|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Dabbapupphajatakam
anutiracari bhaddanteti idam sattha jetavane viharanto upanandam
sakyaputtam arabbha kathesi.
So hi sasane pabbajitva appicchadigune pahaya mahatanho
ahosi. Vassupanayikaya dve tayo vihare pariggahetva ekasmim
chattam va upahanam va ekasmim kattarayatthim va udakatumbam va
Thapetva ekasmim sayam vasati. So ekasmim janapadavihare vassam
upagantva bhikkhuna nama appicchena bhavitabbanti akase candam
utthapento viya bhikkhunam paccayasantosadipakam ariyavamsapatipadam kathesi.
Tam sutva bhikkhu manapani pattacivarani chaddetva mattikapattani
ceva pamsukulacivarani ca ganhimsu. So tani attano vasanatthane
thapetva vutthavasso pavaretva yanakam puretva jetavanam gacchanto
antaramagge ekassa arannikaviharassa pitthibhage pade valliya
palibuddha addha ettha kinci laddhabbam bhavissatiti tam viharam
pavisi. Tattha dve mahallaka bhikkhu vassam upagacchimsu. Te
dve ca thulasatake ekanca sukhumam kambalam labhitva bhajetum asakkonta
tam disva thero no bhajetva dassatiti tutthacitta mayam
bhante imam vassavasikam bhajetum na sakkoma imam no nissaya
vivado hoti idam amhakam bhajetva dethati ahamsu. So
sadhu bhajessamiti dve thulasatake dvinnam bhajetva ayam amhakam
vinayadharanam papunatiti kambalam gahetva pakkami. Tepi thera
kambale salaya teneva saddhim jetavanam gantva vinayadharanam bhikkhunam
etamattham arocetva labbhati nu kho bhante vinayadharanam evam
vilopam khaditunti ahamsu. Bhikkhu upanandattherena abhatam patta-
civararasim disva mahapunnosi tvam avuso bahum te pattacivaram
laddhanti vadimsu. So kuto me avuso punnam imina me
upayena idam laddhanti sabbam kathesi. Bhikkhu dhammasabhayam katham
Samutthapesum avuso upanando sakyaputto mahatanho
mahalobhoti. Sattha agantva kaya nuttha bhikkhave etarahi kathaya
sannisinnati pucchitva imaya namati vutte na bhikkhave
upanandena patipadaya anucchavikam katam parassa patipadam kathentena nama
bhikkhuna pathamam attano anucchavikam katva paccha paro ovaditabboti
attanameva pathamam patirupe nivesaye
athannamanusaseyya na kilisseyya panditoti
imaya dhammapade gathaya dhammam desetva na bhikkhave upanando
idaneva pubbepesa mahalobhova na ca pana idaneva pubbepesa
imesam santakam vilumpiyevati vatva atitam ahari
atite baranasiyam brahmadatte rajjam karente bodhisatto
naditire rukkhadevata ahosi. Tada eko sigalo mayavim nama
bhariyam gahetva naditire ekasmim thane vasi. Athekadivasam sigali
sigalam aha dohalo me sami uppanno allarohitamaccham khaditum
icchamiti. Sigalo appossukka hohi aharissami teti
naditire caranto valliya pade palibuddho anutirameva agamasi.
Tasmim khane gambhiracari ca anutiracari cati dve udda macche
pariyesanta tire atthamsu. Tesu gambhiracari mahantam rohitamaccham
disva vegena udakam pavisitva tam nangutthe ganhi. Balava maccho
parikaddhanto payasi. So gambhiracariuddo mahamaccho ubhinnampi
No pahossati ehi me sahayo hohiti itarena saddhim sallapanto
pathamam gathamaha
anutiracari bhaddante sahayamanudhava mam
maha me gahito maccho so mam harati vegasati.
Tattha sahayamanudhava manti sahaya anudhava mam. Sandhivasena
makaro vutto idam vuttam hoti yathaham imina macchena na
samharami evam mam nangutthakkhandam gahetva tvam anudhavati.
Tam sutva itaro dutiyam gathamaha
gambhiracari bhaddante dalham ganhahi thamasa
aham tam uddharissami supanno uragammivati.
Tattha thamasati thamena. Uddharissamiti niharissami.
Supanno uragammivati garulo sappam viya.
Atha dvepi te ekato hutva rohitamaccham niharitva thale
thapetva maretva bhajehi tvam bhajehiti kalaham katva bhajetum
asakkonta thapetva nisidimsu. Tasmim khane sigalo tam thanam
anuppatto. Te tam disva ubhopi paccuggamanam katva ayam
samma dabbapuppha maccho amhehi ekato hutva gahito tam no
bhajetum asakkontanam vivado uppanno samakam no bhajetva dehiti
tatiyam gathamahamsu
vivado no samuppanno dabbapuppha sunohi me
samehi medhagam samma vivado vupasammatuti.
Tattha dabbapupphati dabbapupphasamanavannataya tam alapanti.
Medhaganti kalaham.
Tesam katham sutva sigalo attano balam dipento imam gathamaha
dhammatthoham pure asim bahuattamva tiritam
samehi medhagam samma vivado vupasammatuti.
Imam gatham vatva bhajento imam gathamaha
anutiracari nanguttham sisam gambhiracarino
accayam majjhimo khando dhammatthassa bhavissatiti.
Tattha pathamagathaya ayamattho aham pubbe rajunam vinicchayamacco
asim tena maya vinicchaye nisiditva bahuattamva tiritanti tesam
tesam brahmanagahapatikadinam bahuatta tirita vinicchita svaham
tumhadisanam samajatikanam catuppadanam attam tiretum kinna sakkhissami
aham vo samemi medhagam samma mam nissaya tumhakam vivado
vupasammatu upasammatuti. Evanca pana vatva maccham tayo kotthase
katva anutiracarika tvam nanguttham ganha sisam gambhiracarino hotu
accayam majjhimo khandoti api ca ayam majjhimo kotthaso.
Athava accati aticca ime dve kotthase atikkamitva thito
ayam majjhimo khando dhammatthassa vinicchayasamikassa mayham bhavissati.
Evam tam maccham vibhajitva tumhe kalaham akatva nangutthanca
sisanca khadathati vatva majjhimakkhandam mukhena damsitva tesam passanta-
nanneva payasi. Te sahassaparajita viya dummukha nisiditva
Chattham gathamahamsu
cirampi bhakkho abhavissa sace na vivademase
asisakam ananguttham sigalo harati rohitanti.
Tattha cirampiti dve tayo divase sandhaya vuttam.
Sigalopi ajja bhariyam rohitamaccham khadapessamiti tutthacitto
tassa santikam agami. Sa tam agacchantam disva abhinandamana
imam gathamaha
yathapi raja nandeyya rajjam laddhana khattiyo
evahamajja nandami disva punnamukham patinti.
Imam gatham vatva adhigamupayam pucchanti imam gathamaha
kathannu thalajo santo udake maccham paramasi
puttho me samma akkhahi katham adhigatam tayati.
Tattha kathannuti khada bhaddeti macchakkhande purato thapite
katham nu tvam thalajo samano udake maccham ganhiti pucchi.
Sigalo tassa adhigamupayam acikkhanto anantaram gathamaha
vivadena kisa honti vivadena dhanakkhaya
jina udda vivadena bhunja mayavi rohitanti.
Tattha vivadena kisa hontiti bhadde ime satta vivadam
karonta vivadam nissaya kisa appamamsalohita honti. Vivadena
dhanakkhayati hirannasuvannadinam dhananam khayapi vivadeneva honti.
Dvisupi vivadantesu eko parajito parajitatta dhanakkhayam papunati
Itaro jayabhagadanena. Jina uddati dve udda vivadeneva
imam maccham jina tasma tvam maya abhatassa uppattim ma puccha
kevalam imam bhunja mayavi rohitanti.
Itara abhisambuddhagatha
evameva manussesu vivado yattha jayati
dhammatthamatidhavanti so hi nesam vinayako
dhanapi tattha jiyanti rajakoso pavaddhatiti.
Tattha evamevati bhikkhave yatha ete udda jina evameva
manussesupi yasmim thane vivado jayati tattha manussa dhammattham
atidhavanti vinicchayasamikam upasankamanti. Kimkarana. So hi
nesam vinayako tesam vivadapannanam vivadavupasamakoti attho.
Dhanapi tatthati tattha te vivadapanna dhanatopi jiyanti attano
santaka parihayanti dandena ceva jayabhagaggahanena ca rajakoso
pavaddhatiti attho.
Sattha imam dhammadesanam aharitva jatakam samodhanesi tada
sigalo upanando ahosi dve udda dve mahallaka tassa
karanassa paccakkhakarika rukkhadevata pana ahamevati.
Dabbapupphajatakam pancamam.
The Pali Atthakatha in Roman Book 39 page 137-143.
http://84000.org/tipitaka/pitaka_item/read_rm.php?B=39&A=2726&modeTY=2
อรรถกถาบาลีอักษรไทย :-
http://84000.org/tipitaka/pitaka_item/read_th.php?B=39&A=2726&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=27&i=997
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=4359
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=4384
The Pali Tipitaka in Roman Character :-
http://84000.org/tipitaka/read/roman_read.php?B=27&A=4384
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]