Atthakatha Book 9 : PALI ROMAN
Ma.A. (papa–ca.3)

                     "yo ve kilesani pahaya panca
                      paripunnasekho aparihanadhammo
                      cetovasippatto samahitindriyo
                      sa ve thitattoti naro pavuccati"ti. 1-
      Anagamipuggalo hi ekantaparipunnasekho. Tam sandhaya "sekhaya vijjaya
pattabban"ti aha. Mattassa pana ekacittakkhanikatta tattha thitassa puccha
nama natthi. Imina ca suttena maggopi bahucittakkhaniko hotuti ce. Etam
na buddhavacanam, vuttakathaya 2- ca attho virujjhati. Tasma anagamiphale thatva
arahattamaggassa vipassanam kathapetiti veditabbo. Yasma panassa na kevalam
suddhaarahattasseva upanissayo, channampi abhinnanam upanissayo atthi, tasma
bhagava "evamayam  samathe kammam katva panca abhinna nibbattessati, vipassanaya
kammam katva arahattam papunissati. Evam chalabhinno mahasavako bhavissati"ti
vipassanamaggam 3- akathetva samathavipassana acikkhi.
      [198] Sati sati ayataneti sati sati karane. Kim cettha karanam?
Abhinna va abhinnapadakajjhanam va avasane pana arahattam va karanam
arahattassa vipassana vati veditabbam.
      [200] Paricinno me bhagavati satta hi sekha bhagavantam paricaranti
nama, khinasavena bhagava paricinno hoti. Iti sankhepena arahattam byakaronto
thero evamaha. Te pana bhikkhu tam attham na janimsu, ajanantava tassa vacanam
sampaticchitva bhagavato arocesum. Devatati tesam gunanam labhidevata. Sesam
sabbattha uttanamevati.
                    Papancasudaniya majjhimanikayatthakathaya
                    mahavacchagottasuttavannana nitthita.
                              Tatiyam.
                          -------------
@Footnote: 1 an. catukka. 21/5/7 anusotasutta   2 cha.Ma. vuttagathaya   3 cha.Ma. vipassanamattam


             The Pali Atthakatha in Roman Book 9 page 149.
http://84000.org/tipitaka/pitaka_item/read_rm.php?B=9&A=3741&modeTY=2
             อรรถกถาบาลีอักษรไทย :-
http://84000.org/tipitaka/pitaka_item/read_th.php?B=9&A=3741&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=13&i=253
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=13&A=4441
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=13&A=5118
             The Pali Tipitaka in Roman Character :-
http://84000.org/tipitaka/read/roman_read.php?B=13&A=5118
             Contents of The Tipitaka Volume 13
http://84000.org/tipitaka/read/?index_13