บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 37 : PALI ROMAN Abhidhamma Pitaka Vol 4 : Abhi. Kathāvatthu
Anāgatārammaṇakathā [1345] Anāgatārammaṇaṃ cittaṃ anārammaṇanti . āmantā . Nanu anāgatārammaṇanti . āmantā . hañci anāgatārammaṇaṃ--------------------------------------------------------------------------------------------- page441.
No vata re vattabbe anāgatārammaṇaṃ cittaṃ anārammaṇanti anāgatārammaṇaṃ cittaṃ anārammaṇanti micchā hañci vā pana anārammaṇaṃ no vata re vattabbe anāgatārammaṇanti anārammaṇaṃ anāgatārammaṇanti micchā. [1346] Anāgatārammaṇaṃ cittaṃ anārammaṇanti . āmantā . Nanu anāgataṃ ārabbha atthi āvajjanā .pe. paṇidhīti . āmantā. Hañci anāgataṃ ārabbha atthi āvajjanā .pe. paṇidhi no vata re vattabbe anāgatārammaṇaṃ cittaṃ anārammaṇanti. [1347] Paccuppannaṃ ārabbha atthi āvajjanā .pe. paṇidhi paccuppannārammaṇaṃ cittaṃ sārammaṇanti . āmantā . atītaṃ ārabbha atthi āvajjanā .pe. paṇidhi atītārammaṇaṃ cittaṃ sārammaṇanti . Na hevaṃ vattabbe .pe. [1348] Paccuppannaṃ ārabbha atthi āvajjanā .pe. paṇidhi paccuppannārammaṇaṃ cittaṃ sārammaṇanti . āmantā . anāgataṃ ārabbha atthi āvajjanā .pe. paṇidhi anāgatārammaṇaṃ cittaṃ sārammaṇanti. Na hevaṃ vattabbe .pe. [1349] Atītaṃ ārabbha atthi āvajjanā .pe. paṇidhi atītārammaṇaṃ cittaṃ anārammaṇanti . āmantā . paccuppannaṃ ārabbha atthi āvajjanā .pe. paṇidhi paccuppannārammaṇaṃ cittaṃ anārammaṇanti. Na hevaṃ vattabbe .pe.--------------------------------------------------------------------------------------------- page442.
[1350] Anāgataṃ ārabbha atthi āvajjanā .pe. paṇidhi anāgatārammaṇaṃ cittaṃ anārammaṇanti . āmantā . paccuppannaṃ ārabbha atthi āvajjanā .pe. paṇidhi paccuppannārammaṇaṃ cittaṃ anārammaṇanti. Na hevaṃ vattabbe .pe. [1351] Na vattabbaṃ atītānāgatārammaṇaṃ cittaṃ anārammaṇanti . Āmantā . nanu atītānāgataṃ natthīti . āmantā . hañci atītānāgataṃ natthi tena vata re vattabbe atītānāgatārammaṇaṃ cittaṃ anārammaṇanti .pe. Anāgatārammaṇakathā ---------The Pali Tipitaka in Roman Character Volume 37 page 440-442. http://84000.org/tipitaka/pali/roman_item_s.php?book=37&item=1345&items=7&pagebreak=1 Classified by [Item Number] :- http://84000.org/tipitaka/pali/roman_item_s.php?book=37&item=1345&items=7&pagebreak=1&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=37&item=1345&items=7&pagebreak=1 Compare with The Royal Version of Thai Tipitaka :- http://84000.org/tipitaka/read/byitem_s.php?book=37&item=1345&items=7&pagebreak=1 Study Atthakatha :- http://84000.org/tipitaka/attha/attha.php?b=37&i=1345 Contents of The Tipitaka Volume 37 http://84000.org/tipitaka/read/?index_37
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]