Atthakatha Book 13 : PALI ROMAN
Sam.A. (sarattha.3)

                         6. Moggallanasamyutta
                    1-8. Pathamajhanapanhasuttadivannana
    [332-339] Moggallanasamyutte kamasahagatati pancanivaranasahagata.
Tassa hi pathamajjhana vutthitassa panca nivaranani santato upatthahimsu. Tenassa
tam pathamajjhanam hanabhagiyam nama ahosi. Tam pamadam natva sattha "ma
pamado"ti ovadam adasi. Dutiyajjhanadisupi iminava nayena attho veditabbo.
Arammanasahagatameva hettha "sahagatan"ti vuttam.
                      9. Animittapanhasuttavannana
     [340] Animittam cetosamadhinti niccanimittadini pahaya pavattam
vipassanasamadhiyeva sandhayetam vuttanti. Nimittanusarivinnanam hotiti evam
imina vipassanasamadhiviharena viharato vipassananane tikkhe sure vahamane. Yatha
nama purisassa tikhinena pharasuna rukkham chindantassa "sutthu vata me pharasu vahati"ti
khane khene pharasudharam olokentassa chejjakiccam na nipphajjati, evam therassapi
"suram vata me hutva nanam vahati"ti vipassanam arabbha nikanti uppajjati,
atha vipassanakiccam sadhetum nasakkhi. Tam sandhaya vuttam "nimittanusarivinnanam
hoti"ti. Sabbanimittanam amanasikara animittam cetosamadhim upasampajja vihasinti
sabbesam niccasukhaattanimittanam amanasikarena animittam vutthanagaminivipassana-
sampayuttam cetosamadhim nibbanarammanam upari maggaphalasamadhim upasampajja vihasim.
                      10-11. Sakkasuttadivannana
    [341-342] Aveccappasadenati acalappasadena. Dasahi thanehiti dasahi
karanehi. Adhiganhantiti abhibhavanti, atikkamitva titthanti. Sesam sabbattha
uttanatthamevati.
                    Moggallanasamyuttavannana nitthita.
                         --------------


             The Pali Atthakatha in Roman Book 13 page 151.
http://84000.org/tipitaka/pitaka_item/read_rm.php?B=13&A=3301&modeTY=2
             อรรถกถาบาลีอักษรไทย :-
http://84000.org/tipitaka/pitaka_item/read_th.php?B=13&A=3301&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=18&i=515
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=18&A=6846
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=18&A=6548
             The Pali Tipitaka in Roman Character :-
http://84000.org/tipitaka/read/roman_read.php?B=18&A=6548
             Contents of The Tipitaka Volume 18
http://84000.org/tipitaka/read/?index_18