AtthaPali Vol.32

Tattha na ukkhipeti attanam na ukkhipeyya, jatiadihi bahusaccadihi ca attukkamsanam na kareyya. No ca parikkhipe pareti pare parapuggale teheva jati- adihi no parikkhipe paricchinditva na khipeyya gunaparidhamsanavasena va na khipeyya. Na okkhipe pare iccevam sambandho. Pare ojjhapanavasena ^1- na okkhipe hetthato katva pare na olokapeyya, na ojjhapeyyati attho. "na ukkhipe"ti keci pathanti, soevattho. Paragatanti samsaraparam viya ^2- vijjaya ^3- param gatam khinasavam tevijjam chalabhinnam va na eraye na varaye na ghattaye na asadeyya. ^4- Na cattavannam parisasu byahareti attano vannam gunam ^5- labhasakkarasilokam nikamaya- mano khattiyaparisadisu na bhaseyya. Anuddhatoti uddhaccarahito. Uddhatassa hi vacanam nadiyanti. Sammitabhaniti sammadeva mitabhani, kalena sapadesam pariyantavatim attha- sanhitameva vacam ^6- bhasanasiloti attho. Ito annatha vadantassa vacanam agahaniyam hoti. Subbatoti sundaravato silasampanno. "siya"ti kiriyapadam anetva yojetabbam. Evam thero sankhepeneva dhammakathikalakkhanam vatva tesam gunanam attani labbhamanatam adhimuccitva bhiyyoso mattaya abhippasannam mahajanam natva "evamvidhassa dhammakathikassa vimuttayatanasannissitassa na nibbanam dullabham, atha kho sulabhameva"ti dassento susukhumanipunatthadassina"ti dutiyagathamaha. Tassattho hettha vuttoyeva. Visakhapancaliputtattheragathavannana nitthita. ------------------ @Footnote: ¹ Si.,i. ujjhapanavasena ² Ma. samsarassa viya ³ Si.,Ma. abhinnaya @⁴ Si. na pahareyya ⁵ Si.,i. vannagunam ⁶ Ma. vacanam

The Pali Atthakatha in Roman Book 32 page 512. http://84000.org/tipitaka/pitaka_item/read_rm.php?B=32&A=11455&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=32&A=11455&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=302 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6008 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6137 The Pali Tipitaka in Roman Character :- http://84000.org/tipitaka/read/roman_read.php?B=26&A=6137 Contents of The Tipitaka Volume 26 http://84000.org/tipitaka/read/?index_26