AtthaPali Vol.38

Supattavaggavannana -------- bhadraghatabhedakajatakam sabbakamadadam kumbhanti idam sattha jetavane viharanto anathapindikassa bhagineyyam arabbha kathesi. So kira matapitunam santaka cattalisahirannakotiyo panabyasanena nasetva setthissa santikam agamasi. Sopissa voharam karohiti sahassam adasi. Tampi nasetva puna agamasi. Punassa pancasatani dapesi. Tani nasetva puna agatassa dve thulasatake dapesi. Tepi nasetva agatam givayam gahapetva niharapesi. So anatho hutva parakuddam nissaya kalamakasi. Tametam kaddhitva bahi chaddesum. Anathapindiko viharam gantva sabbantam bhagineyyassa pavuttim tathagatassa arocesi. Sattha kim tvam etam santappessasi yamaham pubbe sabbakamadadam kumbham datvapi santappetum nasakkhinti vatva tena yacito atitam ahari. Atite baranasiyam brahmadatte rajjam karente bodhisatto setthikule nibbattitva pitu accayena setthitthanam labhi. Tassa gehe bhumigatameva cattalisakotidhanam ahosi. Putto panassa ekoyeva. Bodhisatto danadini punnani katva kalakato sakko devaraja hutva nibbatti. Athassa putto kinci danavattam avicaretva mandapam karetva mahajanaparivuto nisiditva suram patum Arabhi. So langhanadhavananaccagitadini karontanam sahassam sahassam dadamano itthisondasurasondamamsasondadibhavam apajjitva tvam gitam tvam naccam tvam vaditanti samajjatthikova pamatto hutva ahindanto nacirasseva cattalisakotidhanam upabhogaparibhogupakaranani ca nasetva duggato kapano pilotikam nivasetva vicarati. Sakko avajjento tassa duggatabhavam natva puttapemenagantva sabbakamadadam kumbham datva tata yatha ayam kumbho na bhijjati tatha nam rakkha imasminca te sati dhanasseva paricchedo nama na bhavissati appamatto hohiti ovaditva devalokameva gato. So tato patthaya suram pivanto vicarati. Athekadivasam atimatto tam kumbham akase khipitva sampaticchanto ekavaram virajjhi. Kumbho bhumiyam patitva bhijji. Tato patthaya puna daliddo hutva pilotikam nivasetva kapalahattho bhikkham caranto parakuddam nissaya kalamakasi. Sattha imam dhammadesanam aharitva sabbakamadadam kumbham kutam laddhana dhuttako yava nam anupaleti tava so sukhamedhati yada matto ca ditto ca pamada kumbhamabbhida tato naggo ca pottho ca paccha balo vihannati evameva dhanam laddha pamatto ^1- paribhunjati paccha tappati dummedho kutam bhitvava dhuttakoti @Footnote: ¹ amatto. Ima abhisambuddhagatha vatva jatakam samodhanesi. Tattha sabbakamadadanti sabbe vatthukame datum samattham kumbham. Kutanti kumbhavevacanam. Yavati yattakam kalam. Anupaletiti yokoci evarupam labhitva yava rakkhati tava so sukhamedhatiti attho. Matto ca ditto cati suramadena matto dappena ditto ca. Pamada kumbhamabbhidati pamadena kumbham bhindi. Naggo ca pottho cati kadaci naggo kadaci potthakapilotikaya nivatthatta pottho. Evamevati evameva. Pamattoti pamadena ^1-. Tappatiti socati. Tada bhadraghatabhedako dhutto setthibhagineyyo ahosi sakko pana ahamevati. Bhadraghatabhedakajatakam pathamam --------

The Pali Atthakatha in Roman Book 38 page 197-199. http://84000.org/tipitaka/pitaka_item/read_rm.php?B=38&A=4096&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=38&A=4096&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=472 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2482 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2443 The Pali Tipitaka in Roman Character :- http://84000.org/tipitaka/read/roman_read.php?B=27&A=2443 Contents of The Tipitaka Volume 27 http://84000.org/tipitaka/read/?index_27