บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 7 : PALI ROMAN Vinaya Pitaka Vol 7 : Vinaya. Culla (2)
Sattasatikakkhandhakam [630] Tena kho pana samayena vassasataparinibbute bhagavati vesalika vajjiputtaka bhikkhu vesaliyam dasa vatthuni dipenti kappati singilonakappo kappati dvangulakappo kappati gamantarakappo kappati avasakappo kappati anumatikappo kappati acinnakappo kappati amathitakappo kappati jalogim 1- patum kappati adasakam nisidanam kappati jataruparajatanti. [631] Tena kho pana samayena ayasma yaso kakandakaputto vajjisu carikancaramano yena vesali tadavasari . tatra sudam ayasma yaso kakandakaputto vesaliyam viharati mahavane kutagarasalayam. [632] Tena kho pana samayena vesalika vajjiputtaka bhikkhu tadahuposathe kamsacatim 2- udakena puretva majjhe bhikkhusanghassa thapetva agatagate 3- vesalike upasake evam vadenti dethavuso sanghassa kahapanampi addhampi padampi masakarupampi bhavissati sanghassa parikkharena karaniyanti . evam vutte ayasma yaso kakandakaputto vesalike upasake etadavoca ma avuso adattha sanghassa kahapanampi addhampi padampi masakarupampi @Footnote: 1 Yu. jalogi. 2 Ma. Yu. Ra. kamsapatim. 3 Yu. Ra. agate. Na kappati samananam sakyaputtiyanam jataruparajatam na sadiyanti samana sakyaputtiya jataruparajatam nappatigganhanti samana sakyaputtiya jataruparajatam nikkhittamanisuvanna samana sakyaputtiya apetajataruparajatati . evampi kho vesalika upasaka ayasmata yasena kakandakaputtena vuccamana adamsuyeva sanghassa kahapanampi addhampi padampi masakarupampi . athakho vesalika vajjiputtaka bhikkhu tassa rattiya accayena tam hirannam bhikkhuggena 1- pativisam thapetva bhajesum . athakho vesalika vajjiputtaka bhikkhu ayasmantam yasam kakandakaputtam etadavocum eso te avuso yasa hirannassa pativisoti . natthi me avuso hirannassa pativiso naham hirannam sadiyamiti. [633] Athakho vesalika vajjiputtaka bhikkhu ayam avuso yaso kakandakaputto upasake saddhe pasanne akkosati paribhasati appasadam karoti handassa mayam patisaraniyakammam karomati . Te tassa patisaraniyakammam akamsu . athakho ayasma yaso kakandakaputto vesalike vajjiputtake bhikkhu etadavoca bhagavata avuso pannattam patisaraniyakammakatassa bhikkhuno anuduto databboti detha me avuso anudutam bhikkhunti . athakho vesalika vajjiputtaka bhikkhu ekam bhikkhum sammannitva ayasmato yasassa kakandakaputtassa anudutam adamsu . athakho ayasma yaso @Footnote: 1 Ma. Yu. bhikkhaggena. Kakandakaputto anudutena bhikkhuna saddhim vesalim pavisitva vesalike upasake etadavoca aham kirayasmante upasake saddhe pasanne akkosami paribhasami appasadam karomi yoham adhammam adhammoti vadami dhammam dhammoti vadami avinayam avinayoti vadami vinayam vinayoti vadami. [634] Ekamidam avuso samayam bhagava savatthiyam viharati jetavane anathapindikassa arame . tatra kho avuso bhagava bhikkhu amantesi cattarome bhikkhave candimasuriyanam upakkilesa yehi upakkilesehi upakkilittha candimasuriya na tapanti na bhasanti na virocanti . katame cattaro . abbham bhikkhave candimasuriyanam upakkileso yena upakkilesena upakkilittha candimasuriya na tapanti na bhasanti na virocanti mahika bhikkhave candimasuriyanam upakkileso yena upakkilesena upakkilittha candimasuriya na tapanti na bhasanti na virocanti dhumarajo bhikkhave candimasuriyanam upakkileso yena upakkilesena upakkilittha candimasuriya na tapanti na bhasanti virocanti rahu bhikkhave asurindo candimasuriyanam upakkileso yena upakkilesena upakkilittha candimasuriya na tapanti na bhasanti na virocanti ime kho bhikkhave cattaro candimasuriyanam upakkilesa yehi upakkilesehi upakkilittha candimasuriya na tapanti na bhasanti na virocanti evameva kho bhikkhave cattarome Samanabrahmananam upakkilesa yehi upakkilesehi upakkilittha eke samanabrahmana na tapanti na bhasanti na virocanti . Katame cattaro . santi bhikkhave eke samanabrahmana suram pivanti merayam pivanti suramerayapana appativirata ayam bhikkhave pathamo samanabrahmananam upakkileso yena upakkilesena upakkilittha eke samanabrahmana na tapanti na bhasanti na virocanti puna caparam bhikkhave eke samanabrahmana methunam dhammam patisevanti methunadhamma appativirata ayam bhikkhave dutiyo samanabrahmananam upakkileso yena upakkilesena upakkilittha eke samanabrahmana na tapanti na bhasanti na virocanti puna caparam bhikkhave eke samanabrahmana jataruparajatam sadiyanti jataruparajatappatiggahana appativirata ayam bhikkhave tatiyo samanabrahmananam upakkileso yena upakkilesena upakkilittha eke samanabrahmana na tapanti na bhasanti na virocanti puna caparam bhikkhave eke samanabrahmana micchajivena jivitam kappenti micchajiva appativirata ayam bhikkhave catuttho samanabrahmananam upakkileso yena upakkilesena upakkilittha eke samanabrahmana na tapanti na bhasanti na virocanti ime kho bhikkhave cattaro samanabrahmananam upakkilesa yehi upakkilesehi upakkilittha eke samanabrahmana na tapanti na Bhasanti na virocantiti 1- . idamavocavuso bhagava idam vatvana sugato athaparam etadavoca sattha [635] Ragadosapariklittha 2- eke samanabrahmana avijjanivuta posa piyarupabhinandino suram pivanti merayam patisevanti methunam rajatam jatarupanca sadiyanti aviddasu micchajivena jivanti eke samanabrahmana ete upakkilesa vutta buddhenadiccabandhuna yehi upakkilesehi upakkilittha eke samanabrahmana na tapanti na bhasanti 3- asuddha saraja miga 4- andhakarena onaddha tanhadasa sanettika vaddhenti katasim ghoram adiyanti punabbhavanti. [636] Evamvadi kiraham ayasmante upasake saddhe pasanne akkosami paribhasami appasadam karomi yoham adhammam adhammoti vadami dhammam dhammoti vadami avinayam avinayoti vadami vinayam vinayoti vadami. [637] Ekamidam avuso samayam bhagava rajagahe viharati veluvane kalandakanivape . tena kho pana 5- samayena rajantepure rajaparisayam @Footnote: 1 Ma. Yu. itisaddo natthi. 2 Yu. ragadosaparikkilittha. 3 ito param na @virocanti te sadatipi patho vijjati. 4 Ma. Yu. maga. 5 Yu. panavuso. Sannisinnanam sannipatitanam ayamantara katha udapadi kappati samananam sakyaputtiyanam jataruparajatam sadiyanti samana sakyaputtiya jataruparajatam patigganhanti samana sakyaputtiya jataruparajatanti . tena kho panavuso samayena maniculako gamani tassam parisayam nisinnako 1- hoti . athakho avuso maniculako gamani tam parisam etadavoca ma ayya 2- evam avacuttha na kappati samananam sakyaputtiyanam jataruparajatam na sadiyanti samana sakyaputtiya jataruparajatam nappatigganhanti samana sakyaputtiya jataruparajatam nikkhittamanisuvanna samana sakyaputtiya apetajataruparajatati . asakkhi kho avuso maniculako gamani tam parisam sannapetum. {637.1} Athakho avuso maniculako gamani tam parisam sannapetva yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho avuso maniculako gamani bhagavantam etadavoca idha bhante rajantepure rajaparisayam sannisinnanam sannipatitanam ayamantara katha udapadi kappati samananam sakyaputtiyanam jataruparajatam sadiyanti samana sakyaputtiya jataruparajatam patigganhanti samana sakyaputtiya jataruparajatanti evam vutte aham bhante tam parisam etadavocam ma ayya 2- evam avacuttha na kappati samananam sakyaputtiyanam jataruparajatam na sadiyanti samana sakyaputtiya @Footnote: 1 Ma. Yu. nisinno. 2 Yu. ayyo. Jataruparajatam nappatigganhanti samana sakyaputtiya jataruparajatam nikkhittamanisuvanna samana sakyaputtiya apetajataruparajatati asakkhim kho aham bhante tam parisam sannapetum kaccaham bhante evam byakaramano vuttavadi ceva bhagavato homi na ca bhagavantam abhutena abbhacikkhami dhammassa canudhammam 1- byakaromi na ca koci sahadhammiko vadanuvado garayham thanam agacchatiti. {637.2} Taggha tvam gamani evam byakaramano vuttavadi ceva me hosi 2- na ca mam abhutena abbhacikkhasi dhammassa canudhammam byakarosi na ca koci sahadhammiko vadanuvado garayham thanam agacchati na hi gamani kappati samananam sakyaputtiyanam jataruparajatam na sadiyanti samana sakyaputtiya jataruparajatam nappatigganhanti samana sakyaputtiya jataruparajatam nikkhittamanisuvanna samana sakyaputtiya apetajataruparajata yassa kho gamani jataruparajatam kappati pancapi kamaguna tassa kappanti 3- yassa panca kamaguna kappanti ekamsenetam 4- gamani dhareyyasi assamanadhammo asakyaputtiyadhammoti apicaham gamani evam vadami tinam tinatthikena pariyesitabbam darum 5- darutthikena pariyesitabbam sakatam sakatatthikena pariyesitabbam puriso purisatthikena pariyesitabbo na tvevaham gamani kenaci pariyayena jataruparajatam saditabbam @Footnote: 1 Yu. va anudhammam. 2 Ma. me ahosi. Yu. meti natthi. 3 Ma. Yu. pancapi @tassa kamaguna kappanti. 4 Yu. ekamsena. 5 Ma. daru. Pariyesitabbanti vadamiti evamvadi kiraham ayasmante upasake saddhe pasanne akkosami paribhasami appasadam karomi yoham adhammam adhammoti vadami dhammam dhammoti vadami avinayam avinayoti vadami vinayam vinayoti vadami. [638] Ekamidam avuso samayam bhagava tattheva 1- rajagahe ayasmantam upanandam sakyaputtam arabbha jataruparajatam patikkhipi sikkhapadanca pannapesi . evamvadi kiraham ayasmante upasake saddhe pasanne akkosami paribhasami appasadam karomi yoham adhammam adhammoti vadami dhammam dhammoti vadami avinayam avinayoti vadami vinayam vinayoti vadamiti. Evam vutte vesalika upasaka ayasmantam yasam kakandakaputtam etadavocum eko va bhante ayyo yaso kakandakaputto samano sakyaputtiyo sabbe vime assamana asakyaputtiya vasatu bhante ayyo yaso kakandakaputto vesaliyam mayam ayyassa yasassa kakandakaputtassa ussukkam karissama civarapindapatasenasana- gilanapaccayabhesajjaparikkharananti . athakho ayasma yaso kakandakaputto vesalike upasake sannapetva anudutena bhikkhuna saddhim aramam agamasi.The Pali Tipitaka in Roman Character Volume 7 page 396-403. http://84000.org/tipitaka/pali/roman_item_s.php?book=7&item=630&items=9&modeTY=2 Classified by [Item Number] :- http://84000.org/tipitaka/pali/roman_item_s.php?book=7&item=630&items=9&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=7&item=630&items=9&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=7&item=630&items=9&modeTY=2 Study Atthakatha :- http://84000.org/tipitaka/attha/attha.php?b=7&i=630 The Pali Atthakatha in Thai :- http://84000.org/tipitaka/atthapali/read_th.php?B=3&A=9352 The Pali Atthakatha in Roman :- http://84000.org/tipitaka/atthapali/read_rm.php?B=3&A=9352 Contents of The Tipitaka Volume 7 http://84000.org/tipitaka/read/?index_7
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]