AtthaPali Vol.32

309. 3. Bakkulattheragathavannana ^2- yo pubbe karaniyaniti ayasmato bakkulattherassa gatha. Ka uppatti? ayampi kira atite ito kappasatasahassadhikassa asankhyeyyassa matthake anomadassissa bhagavato uppattito puretarameva brahmanakule nibbattitva vayappatto tayo vede uggahetva tattha saram apassanto "samparayikattham gavesissami"ti isipabbajjam pabbajitva pabbatapade viharanto pancabhinno ^3- atthasamapattilabhi hutva viharanto buddhuppadam sutva satthu santikam gantva dhammam sutva saranesu patitthito satthu udarabadhe uppanne arannato bhesajjani aharitva tam vupasametva tattha punnam ^4- arogyatthaya parinametva tato cuto brahmaloke nibbattitva ekam asankhyeyyam devamanussesu samsaranto padumuttarabuddhakale hamsavatinagare kulagehe nibbatto sattharam ekam bhikkhum appabadhanam aggatthane thapentam disva sayam tam thanantaram akankhanto panidhanam katva yavajivam kusalam upacinitva sugatisuyeva samsaranto vipassissa bhagavato nibbattito puretarameva bandhumatinagare @Footnote: ¹ Ma. iretabbato ² cha.Ma. bakulatthera.... evamuparipi @³ cha.Ma. pancabhinna.... ⁴ Si. tam punnam Brahmanakule nibbatto purimanayeneva isipabbajjam pabbajitva jhanabhinnalabhi hutva pabbatapade vasanto buddhuppadam sutva satthu santikam gantva dhammam sutva saranesu patitthito bhikkhunam tinapupphakaroge ^1- uppanne tam vupasametva tattha yavatayukam thatva tato cuto brahmaloke nibbattitva ekanavutikappe devamanussesu samsaranto kassapassa bhagavato kale baranasiyam kulagehe nibbattitva gharavasam vasanto ekam jinnam vinassamanam mahaviharam disva tattha uposathagaradikam sabbam avasatham karetva tattha bhikkhusamghassa sabbam bhesajjam patiyadetva ^2- yavajivam kusalam katva ekam buddhantaram devamanussesu samsaranto amhakam bhagavato uppattito puretarameva kosambiyam setthigehe nibbatti. ^3- So arogabhavaya mahayamunaya nhapiyamano dhatiya hatthato macchena gilito macche kevattahatthagate baranasisetthibhariyaya vikkinitva gahite phaliyamanepi punnabalena arogoyeva hutva taya puttoti gahetva posiyamano tam pavattim sutva janakehi matapituhi "ayam amhakam putto, detha no puttan"ti anuyoge kate ranna "ubhayesampi sadharano hotu"ti dvinnam kulanam dayadabhavena vinicchayam katva thapitatta bakkuloti laddhanamo vayappatto hutva mahatim sampattim anubhavanto asitiko hutva satthu santike dhammam sutva patiladdhasaddho pabbajitva sattahameva puthujjano ahosi, atthame arune saha patisambhidahi arahattam papuni. Tena vuttam apadane ^4- :- "himavantassavidure sobhito nama pabbato assamo sukato mayham sakasissehi mapito. Mandapa ca ^5- bahu tattha pupphita sindhuvaraka ^6- kapittha ca bahu tattha pupphita jivajivaka. ^7- @Footnote: ¹ Ma. tinapupphikaroge, pa.su. 3/602 (sya), mano.pu. 1/226. navapotthake passitabbam @² Si. patiyadapetva ³ Ma. nibbatto ⁴ khu.apa. 32/386/461 bakkulattherapadana @⁵ Si. padapa ca ⁶ pali. sinduvarita, Ma. sindhuvarita ⁷ pali. campaka nagaketaka Niggundiyo bahu tattha badaramalakapi ^1- ca pharusaka alabu ca pundarika ca pupphita. Alakka ^2- beluva tattha kadali matulungaka mahanama bahu tattha ajjuna ca piyanguka. Kosamba salala nipa ^3- nigrodha ca kapitthana ^4- ediso assamo mayham sasissoham tahim vasim. Anomadassi bhagava sayambhu lokanayako gavesam patisallanam mamassamamupagami. ^5- Upetanca mahaviram anomadassim mahayasam ^5- khanena lokanathassa vatabadho samutthahi. Vicaranto arannamhi addasam lokanayakam upagantvana sambuddham cakkhumantam mahayasam. Iriyapathanca ^6- disvana upalakkhesaham tada asamsayam hi buddhassa byadhi no upapajjatha. ^7- Khippam assamamaganchim mama sissana santike bhesajjam kattukamoham sisse amantayim tada. Patisunitvana me vakyam sissa sabbe sagarava ekajjham sannipatimsu satthugarava mama. Khippam pabbatamaruyha sabbosathamakasaham ^8- paniyayogam katvana buddhasetthassadasaham. Paribhutte mahavire sabbannulokanayake khippam vato vupasami sugatassa mahesino. Passaddham daratham disva anomadassi mahayaso @Footnote: ¹ cha.Ma. badaramalakani ² cha.Ma. alaka ³ cha.Ma. nimba ⁴ Si. kapitthaka @^5-5 cha.Ma. upetamhi mahavire, anomadassimahayase ⁶ cha.Ma. iriyancapi @⁷ cha.Ma. udapajjatha ⁸ cha.Ma. sabbosadhamahasaham Sakasane nisiditva ima gatha abhasatha. Yo me adasi ^1- bhesajjam byadhinca samayi mama tamaham kittayissami sunatha mama bhasato. Kappasatasahassani devaloke ramissati vadite turiye tattha modissati sada ayam. ^2- Manussalokamagantva sukkamulena codito sahassakkhattum rajapi ^3- cakkavatti bhavissati. Pancapannasakappamhi anomi ^4- nama khattiyo caturanto vijitavi jambudipassa ^5- issaro. Sattaratanasampanno cakkavatti mahabbalo tavatimsepi khobhetva issaram karayissati. Devabhuto manusso va appabadho bhavissati paridaham ^6- vivajjetva byadhim loke tarissati. Aparimeyye ito kappe okkakakulasambhavo gotamo nama gottena sattha loke bhavissati. Tassa dhammesu dayado oraso dhammanimmito sabbasave parinnaya nibbayissatinasavo. Kilese jhapayitvana tanhasotam ^7- tarissati bakkulo nama namena hessati satthu savako. Idam sabbam abhinnaya gotamo sakyapungavo bhikkhusamghe nisiditva etadagge thapessati. Anomadassi bhagava sayambhu lokanayako @Footnote: ¹ cha.Ma. padasi ² Si. sadasayam ³ cha.Ma. raja ca ⁴ Si. aranemi, cha.Ma. anomo @⁵ cha.Ma. jambumandassa ⁶ cha.Ma. pariggaham ⁷ Si.,Ma. kankhasotam Vivekanuvilokento mamassamamupagami. Upagatam mahaviram sabbannum lokanayakam sabbosathena tappesim pasanno sehi panibhi. Tassa me sukatam kammam sukhette bijasampada khepetum neva sakkomi tada hi sukatam mama. Labha mama suladdham me yoham ^1- addakkhi nayakam tena kammavasesena pattomhi acalam padam. Sabbametam abhinnaya gotamo sakyapungavo bhikkhusamghe nisiditva etadagge thapesi mam. Aparimeyye ito kappe yam kammamakarim tada duggatim nabhijanami bhesajjassa idam phalam. Kilesa jhapita mayham .pe. katam buddhassa sasanan"ti. Arahattam pana patva ekadivasam satthara attano savake patipatiya thanantare thapentena appabadhanam aggatthane thapito so parinibbanasamaye samghamajjhe bhikkhunam ovadamukhena annam byakaronto:- [225] "yo pubbe karaniyani paccha so katumicchati sukha so dhamsate thana paccha ca manutappati. [226] Yanhi kayira tanhi vade yam na kayira na tam vade akarontam bhasamanam parijananti pandita. [227] Susukham vata nibbanam sammasambuddhadesitam asokam virajam khemam yattha dukkham nirujjhati"ti gathattayamabhasi. ^2- @Footnote: ¹ Si. yamaham ² i. ima tisso gatha abhasi Tattha yo pubbe karaniyani, paccha so katumicchatiti yo puggalo pubbe puretaram jararogadihi anabhibhutakaleyeva katabbani attano hitasukhavahani kammani pamadavasena akatva paccha so katabbakalam atikkamitva katum icchati. Soti ca nipatamattam. Tada pana jararogadihi abhibhutatta katum na sakkoti, asakkonto ca sukha so dhamsate thana, paccha ca manutappatiti so puggalo sukha thana saggato nibbanato ca tadupayassa anuppaditatta parihayanto "akatam me kalyanan"tiadina ^1- paccha ca anutappati vippatisaram apajjati. Makaro padasandhikaro. Aham pana karaniyam katvaeva tumhe evam vadamiti dassento "yanhi kayira"ti dutiyam gathamaha. Tattha parijanantiti "ettako ayan"ti paricchijja jananti na bahum ^2- mannantiti attho. Sammapatipattivasena hi yathavadi tathakarieva sobhati, na tato annatha. Karaniyapariyayena sadharanato vuttamattham idani sarupato dassetum "susukham vata"tiadina tatiyam gathamaha. Tassattho:- samma samam sabbadhammanam buddhatta sammasambuddhena bhagavata desitam sabbaso sokahetunam abhavato asokam vigataragadirajatta virajam catuhi yogehi anupaddutatta khemam nibbanam sutthu sukham vata, kasma? yattha yasmim nibbane sakalam vattadukkham nirujjhati accantameva vupasamatiti. Bakkulattheragathavannana nitthita. -------------

The Pali Atthakatha in Roman Book 32 page 529-534. http://84000.org/tipitaka/pitaka_item/read_rm.php?B=32&A=11834&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=32&A=11834&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=309 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6072 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6194 The Pali Tipitaka in Roman Character :- http://84000.org/tipitaka/read/roman_read.php?B=26&A=6194 Contents of The Tipitaka Volume 26 http://84000.org/tipitaka/read/?index_26