บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

๔ อุทฺทาลกชาตกํ [๑๙๐๗] ขราชินา ชฏิลา ปงฺกทนฺตา ทุมฺมกฺขรูปา เย มนฺตํ ^๒- ชปนฺติ กจฺจิ นุ เต มานุสเก ปโยเค อิทํ วิทู ปริมุตฺตา อปายา ฯ @เชิงอรรถ: ^๑ ม. มิตฺเต ฯ สี. เมตฺเต ฯ ^๒ สี. ยุ. ทุมฺมุขรูปา เย เม ฯ

--------------------------------------------------------------------------------------------- หน้าที่ ๓๗๕.

[๑๙๐๘] ปาปานิ กมฺมานิ กเรยฺย ^๑- ราช พหุสฺสุโต เจ น จเรยฺย ธมฺมํ สหสฺสเวโทปิ น ตํ ปฏิจฺจ ทุกฺขา ปมุญฺเจ จรณํ อปตฺวา ฯ [๑๙๐๙] สหสฺสเวโทปิ น ตํ ปฏิจฺจ ทุกฺขา ปมุญฺเจ จรณํ อปตฺวา มญฺญามิ เวทา อผลา ภวนฺติ สสํยมํ จรณญฺเญว สจฺจํ ฯ [๑๙๑๐] นเหว เวทา อผลา ภวนฺติ สสํยมํ จรณญฺเญว สจฺจํ กิตฺติญฺจ ปปฺโปติ อธิจฺจ เวเท สนฺตึ ปุเณติ ^๒- จรเณน ทนฺโต ฯ [๑๙๑๑] ภจฺจา มาตา ปิตา พนฺธุ ^๓- เยน ชาโต สฺวเยว ^๔- โส อุทฺทาลโก อหํ โภโต โสตฺถิยกุลวํสโต ^๕- ฯ [๑๙๑๒] กถํ โภ พฺราหฺมโณ โหติ กถํ ภวติ เกวลี กถญฺจ ปรินิพฺพานํ ธมฺมฏฺโฐ กินฺติ วุจฺจติ ฯ [๑๙๑๓] นิรํ กตฺวา อคฺคิมาทาย พฺราหฺมโณ อาโปสิญฺจํ ยชํ อุสฺเสติ ยูปํ เอวงฺกโร พฺราหฺมโณ โหติ เขมี ธมฺเม ฐิตํ เตน อมาปยึสุ ฯ @เชิงอรรถ: ^๑ ม. กเรถ ฯ ^๒ สี. ปุโนติ ฯ ม. ปุณาติ ฯ ยุ. ปุเนติ ฯ ^๓ ม. พนฺธู ฯ @^๔ ม. สเยว ฯ ^๕ ม. โสตฺถิยากุลวํสโก ฯ

--------------------------------------------------------------------------------------------- หน้าที่ ๓๗๖.

[๑๙๑๔] น สุทฺธิ เสจเนน อตฺถิ นปิ เกวลี พฺราหฺมโณ น เจว ขนฺติ โสรจฺจํ ^๑- นปิ โส ปรินิพฺพุโต ฯ [๑๙๑๕] กถํ โภ ^๒- พฺราหฺมโณ โหติ กถํ ภวติ เกวลี กถญฺจ ปรินิพฺพานํ ธมฺมฏฺโฐ กินฺติ วุจฺจติ ฯ [๑๙๑๖] อเขตฺตพนฺธุ อมโม นิราโส นิลฺโลภปาโป ภวโลภขีโณ เอวงฺกโร พฺราหฺมโณ โหติ เขมี ธมฺเม ฐิตํ เตน อมาปยึสุ ฯ [๑๙๑๗] ขตฺติยา พฺราหฺมณา เวสฺสา สุทฺทา จณฺฑาลปุกฺกุสา สพฺเพว โสรตา ทนฺตา สพฺเพว ปรินิพฺพุตา สพฺเพสํ สีติภูตานํ อตฺถิ เสยฺโยถ ^๓- ปาปิโย ฯ [๑๙๑๘] ขตฺติยา พฺราหฺมณา เวสฺสา สุทฺทา จณฺฑาลปุกฺกุสา สพฺเพว โสรตา ทนฺตา สพฺเพว ปรินิพฺพุตา สพฺเพสํ สีติภูตานํ นตฺถิ เสยฺโยถ ^๓- ปาปิโย ฯ [๑๙๑๙] ขตฺติยา พฺราหฺมณา เวสฺสา สุทฺทา จณฺฑาลปุกฺกุสา สพฺเพว โสรตา ทนฺตา สพฺเพว ปรินิพฺพุตา สพฺเพสํ สีติภูตานํ นตฺถิ เสยฺโยถ ^๓- ปาปิโย ปสตฺถํ ^๔- จรสิ พฺรหฺมญฺญํ โสตฺถิยกุลวํสตํ ฯ [๑๙๒๐] นานารตฺเตหิ วตฺเถหิ วิมานํ ภวติ ฉาทิตํ น เตสํ ฉายา วตฺถานํ โส ราโค อนุปชฺชถ @เชิงอรรถ: ^๑ ม. น ขนฺตี นาปิ โสรจฺจํ ฯ ^๒ ม. โส ฯ ^๓ สี. ยุ. เสยฺโยว ฯ ^๔ ม. ปนตฺถํ ฯ

--------------------------------------------------------------------------------------------- หน้าที่ ๓๗๗.

เอวเมว มนุสฺเสสุ ยทา สุชฺฌนฺติ มาณวา น เตสํ ชาตึ ปุจฺฉนฺติ ^๑- ธมฺมมญฺญาย สุพฺพตาติ ฯ อุทฺทาลกชาตกํ จตุตฺถํ ฯ ---------

เนื้อความพระไตรปิฎกฉบับภาษาบาลีอักษรไทย เล่มที่ ๒๗ หน้าที่ ๓๗๔-๓๗๗. http://84000.org/tipitaka/pitaka_item/pali_item_s.php?book=27&item=1907&items=14&pagebreak=1&modeTY=2 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=27&item=1907&items=14&pagebreak=1&modeTY=2&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=27&item=1907&items=14&pagebreak=1&modeTY=2 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=27&item=1907&items=14&pagebreak=1&modeTY=2 ศึกษาอรรถกถาชาดกนี้ได้ที่ :- http://84000.org/tipitaka/attha/attha.php?b=27&i=1907 The Pali Atthakatha in Thai :- http://84000.org/tipitaka/atthapali/read_th.php?B=40&A=5636 The Pali Atthakatha in Roman :- http://84000.org/tipitaka/atthapali/read_rm.php?B=40&A=5636 สารบัญพระไตรปิฎกเล่มที่ ๒๗ http://84000.org/tipitaka/read/?index_27