AtthaPali Vol.32

Dutiyavagga 148. 1. Culavacchattheragathavannana pamujjabahuloti ^1- ayasmato culavacchattherassa ^2- gatha. Ka uppatti? so kira padumuttarassa bhagavato kale daliddakule nibbattitva paresam bhatiya jivitam kappento bhagavato savakam sujatam nama theram pamsukulam pariyesantam disva pasannamanaso upasankamitva vattham datva pancapatitthitena vandi. So tena punna- kammena tettimsakkhattum devarajjam karesi. Sattasattatikkhattum cakkavattiraja ahosi, anekavare ^3- padesaraja. Evam devamanussesu samsaranto kassapassa bhagavato sasane osakkamane pabbajitva samanadhammam katva ekam buddhantaram devamanussagatisu aparaparam parivattento amhakam bhagavato kale kosambiyam brahmanakule nibbatti. Culavacchotissa ^4- namam ahosi. So vayappatto brahmanasippesu nipphattim gato buddhagune sutva pasannamanaso bhagavantam upasankami, tassa bhagava dhammam kathesi. So ^5- patiladdhasaddho pabbajitva laddhupasampado katapabbajjakicco ^6- caritanukulam kammatthanam gahetva bhavento vihari. Tena ca samayena kosambika bhikkhu bhandanajata ahesum. Tada culavacchatthero ubhayesam bhikkhunam laddhim anadaya bhagavata dinnovade thatva vipassanam bruhetva arahattam papuni. Tena vuttam apadane 7-:- "padumuttarabhagavato sujato nama savako pamsukulam gavesanto sankare carati ^8- tada. @Footnote: ¹ cha.Ma. pamojjabahulo. evamuparipi ² Si. culagavacchassa therassa ³ cha.Ma. anekavaram @⁴ Si. culagavacchotissa ⁵ Si. ayam patho na dissati ⁶ cha.Ma. katapubbakicco @⁷ khu.apa. 33/85/129 upaddhadussadayakattherapadana (sya) ⁸ pali. rathiya Nagare hamsavatiya paresam bhatiko ^1- aham upaddhadussam datvana sirasa abhivadayim. Tena kammena sukatena cetanapanidhihi ca jahitva manusam deham tavatimsam agacchaham. Tettimsakkhattum devindo devarajjamakarayim sattasattatikkhattunca cakkavatti ahosaham. Padesarajjam vipulam gananato asankhayam ^2- upaddhadussadanena modami akutobhayo. Icchamano aham ^3- ajja sakananam sapabbatam khomadussehi chadeyyam addhadussassidam phalam. Satasahasse ito kappe yam danamadadim tada duggatim nabhijanami addhadussassidam phalam. Kilesa jhapita mayham .pe. Katam buddhassa sasanan"ti. Atha culavacchatthero arahattam patva tesam bhikkhunam kalahabhiratiya sakatthavinasam disva dhammasamvegappatto, attano ca pattavisesam paccavekkhitva pitisomanassavasena:- ^4- "pamujjabahulo bhikkhu dhamme buddhappavedite adhigacche padam santam sankharupasamam sukhan"ti gatham abhasi. ^4- [11] Tattha pamujjabahuloti suparisuddhasilataya vippatisarabhavato adhikusalesu dhammesu abhirativasena pamujjabahulo. ^5- Tenevaha "dhamme buddhappavedite"ti. @Footnote: ¹ cha.Ma. bhatako ² cha.Ma. asankhiyam ³ cha.Ma. caham @^4-4 cha.Ma. "pamojjabahulo"ti gatham abhasi ⁵ cha.Ma. pamodabahulo Tattha dhammeti sattatimsaya bodhipakkhiyadhamme navavidhe va lokuttaradhamme. So hi sabbannubuddhena samukkamsikaya desanaya pakasitatta satisayam buddhappavedito nama. Tassa pana adhigamupayabhavato desanadhammopi idha labbhateva. Padam santanti nibbanam sandhaya vadati. Evarupo hi bhikkhu santam padam santam kotthasam sabbasankharanam upasamabhavato sankharupasamam paramasukhataya sukham nibbanam adhigacchati vindatiyeva. Parisuddhasilo hi bhikkhu vippatisarabhavena pamujjabahulo saddhamme yuttappayutto vimuttipariyosana sabbasampattiyo ^1- papunati. Yathaha "avippatisaratthani kho ananda kusalani silani, avippatisaro pamojjatthaya"tiadi. ^2- Athava pamujja- bahuloti sammasambuddho bhagava, svakkhato dhammo, supatipanno samghoti ratanattayam sandhaya pamodabahulo. Kattha ^3- pana so pamodabahulo kim va karotiti aha "dhamme buddhappavedite"tiadi. Saddhasampannassa hi ^4- sappurisasamsevanasaddhammassavana- yonisomanasikaradhammanudhammapatipattinam sukheneva sambhavato sampattiyo hatthagataeva honti, yathaha "saddhajato upasankamati, upasankamanto payirupasati "tiadi. ^5- Culavacchattheragathavannana nitthita. --------------

The Pali Atthakatha in Roman Book 32 page 82-84. http://84000.org/tipitaka/pitaka_item/read_rm.php?B=32&A=1850&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=32&A=1850&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=148 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5047 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5351 The Pali Tipitaka in Roman Character :- http://84000.org/tipitaka/read/roman_read.php?B=26&A=5351 Contents of The Tipitaka Volume 26 http://84000.org/tipitaka/read/?index_26