[394] |394.212| Nagare hamsavatiya vithisami ahosaham
mama nati samanetva idam vacanamabravim.
|394.213| Buddho loke samuppanno punnakkhetto anuttaro
asi 2- so sabbalokassa ahutinam patiggaho.
|394.214| Khattiya negama ceva mahasala ca brahmana
pasannacitta sumana pugadhammam akamsu te.
@Footnote: 1 Ma. Yu. vepullajavanapanno. 2 Yu. adharo sabbalokassa.
|394.215| Hattharoha anikattha rathika pattikaraka
pasannacitta sumana pugadhammam akamsu te.
|394.216| Ugga ca rajaputta ca vesiyana ca brahmana
pasannacitta sumana pugadhammam akamsu te.
|394.217| Alarika ca suda 1- ca nhapaka malakaraka
pasannacitta sumana pugadhammam akamsu te.
|394.218| Rajaka pesakara ca tunnavaya ca nhapika
pasannacitta sumana pugadhammam akamsu te.
|394.219| Usukara bhamakara cammakara ca tacchaka
pasannacitta sumana pugadhammam akamsu te.
|394.220| Kammara sonnakara ca tipulohakara tatha
pasannacitta sumana pugadhammam akamsu te.
|394.221| Bhataka celaka 2- ceva dasakammakara bahu
yatha sakena thamena pugadhammam akamsu te.
|394.222| Udahara katthahara kasika 3- tinaharaka
yatha sakena thamena pugadhammam akamsu te.
|394.223| Pupphika malika ceva pannika phalaharaka
yatha sakena thamena pugadhammam akamsu te.
|394.224| Ganika kumbhadasi ca puvika macchikapica 4-
yatha sakena thamena pugadhammam akamsu te.
@Footnote: 1 Ma. Yu. kappaka. 2 Yu. gitaka. 3 Ma. kassaka. 4 Yu. macchakayika.
|394.225| Ete 1- sabbe samagantva ganabandhava 2- ekato
adhikaram karissama punnakkhette anuttare.
|394.226| Te me sutvana vacanam ganam bandhimsu tavade
upatthanasalam sukatam bhikkhusanghassa karayum.
|394.227| Nitthapetvana tam salam udaggo tutthamanaso
pareto tehi sabbehi sambuddham upasankamim.
|394.228| Upasankamma sambuddham lokanatham narasabham
vanditva satthuno pade idam vacanamabravim.
|394.229| Ime tinisata vira purisa ekato gana
upatthanasalam sukatam niyyadenti tava 3- muni.
|394.230| Bhikkhusanghassa purato sampaticchatu cakkhuma
tinnam satanam purato ima gatha abhasatha.
|394.231| Tisatapi ca jettho ca anuvattimsu ekato
sampatti 4- hi karitvana sabbe anubhavissatha.
|394.232| Pacchime bhavasampatte 5- sitibhavamanuttaram
ajaram amaram 6- khemam nibbanam passayissatha 7-.
|394.233| Evam buddho viyakasi sabbannutamanuttaro 8-
buddhassa vacanam sutva somanassampavedayim.
|394.234| Timsakappasahassani devaloke ramim aham
devadhipo pancasatam devarajjamakarayim.
@Footnote: 1 Ma. etha. 2 Ma. Yu. ganam bandhama. 3 Ma. Yu. tavam. 4 Ma. Yu. sampattim.
@5 Ma. Yu. bhave sampatte. 6 Ma. amatam santam. Yu. amaram santim.
@7 Ma. phassayissatha. Yu. phussayissatha. 8 Ma. Yu. sabbannu samanuttaro.
|394.235| Sahassakkhattum raja ca cakkavatti ahosaham
padesarajjam 1- vipulam gananato 2- asankhayam.
|394.236| Idha manusake rajje 3- parisa honti bandhava
pacchime bhavasampatte vasettho nama brahmano.
|394.237| Asitikotiniccayo tassa putto ahosaham
selo iti mama namam chalange paramim gato.
|394.238| Janghaviharam vicaram sasissehi purakkhato
jatabharabharitampi 4- keniyam nama tapasam.
|394.239| Patiyattahutim disva idam vacanamabravim
avaho va vivaho va raja va te nimantito.
|394.240| Ahutim yitthukamoham brahmane devasammate
na nimantemi rajanam ahuti me na vijjati.
|394.241| Na catthi mayhamavaho vivaho me na vijjati
sakyanam nandijanano settho loke sadevake.
|394.242| Sabbalokahitatthasi 5- sabbasattasukhavaho
so me nimantito ajja tassetam patiyadanam.
|394.243| Tambarusakavannabho appameyyo anupamo
rupenasadiso buddho svatanaya nimantito.
|394.244| Ukkamukhapahattho 6- ca 7- khadirangarasannibho
vijjupamo mahaviro so me natho 8- nimantito.
@Footnote: 1 Ma. Yu. devarajjam karontassa. 2 Ma. Yu. mahadeva avandisum. 3 Ma. rajjam.
@4 Ma. jatabharikabharitam. Yu. jatabharabharitam. 5 Ma. Yu. sabbalokahitatthaya.
@6 Yu. ukkamukhapahato va. 7 Ma. va. 8 Ma. Yu. buddho.
|394.245| Pabbatagge yatha aggi punnamayeva candima
nalaggivannasankaso so me buddho nimantito.
|394.246| Asambhito bhayatito bhavantakarano muni
sihupamo mahaviro so me buddho nimantito.
|394.247| Kusalo buddhadhammesu appasayho parehi so
nagupamo mahaviro so me buddho nimantito.
|394.248| Saddhammaparakusalo buddhanago asadiso
usabhupamo mahaviro so me buddho nimantito.
|394.249| Anantavanno amitayaso vicittasabbalakkhano
sakkupamo mahaviro so me buddho nimantito.
|394.250| Vasi gani patapi ca tejasi ca durasado
brahmupamo mahaviro so me buddho nimantito.
|394.251| Mahaggadhammo 1- dasabalo balatibalaparagu 2-
dharanupamo mahaviro so me buddho nimantito.
|394.252| Siladhitisamakinno dhammavinnanakhobhito
udadhupamo mahaviro so me buddho nimantito.
|394.253| Durasado duppasaho acalo uggato brahma 3-
nerupamo mahaviro so me buddho nimantito.
|394.254| Anantanano asamo 4- atulo aggatam gato
gaganupamo mahaviro so me buddho nimantito.
Pannarasamam bhanavaram.
@Footnote: 1 Ma. pattadhammo. Yu. mahantadhammo. 2 Ma. Yu. balatibalaparago.
@3 Yu. braha. 4 Ma. Yu. asamasamo.
|394.255| Patittha bhayabhitanam tano saranagaminam
assasako mahaviro so me buddho nimantito.
|394.256| Asayo buddhimantanam punnakkhettam sukhesinam
ratanakaro mahaviro so me buddho nimantito.
|394.257| Assasako devakaro samannaphaladayako
meghupamo mahaviro so me buddho nimantito.
|394.258| Loke 1- samussito viro sabbatamavinodano
suriyupamo mahaviro so me buddho nimantito.
|394.259| Arammanavimuttisu sabhavadassako muni
candupamo mahaviro so me buddho nimantito.
|394.260| Buddho samussito loke lakkhanehi alankato
appameyyo mahaviro so me buddho nimantito.
|394.261| Yassa nanam appameyyam silam yassa anupamam
vimutti asadisa yassa so me buddho nimantito.
|394.262| Yassa dhiti asadisa thamo yassa acintiyo
yassa parakkamo settho so me buddho nimantito.
|394.263| Rago doso ca moho ca visa sabbe samuhata
agadupamo 2- mahaviro so me buddho nimantito.
|394.264| Kilesabyadhi bahudukkha osathiva 3- vinodako
vijjupamo 4- mahaviro so me buddho nimantito.
@Footnote: 1 Ma. lokacakkhu mahatejo. 2 Yu. agarupamo. 3 Ma. sabbatamavinodano.
@Yu. sabbantamavinodako. 4 Ma. vejjupamo.
|394.265| Buddhoti ghosam 1- vadesi ghoso me so sudullabho
buddhoti 2- ghosanam sutva piti me upapajjatha.
|394.266| Abbhantaram aganhantam piti me bahi nicchare
soham pitimano santo idam vacanamabravim.
|394.267| Kaham nu kho so bhagava lokajettho narasabho
tattha gantva namassissam samannaphaladayakam.
|394.268| Paggayha dakkhinam bahum vedajato katanjali
acikkha 3- me dhammarajam sokasallavinodanam.
|394.269| Udentamva mahamegham nilam anjanasannibham
sagaram viya dissantam passasetam mahavanam.
|394.270| Ettha so vasate buddho adantadamako muni
vinayanto ca veneyye bodhento bodhipakkhiye.
|394.271| Pipasitova udakam bhojanamva jigacchato 4-
gavi yatha vacchagiddha evaham vicinim jinam.
|394.272| Acaraupacarannu dhammanucchavisamvaram
sikkhapesim sake sisse gacchante 5- jinasantikam.
|394.273| Durasada bhagavanto sihava ekacarino
pade padam nikkhipanta agaccheyyatha manava.
|394.274| Asiviso yatha ghoro migarajava kesari
mattova kunjaro danto 6- evam buddha durasada.
@Footnote: 1 Ma. Yu. bho yam. 2 Ma. Yu. buddho buddhoti sutvana. 3 Ma. acikkhi.
@4 Ma. Yu. jigacchito. 5 Yu. gacchanto. 6 Ma. Yu. danti.
|394.275| Ukkasitanca khipitam ajjhupekkhaya manava
pade padam nikkhipanta upetha buddhasantikam.
|394.276| Patisallanagaruka appasadda durasada
durupasankama buddha garu honti sadevake.
|394.277| Yamaham 1- panham pucchami patisammodayami 2- va
appasadda tada hotha munibhutava titthatha.
|394.278| Yam so desesi saddhammam 3- khemam nibbanapattiya
tamevattham nisametha saddhammassavanam subham.
|394.279| Upasankamma sambuddham sammodim munina aham
tam katham vitisaretva lakkhane upadharayim.
|394.280| Lakkhane dve na dakkhami 4- passami timsalakkhane
kosohitavatthum 5- guyham iddhiya dassayi muni.
|394.281| Jivham ninnamayitva ca 6- kannasote ca nasike
patimassa 7- nalatantam kevalam chadayi jino.
|394.282| Tassaham lakkhane disva paripunne sabyanjane
buddhoti nittham gantvana saha sissehi pabbajim.
|394.283| Satehi tihi sahito pabbajim anagariyam
addhamase asampatte sabbe pattamha nibbutim.
|394.284| Ekato kammam katvana punnakkhette anuttare
ekato samsaritvana ekato vinivattayum.
@Footnote: 1 Ma. yadaham. Yu. yavaham. 2 Yu. patisammodiyami va. 3 Ma. sambuddho.
@4 Ma. ca kankhami. Yu. va kankhami. 5 Ma. Yu. kosohitavatthaguyham.
@6 Ma. ninnamayitvana. 7 Ma. patimasi.
|394.285| Gopanasiyo datvana pugadhamme vasim aham
tena kammena sukatena attha hetu labhamaham.
|394.286| Disasu pujito homi bhoga ca amita mama
patittha homi sabbesam taso mama na vijjati.
|394.287| Byadhayo 1- me na vijjanti dighayum palayami ca
sukhumacchaviko homi avase pattite vasse 2-.
|394.288| Attha gopanasi datva pugadhamme vasim aham
patisambhida arahattanca etam me aparatthamam.
|394.289| Sabbavositavosano katakicco anasavo
atthagopanasi nama tava putto mahamuni
|394.290| panca thambhani datvana pugadhamme vasim aham
tena kammena sukatena panca hetu labhamaham.
|394.291| Acalo homi mettaya anunabhogavamaham 3-
adeyyavacano homi na dhamsemi yatha aham.
|394.292| Abhantam hoti me cittam akhilo 4- homi kassaci
tena kammena sukatena vimalo homi sasane.
|394.293| Sagaravo sappatisso katakicco anasavo
savako te mahavira bhikkhu tam vandate muni.
|394.294| Katva sukatapallankam salayam pannapesaham
tena kammena sukatena panca hetu labhamaham.
@Footnote: 1 Yu. byadhiyo. 2 Ma. Yu. vase. 3 Ma. anunango bhavamaham. 4 Yu. acalo.
|394.295| Ucce kule pajayami 1- mahabhogo bhavamaham
sabbasampattiko homi maccheram me na vijjati.
|394.296| Gamane patthite mayham pallanko upatitthati
saha pallankasetthena gacchami mama patthitam.
|394.297| Tena pallankadanena tamam sabbam vinodayim
sabbabhinnabalappatto thero vandati tam mune 2-.
|394.298| Parakiccattakiccani sabbakiccani sadhayim
tena kammena sukatena pavisim abhayam puram.
|394.299| Parinitthitasalasmim paribhogamadasaham
tena kammena sukatena setthattam ajjhupagato.
|394.300| Yekeci damaka loke hatthiasse damenti te 3-
karetva 4- karana nana darunena damenti te.
|394.301| Naheva 5- tvam mahavira damesi naranariyo
adandena asatthena damesi uttame dame.
|394.302| Danassa vanne kittento desanakusalo muni
ekapanham kathento ca 6- bodhesi tisate muni.
|394.303| Danta mayam sarathina suvimutta anasava
sabbabhinnabalappatta nibbuta upadhikkhaye.
|394.304| Satasahasse ito kappe yam danamadadintada
atikkanta bhaya sabbe saladanassidam phalam.
@Footnote: 1 Ma. pajayitva. 2 Ma. Yu. muni. 3 Ma. ye. Yu. me.
@4 Ma. karitva. Yu. karetva. 5 Ma. nahevam. 6 Ma. Yu. va.
|394.305| Svagatam vata me asi mama buddhassa santike
tisso vijja anuppatta katam buddhassa sasanam.
|394.306| Kilesa jhapita mayham bhava sabbe samuhata
nagova bandhanam chetva viharami anasavo.
|394.307| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma selo sapariso bhagavato santike ima
gathayo abhasitthati.
Selattherassa apadanam samattam.
Tatiyam sabbakittikattherapadanam (393)
[395] |395.308| Kanikaramva jalitam diparukkhamva jotitam 1-
osadhimva virocantam vijjuva gagane yatha.
|395.309| Asambhitam anutrasim migarajamva kesarim
nanalokam pakasentam maddantam titthiye gane.
|395.310| Uddharantam imam lokam chindantam sabbasamsayam
asambhitam 2- migarajamva addasam lokanayakam.
|395.311| Jatajinadharo asim brahma 3- uju patapava
vakaciram gahetvana padamule apattharim.
|395.312| Kalanusariyam gayha anulimpim tathagatam
sambuddham upalimpitva santhavim lokanayakam.
@Footnote: 1 Ma. ujjalam. Ma. vijjutam ... Yu. vijjum abbhaghane. 2 Ma. gajjantam ...
@Yu. lasantam ... 3 Ma. Yu. braha.
|395.313| Samuddharasimam lokam oghatinno mahamuni
nanalokena jotesi pavaram 1- nanamuttamam.
|395.314| Dhammacakkam pavattesi maddase paratitthiye
usabho jitasangamo 2- sampakampesi medanim.
|395.315| Mahasamudde ummiva 3- velantamhi pabhijjati 4-
tatheva tava nanasmim sabbaditthi pabhijjati 5-.
|395.316| Sukhumacchikajalani 6- saramhi sampatani te
antojaligata pana pilita honti tavade.
|395.317| Tatheva titthiya loke mulha 7- saccavinissita
antonanavare tuyham parivattanti marisa.
|395.318| Patittha va vuyhatam oghe tvanhi natho abandhunam
bhayatthitanam sarano 8- muttatthinam parayano 9-.
|395.319| Ekaccaro 10- asadiso mettakarunasannuto
pannava 11- yuttacago ca vasi tadi gunalayo.
|395.320| Dhiro vigatasammoho anenjo akathamkathi
tussito 12- vantadososi nimmalo samyato suci.
|395.321| Sangatito 13- gatamado tevijjosi 14- bhavantago
simatigo dhammagaru tatattho hitavappako 15-.
@Footnote: 1 Yu. vajira ... 2 Yu. jitasangame. 3 Ma. umiyo. 4-5 Ma. Yu. pabhijjare.
@6 Ma. .. jalena. Yu. jaleva. 7 Ma. puthupasandanissita. Yu. phuta sacca ...
@8 Ma. saranam. 9 Ma. parayanam. 10 Ma. Yu. ekaviro. 11 Ma. .. sancayo. Yu.
@mettakarunadisancayo. 12 Ma. asamo susamo santo vasi tadi jitanjayo. Yu.
@susilo asamo santo vasitavijitanjayo. 13 Yu. vusito. 14 Yu. sangatigo hatamado.
@15 Ma. hitavabbhuto. Yu. hitadhammato.
|395.322| Tarako tvam yatha nava nidhivassasakarako
asambhito yatha siho gajarajava dammito.
|395.323| Thometva dasagathahi padumuttaram mahamunim 1-
vanditva satthuno pade tunhi atthasaham tada.
|395.324| Padumuttaro lokavidu ahutinam patiggaho
bhikkhusanghe thito sattha ima gatha abhasatha.
|395.325| Yo me silanca pannanca 2- dhammancapi 3- pakittayi
tamaham kittayissami sunatha mama bhasato.
|395.326| Satthi kappasahassani devaloke ramissati
anne deve abhibhavitva issaram karayissati.
|395.327| So paccha pabbajitvana sukkamulena codito
gotamassa bhagavato sasane pabbajissati.
|395.328| Pabbajitvana kayena papakammam vivajjiya
sabbasave parinnaya nibbayissatinasavo.
|395.329| Yatha ca 4- megho thanayam tappeti medanim imam
tatheva tvam mahavira dhammena tappayi mamam.
|395.330| Silam pannanca dhammanca thavitva lokanayakam
pattomhi paramam santam nibbanam padamaccutam.
|395.331| Aho nuna sa bhagava ciram tittheyya cakkhuma
annatanca vijaneyyam passeyyam amatam padam.
@Footnote: 1 Ma. Yu. mahayasam. 2 Ma. Yu. nananca. 3 Ma. saddhammancapi vannayi.
@4 Ma. Yu. yathapi.
|395.332| Ayam me pacchima jati bhava sabbe samuhata
sabbasave parinnaya viharami anasavo.
|395.333| Satasahasse ito kappe yam buddhamabhithomayim 1-
duggatim nabhijanami kittanaya idam phalam.
|395.334| Kilesa jhapita mayham bhava sabbe samuhata
sabbasava parikkhina natthi dani punabbhavo.
|395.335| Svagatam vata me asi mama buddhassa santike
tisso vijja anuppatta katam buddhassa sasanam.
|395.336| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma sabbakittiko thero ima gathayo
abhasitthati.
Sabbakittikattherassa apadanam samattam.
Catuttham madhudayakattherapadanam (394)
[396] |396.337| Sindhuya nadiya tire sukato assamo mama
tattha vacemaham sisse itihasam salakkhanam.
|396.338| Dhammakama vinita te sotukama susasanam
chalange paramippatta sindhukule vasanti te.
@Footnote: 1 Yu. buddhamabhipujayim.
|396.339| Uppadagamane ceva lakkhanesu ca kovida
uttamattham gavesanta vasanti pavane tada.
|396.340| Sumedho nama sambuddho loke uppajji tavade
amhakam anukampanto upaganchi vinayako.
|396.341| Upagatam mahaviram sumedham lokanayakam
tinasantharakam katva lokajetthassadasaham.
|396.342| Pavanato madhum gayha buddhasetthassadasaham
sambuddho paribhunjitva idam vacanamabravi.
|396.343| Yo 1- tam adasi madhum me pasanno sehi panibhi
tamaham kittayissami sunatha mama bhasato.
|396.344| Imina madhudanena tinasantharakena ca
timsakappasahassani devaloke ramissati.
|396.345| Timsakappasahassamhi okkakakulasambhavo
gotamo nama namena sattha loke bhavissati.
|396.346| Tassa dhammesu dayado oraso dhammanimmito
sabbasave parinnaya nibbayissatinasavo.
|396.347| Devaloka idhagantva matukucchimhupagato
madhuvasso pavassittha chadayam madhuna mahim.
|396.348| Mama nikkhantamattamhi kumbhiya ca suduttara
tatrapi madhuvasso 2- me vassate niccakalikam.
@Footnote: 1 Yu. yam. 2 madhuvassam.
|396.349| Agara abhinikkhamma pabbajim anagariyam
labhi annassa panassa madhudanassidam phalam.
|396.350| Sabbakamasamiddhoham bhavitva devamanuse
teneva madhudanena pattomhi asavakkhayam.
|396.351| Vutthamhi deve caturangule tine
supupphite dharaniruhe vappadese 1-
sunne ghare mandaparukkhamulake
vasami niccam sukhito anasavo.
|396.352| Majjhe 2- mayham bhava assu ye bhave samatikkamim
ajja me asava khina natthi dani punabbhavo.
|396.353| Timsakappasahassamhi yam danamadadim tada
duggatim nabhijanami madhudanassidam phalam.
|396.354| Kilesa jhapita mayham bhava sabbe samuhata
sabbasava parikkhina natthi dani punabbhavo.
|396.355| Svagatam vata me asi mama buddhassa santike
tisso vijja anuppatta katam buddhassa sasanam.
|396.356| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma madhudayako thero ima gathayo
abhasitthati.
Madhudayakattherassa apadanam samattam.
@Footnote: 1 Ma. sanchanne. Yu. ca chappade. 2 Ma. majjhe mahante hine ca bhave sabbe atikkamim.
Pancamam padumakutagarikattherapadanam (395)
[397] |397.357| Piyadassi nama bhagava sayambhu lokanayako
vivekakamo sambuddho samadhikusalo muni.
|397.358| Vanasandam samoggayha piyadassi mahamuni
pamsukulam pattharitva nisidi purisuttamo.
|397.359| Migaluddho pure asim irine 1- kanane aham
pasadam migamesanto ahindami aham tada.
|397.360| Tatthaddasasim sambuddham oghatinnam anasavam
pupphitam salarajamva sataramsiva uggatam.
|397.361| Disvanaham devadevam piyadassim mahayasam
jatassaram samoggayha padumam aharim tada.
|397.362| Aharitvana padumam satapattam manoramam
kutagaram karitvana chadayim padumenaham.
|397.363| Anukampako karuniko piyadassi mahamuni
satta rattindive buddho kutagare vasi jino.
|397.364| Puranam chaddayitvana navena chadayim aham
anjalim paggahetvana atthasim tavade aham.
|397.365| Vutthahitva samadhimha piyadassi mahamuni
disa 2- anuvilokento nisidi lokanayako.
@Footnote: 1 Ma. aranne. 2 Ma. disam.
|397.366| Tada sudassano nama upatthako mahiddhiko
cittamannaya buddhassa piyadassissa satthuno.
|397.367| Asitiya sahassehi bhikkhuhi parivarito
vanante sukhamasinam upesi lokanayakam.
|397.368| Yavata vanasandamhi adhivattha ca devata
buddhassa cittamannaya sabbe sannipatum tada.
|397.369| Samagatesu yakkhesu kumbhande saharakkhase
bhikkhusanghe ca sampatte gatha sabyahari 1- jino.
|397.370| Yo mam sattaham pujesi avasanca akasi me
tamaham kittayissami sunatha mama bhasato.
|397.371| Sududdasam sunipunam gambhiram suppakasitam
nanena kittayissami sunatha mama bhasato.
|397.372| Catuddasani kappani devarajjam karissati
kutagaram brahantassa 2- padumapupphehi 3- chaditam.
|397.373| Akase dharayissanti pubbakammassidam phalam
catuddase 4- kappasate vokinnam samsarissati.
|397.374| Tattha pupphamayam byamham akase dharayissati
yatha padumapattamhi toyam na upalimpati.
|397.375| Tathevimassa nanamhi kilesa nopalimpare
manasa vinivattetva pancanivarane ayam.
@Footnote: 1 Ma. pabyahari. Yu. mabyahari. 2 Ma. mahantassa. 3 Ma. padmapupphehi.
@4 Ma. Yu. catubbise.
|397.376| Cittam janetva nikkhamme agara pabbajissati
tato pupphamayam 1- byamham dharentam nikkhamissati.
|397.377| Rukkhamule vasantassa nipakassa satimato
tattha pupphamayam byamham matthake dharayissati.
|397.378| Civaram pindapatanca paccayam sayanasanam
daditva bhikkhusanghassa nibbayissatinasavo.
|397.379| Kutagarena carite 2- pabbajjam abhinikkhami 3-
rukkhamule vasantampi kutagaram dhariyati.
|397.380| Civare pindapate ca cetana me na vijjati
punnakammena samyutto labhami parinitthitam.
|397.381| Gananato asanjeyya kappakoti bahu mama
rittaka te atikkanta sumutta 4- lokanayaka.
|397.382| Attharase kappasate piyadassi vinayako
tamaham payirupasitva imam yonim 5- upagato.
|397.383| Tamaddasami 6- sambuddham anomam nama cakkhumam
tamaham upagantvana pabbajim anagariyam.
|397.384| Dukkhassantam karo buddho saddhamme 7- desayi jino
tassa dhammam sunitvana pattomhi acalam padam.
|397.385| Tosayitvana sambuddham gotamam sakyapungavam
sabbasave parinnaya viharami anasavo.
@Footnote: 1 Ma. tato pupphamaye byamhe dharente nikkhamissati. 2 Ma. carata. Yu. carana.
@3 Ma. Yu. abhinikkhamim. 4 Ma. pamutta. Yu. pavutta lokanayina.
@5 Po. jhanam. 6 Ma. idha passami. 7 Ma. Yu. maggam ....
|397.386| Attharase kappasate yam buddhamabhipujayim
duggatim nabhijanami buddhapujayidam phalam.
|397.387| Kilesa jhapita mayham bhava sabbe samuhata
sabbasava parikkhina natthidani punabbhavo.
|397.388| Svagatam vata me asi mama buddhassa santike
tisso vijja anuppatta 1- katam buddhassa sasanam.
|397.389| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma padumakutagariko thero ima gathayo
abhasitthati.
Padumakutagarikattherassa apadanam samattam.
Chattham bakkulattherapadanam (396)
The Pali Tipitaka in Roman Character Volume 32 page 497-516.
http://84000.org/tipitaka/pali/roman_item_s.php?book=32&item=394&items=4&modeTY=2&mode=bracket
Classified by content :-
http://84000.org/tipitaka/pali/roman_item_s.php?book=32&item=394&items=4&modeTY=2
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=32&item=394&items=4&modeTY=2&mode=bracket
Compare with The Royal Version of Thai Tipitaka :-
http://84000.org/tipitaka/read/byitem_s.php?book=32&item=394&items=4&modeTY=2&mode=bracket
Study Atthakatha :-
http://84000.org/tipitaka/attha/attha.php?b=32&i=394
The Pali Atthakatha in Thai :-
http://84000.org/tipitaka/atthapali/read_th.php?B=50&A=5330
The Pali Atthakatha in Roman :-
http://84000.org/tipitaka/atthapali/read_rm.php?B=50&A=5330
Contents of The Tipitaka Volume 32
http://84000.org/tipitaka/read/?index_32
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
