|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
342. 8. Vakkalittheragathavannana
vatarogabhinitotiadika ayasmato vakkalittherassa gatha. Ka uppatti?
ayampi purimabuddhesu katadhikaro tattha tattha bhave punnani upacinanto
padumuttarassa bhagavato kale hamsavatinagare kulagehe nibbattitva vinnutam patto
satthu santikam gacchantehi upasakehi saddhim viharam gantva parisapariyante thito
dhammam sunanto sattharam ekam bhikkhum saddhadhimuttanam aggatthane thapentam disva
sayampi tam thanam patthento sattaham mahadanam datva panidhanam akasi. Sattha
tassa anantarayatam disva byakasi. 2-
Sopi yavajivam kusalam katva devamanussesu samsaranto amhakam satthu kale
@Footnote: 1 Si.,i.,Ma. parisuddhakayasamacarataya payato, parisuddhavacisamacarataya suci,
@suparisuddhamanosamacarataya suddho 2 cha.Ma. byakari
Savatthiyam brahmanakule nibbatti, vakkalitissa namam akamsu. So vuddhippatto
tayo vede ugganhitva brahmanasippesu nipphattim gato sattharam disva rupakayassa
sampattidassanena atitto satthara saddhimyeva vicarati. "agaramajjhe vasanto niccakalam
sattharam datthum na labhissami"ti satthu santike pabbajitva thapetva bhojanavelam
sarirakiccakalanca sesakale yattha thitena sakka dasabalam passitum, tattha thito annam
kiccam pahaya bhagavantam olokentova viharati. Sattha tassa nanaparipakam agamento
bahukalam tasmim rupadassaneneva vicarante kinci avatva punekadivasam "kim te vakkali
imina putikayena ditthena, yo kho vakkali dhammam passati, so mam passati.
Yo mam passati, so dhammam passati. Dhammam hi vakkali passanto mam passati,
mam passanto dhammam passati"ti 1- aha.
Satthari evam vadantepi thero satthu dassanam pahaya annattha gantum na sakkoti.
Tato sattha "nayam bhikkhu samvegam alabhitva bujjhissati"ti vassupanayikadivase
"apehi vakkali"ti theram panamesi. So satthara panamito sammukhe thatum asakkonto
"kim mayham jivitena, yoham sattharam datthum na labhami"ti gijjhakutapabbate papatatthanam
abhiruhi. Sattha tassa tam pavattim natva "ayam bhikkhu mama santika assasam
alabhanto maggaphalanam upanissayam naseyya"ti attanam dassetum obhasam
vissajjento:-
"pamojjabahulo bhikkhu pasanno buddhasasane
adhigacche padam santam sankharupasamam sukhan"ti 2-
gatham vatva "ehi vakkali"ti hattha pasaresi. Thero "dasabalo me dittho, `ehi'ti
avhanampi laddhan"ti balavapitisomanassam uppadetva "kuto agacchami"ti attano
gamanabhavam ajanitva satthu sammukhe akase 3- pakkhandanto pathamapadena pabbate
@Footnote: 1 sam.khandha. 17/87/96 vakkalisutta 2 khu.dhamMa. 25/87/96 vakkalittheravatthu
@3 Ma. akasena
Thitoyeva satthara vuttagatham avajjento akaseyeva pitim vikkhambhetva saha
patisambhidahi arahattam papuniti anguttaratthakathayam dhammapadavannanayanca 1- agatam.
Idha pana evam vadanti:- "kim te vakkali"tiadina satthara ovadito gijjhakute
viharanto vipassanam patthapesi, tassa saddhaya balavabhavatoeva vipassana vithim na
otarati, bhagava tam natva kammatthanam sodhetva adasi. Puna vipassanam matthakam
papetum nasakkhiyeva, athassa aharavekallena vatabadho uppajji, tam vatabadhena
piliyamanam natva bhagava tattha gantva pucchanto:-
[350] "vatarogabhinito tvam viharam kanane vane
pavitthagocare 2- lukhe katham bhikkhu karissasi"ti
aha. Tam sutva thero:-
[351] "pitisukhena vipulena pharamano samussayam
lukhampi abhisambhonto viharissami kanane.
[352] Bhavento satipatthane indriyani balani ca
bojjhangani ca bhavento viharissami kanane.
[353] Araddhaviriye pahitatte niccam dalhaparakkame
samagge sahite disva viharissami kanane.
[354] Anussaranto sambuddham aggam dantam 3- samahitam.
Atandito rattindivam viharissami kanane"ti
catasso gatha abhasi.
Tattha vatarogabhinitoti vatabadhena aseribhavam upanito, vatabyadhina abhibhuto.
Tvanti theram alapati. Viharanti tena iriyapathaviharena viharanto. Kanane
@Footnote: 1 mano.pu. 1/208 (nava.), dhammapada.A. 8184 (sya.) 2 Si.Ma. paviddhagocare
@3 pali. attadantam
Vaneti kananabhute vane, mahaaranneti attho. Pavitthagocareti vissatthagocare dullabha-
paccaye. Vatarogassa sappayanam sappiadibhesajjanam abhavena pharusabhumibhagataya
ca lukhe lukhatthane. Katham bhikkhu karissasiti bhikkhu tvam katham viharissasiti bhagava
pucchi.
Tam sutva thero niramisapitisomanassadina attano sukhaviharam pakasento
"pitisukhena"tiadimaha. Tattha pitisukhenati ubbegalakkhanaya pharanalakkhanaya ca pitiya
tamsampayuttasukhena ca. Tenaha "vipulena"ti, ularenati attho. Pharamano samussayanti
yathavuttapitisukhasamutthitehi panitehi rupehi sakalam kayam pharapento nirantaram phutam
karonto. Lukhampi abhisambhontoti arannavasajanitam sallekhavuttihetukam dussahampi
paccayalukham abhibhavanto adhivasento. Viharissami kananeti jhanasukhena vipassanasukhena
ca arannayatane viharissamiti attho. Tenaha "sukhanca kayena patisamvedesin"ti 1-
"yato yato sammasati khandhanam udayabbayam
labhati pitipamojjam amatam tam vijanatan"ti 2- ca.
Bhavento satipatthaneti maggapariyapanne kayanupassanadike cattaro
satipatthane uppadento vaddhento ca. Indriyaniti maggapariyapannanieva
saddhadini pancindriyani. Balaniti tatha saddhadini panca balani. Bojjhanganiti
tatha satisambojjhangadini satta bojjhangani. Casaddena 3- sammappadhanaiddhipada-
maggangani sanganhati. Tadavinabhavato hi taggahaneneva tesam gananam 4- hoti.
Viharissamiti yathavutte bodhipakkhiyadhamme bhavento maggasukhena tadadhigamasiddhena
phalasukhena nibbanasukhena ca viharissami.
Araddhaviriyeti catubbidhasammappadhanavasena paggahitaviriye. Pahitatteti nibbanam
@Footnote: 1 vinaYu.maha. 1/11/5 veranjakanda 2 khu.dhamMa. 25/374/82 sambahulabhikkhuvatthu
@3 Si. cakarasamuccayena 4 cha.Ma. gahanam
Patipesitacitte. Niccam dalhaparakkameti sabbakalam asithilaviriye. Avivadavasena kaya-
samaggidanavasena ca samagge. Ditthisilasamannena sahite sabrahmacari disva.
Etena kalyanamittasampattim dasseti.
Anussaranto sambuddhanti samma samam sabbadhammanam buddhatta sammasambuddham
sabbasattuttamataya aggam uttamena damathena dantam anuttarasamadhina samahitam
atandito analaso hutva rattindivam sabbakalam "itipi so bhagava arahan"tiadina
anussaranto viharissami. Etena buddhanussatibhavanaya yuttakaradassanena 1- sabbattha
kammatthananuyogamaha, purimena parihariyakammatthananuyogam.
Evam pana vatva thero vipassanam ussukkapetva arahattam papuni. Tena
vuttam apadane 2-:-
"ito satasahassamhi kappe uppajji nayako
anomanamo amito namena padumuttaro.
Padumakaravadano padumamalasucchavi
lokenanupalittova toyena padumam yatha.
Viro padumapattakkho kanto ca padumam yatha
padumuttaragandhova tasma so padumuttaro.
Lokajettho ca nimmano andhanam nayanupamo
santaveso gunanidhi karunamatisagaro.
Sa kadaci mahaviro brahmasurasuraccito
sadevamanujakinne janamajjhe jinuttamo.
Vadanena sugandhena madhurena rutena ca
ranjayam parisam sabbam santhavi savakam sakam.
@Footnote: 1 Si.,i. yuttappayuttadassanena 2 khu.apa. 33/122/182 vakkalittherapadana (sya)
Saddhadhimutto sumati mama dassanalalaso
natthi etadiso anno yathayam bhikkhu vakkali.
Tadaham hamsavatiyam nagare brahmanatrajo
hutva sutva ca tam vakyam tam thanamabhirocayim.
Sasavakam tam vimalam nimantetva tathagatam
sattaham bhojayitvana dussehacchadayim tada.
Nipacca sirasa tassa anantagunasagare
nimuggo pitisampunno idam vacanamabravim.
Yo so taya santhavito ito sattamake muni 1-
bhikkhu saddhavatam aggo tadiso homaham mune. 2-
Evam vutte mahaviro anavaranadassano
imam vakyam udiresi parisaya mahamuni.
Passathetam manavakam pitamatthanivasanam
hemayannopacitangam jananettamanoharam.
Eso anagataddhane gotamassa mahesino
aggo saddhadhimuttanam savakoyam bhavissati.
Devabhuto manusso va sabbasantapavajjito
sabbabhogaparibyulho sukhito samsarissati.
Satasahassito kappe okkakakulasambhavo
gotamo nama gottena sattha loke bhavissati.
Tassa dhammesu dayado oraso dhammanimmito
vakkali nama namena hessati satthu savako.
Tena kammavisesena cetanapanidhihi ca
jahitva manusam deham tavatimsamagacchaham.
@Footnote: 1 pali. idha saddhadhimutto isi 2 pali. tadisoham mahamuni
Sabbattha sukhito hutva samsaranto bhavabhave
savatthiyam pure jato kule annatare aham.
Nonitasukhumalam mam jatapallavakomalam
mandam uttanasayanam pisacabhayatajjita.
Padamule mahesissa sayesum dinamanasa
imam dadama te natha saranam hoti nayaka.
Tada patiggahi so mam bhitanam sarano muni
jalina cakkankitena mudukomalapanina.
Tada pabhuti tenaham arakkheyyena rakkhito
sabbaveravinimutto sukhena parivuddhito.
Sugatena vina bhuto ukkanthami muhuttakam
jatiya sattavassoham pabbajim anagariyam.
Sabbaparamisambhutam nilakkhinayanam varam
rupam sabbasubhakinnam atitto viharamaham.
Buddharuparatim natva tada ovadi mam jino
alam vakkali kim rupe ramase balanandite.
Yo hi passati saddhammam so mam passati pandito
apassamano saddhammam mam passampi na passati.
Anantadinavo kayo visarukkhasamupamo
avaso sabbaroganam punjo dukkhassa kevalo.
Nibbindiya tato rupe khandhanam udayabbayam
passa upakkilesanam sukhenantam gamissasi.
Evam tenanusitthoham nayakena hitesina
gijjhakutam samaruyha jhayami girikandare.
Thito pabbatapadamhi assasayi mahamuni
vakkaliti jino vacam tam sutva mudito aham.
Pakkhandim selapabbhare anekasataporise
tada buddhanubhavena sukheneva mahim gato.
Punopi dhammam deseti khandhanam udayabbayam.
Tamaham dhammamannaya arahattamapapunim.
Sumahaparisamajjhe tada mam caranantago
aggam saddhadhimuttanam pannapesi mahamati.
Satasahassito kappe yam kammamakarim tada
duggatim nabhijanami buddhapujayidam phalam.
Kilesa jhapita mayham .pe. katam buddhassa sasanan"ti.
Arahattam pana patva annam byakarontopi thero imaeva gatha abhasi.
Atha nam sattha bhikkhusamghamajjhe nisinno saddhadhimuttanam aggatthane thapesiti.
Vakkalittheragathavannana nitthita.
-----------------
The Pali Atthakatha in Roman Book 33 page 64-71.
http://84000.org/tipitaka/pitaka_item/read_rm.php?B=33&A=1459&modeTY=2
อรรถกถาบาลีอักษรไทย :-
http://84000.org/tipitaka/pitaka_item/read_th.php?B=33&A=1459&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=26&i=342
เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=6418
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=6539
The Pali Tipitaka in Roman Character :-
http://84000.org/tipitaka/read/roman_read.php?B=26&A=6539
Contents of The Tipitaka Volume 26
http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]