AtthaPali Vol.11

4. Vutthisuttavannana [74] Catutthe bijanti upatantanam sattavidham dhannabijam settham. Tasmim hi uggate janapado khemo hoti subhikkho. Nipatatanti nipatantanampi ^5- meghavutthi settha. Meghavutthiyam hi sati vividhani sassani uppajjanti, janapada phita honti khema subhikkha. Pavajamanananti jangamamananam ^6- padasa caramananam gavo settha. Ta nissaya hi satta panca gorase paribhunjamana sukham viharanti. Pavadatanti rajakulamajjhadisu vadantanam putto varo. So hi matapitunam anatthavaham na vadati. @Footnote: ¹ cha.Ma., i.bhattaram patvava ² cha.Ma. sukhamavahati ³ cha.Ma., i. sadhutaranti lokasmim @⁴ cha.Ma., i. idamatthanti ⁵ cha.ma, i. pisaddo na dissati ⁶ cha.Ma. jangamanam Vijja uppatatam setthati purimapanhe kira sutva samipe thita eka devata "devate kasma tvam etam panham dasabalam pucchasi, aham te kathessami"ti attano laddhiya ^1- panham kathesi. Atha nam itara devata aha "yava dhamsi ^2- devate yava pagabbhamukhara, aham buddham bhagavantam pucchami, tvam mayham kasma kathesi"ti nivattitva ^3- tameva panham dasabalam pucchi. Athassa sattha visajjento vijja uppatatantiadimaha. Tattha vijjati catumaggavijja. Sa hi uppajjamana ^4- sabbakusaladhamme samugghateti. Tasma "uppatatam settha"ti vutta. Avijjati vattamulakamahaavijja. Sa hi nipatantanam osidantanam vaRa. Pavajjamanananti ^5- padasa caramananam jangamamananam ^6- anomapunnakkhettabhuto samgho varo. Tanhi tattha tattha disva pasannacitta satta sotthim papunanti. Buddhoti putto hotu ^7- anno va, yesam kesanci vadamananam buddho varo. Tassa hi dhammadesanam agamma anekasatasahassanam pananam bandhanamokkho hotiti. Catuttham.

The Pali Atthakatha in Roman Book 11 page 94-95. http://84000.org/tipitaka/pitaka_item/read_rm.php?B=11&A=2485&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=11&A=2485&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=204 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=1282 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=1083 The Pali Tipitaka in Roman Character :- http://84000.org/tipitaka/read/roman_read.php?B=15&A=1083 Contents of The Tipitaka Volume 15 http://84000.org/tipitaka/read/?index_15