AtthaPali Vol.14

Uyyanapalo tam theram ^1- disva ranno santikam gantva "deva me ayyo purohitakaccayano pabbajitva uyyanam agato"ti aha. Raja candapajjoto ^2- uyyanam gantva katabhattakiccam theram pancapatitthitena vanditva ekamantam nisinno "kaham bhante bhagava"ti pucchi. Sayam sattha anagantva mam pesesi maharajati. Kaham bhante ajja bhikkham alatthati. Thero ranno pucchasabhagena sabbam setthidhitaya katam dukkaram arocesi. Raja therassa vasanatthanam patiyadetva theram nimantetva nivesanam gantva setthidhitaram aharapetva ^3- aggamahesitthane thapesi. Imissa itthiya ditthadhammiko ca yasapatilabho ahosi. Tato patthaya raja therassa mahasakkaram karoti. Therassa dhammakathaya pasiditva mahajano therassa santike pabbaji. Tato patthaya sakalanagaram ekakasavapajjotam isivatapativatam ^4- ahosi. Sapi devi gabbham labhitva dasamasaccayena puttam vijayi. Tassa namagahanadivase gopalakumaroti pitamahasetthino ^5- namam akamsu. Sa puttassa namavasena gopalamata nama devi jata. Sa devi there ativiya pasiditva rajanam sampaticchapetva kancanavanuyyane therassa viharam karesi. Thero ujjeninagaram pasadetva puna satthu santikam gato. Atha sattha aparabhage jetavane viharanto madhupindikasuttantam ^6- kaccayanapeyyalam ^7- parayanasuttanti ime tayo suttante atthuppattim katva theram sankhittena bhasitassa vittharena attham vibhajantanam aggatthane thapesiti. Pathamavaggavannana nitthita. ---------------- @Footnote: ¹ Si. there ² Si. chandajato ³ cha.Ma. anapetva ⁴ Si.....parivatam @⁵ cha.Ma. matamahasetthino ⁶ cha.Ma. madhupindikasuttam, @Ma.mu. 12/199/168 ⁷ pali. mahakaccayanabhaddekarattasutta, Ma.u. 14/279/248

The Pali Atthakatha in Roman Book 14 page 188. http://84000.org/tipitaka/pitaka_item/read_rm.php?B=14&A=4456&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=14&A=4456&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=146 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=628 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=618 The Pali Tipitaka in Roman Character :- http://84000.org/tipitaka/read/roman_read.php?B=20&A=618 Contents of The Tipitaka Volume 20 http://84000.org/tipitaka/read/?index_20