AtthaPali Vol.9

9. Golissanisuttavannana ^1- [173] Evamme sutanti golissanisuttam. Tattha padarasamacaroti ^2- dubbalasamacaro olarikacaro, paccayesu sapekkho maharakkhitatthero viya. Tam kira upatthakakule nisinnam upatthako aha "asukattherassa me bhante civaram dinnan"ti. Sadhu te katam tamyeva takketva viharantassa civaram dentenati. Tumhakampi bhante dassamiti. Sadhu karissasi tamyeva takkentassati aha. Ayampi @Footnote: ¹ cha.Ma. goliyanisutta... ² cha.Ma. padasamacaroti Evarupo olarikacaro ahosi. Sappatissenati sajetthakena, na attanam jetthakam katva viharitabbam. Seriviharenati sacchandaviharena nirankusaviharena. Nanupakhajjati na anupakhajja na anupavisitva. Tattha yo dvisu mahatheresu ubhato nisinnesu te anapucchitvava civarena va januna va ghattento nisidati, ayam anupakhajja nisidati nama. Evam akatva pana attano pattaasanasantike thatva nisidavusoti vuttena nisiditabbam. Sace na vadanti, nisidami bhanteti apucchitva nisiditabbam. Apucchitakalato patthaya nisidati vuttepi avuttepi nisiditum vattatiyeva. Na patibahissamiti ettha yo attano pattasanam atikkamitva navakanam papunanatthane nisidati, ayam nave bhikkhu asanena patibahati nama. Tasmim hi tatha nisinne nava bhikkhu "amhakam nisiditum na deti"ti ujjhayanta titthanti va asanam va pariyesanta ahindanti. Tasma attano pattasaneyeva nisiditabbam. Evam na patibahati nama. Abhisamacarikampi dhammanti abhisamacarikavattapatipattimattampi. Natikalenati na atipato pavisitabbam, na atidiva patikkamitabbam, bhikkhusamghena saddhimyeva pavisitabbanca nikkhamitabbanca. Atipato pavisitva atidiva nikkhamantassa hi cetiyanganabodhiyanganavattadini parihayanti. Kalasseva mukham dhovitva makkatakasuttani chindantena ussavabindunipatentena gamam pavisitva yagum pariyesitva yava bhikkhakala antogameyeva nanappakaram tiracchanakatham kathentena nisiditva bhattakiccam katva diva nikkhamma bhikkhunam pade dhovanavelaya viharam paccagantabbam hoti. Na purebhattam pacchabhattam kulesu carittam apajjitabbanti "yo pana bhikkhu nimantito sabhatto samano santam bhikkhum anapuccha purebhattam va pacchabhattam va kulesu carittam apajjeyya, annatra samaya pacittiyan"ti ^2- imam sikkhapadam rakkhantena tassa vibhange vuttam purebhattanca pacchabhattanca carittam na apajjitabbanti. ^3- Uddhato hoti capaloti uddhaccapakatiko ceva hoti, civaramandanapattamandanasenasanamandana @Footnote: ¹ cha.Ma. vutte. ² vi. mahavi. 2/299/256 acelakavagga ³ cha.Ma. na apajjitabbam Imassa va putikayassa kelayana pandanati evam vuttena ca tarunadarakacapalyena ^1- samannagato. Pannavata bhavitabbanti civarakammadisu iti kattabbesu upayapannaya samannagatena bhavitabbanti. Abhidhamme abhivinayeti abhidhammapitake ceva vinayapitake ca palivasena ceva atthakathavasena ca yogo karaniyo. Sabbantimena hi paricchedena abhidhamme dukatikamatikahi saddhim dhammahadayavibhangam vina na vattati. Vinaye pana kammakammavinicchayena saddhim suvinicchitani dve patimokkhani vina na vattati. Aruppati ettavata atthapi samapattiyo vutta honti. Ta pana sabbena sabbam asakkontena sattasupi yogo karaniyo, chasupi .pe. Pancasupi. Sabbantimena paricchedena ekam kasinaparikammakammatthanam pagunam katva adaya vicaritabbam, ettakam vina na vattati. Uttarimanussadhammeti imina sabbepi lokuttaradhamme dasseti. Tasma arahantena hutva vihatabbam, arahattam anabhisambhunantena anagamiphale sakadagamiphale sotapattiphale va patitthatabbam. Sabbantimena pariyayena ekavipassanasukham yava arahatta pagunam katva adaya vicaritabbam. Sesam sabbattha uttanameva. Imam pana desanam ayasma sariputto neyyapuggalassa vasena abhisamacarikavattato patthaya anupubbena arahattam papetva nitthapesiti. Papancasudaniya majjhimanikayatthakathaya golissanisuttavannana nitthita. Navamam. -------------- @Footnote: ¹ cha.Ma. tarunadarakavacapalyena

The Pali Atthakatha in Roman Book 9 page 135-137. http://84000.org/tipitaka/pitaka_item/read_rm.php?B=9&A=3409&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=9&A=3409&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=13&i=203 เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=3865 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=4373 The Pali Tipitaka in Roman Character :- http://84000.org/tipitaka/read/roman_read.php?B=13&A=4373 Contents of The Tipitaka Volume 13 http://84000.org/tipitaka/read/?index_13