AtthaPali Vol.55

5. Vacibhedakathavannana [326] Idani vacibhedakatha nama hoti. Tattha yesam "sotapattimaggakkhane pathamajjhanam samapannassa dukkhanti vaca bhijjati"ti laddhi seyyathapi etarahi pubbaseliyadinam, te sandhaya samapannassa atthi vacibhedoti puccha sakavadissa, laddhiyam thatva patinna paravadissa. Puna sabbatthati tayo bhave sandhaya puttho arupam sandhaya patikkhipati. Sabbadati kalavasena puttho pathamamaggakkhane pathamajjhanikasamapattito annam sabbam samapattikalam sandhaya patikkhipati. Sabbesam samapannananti puttho lokiyasamapattiyo samapanne sandhaya patikkhipati. Sabbasamapattisuti puttho dutiyajjhanikam ^1- lokuttaram sabbanca lokiyasamapattim sandhaya patikkhipati. Kayabhedoti abhikkamadivasena pavatta kayavinnatti. Idam "yani cittani vacivinnattim samutthapenti, taneva kayavinnattim, evam sante kasma kayabhedopi na hoti"ti codanattham pucchati, itaro laddhivasena patikkhipati ceva patijanati ca. Idani yadi so maggakkhane "dukkhan"ti vacam bhasati, "samudayo"tiadikampi bhaseyya. Yadi va tam na bhasati, itarampi na bhaseyyati codanattham dukkhanti janantotiadayo panha vutta, itaro pana attano laddhivaseneva patijanati @Footnote: ¹ cha.Ma. dutiyajjhanadikam Ceva patikkhipati ca. Lokuttaram pathamajjhanam samapanno dukkham dukkhanti vipassatiti hissa laddhi. [328] Nananti lokuttaram catusaccananam. Sotanti sotavinnanam adhippetam, yena tam saddam sunati. Dvinnam phassananti sotasamphassamanosamphassanam. [329] No vata re vattabbeti yadi avisesena yankinci samapannassa natthi vacibhedo, na avisesena vattabbam "samapannassa atthi vacibhedo"ti. Sesamettha uttanatthameva saddhim suttasadhanaya. Yampanetam ^1- "sikhissa ananda bhagavato"ti pariyosane suttam abhatam, tattha yena samapatticittena so vacibhedo samutthito, kayabhedopi tena samutthatiyeva, na ca tam lokuttaram pathamajjhanacittam, tasma asadhakanti. Vacibhedakathavannana nitthita. -----------

The Pali Atthakatha in Roman Book 55 page 183-184. http://84000.org/tipitaka/pitaka_item/read_rm.php?B=55&A=4110&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=55&A=4110&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i=665 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=4860 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=4718 The Pali Tipitaka in Roman Character :- http://84000.org/tipitaka/read/roman_read.php?B=36&A=4718 Contents of The Tipitaka Volume 36 http://84000.org/tipitaka/read/?index_36