yam kammamakarim tada
duggatim nabhijanami punnakammassidam phalam.
|13.10| Tesattati ito kappe indanama tayo jana
dvesattati ito kappe tayo sumananamaka.
|13.11| Samasattatito kappe tayo varunanamaka
sattaratanasampanna catudipamhi issara.
|13.12| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma sihasanadayako thero ima gathayo
abhasitthati.
Sihasanadayakattherassa apadanam samattam.
@Footnote: 1 Ma. catubbisa. 2 Ma. yojanam asi tavade.
Dutiyam ekatthambhikattherapadanam (12)
[14] |14.13| Siddhatthassa bhagavato mahapugagano 1- ahu
saranam gata ca te buddham saddahanti tathagatam.
|14.14| Sabbe sangamma mantetva malam kubbanti satthuno
ekatthambham alabhanta vicinanti brahavane.
|14.15| Teham aranne disvana upagamma ganam tada
anjalim paggahetvana paripucchim ganam aham.
|14.16| Te me puttha viyakamsu silavanto upasaka
malam mayam kattukama ekatthambho na labbhati.
|14.17| Ekatthambham mamam detha aham dassami satthuno
aharissamaham thambham appossukka bhavantu te.
|14.18| Te me thambham pavecchimsu pasanna tutthamanasa
tato patinivattitva agamamsu sakam gharam.
|14.19| Aciram gate pugagane 2- thambham adasaham 3- tada
hattho hatthena cittena pathamam ussapesaham.
|14.20| Tena cittappasadena vimanam upapajjaham
ubbiddham bhavanam mayham sattabhumam samuggatam.
|14.21| Vajjamanasu bherisu paricaremaham sada
pancapannasakappamhi raja asim yasodharo.
@Footnote: 1-2 Ma. Yu. mahapugagano - gane. 3 Po. Ma. ahasaham.
|14.22| Tatthapi bhavanam mayham sattabhumam samuggatam
kutagaravarupetam ekatthambham manoramam.
|14.23| Ekavisatikappamhi udeno nama khattiyo
tatrapi bhavanam mayham sattabhumam sulankatam.
|14.24| Yam yam yonupapajjami devattam atha manusam
anubhomi sabbametam 1- ekatthambhassidam phalam.
|14.25| Catunavute ito kappe yam thambhamadadim 2- tada
duggatim nabhijanami ekatthambhassidam phalam.
|14.26| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma ekatthambhiko thero ima gathayo
abhasitthati.
Ekatthambhikattherassa apadanam samattam.
Tatiyam nandattherapadanam (13)
[15] |15.27| Padumuttarassa bhagavato lokajetthassa tadino
vattham khomam maya dinnam sayambhussa mahesino.
|15.28| Tamme buddho viyakasi jalajuttamanayako
imina vatthadanena hemavanno bhavissasi.
@Footnote: 1 Ma. sukham sabbam. 2 Ma. thambhamadadam.
|15.29| Dvesampattim anubhotva sukkamulena codito
gotamassa bhagavato kanittho tvam bhavissasi.
|15.30| Ragaratto sukhasilo kamesu gedhamayuto
buddhena codito santo tato 1- tvam pabbajissasi.
|15.31| Pabbajitvana tvam tattha kusalamulena codito
sabbasave parinnaya nibbayissatyanasavo.
|15.32| Satakappasahassamhi caturo celanamaka
satthikappasahassamhi upacela catujjana.
|15.33| Pancakappasahassamhi celava caturo jana
sattaratanasampanna catudipamhi issara.
|15.34| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma nando thero ima gathayo
abhasitthati.
Nandattherassa apadanam samattam.
Catuttham cullapanthakattherapadanam (14)
[16] |16.35| Padumuttaro nama jino ahutinam patiggaho
ganamha vupakattho so himavante vasi tada.
@Footnote: 1 Ma. tada.
|16.36| Ahampi himavantamhi vasami assame tada
aciragatam mahaviram upesim lokanayakam.
|16.37| Pupphacchattam gahetvana upaganchim narasabham
samadhim samapajjantam antarayamakasaham.
|16.38| Ubhohatthehi paggayha pupphacchattam adasaham
patiggahesi bhagava padumuttaro mahamuni.
|16.39| Sabbe deva attamana himavantam upenti te
sadhukaram pavattimsu anumodissati cakkhuma.
|16.40| Idam vatvana te deva upaganchum naruttamam
akase dharayantassa padumam chattamuttamam.
|16.41| Sattapattachattam 1- paggayha adasi tapaso mama
tamaham kittayissami sunatha mama bhasato.
|16.42| Pancavisatikappani devarajjam karissati
catuttimsatikkhattunca cakkavatti bhavissati.
|16.43| Yam yam yonim samsarati devattam atha manusam
abbhokase patitthantam padumam dharayissati.
|16.44| Kappasatasahassamhi okkakakulasambhavo
gotamo nama gottena sattha loke bhavissati.
|16.45| Pakasite pavacane manussattam labhissati
manomayamhi kayamhi uttamo so bhavissati.
@Footnote: 1 Yu. padumachattam.
|16.46| Dve bhataro bhavissanti ubhopi panthakavhaya 1-
anubhotva uttamattham jotayissanti sasanam.
|16.47| So attharasavassoham pabbajim anagariyam
visesaham na vindami sakyaputtassa sasane.
|16.48| Dandha mayham gati asi paribhuto pure aham 2-
bhata ca mam panamesi gaccha dani sakam gharam.
|16.49| Soham panamito santo sangharamassa kotthake
dummano tattha atthasim samannasmim apekkhava.
|16.50| Athettha 3- sattha agacchi sisam mayham paramasi
bahaya mam gahetvana sangharamam pavesayi.
|16.51| Anukampaya me sattha adasi padapunchanim
evam suddham adhitthehi ekamantam adhitthitam.
|16.52| Hatthehi tamaham gayha sarim kokanadam aham
tattha cittam vimucci me arahattam apapunim.
|16.53| Manomayesu kayesu sabbattha paramim gato
sabbasave parinnaya viharami anasavo.
|16.54| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma cullapanthako thero ima gathayo
abhasitthati.
Cullapanthakattherassa apadanam samattam.
@Footnote: 1 Po. Yu. panthasvahaya. 2 Ma. ahum. 3 Ma. bhagava tattha agacchi.
Pancamam pilindavacchattherapadanam (15)
[17] |17.55| Nibbute lokanathamhi sumedhe aggapuggale
pasannacitto sumano thupapujam akasaham.
|17.56| Ye ca khinasava tattha chalabhinna mahiddhika
teham tattha samanetva sanghabhattamakasaham.
|17.57| Sumedhassa bhagavato upatthako tada ahu
sumedho nama namena anumodittha so tada.
|17.58| Tena cittappasadena vimanam upapajjaham
chalasitisahassani accharayo ahesu 1- me.
|17.59| Mameva anuvattanti sabbakamehi 2- ta sada
anne deve abhibhomi punnakammassidam phalam.
|17.60| Pancavisatikappamhi varuno nama khattiyo
visuddhabhojano asim cakkavatti aham tada.
|17.61| Na te bijam pavappanti napi niyanti nangala
akatthapakimam salim paribhunjanti manusa.
|17.62| Tattha rajjam karitvana devattam puna ganchaham 3-
tadapi edisa mayham nibbatta bhogasampada.
|17.63| Na mam mitta amitta va himsanti sabbapanino
sabbesam ca piyo homi punnakammassidam phalam.
@Footnote: 1 Ma. Yu. ramimsu. 2 Po. sabbakamasamohito. 3 Yu. gacchaham.
|17.64| Timsakappasahassamhi yam danamadadim tada
duggatim nabhijanami gandhalepassidam phalam.
|17.65| Imamhi bhaddake kappe eko asim janadhipo
mahanubhavo rajisi 1- cakkavatti mahabbalo.
|17.66| Soham pancasu silesu thapetva janatam bahum
papetva sugatimyeva devatanam piyo aham.
|17.67| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma pilindavaccho thero ima gathayo
abhasitthati.
Pilindavacchattherassa apadanam samattam.
Chattham rahulattherapadanam (16)
[18] |18.68| Padumuttarassa bhagavato lokajetthassa tadino
sattabhumimhi pasade adasam santharim aham.
|18.69| Khinasavasahassehi parikinno mahamuni
upagami gandhakutim dipadindo narasabho.
|18.70| Virocayam gandhakutim devadevo narasabho
bhikkhusanghe thito sattha ima gatha abhasatha.
@Footnote: 1 Ma. rajaham.
|18.71| Yenayam jotita seyya adasova susanthato.
Tamaham kittayissami sunatha mama bhasato.
|18.72| Sonnamaya rupimaya atho veluriyamaya
nibbattissanti pasada yekeci manaso piya.
|18.73| Catusatthikkhattum devindo devarajjam karissati
sahassakkhattum cakkavatti bhavissati anantara.
|18.74| Ekavisatikappamhi vimalo nama khattiyo
caturanto vijitavi cakkavatti bhavissati.
|18.75| Nagaram renuvati nama itthakahi sumapitam
ayamato tinisatam caturassasamayutam.
|18.76| Sudassano nama pasado visukammena mapito
kutagaravarupeto sattaratanabhusito.
|18.77| Dasasaddavivittantam vijjadharasamakulam
sudassanamva nagaram devatanam bhavissati.
|18.78| Pabha niggacchate tassa uggacchanteva suriye
virocissati tam niccam samanta atthayojanam.
|18.79| Kappasatasahassamhi okkakakulasambhavo
gotamo nama namena sattha loke bhavissati.
|18.80| Tusitava cavitvana sukkamulena codito
gotamassa bhagavato atrajo so bhavissati.
|18.81| Sace vaseyya agaram cakkavatti bhaveyya so
atthanametam yam tadi agare ratimajjhaga.
|18.82| Nikkhamitva agaramha pabbajissati subbato
rahulo nama namena araha so bhavissati.
|18.83| Kikiva andam rakkheyya camaririva valadhim
nipako silasampanno mamam dakkhi 1- mahamuni.
|18.84| Tassaham dhammamannaya vihasim sasane rato
sabbasave parinnaya viharami anasavo.
|18.85| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma rahulo thero ima gathayo
abhasitthati.
Rahulattherassa apadanam samattam.
The Pali Tipitaka in Roman Character Volume 32 page 1-87.
http://84000.org/tipitaka/pali/roman_item_s.php?book=32&item=1&items=18&modeTY=2
Classified by [Item Number] :-
http://84000.org/tipitaka/pali/roman_item_s.php?book=32&item=1&items=18&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=32&item=1&items=18&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=32&item=1&items=18&modeTY=2
Study Atthakatha :-
http://84000.org/tipitaka/attha/attha.php?b=32&i=1
The Pali Atthakatha in Thai :-
http://84000.org/tipitaka/atthapali/read_th.php?B=49&A=1
The Pali Atthakatha in Roman :-
http://84000.org/tipitaka/atthapali/read_rm.php?B=49&A=1
Contents of The Tipitaka Volume 32
http://84000.org/tipitaka/read/?index_32
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
