|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Sutanajatakam
raja te bhattanti idam sattha jetavane viharanto matuposaka-
bhikkhum arabbha kathesi. Vatthum samajatake avibhavissati. Idha pana
atite baranasiyam brahmadatte rajjam karente bodhisatto
duggatagahapatikule nibbatti. Sutanotissa namam akamsu. So
vayappatto bhatim katva matapitaro posetva pitari kalakate
mataram poseti. Tasmim pana kale baranasiraja migacittako
ahosi. So ekadivasam mahantena parivarena yojanamattam arannam
pavisitva yassa thitatthanena migo palayati so imam nama
Jinnoti sabbesam arocapesi. Amacca ranno dhuvamaggatthane
kotthakam chadetva adamsu. Manussehi miganam vasanatthanani
parivaretva khandadandehi utthapitesu migesu eko enimigo ranno
thitatthanam patipajji. Raja tam vijjhissamiti saram khipi.
Uggahitamayo pana migo saram mahaphasukabhimukham agacchantam natva
parivattetva sarena viddho viya hutva pati. Raja migo me
viddhoti gahanatthaya dhavi. Migo utthaya vatavegena palayi.
Amaccadayo rajanam avahasimsu. So migam anubandhitva kilamitakale
khaggena dvidha chinditva ekasmim dandake laggetva kajam vadanto
viya agacchanto thokam vissamissamiti maggasamipe thitam vattarukkham
apagantva nipajjitva niddam okkami. Tasmim pana vattarukkhe
nibbatto maggadevo nama yakkho tattha pavitthe vessavanassa
santika khaditum labhi. So rajanam utthaya gacchantam titthatu
titthatu bhakkhosi meti hatthe ganhi. Tvam ko namati. Aham
idha nibbattayakkho imam thanam pavitthe khaditum labhamiti. Raja
satim upatthapetva kim ajjeva khadissasi nibaddham khadissasiti
pucchi. Labhanto nibaddham khadissamiti. Ajja imam migam khaditva
mam vissajjehi aham te sve patthaya ekaya bhattapatiya saddhim
ekam manussam pesissamiti. Tenahi appamatto hohi apesitadivase
tameva khadissamiti. Aham baranasiraja mayham avijjamanakannama
Natthiti. Yakkho patinnam gahetva tam vissajjesi. So nagaram
pavisitva tamattham ekassa atthacarakassa amaccassa kathetva idani
kim katabbanti pucchi. Divasaparicchedo kato devati. Na katoti.
Ayuttam vo katam evam santepi ma cintayittha bahu bandhanagaresu
manussati. Tenahi tvam etam kammam kara mayham jivitam dehiti.
Amacco sadhuti sampaticchitva devasikam bandhanagarato manussam
niharitva bhattapatim gahapetva kinci ajanapetvava yakkhassa
pesesi. Yakkho bhattam bhunjitva manussam khadati. Aparabhage
bandhanagarani nimmanussani jatani. Raja bhattaharakam alabhanto
maranabhayena kampi. Atha nam amacco assasetva deva jivitasato
dhanasa balavatara hatthikkhandhe sahassabhandikam thapetva ko imam
dhanam gahetva yakkhassa bhattam adaya gamissatiti bherincarapessamati
vatva tatha karesi. Atha tam sutva bodhisatto cintesi aham
bhatiya masakaddhamasakam samharitva kicchena mataram posesim imam
dhanam gahetva matuya datva yakkhassa santikam gamissami sace
yakkhassa dametum sakkhissami iccetam kusalam no ce sakkhissami
mata me sukham jivissatiti. So sannitthanam katva etamattham
matu arocetva alam tata na mamattho dhanenati dve vare
patikkhimpito tatiyavare anapucchava aharatha bho sahassam aham
bhattam harissamiti sahassam gahetva matuya datva amma ma
cintayi aham yakkham dametva mahajanassa sotthim katva ajjeva
Tava assuna kilinnamukham hasapento agamissamiti mataram vanditva
assasetva rajapurisehi saddhim ranno santikam gantva vanditva
atthasi. Tato ranna tata tvam bhattam harissasiti vutte
ama devati aha. Kim te laddhum vattatiti. Tumhakam
suvannapaduka devati. Kimkaranati. Deva so yakkho attano
rukkhamule bhumiyam thitake khaditum labhati aham etassa santakaya
bhumiya athatva padukasu thassamiti. Annam kim laddhum vattatiti.
Chattam devati. Idam kimatthayati. Deva ayam yakkho attano
rukkhacchayaya thite khaditum labhati aham rukkhacchayaya athatva
chattacchayaya thassamiti. Annam kim laddhum vattatiti. Tumhakam
khaggam devati. Imina ko atthoti. Deva yakkha manussapi
khaggassa ca bhayantiyevati. Annam kim laddhum vattatiti. Tumhakam
suvannapatim puretva tumhakam bhojanabhattam devati. Kimkarana
tatati. Deva madisassa nama panditapurisassa mattikapatiya lukhabhojanam
haritum ananucchavikanti. Sadhu tatati raja sabbam dapetva
tassa veyyavaccakare patipadesi. Bodhisatto maharaja ma
bhayittha ajjaham yakkham dametva tumhakam sotthim katva agamissamiti
rajanam vanditva upakaranani gahapetva tattha gantva rukkhassa
avidure manusse thapetva suvannapaduka aruhitva khaggam sannahitva
setacchattam matthake katva kancanapatiya bhattam gahetva yakkhassa
santikam payasi. Yakkho maggam olokento tam disva ayam
Puriso na annesu divasesu agamananiyamena eti kim nu kho
karananti cintesi. Bodhisatto rukkhasamipam gantva asitundena
bhattapatim antochayaya karitva chayante thitova pathamam gathamaha
raja te bhattam pahesi sucimamsupasecanam
maghadevasmim adhivatthe ehi nikkhama bhunjasuti.
Tattha pahesiti pahini. Maghadevasmim adhivattheti maghadevoti
vattarukkho vuccati tasmim adhivattheti devatam alapati.
Tam sutva yakkho imam purisam vancetva antochayaya pavittham
khadissamiti cintetva dutiyam gathamaha
ehi manava orohi bhikkhamadaya supitam
tvanca manava bhakkhosi ubho bhakkha bhavissathati.
Tattha bhikkhanti mama nibaddhabhikkham. Supitanti supasampannam.
Tato bodhisatto dve gatha abhasi
appakena tuvam yakkha thulamattham jahissasi
bhikkhante naharissanti jana maranasankino.
Laddhayam yakkha tava niccabhikkham
sucim panitam rasasadhupetam
bhikkhanca te ahariyo naro idha
sudullabho hohiti khadite mayiti.
Tattha thulamatthanti appakena karanena mahantam attham jahissasiti
dasseti. Naharissantiti ito patthaya maranasankino hutva na
Aharissanti atha tvam milatasakho viya rukkho niraharo dubbalo
bhavissasiti. Laddhayanti laddham ayam laddhagamanam. Idam vuttam hoti
sace tuvam samma yakkha yamaham ajja aharim idam tava bhikkham sucim
panitam uttamarasena upetam laddhagamanam devasikam te agacchissati.
Ahariyoti aharaniko. Idam vuttam hoti sace tvam idam bhikkham
gahetva agatam mam bhakkhissasi athevam mayi bhakkhite bhikkhanca te
aharaniko anno naro idha sudullabho bhavissati. Kimkarana.
Madiso baranasiyam anno panditamanusso natthi mayi pana khadite
sutano nama yakkhena khadito annassa kassaci na so lajjissatiti
bhattaharanakam na labhissasi atha te ito patthaya bhojanam dullabham
bhavissati amhakampi rajanam ganhitum na labhissasi kasma rukkhato
bahi thanena sace panimam bhattam bhunjitva mam pahinissasi aham
te ranno kathetva nibaddhabhattam pesessami attanampi te khaditum
na dassami aham hi tava santake thane na thassami padukasu
thassami rukkhacchayayapi te na thassami attano chattacchayayameva
thassami sace pana maya saddhim virujjhissasi khaggena tam dvidha
chindissami aham hi ajja etadatthameva agamanasajjo hutva
agato. Evam kira tam mahasatto santajjesi.
Yakkho yuttarupam manavo bhaniti sallakkhetva pasannacitto
dve gatha abhasi
Mameva sutana attho yatha bhasasi manava
maya tvam samanunnato sotthim passahi mataram.
Khaggam chattanca patinca gacchevadaya manava
sotthim passatu te mata tvanca passahi mataranti.
Tattha sutanati bodhisattam alapati. Yatha bhasasiti yatha
tvam bhasasi tatha yo esa taya bhasito attho esa mamevattho
mayhanneva vaddhati.
Yakkhassa katham sutva bodhisatto mama kammam nipphannam damito
me yakkho bahunca dhanam laddham ranno ca vacanam katanti tutthacitto
yakkhassa anumodanam karonto osanagathamaha
evam yakkha sukhi hohi saha sabbehi natibhi
dhananca me adhigatam ranno ca vacanam katanti.
Vatva ca pana yakkham amantetva samma tvam pubbe akusalakammam
katva kakkhalo pharuso paresam mamsalohitabhakkho hutva nibbatto
ito patthaya panatipatadini ma kariti sile anisamsam dussile
adinavam kathetva yakkham pancasu silesu patitthapetva kinte
arannavasena ehi nagaradvare tam nisidapetva aggabhattadilabhim
karomiti yakkhena saddhim nikkhamitva khaggadini yakkhameva gahapetva
baranasim agamasi. Sutano manavo yakkham gahetva etiti ranno
arocesum. Raja amaccagganaparivuto bodhisattassa paccuggamanam
katva yakkham nagaradvare nisidapetva aggabhattadilabhim nam katva
Nagaram pavisitva bherincarapetva nagare sannipatetva bodhisattassa
gunam kathetva senapatitthanam adasi sayanca bodhisattassa ovade
thatva danadini punnani katva saggaparayano ahosi.
Sattha imam dhammadesanam aharitva saccani pakasetva
jatakam samodhanesi saccapariyosane matuposakabhikkhu sotapattiphale
patitthahi. Tada yakkho angulimalo ahosi raja anando
manavo pana ahamevati.
Sutanajatakam tatiyam.
The Pali Atthakatha in Roman Book 39 page 128-135.
http://84000.org/tipitaka/pitaka_item/read_rm.php?B=39&A=2539&modeTY=2
อรรถกถาบาลีอักษรไทย :-
http://84000.org/tipitaka/pitaka_item/read_th.php?B=39&A=2539&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=27&i=983
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=4324
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=4343
The Pali Tipitaka in Roman Character :-
http://84000.org/tipitaka/read/roman_read.php?B=27&A=4343
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]