พระไตรปิฎกเล่มที่ ๔ ภาษาบาลี อักษรไทย
 พระวินัยปิฎกเล่มที่ ๔ วินย. มหาวคฺโค (๑)

ติตฺถิยสาวกานํ สุตฺวา ปริสงฺกสีติ ฯ
     {๒๔๗.๗}   โส  เจ เอวํ วเทยฺย น โข อหํ อาวุโส อิมสฺส ภิกฺขุโน
ปริสงฺกาย  ปวารณํ  เปมิ  อปิจ  อหมฺปิ  ๑-  น  ชานามิ เกนปาหํ ๒-
อิมสฺส  ภิกฺขุโน  ปวารณํ  เปมีติ  ฯ  โส  เจ  ภิกฺขเว  โจทโก  ภิกฺขุ
อนุโยเคน   วิญฺูนํ   สพฺรหฺมจารีนํ   จิตฺตํ   น   อาราเธติ  อนนุวาโท
จุทิโต  ภิกฺขูติ  อลํ  วจนาย  ฯ  โส เจ ภิกฺขเว โจทโก ภิกฺขุ อนุโยเคน
วิญฺูนํ   สพฺรหฺมจารีนํ   จิตฺตํ   อาราเธติ   สานุวาโท   จุทิโต  ภิกฺขูติ
อลํ  วจนาย  ฯ  โส  เจ  ภิกฺขเว  โจทโก  ภิกฺขุ อมูลเกน ปาราชิเกน
อนุทฺธํสิตํ  ปฏิชานาติ  สงฺฆาทิเสสํ  อาโรเปตฺวา  สงฺเฆน  ปวาเรตพฺพํ ฯ
@เชิงอรรถ: ๑ สี. ม. ยุ. อหํ ฯ  ๒ สี. ม. ยุ. เกน อหํ ฯ สี. ม. ยุ. เกนปหํ ฯ
@สี. ม. ยุ. เกน ปนาหํ ฯ
โส   เจ   ภิกฺขเว  โจทโก  ภิกฺขุ  อมูลเกน  สงฺฆาทิเสเสน  อนุทฺธํสิตํ
ปฏิชานาติ   ยถาธมฺมํ   การาเปตฺวา   สงฺเฆน   ปวาเรตพฺพํ   ฯ  โส
เจ   ภิกฺขเว   โจทโก   ภิกฺขุ   อมูลเกน   ถุลฺลจฺจเยน   ปาจิตฺติเยน
ปาฏิเทสนีเยน     ทุกฺกเฏน     ทุพฺภาสิเตน    อนุทฺธํสิตํ    ปฏิชานาติ
ยถาธมฺมํ  การาเปตฺวา  สงฺเฆน  ปวาเรตพฺพํ  ฯ  โส เจ ภิกฺขเว จุทิโต
ภิกฺขุ    ปาราชิกํ    อชฺฌาปนฺโนติ    ปฏิชานาติ   นาเสตฺวา   สงฺเฆน
ปวาเรตพฺพํ    ฯ   โส   เจ   ภิกฺขเว   จุทิโต   ภิกฺขุ   สงฺฆาทิเสสํ
อชฺฌาปนฺโนติ     ปฏิชานาติ    สงฺฆาทิเสสํ    อาโรเปตฺวา    สงฺเฆน
ปวาเรตพฺพํ   ฯ   โส  เจ  ภิกฺขเว  จุทิโต  ภิกฺขุ  ถุลฺลจฺจยํ  ปาจิตฺติยํ
ปาฏิเทสนียํ      ทุกฺกฏํ     ทุพฺภาสิตํ     อชฺฌาปนฺโนติ     ปฏิชานาติ
ยถาธมฺมํ การาเปตฺวา สงฺเฆน ปวาเรตพฺพํ ฯ
     [๒๔๘]   อิธ   ปน   ภิกฺขเว   ภิกฺขุ   ตทหุปวารณาย  ถุลฺลจฺจยํ
อชฺฌาปนฺโน    โหติ   ฯ   เอกจฺเจ   ภิกฺขู   ถุลฺลจฺจยทิฏฺิโน   โหนฺติ
เอกจฺเจ  ภิกฺขู  สงฺฆาทิเสสทิฏฺิโน  โหนฺติ  ฯ  เย  เต  ภิกฺขเว  ภิกฺขู
ถุลฺลจฺจยทิฏฺิโน   เตหิ   โส   ภิกฺขเว   ภิกฺขุ   เอกมนฺตํ   อปเนตฺวา
ยถาธมฺมํ   การาเปตฺวา   สงฺฆํ   อุปสงฺกมิตฺวา   เอวมสฺส  วจนีโย  ยํ
โข    โส   อาวุโส   ภิกฺขุ   อาปตฺตึ   อาปนฺโน   สาสฺส   ยถาธมฺมํ
ปฏิกตา ยทิ สงฺฆสฺส ปตฺตกลฺลํ สงฺโฆ ปวาเรยฺยาติ ฯ
     {๒๔๘.๑}   อิธ ปน ภิกฺขเว ภิกฺขุ ตทหุปวารณาย ถุลฺลจฺจยํ อชฺฌาปนฺโน
โหติ   ฯ   เอกจฺเจ   ภิกฺขู   ถุลฺลจฺจยทิฏฺิโน  โหนฺติ  เอกจฺเจ  ภิกฺขู
ปาจิตฺติยทิฏฺิโน    โหนฺติ   เอกจฺเจ   ภิกฺขู   ถุลฺลจฺจยทิฏฺิโน   โหนฺติ
เอกจฺเจ    ภิกฺขู    ปาฏิเทสนียทิฏฺิโน    โหนฺติ    เอกจฺเจ    ภิกฺขู
ถุลฺลจฺจยทิฏฺิโน    โหนฺติ    เอกจฺเจ    ภิกฺขู   ทุกฺกฏทิฏฺิโน   โหนฺติ
เอกจฺเจ     ภิกฺขู     ถุลฺลจฺจยทิฏฺิโน    โหนฺติ    เอกจฺเจ    ภิกฺขู
ทุพฺภาสิตทิฏฺิโน   โหนฺติ   ฯ  เย  เต  ภิกฺขเว  ภิกฺขู  ถุลฺลจฺจยทิฏฺิโน
เตหิ  โส  ภิกฺขเว  ภิกฺขุ  เอกมนฺตํ  อปเนตฺวา  ยถาธมฺมํ  การาเปตฺวา
สงฺฆํ   อุปสงฺกมิตฺวา   เอวมสฺส   วจนีโย  ยํ  โข  โส  อาวุโส  ภิกฺขุ
อาปตฺตึ   อาปนฺโน   สาสฺส  ยถาธมฺมํ  ปฏิกตา  ยทิ  สงฺฆสฺส  ปตฺตกลฺลํ
สงฺโฆ ปวาเรยฺยาติ ฯ
     {๒๔๘.๒}   อิธ   ปน   ภิกฺขเว  ภิกฺขุ  ตทหุปวารณาย  ปาจิตฺติยํ
อชฺฌาปนฺโน     โหติ    ปาฏิเทสนียํ    อชฺฌาปนฺโน    โหติ    ทุกฺกฏํ
อชฺฌาปนฺโน    โหติ    ทุพฺภาสิตํ   อชฺฌาปนฺโน   โหติ   ฯ   เอกจฺเจ
ภิกฺขู   ทุพฺภาสิตทิฏฺิโน   โหนฺติ   เอกจฺเจ   ภิกฺขู   สงฺฆาทิเสสทิฏฺิโน
โหนฺติ  ฯ  เย  เต  ภิกฺขเว  ภิกฺขู  ทุพฺภาสิตทิฏฺิโน  เตหิ  โส ภิกฺขเว
ภิกฺขุ     เอกมนฺตํ    อปเนตฺวา    ยถาธมฺมํ    การาเปตฺวา    สงฺฆํ
อุปสงฺกมิตฺวา   เอวมสฺส  วจนีโย  ยํ  โข  โส  อาวุโส  ภิกฺขุ  อาปตฺตึ
อาปนฺโน    สาสฺส    ยถาธมฺมํ    ปฏิกตา   ยทิ   สงฺฆสฺส   ปตฺตกลฺลํ
สงฺโฆ ปวาเรยฺยาติ ฯ
     {๒๔๘.๓}   อิธ   ปน   ภิกฺขเว  ภิกฺขุ  ตทหุปวารณาย  ทุพฺภาสิตํ
อชฺฌาปนฺโน    โหติ   ฯ   เอกจฺเจ   ภิกฺขู   ทุพฺภาสิตทิฏฺิโน   โหนฺติ
เอกจฺเจ     ภิกฺขู     ถุลฺลจฺจยทิฏฺิโน    โหนฺติ    เอกจฺเจ    ภิกฺขู
ทุพฺภาสิตทิฏฺิโน     โหนฺติ     เอกจฺเจ     ภิกฺขู     ปาจิตฺติยทิฏฺิโน
โหนฺติ   เอกจฺเจ   ภิกฺขู   ทุพฺภาสิตทิฏฺิโน   โหนฺติ   เอกจฺเจ   ภิกฺขู
ปาฏิเทสนียทิฏฺิโน     โหนฺติ     เอกจฺเจ    ภิกฺขู    ทุพฺภาสิตทิฏฺิโน
โหนฺติ   เอกจฺเจ   ภิกฺขู   ทุกฺกฏทิฏฺิโน  โหนฺติ  ฯ  เย  เต  ภิกฺขเว
ภิกฺขู   ทุพฺภาสิตทิฏฺิโน  เตหิ  โส  ภิกฺขเว  ภิกฺขุ  เอกมนฺตํ  อปเนตฺวา
ยถาธมฺมํ   การาเปตฺวา   สงฺฆํ   อุปสงฺกมิตฺวา   เอวมสฺส  วจนีโย  ยํ
โข    โส   อาวุโส   ภิกฺขุ   อาปตฺตึ   อาปนฺโน   สาสฺส   ยถาธมฺมํ
ปฏิกตา ยทิ สงฺฆสฺส ปตฺตกลฺลํ สงฺโฆ ปวาเรยฺยาติ ฯ
     [๒๔๙]   อิธ   ปน   ภิกฺขเว   ภิกฺขุ  ตทหุปวารณาย  สงฺฆมชฺเฌ
อุทาหเรยฺย    สุณาตุ   เม   ภนฺเต   สงฺโฆ   อิทํ   วตฺถุํ   ปญฺายติ
น    ปุคฺคโล    ยทิ   สงฺฆสฺส   ปตฺตกลฺลํ   วตฺถุํ   เปตฺวา   สงฺโฆ
ปวาเรยฺยาติ   ฯ   โส   เอวมสฺส   วจนีโย   ภควตา   โข  อาวุโส
วิสุทฺธานํ   ปวารณา   ปญฺตฺตา   สเจ   วตฺถุํ   ปญฺายติ  น  ปุคฺคโล
อิทาเนว นํ วเทหีติ ฯ
     {๒๔๙.๑}   อิธ   ปน  ภิกฺขเว  ภิกฺขุ  ตทหุปวารณาย  สงฺฆมชฺเฌ
อุทาหเรยฺย   สุณาตุ   เม   ภนฺเต  สงฺโฆ  อยํ  ปุคฺคโล  ปญฺายติ  น
วตฺถุํ  ยทิ  สงฺฆสฺส  ปตฺตกลฺลํ  ปุคฺคลํ  เปตฺวา  สงฺโฆ  ปวาเรยฺยาติ ฯ
โส   เอวมสฺส   วจนีโย   ภควตา   โข  อาวุโส  สมคฺคานํ  ปวารณา
ปญฺตฺตา สเจ ปุคฺคโล ปญฺายติ น วตฺถุํ อิทาเนว นํ วเทหีติ ฯ
     {๒๔๙.๒}   อิธ    ปน    ภิกฺขเว    ภิกฺขุ    ตทหุปวารณาย
สงฺฆมชฺเฌ    อุทาหเรยฺย    สุณาตุ    เม    ภนฺเต    สงฺโฆ    อิทํ
วตฺถุญฺจ     ปุคฺคโล    จ    ปญฺายติ    ยทิ    สงฺฆสฺส    ปตฺตกลฺลํ
วตฺถุญฺจ   ปุคฺคลญฺจ   เปตฺวา  สงฺโฆ  ปวาเรยฺยาติ  ฯ  โส  เอวมสฺส
วจนีโย   ภควตา   โข   อาวุโส   วิสุทฺธานญฺจ  สมคฺคานญฺจ  ปวารณา
ปญฺตฺตา    สเจ   วตฺถุญฺจ   ปุคฺคโล   จ   ปญฺายติ   อิทาเนว   นํ
วเทหีติ   ฯ   ปุพฺเพ  เจ  ภิกฺขเว  ปวารณาย  วตฺถุํ  ปญฺายติ  ปจฺฉา
ปุคฺคโล   กลฺลํ   วจนาย  ฯ  ปุพฺเพ  เจ  ภิกฺขเว  ปวารณาย  ปุคฺคโล
ปญฺายติ   ปจฺฉา   วตฺถุํ   กลฺลํ   วจนาย   ฯ   ปุพฺเพ  เจ  ภิกฺขเว
ปวารณาย    วตฺถุญฺจ    ปุคฺคโล    จ    ปญฺายติ    ตญฺเจ   กตาย
ปวารณาย อุกฺโกเฏติ อุกฺโกฏนกํ ปาจิตฺติยนฺติ ฯ
     [๒๕๐]   เตน  โข  ปน  สมเยน  สมฺพหุลา  สนฺทิฏฺา  สมฺภตฺตา
ภิกฺขู   โกสเลสุ   ชนปเทสุ   อญฺตรสฺมึ  อาวาเส  วสฺสํ  อุปคจฺฉึสุ  ฯ
เตสํ   สมนฺตา   อญฺเ  ภิกฺขู  ภณฺฑนการกา  กลหการกา  วิวาทการกา
ภสฺสการกา    สงฺเฆ   อธิกรณการกา   วสฺสํ   อุปคจฺฉึสุ   มยํ   เตสํ
ภิกฺขูนํ วสฺสํ วุตฺถานํ ปวารณาย ปวารณํ เปสฺสามาติ ฯ
     {๒๕๐.๑}   อสฺโสสุํ  โข  เต  ภิกฺขู  อมฺหากํ  กิร  สมนฺตา อญฺเ
ภิกฺขู   ภณฺฑนการกา   กลหการกา   วิวาทการกา   ภสฺสการกา  สงฺเฆ
อธิกรณการกา   วสฺสํ   อุปคตา   มยํ   เตสํ   ภิกฺขูนํ   วสฺสํ  วุตฺถานํ
ปวารณาย  ปวารณํ  เปสฺสามาติ  กถํ  นุ  โข อเมฺหหิ ปฏิปชฺชิตพฺพนฺติ ฯ
ภควโต เอตมตฺถํ อาโรเจสุํ ฯ
     {๒๕๐.๒}   อิธ   ปน   ภิกฺขเว   สมฺพหุลา  สนฺทิฏฺา  สมฺภตฺตา
ภิกฺขู   อญฺตรสฺมึ   อาวาเส   วสฺสํ   อุปคจฺฉนฺติ   ฯ  เตสํ  สามนฺตา
อญฺเ      ภิกฺขู      ภณฺฑนการกา     กลหการกา     วิวาทการกา
ภสฺสการกา   สงฺเฆ   อธิกรณการกา   วสฺสํ   อุปคจฺฉนฺติ   มยํ   เตสํ
ภิกฺขูนํ  วสฺสํ  วุตฺถานํ  ปวารณาย  ปวารณํ  เปสฺสามาติ  ฯ  อนุชานามิ
ภิกฺขเว   เตหิ   ภิกฺขูหิ  เทฺว  ตโย  อุโปสเถ  จาตุทฺทสิเก  กาตุํ  กถํ
มยํ  เตหิ  ภิกฺขูหิ  ปมตรํ  ปวาเรยฺยามาติ  ฯ  เต  เจ  ภิกฺขเว ภิกฺขู
ภณฺฑนการกา     กลหการกา    วิวาทการกา    ภสฺสการกา    สงฺเฆ
อธิกรณการกา   [๑]-  อาวาสํ  อาคจฺฉนฺติ  เตหิ  ภิกฺขเว  อาวาสิเกหิ
ภิกฺขูหิ   ลหุํ   ลหุํ   สนฺนิปติตฺวา   ปวาเรตพฺพํ   ปวาเรตฺวา  วตฺตพฺพา
ปวาริตา   โข   มยํ   อาวุโส  ยถา  อายสฺมนฺโต  ๒-  มญฺนฺติ  ตถา
กโรนฺตูติ ฯ
     {๒๕๐.๓}   เต   เจ  ภิกฺขเว  ภิกฺขู  ภณฺฑนการกา  กลหการกา
วิวาทการกา    ภสฺสการกา    สงฺเฆ   อธิกรณการกา   อสํวิหิตา   ตํ
อาวาสํ    อาคจฺฉนฺติ   เตหิ   ภิกฺขเว   อาวาสิเกหิ   ภิกฺขูหิ   อาสนํ
ปญฺาเปตพฺพํ     ปาโททกํ     ปาทปี     ปาทกถลิกํ    อุปนิกฺขิปิตพฺพํ
ปจฺจุคฺคนฺตฺวา   ปตฺตจีวรํ   ปฏิคฺคเหตพฺพํ   ปานีเยน  ปุจฺฉิตพฺพา  ๓-  ฯ
เตสํ  วิกฺขิตฺวา  นิสฺสีมํ  คนฺตฺวา  ปวาเรตพฺพํ  ฯ  ปวาเรตฺวา  วตฺตพฺพา
ปวาริตา   โข   มยํ   อาวุโส   ยถา   อายสฺมนฺโต   มญฺนฺติ   ตถา
กโรนฺตูติ   ฯ   เอวญฺเจตํ   ลเภถ   อิจฺเจตํ   กุสลํ  โน  เจ  ลเภถ
อาวาสิเกน ภิกฺขุนา พฺยตฺเตน ปฏิพเลน อาวาสิกา ภิกฺขู าเปตพฺพา
     {๒๕๐.๔}   สุณนฺตุ   เม  อายสฺมนฺโต  อาวาสิกา  ยทายสฺมนฺตานํ
ปตฺตกลฺลํ    อิทานิ    อุโปสถํ   กเรยฺยาม   ปาติโมกฺขํ   อุทฺทิเสยฺยาม
อาคเม  กาเฬ  ปวาเรยฺยามาติ  ฯ  เต  เจ ภิกฺขเว ภิกฺขู ภณฺฑนการกา
@เชิงอรรถ: ๑ ม. ตํ ฯ  ๒ ม. ยุ. อายสฺมนฺตา ฯ เอวมุปริ ฯ  ๓ ม. ปริปุจฺฉิตพฺพา ฯ
กลหการกา    วิวาทการกา    ภสฺสการกา    สงฺเฆ    อธิกรณการกา
เต  ภิกฺขู  เอวํ  วเทยฺยุํ  สาธุ  อาวุโส  อิทาเนว  โน  ปวาเรถาติ ฯ
เต   เอวมสฺสุ   วจนียา   อนิสฺสรา   โข   ตุเมฺห   อาวุโส  อมฺหากํ
ปวารณาย   น  ตาว  มยํ  ปวาเรสฺสามาติ  ๑-  ฯ  เต  เจ  ภิกฺขเว
ภิกฺขู   ภณฺฑนการกา   กลหการกา   วิวาทการกา   ภสฺสการกา  สงฺเฆ
อธิกรณการกา  ตํ  กาฬํ  อนุวเสยฺยุํ  อาวาสิเกน [๒]- ภิกฺขุนา พฺยตฺเตน
ปฏิพเลน อาวาสิกา ภิกฺขู าเปตพฺพา
     {๒๕๐.๕}   สุณนฺตุ   เม  อายสฺมนฺโต  อาวาสิกา  ยทายสฺมนฺตานํ
ปตฺตกลฺลํ    อิทานิ    อุโปสถํ   กเรยฺยาม   ปาติโมกฺขํ   อุทฺทิเสยฺยาม
อาคเม  ชุเณฺห  ปวาเรยฺยามาติ  ฯ  เต  เจ ภิกฺขเว ภิกฺขู ภณฺฑนการกา
กลหการกา   วิวาทการกา   ภสฺสการกา   สงฺเฆ   อธิกรณการกา  เต
ภิกฺขู  เอวํ  วเทยฺยุํ  สาธุ  อาวุโส  อิทาเนว โน ปวาเรถาติ ๓- ฯ เต
เอวมสฺสุ   วจนียา  อนิสฺสรา  โข  ตุเมฺห  อาวุโส  อมฺหากํ  ปวารณาย
น  ตาว  มยํ  ปวาเรสฺสามาติ  ๔- ฯ เต เจ ภิกฺขเว ภิกฺขู ภณฺฑนการกา
กลหการกา   วิวาทการกา   ภสฺสการกา   สงฺเฆ  อธิกรณการกา  ตมฺปิ
ชุณฺหํ   อนุวเสยฺยุํ   เตหิ   ภิกฺขเว  ภิกฺขูหิ  สพฺเพเหว  อาคเม  ชุเณฺห
โกมุทิยา   จาตุมาสินิยา   อกามา  ปวาเรตพฺพํ  ฯ  เตหิ  เจ  ภิกฺขเว
ภิกฺขูหิ    ปวาริยมาเน   คิลาโน   อคิลานสฺส   ปวารณํ   เปติ   โส
เอวมสฺส   วจนีโย  อายสฺมา  โข  คิลาโน  คิลาโน  จ  อนนุโยคกฺขโม
วุตฺโต   ภควตา   อาคเมหิ   อาวุโส   ยาว   อโรโค  โหสิ  อโรโค
@เชิงอรรถ: ๑ ม. ปวาเรยฺยามาติ ฯ ๒ ม. ยุ. ภิกฺขเว ฯ ๓ ม. ปวาเรยฺยาถาติ ฯ
@๔ ม. ปวาเรยฺยามาติ ฯ
อากงฺขมาโน    โจเทสฺสสีติ    ฯ    เอวญฺจ    วุจฺจมาโน    โจเทติ
อนาทริเย   ปาจิตฺติยํ   ฯ   เตหิ   เจ  ภิกฺขเว  ภิกฺขูหิ  ปวาริยมาเน
อคิลาโน   คิลานสฺส  ปวารณํ  เปติ  โส  เอวมสฺส  วจนีโย  อยํ  โข
อาวุโส   ภิกฺขุ   คิลาโน   คิลาโน  จ  อนนุโยคกฺขโม  วุตฺโต  ภควตา
อาคเมหิ   อาวุโส  ยาวายํ  ภิกฺขุ  อโรโค  โหติ  อโรคํ  อากงฺขมาโน
โจเทสฺสสีติ  ฯ  เอวญฺเจ  วุจฺจมาโน  โจเทติ  อนาทริเย  ปาจิตฺติยํ  ฯ
เตหิ   เจ   ภิกฺขเว  ภิกฺขูหิ  ปวาริยมาเน  คิลาโน  คิลานสฺส  ปวารณํ
เปติ   โส   เอวมสฺส   วจนีโย   อายสฺมนฺตา  โข  คิลานา  คิลาโน
จ    อนนุโยคกฺขโม    วุตฺโต    ภควตา   อาคเมหิ   อาวุโส   ยาว
อโรคา  โหถ  อโรโค  อโรคํ  อากงฺขมาโน  โจเทสฺสสีติ  ฯ  เอวญฺเจ
วุจฺจมาโน   โจเทติ   อนาทริเย   ปาจิตฺติยํ   ฯ   เตหิ  เจ  ภิกฺขเว
ภิกฺขูหิ   ปวาริยมาเน   อคิลาโน  อคิลานสฺส  ปวารณํ  เปติ  ฯ  อุโภ
สงฺเฆน   สมนุยุญฺชิตฺวา  สมนุคฺคาหิตฺวา  ยถาธมฺมํ  การาเปตฺวา  สงฺเฆน
ปวาเรตพฺพนฺติ ฯ

             เนื้อความพระไตรปิฎกฉบับภาษาบาลี อักษรไทย เล่มที่ ๔ หน้าที่ ๓๕๑-๓๕๘.
https://84000.org/tipitaka/read/pali_read.php?B=4&A=7285&w=&modeTY=1
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=4&A=7285&modeTY=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=4&item=247&items=4
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=4&siri=77
             สารบัญพระไตรปิฎกเล่มที่ ๔
https://84000.org/tipitaka/read/?index_4
https://84000.org/tipitaka/english/?index_4