Atthakatha Book 34 : PALI ROMAN
Theri.A. (paramatthadi.)

                    454. 4. Sujatatherigathavannana
      alankata suvasanatiadika sujataya theriya gatha.
      Ayampi purimabuddhesu katadhikara tattha tattha bhave vivattupanissayam kusalam
upacinanti anukkamena sambhatavimokkhasambhara hutva imasmim buddhuppade saketanagare
setthikule nibbattitva vayappatta matapituhi samanajatikassa setthiputtassa
dinna hutva patikulam gata tattha tena saddhim sukhasamvasam vasanti ekadivasam uyyanam
gantva nakkhattakilam kilitva parijanena saddhim nagaram agacchanti anjanavane sattharam
disva pasannamanasa upasankamitva vanditva ekamantam nisidi. Sattha tassa
anupubbikatham kathetva kallacittatam natva upari samukkamsikam dhammadesanam pakasesi.
Sa desanavasane attano katadhikarataya nanaparipakagatatta ca satthu ca
desanavilasena yathanisinnava saha patisambhidahi arahattam patva sattharam vanditva
geham gantva samikanca matapitaro ca anujanapetva satthu anaya bhikkhunupassayam
gantva bhikkhuninam santike pabbaji. Pabbajitva ca attano patipattim paccavekkhitva
udanavasena:-
       [145] "alankata suvasana            malini candanokkhita
              sabbabharanasanchanna           dasiganapurakkhata.
       [146]  Annam panam ca adaya         khajjam bhojjam anappakam
              gehato nikkhamitvana          uyyanamabhiharayim.
       [147]  Tattha ramitva kilitva         agacchanti sakam gharam
              viharam datthum pavisim 1-        sakete anjanam vanam.
       [148]  Disvana lokapajjotam          vanditvana upavisim
              so me dhammamadesesi         anukampaya cakkhuma.
       [149]  Sutva ca kho mahesissa        saccam sampativijjhaham
              tattheva virajam dhammam           phusayim amatam padam.
       [150]  Tato vinnatasaddhamma         pabbajim anagariyam
              tisso vijja anuppatta       amogham buddhasasanan"ti
ima gatha abhasi.
      Tattha alankatati vibhusita. Tam pana alankatakaram dassetum "suvasana
malini candanokkhita"ti vuttam. Tattha maliniti maladharini. Candanokkhitati
candananulitta. Sabbabharanasanchannati hatthupagadihi sabbabharanehi alankaravasena
sanchaditasariRa.
      Annam panam ca adaya, khajjam bhojjam anappakanti saliodanadiannam
ambapanadipanam pitthakhadaniyadikhajjam avasittham aharasankhatam bhojjanca pahutam
gahetva. Uyyanamabhiharayinti nakkhattakilavasena uyyanam upanesim, annapanadim
tattha anetva saha parijanena kilanti ramanti paricaresinti adhippayo.
@Footnote: 1 Ma. viharam dakkhim pavisim, i. viharam datthum pavisim
      Sakete anjanam vananti saketasamipe anjanavane viharam pavisim.
      Lokapajjotanti nanapajjotena lokassa pajjotabhutam.
      Phusayinti phusim, tam 1- adhigacchinti attho. Sesam vuttanayameva.
                    Sujatatherigathavannana nitthita.
                         --------------


             The Pali Atthakatha in Roman Book 34 page 173-175.
http://84000.org/tipitaka/pitaka_item/read_rm.php?B=34&A=3724&modeTY=2
             อรรถกถาบาลีอักษรไทย :-
http://84000.org/tipitaka/pitaka_item/read_th.php?B=34&A=3724&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=26&i=454
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=9324
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=9376
             The Pali Tipitaka in Roman Character :-
http://84000.org/tipitaka/read/roman_read.php?B=26&A=9376
             Contents of The Tipitaka Volume 26
http://84000.org/tipitaka/read/?index_26