AtthaPali Vol.33

367. 2. Sirimittattheragathavannana akkodhanotiadika ayasmato sirimittattherassa gatha. Ka uppatti? ayampi purimabuddhesu katadhikaro tattha tattha bhave vivattupanissayam kusalam upacinitva imasmim buddhuppade rajagahe mahaddhanakutumbikassa putto hutva nibbatti, sirimittoti laddhanamo. Tassa kira mata siriguttassa bhagini. Tassa vatthu dhammapadavannanayam agatameva. So siriguttassa bhagineyyo sirimitto vayappatto satthu dhanapaladamane laddhappasado pabbajitva vipassanaya kammam karonto na cirasseva arahattam patto ekadivasam patimokkham uddisitum asanam abhiruhitva cittabijanim gahetva nisinno bhikkhunam dhammam kathesi. Kathento ca ularatare gune vibhajitva dassento:- [502] "akkodhanonupanahi amayo rittapesuno sa ve tadisako bhikkhu evam pecca na socati. [503] Akkodhanonupanahi amayo rittapesuno guttadvaro sada bhikkhu evam pecca na socati. [504] Akkodhanonupanahi amayo rittapesuno kalyanasilo yo ^1- bhikkhu evam pecca na socati. [505] Akkodhanonupanahi amayo rittapesuno kalyanamitto yo ^1- bhikkhu evam pecca na socati. [506] Akkodhanonupanahi amayo rittapesuno kalyanapanno yo ^1- bhikkhu evam pecca na socati. [507] Yassa saddha tathagate acala supatitthita silanca yassa kalyanam ariyakantam pasamsitam. @Footnote: ¹ cha.Ma. so [508] Samghe pasado yassatthi ujubhutanca dassanam adaliddoti tam ahu amoghantassa jivitam. [509] Tasma saddhanca silanca pasadam dhammadassanam anuyunjetha medhavi saram buddhana sasanan"ti ima gatha abhasi. Tattha akkodhanoti akujjhanasilo. Upatthite hi kodhuppattinimitte adhivasanakhantiyam thatva kopassa anuppadako. Anupanahiti na upanahako, parehi katam aparadham paticca "akkocchi mam avadhi mam, ajini mam ahasi me"tiadina ^1- kodhassa anupanayhanasilo. Santadosapaticchadanalakkhanaya mayaya abhavato amayo. Pisuna- vacavirahitato rittapesuno. Sa ve tadisako bhikkhuti so tatharupo tathajatiko yathavuttagunasamannagato bhikkhu. Evam yathavuttapatipattiya pecca paraloke na socati sokanimittassa abhavato. Cakkhudvaradayo kayadvaradayo ca gutta pihita samvuta etassati guttadvaro. Kalyanasiloti sundarasilo suvisuddhasilo. Kalyana- mittoti:- "piyo garubhavaniyo vatta ca vacanakkhamo gambhiranca katham katta no catthane niyojaye"ti ^2- evam vibhavitalakkhano kalyanamitto etassati kalyanamitto. Kalyanapannoti sundarapanno. Yadipi panna nama asundara natthi. Niyyanikaya pana pannaya vasena evam vuttam. Evamettha kodhadinam vikkhambhanavasena samucchedavasena ca akkodhanadimukhena puggaladhitthanaya gathaya sammapatipattim dassetva idani @Footnote: ¹ khu.dhamMa. 25/3-4/15 tissattheravatthu, vinaYu.maha. 5/464/246 kosambikakkhandhaka, @Ma.upari. 14/237/203 upakkilesasutta ² an.sattaka. 23/34/33 dutiyasakhasutta (sya) Nipphattitalokuttarasaddhadike uddharitva ^1- puggaladhitthanayaeva gathaya samma- patipattim dassento "yassa saddha"tiadimaha. Tassattho:- yassa puggalassa tathagate sammasambuddhe "itipi so bhagava"tiadinayappavatta maggenagatasaddha tatoeva acala avikampa sutthu patitthita. "atthi"ti padam anetva sambandhitabbam. Ariyakantanti ariyanam kantam piyayitam bhavantarepi avijahanato. Pasamsitanti buddhadihi pasattham, vannitam thomitam atthiti yojana. Tam panetam silam gahatthasilam pabbajitasilanti duvidham. Tattha gahatthasilam nama pancasikkhapadasilam, yam gahatthena rakkhitum sakka. Pabbajitasilam nama dasasikkhapadasilam upadaya sabbam catuparisuddhisilam, tayidam sabbampi akhandadibhavena aparamatthataya "kalyanan"ti veditabbam. Samghe pasado yassatthiti "supatipanno bhagavato savakasamgho"tiadina ariyasamghe pasado saddha yassa puggalassa atthi acalo suppatitthitoti anetva yojetabbam. Ujubhutanca dassananti ditthivankabhavato kilesavankabhavato ca ujubhutam akutilam ajimha kammassakatadassananceva sapaccayanamarupadassanancati duvidhampi dassanam yassa atthi acalam suppatitthitanti yojana. Adaliddoti tam ahu saddhadhanam siladhanam sutadhanam cagadhanam pannadhananti imesam suvisuddhanam dhananam atthitaya "adaliddo"ti tam tadisam puggalam buddhadayo ariya ahu. Amogham tassa jivitam tassa tatharupassa jivitam ditthadhammikadiatthadhigamena amogham avanjham, saphalamevati ahuti attho. Tasmati yasma yathavuttasaddhadigunasamannagato puggalo "adaliddo amogha- jivito"ti vuccati, tasma ahampi tatharupo bhaveyyanti. Saddhanca .pe. Sasananti "sabbapapassa akaranan"tiadina ^2- vuttam buddhanam sasanam anussaranto kulaputto vuttappabhedam saddhanceva silanca dhammadassanahetukam dhamme sunicchaya vimokkhabhutam pasadanca anuyunjeyya vaddheyyati. @Footnote: ¹ Si.,i. nibbinditam lokiyasaddhadito uddharitva lokuttarasaddhadike @patitthapetva ² khu.dhamMa. 25/183/49 anandattherapanhavatthu, @di.maha. 10/90/43 mahapadanasutta Evam thero bhikkhunam dhammadesanamukhena attani vijjamane gune pakasento annam byakasi. Sirimittattheragathavannana nitthita. ---------------

The Pali Atthakatha in Roman Book 33 page 168-171. http://84000.org/tipitaka/pitaka_item/read_rm.php?B=33&A=3848&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=33&A=3848&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=367 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6829 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6961 The Pali Tipitaka in Roman Character :- http://84000.org/tipitaka/read/roman_read.php?B=26&A=6961 Contents of The Tipitaka Volume 26 http://84000.org/tipitaka/read/?index_26